LEBI GƏ̄ 1:5 - Bibəl ta Sar̄

⁵ Ni a əja kɔ́ɔ dā̰ ní ta kum Kɔ́ɔ̄ɓē tə́. Ngé tun̄ yá̰a̰ gə̄ ń ngán Aaro̰ gə̄ ní a ndējə̄n̄ Kɔ́ɔ̄ɓē mósə dā̰ ní pá tá a sə̄kān̄ kadə̄ gīr̄ gidə loo tun̄ yá̰á̰ ń ra ta kújə kənge naā tə́ ní.

Bible sar

⁵ Ni a əja kɔ́ɔ dā̰ ní ta kum Kɔ́ɔ̄ɓē tə́. *Ngé tun̄ yá̰a̰ gə̄ ń ngán *Aaro̰ gə̄ ní a ndējə̄n̄ Kɔ́ɔ̄ɓē mósə dā̰ ní pá tá a sə̄kān̄ kadə̄ gīr̄ gidə *loo tun̄ yá̰á̰ ń ra ta *kújə kənge naā tə́ ní.

LEBI GƏ̄ 1:5 Referans Kwoze

LEBI GƏ̄ 3:8

A əndā jīn dɔ tə́ tá a əja kɔ́ɔn ta kújə kənge naā tə́ ngé tun̄ yá̰a̰ gə̄ a sə̄kān̄ mósən gīr̄ gidə loo tun̄ yá̰a̰.

LEBI GƏ̄ 1:11

Ni a ra i dām̄ loo tun̄ yá̰á̰ kə́ dām̄ mbɔ́r ɓē kə́ ko̰ó̰ tə́ n a əjań kɔ́ɔn ta kum Kɔ́ɔ̄ɓē tə́ ní. Ngé tun̄ yá̰a̰ gə̄ a sə̄kān̄ mósən dɔ loo tun̄ yá̰á̰ tə́ kadə̄ gīr̄ gidə.

LEBI GƏ̄ 3:2

Ni a əndā jīn dɔ tə́ pá tá a əja kɔ́ɔn ta kújə kənge naā tə́ ɓáý. Nge tun̄ yá̰a̰ gə̄ ń i ngán Aaro̰ gə̄ ní a sə̄kān̄ mósən kadə̄ gīr̄ gidə loo tun̄ yá̰a̰.

1 PIYER 1:2

Bɔbə̄jí Nə́ɓā gə̄rāsí i kə gō ń ni-núməń kété ní, adə̄ sḭḭ̄ i deē yān gə̄ kə ta kūl̄ Ndílən, yā kadə̄ ōōī ta Jeju Kərist ō, kadə̄ mósən tə́go majaĺ yāsí gə̄ kadə̄ kemsí ndaa táĺ táĺ ō. Ādə̄ Nə́ɓā rajəsí ngá̰ý ō, sɔl̄ kemsí ngá̰ý ō!

HEBƏRO 12:24

Sḭḭ̄ ī-ndɔ́tī i kə̄ rɔ̄ Jeju tə́, ni i nge ra mbənā de gə̄ tə́ kə Nə́ɓāá tām̄ yā madə̄ naā kə́ kijə tə́ ō, kə̄ ta mósə́ Jeju kə́ a̰ȳ nang tə́ tə́, mósən ní ɔr̄ najə̄ majə tɔȳ yā Abel.

2 YÁ̰A̰ GƏ̄ 35:11

De gə̄ tɔ̄lə̄n̄ dā̰ Pákə gə̄ ní, taān̄ mósə́də́ adə̄n̄ ngé tun̄ yá̰a̰ gə̄, anī ngé tun̄ yá̰a̰ gə̄ taā ɓōkə́n̄ dɔ loo tun̄ yá̰á̰ tə́. Kəla rāā ngán Lebi gə̄ i tóo dā̰.

