LEBI GƏ̄ 1:7 - Bibəl ta Sar̄

⁷ Ngé tun̄ yá̰a̰ gə̄ a rāān̄ hor dɔ loo tun̄ yá̰á̰ tə́ ō, a tə́nīn̄ kīr̄ horoó ō.

Bible sar

⁷ Ngé tun̄ yá̰a̰ gə̄ a rāān̄ hor dɔ *loo tun̄ yá̰á̰ tə́ ō, a tə́nīn̄ kīr̄ horoó ō.

LEBI GƏ̄ 1:7 Referans Kwoze

TA KƏLA 22:9

Dan ń ugə̄n̄ loo ń Nə́ɓā ɔjə Abəraham tə́ ní anī, Abəraham ɔy kūbə̄rū mbal̄ gə̄ tə́ndā dɔ naā tə́ rāań loo tun̄ yá̰a̰, ba ɔsə̄ kīr̄ dɔ tə́. Ni-do̰ō̰ ngōnə̄n Isaak ənīn dɔ kīr̄ ní tə́.

MALASI 1:10

Kə́ só tə́ i kadə̄ deē kógə̄ḿ kə́ dansí tə́ utə̄ ta róbə́ kújə gə̄ yā Kɔ́ɔ̄ɓē kɔ̄ɔ́. I beé tá ā āwīiń dɔ loo tun̄ yá̰a̰ yāḿ tə́ yā rāā hor ndāńg alé. Tām̄ mā Kɔ́ɔ̄ɓē kə́ bo kə́ tɔ́gə́ḿ i ngá̰ý nelə̄m̄ ka̰a̰sí aĺ ō, yá̰a̰ ndējə̄ gə̄ ń ī-reēiń ādə̄mī ní, nelə̄m̄ aĺ ō.

NEHEMI 13:31

M-ādə̄ de gə̄ tél ndējə̄n̄ kīr̄ gogə́ kə ndɔ̄n gēé ō, ndējə̄n̄ kan̄ yá̰á̰ kə́ teē ta kəga dɔ gə̄ ō. Nə́ɓā yāḿ, ādə̄ əga kemií dɔḿ tə́ tām̄ yā yá̰á̰ kə́ majə tə́!

2 YÁ̰A̰ GƏ̄ 7:1

Dan ń Salomo̰ ndɔ̄ȳ Nə́ɓā oy anī yá̰a̰ tun̄ kə́ yā róō horoó ō, yá̰a̰ tun̄ kə́ tām̄ yā kem kógə̄ḿ tə́ ō ní, hor ḭḭ dɔ rā̰ tə́ əsō dɔ tə́ o̰o̰ malang ō, kɔsə gɔn yā Kɔ́ɔ̄ɓē taā loo malang kem kújə yā Kɔ́ɔ̄ɓē tə́ ō.

1 YÁ̰A̰ GƏ̄ 21:26

Ni-rāā loo tun̄ yá̰a̰ tām̄ yā Kɔ́ɔ̄ɓē tə́ loo ní tə́, ba ndējə̄n yá̰a̰ tun̄ kə́ róō horoó ō, yá̰a̰ tun̄ kə́ tām̄ yā kem kógə̄ḿ tə́ ō dɔ tə́. Gō tə́ anī ni ɓāŕ Kɔ́ɔ̄ɓē, anī Kɔ́ɔ̄ɓē ndigə ɓār̄ yān ba rāā adə̄ hor ḭḭ dɔ rā̰ tə́ reē o̰o̰ yá̰a̰ tun̄ gə̄ ń ton̄ dɔ loo tun̄ yá̰á̰ tə́ ní.

LEBI GƏ̄ 9:24

Hor teē rɔ̄ Kɔ́ɔ̄ɓē tə́ o̰o̰ dā̰ kə́ yā róō horoó kadə̄ Kɔ́ɔ̄ɓē ō, yibə̄ dā̰ gə̄ ō ń ton̄ dɔ loo tun̄ yá̰á̰ tə́ ní adə̄ ngán Israel gə̄ malang a̰a̰n̄. Nin̄-əgan̄ kɔŕ rɔ̄nel̄ ba ɔsən̄ nodə́ nang tə́ rɔȳnəń Kɔ́ɔ̄ɓē.

LEBI GƏ̄ 6:8

Nge tun̄ yá̰a̰ a ɔdə dɔ ndujə̄ kə́ kə yibīí ní ō, kajaja kə́ dɔ tə́ malang ō, yā róō horoó dɔ loo tun̄ yá̰á̰ tə́. Nge ń noō i yá̰á̰ kə́ ɔjə kadə̄ yá̰a̰ ndējə̄ ní, i kə́ kadə̄ kə taá malang. I yá̰á̰ kə́ sēēn nel̄ Kɔ́ɔ̄ɓē.

1 MBAN̄G GƏ̄ 18:33

Ni ɔsə̄ kīr̄ dɔ loo tun̄ yá̰á̰ ní tə́ ba górīyō dā̰ man̄g kə́ bəra ní ɓōkə́ dɔ tə́.

1 YÁ̰A̰ GƏ̄ 6:34

Aaro̰ nin̄ kə ngánən gēé rāān̄ i kəla róō dā̰ kə́ tun̄ gə̄ dɔ loo tun̄ yá̰á̰ kə́ róó tə́ ō, i kəla róō ndujə̄ yá̰á̰ kə́ kotə majə gə̄ dɔ loo róō ndujə̄ yá̰á̰ kə́ kotə majə gə̄ tə́ ō. Nin̄ i ngé kəndā kumdə́ gíŕ yá̰a̰ malang kə́ kem loo kə́ táĺ ngá̰ý tə́ ō, ngé rāā yá̰á̰ kə́ yā kadə̄ Nə́ɓā mā̰yń rɔ̄n dɔ majaĺ tə́ tām̄ yā ngán Israel gə̄ tə́ ō. Nin̄-unən̄ i gō yá̰a̰ malang ń Moijə nge kəla yā Nə́ɓā əda ni n rāān̄neé yá̰a̰ gə̄ ń noō ní.