LEBI GƏ̄ 3:13

A əndā jīn dɔ bə̄yā̰ ní tə́ tá a əja kɔ́ɔn ta kújə kənge naā tə́. Ngé tun̄ yá̰a̰ gə̄ a sə̄kān̄ mósə kadə̄ gīr̄ gidə loo tun̄ yá̰a̰.

Teē Ngán Israel gə̄ 29:16

Ā ə́já míndə bal batə̄ ní, ā ī-taā mósən yā rāā dɔ loo tun̄ yá̰á̰ tə́ kadə̄ gīr̄ gidə.

HEBƏRO 10:11

Ngé tun̄ yá̰a̰ gə̄ kógə̄ḿ kógə̄ḿ a ran̄ kə njdadə́ kə́ dɔɔ́ kə ndɔ̄ gə̄ ndɔ̄ gə̄ yā rāań kəla yā Nə́ɓā. I yá̰a̰ tun̄ kə́ kógə̄ḿ beē nəkɔ́ ń noō n nin̄ a ndējə̄n̄ ngándáńg ní, banī yá̰a̰ tun̄ ní asə kun majaĺ kɔ̄ɔ́ alé.

MISE 6:6

Dan ń m-ɔ́sə kejəḿ nang tə́ no Kɔ́ɔ̄ɓē ń i Nə́ɓā kə́ dɔɔ́ sa̰y tə́ ní, yá̰á̰ ń kadə̄ m̄-ndējə̄ ní i rí? Kə m̄-ndējə̄n i duĺ man̄g kə́ bəra gə̄ ō, kə m̄-róōdə́ horoó kə taá malang yá̰a̰ tun̄ tə́ ō a?

EJEKIEL 36:25

M-ā m̄-ɓōkə́ man̄ kə́ unjə̄ njáý njáý dɔsí tə́, adə̄ sḭḭ̄ ā ūnjī njáý njáý. M-ā m̄-tə́gó yá̰á̰ kə́ yḛr gə̄ ń sḭḭ̄ ī-rāāī tām̄ yā nə́ɓā kə́ rɔ̄kum aĺ gə̄ tə́ ní kɔ̄ɔ́ rɔ̄sí tə́ kadə̄ ā ūnjī njáý njáý. M-ā m-ādə̄sí ngarā̰ kem kə́ kijə. M-ā m-ə̄ndā ndíĺ kə́ kijə kemsí tə́. M-ā m-ɔ̄r̄ kemsí kə́ ngan̄g tītə̄ mbal̄ kɔ̄ɔ́, ba m-ā m-ādə̄sí kem kə́ to dā̰

IJAI 52:15

Ba ngɔlaā ní, a ɔr kum nápar de gə̄ ngá̰ý najə̄ yān tə́, mban̄g gə̄ a ndin̄ non tə́ kanjə̄ kəda yá̰á̰ kógə̄ḿ. Tām̄ yá̰á̰ ń nin̄ a̰a̰n̄ ní, to tītə̄ yá̰á̰ ń ənīn̄də́ gotə ní aĺ ō, yá̰á̰ ń nin̄ əndān̄ ma̰ȳ ní, teēn̄ naā kə yá̰á̰ ń ədan̄də́ adə̄ oōn̄ ní aĺ ō.

TƏ́DA 18:17

Banī hágə man̄g ō, batə̄ ō, bə̄yā̰ ō ní, ā ādī deē ta róbə gān̄g dɔ alé. Nin̄ i dā̰ kə́ yā ɓōĺ gidə gə̄. Ā ī-bōkíī mósə́də́ dɔ loo tun̄ yá̰á̰ tə́ ō, ā ī-róōī yibə̄də́ horoó kadə̄ sēēn nel̄ Kɔ́ɔ̄ɓē ō.

LEBI GƏ̄ 16:15

A əja kɔ́ɔ bal bə̄yā̰ kə́ tun̄ tām̄ yā majaĺ yā ngán Israel gə̄ tə́ ní ō, a reē kə mósəneé kem loo kə́ táĺ ngá̰ý ń gāngə̄n̄ gír kə kūbūú tə́ ní ō. I yá̰á̰ ń ni rāā kə mósə mangá ní n a rāā kə mósə bal bə̄yā̰á̰ ní. Ni a sə̄kā mósə́ ní dɔ yá̰a̰ ta sandúkə́ tə́ ō, non tə́ ō.

LEBI GƏ̄ 1:15

Nge tun̄ yá̰á̰ a aw̄ kə yel̄ ní ta loo tun̄ yá̰á̰ tə́. Ni a gān̄g dɔ yā róō dɔ tə́. Gō tə́ anī ni a kə̄rā mósə yel̄ ní kadə̄ loo tun̄ yá̰á̰ tə́.

Teē Ngán Israel gə̄ 29:11

Ā ə́já míndə man̄g kə́ bəra ní ta kum Kɔ́ɔ̄ɓē tə́, ta kújə kənge naā tə́.

LEBI GƏ̄ 4:29

A əndā jīn dɔ kó̰o̰ bə̄yā̰ ní tə́ ō, a əja kɔ́ɔn loo ń a əjan̄ kɔ́ɔ dā̰ kə́ yā róō horoó kadə̄ Kɔ́ɔ̄ɓē tū tə́ ní tə́ ō.

LEBI GƏ̄ 4:33

Ni a əndā jīn dɔ batə̄ ní tə́ ō, a əja kɔ́ɔn loo ń a əjan̄ kɔ́ɔ dā̰ kə́ yā róō horoó kadə̄ Kɔ́ɔ̄ɓē tū tə́ ní tə́ ō.

LEBI GƏ̄ 17:11

Tɔdɔ̄ dā̰ rɔ̄ a ndi kə kumuú i kə ta kūl̄ mósə. Ba ādə̄ ī-rāāī mósə dɔ loo tun̄ yá̰á̰ tə́ i yā kutə̄ń dɔ majaĺ yāsí gə̄ tām̄ mósə a utə̄ dɔ majaĺ gə̄ tɔdɔ̄ mósə́ ní asə rāā kadə̄ deē ndi kə kumuú.

1 SAMUEL 1:25

Ana nin̄ kə ngaaneé tɔ̄lə̄n̄ man̄g kə́ bəra ní ba tun̄ adə̄n̄ Nə́ɓā. Gō tə́ anī aw̄n̄ kə ngōn̄ ní rɔ̄ Eli tə́.

EJEKIEL 43:18

Deē ní ədam̄ na: Ḭ̄ ngōn̄ deē, ōō yá̰á̰ Kɔ́ɔ̄ɓē Nə́ɓā ədaī kadə̄ ī-rāā ní: Ndɔ̄ ń a rāānəń loo tun̄ yá̰á̰ tə́ yā ndējəń yá̰a̰ tun̄ kə́ kə taá malang ō, yā ɓōkə́nń mósə dā̰ gə̄ tə́ ō ní, jī bēl̄ loo rāā yá̰a̰ gə̄ n toó:

Teē Ngán Israel gə̄ 40:6

Ā ə̄ndā loo tun̄ yá̰á̰ kə́ kadə̄ róōn̄ dā̰ kə́ tun̄ gə̄ dɔ tə́ ta kújə ndi yāḿ ń i kújə kənge naā ní tə́.

LEBI GƏ̄ 4:7

Nge tun̄ yá̰a̰ a ɔdə mósə́ ní yā rāā ta gajə gə̄ kə́ dɔ loo róō ndujə yá̰a̰ kotə majə kə́ kem kújə kənge naā tə́ ta kum Kɔ́ɔ̄ɓē tə́. Gō tə́ anī a ɓōkə́ gotə mósə ní nja loo tun̄ yá̰á̰ ń ra ta kújə kənge naā tə́ ní.