LEBI GƏ̄ 1:4 - Bibəl ta Sar̄

⁴ gō tə́ anī ni a əndā jīn dɔ dā̰ ń Kɔ́ɔ̄ɓē ndigə tə́ ní, yā rāań yá̰á̰ kə́ yā kutəń dɔ majaĺ yān.

Bible sar

⁴ gō tə́ anī ni a əndā jīn dɔ dā̰ ń Kɔ́ɔ̄ɓē ndigə tə́ ní, yā rāań yá̰á̰ kə́ yā kutəń dɔ majaĺ yān.

LEBI GƏ̄ 1:4 Referans Kwoze

LEBI GƏ̄ 4:26

Ni a róō yibə̄n gə̄ malang horoó dɔ loo tun̄ yá̰á̰ tə́, tītə̄ ń róōń yibə̄ dā̰ kə́ tun̄ tām̄ yā kem kógə̄ḿ tə́ ní. Ré nge tun̄ yá̰a̰ rāā yá̰á̰ kə́ yā kutə̄ń dɔ majaĺ yā ngār oy anī, Nə́ɓā a mā̰ȳ rɔ̄n dɔn tə́.

LEBI GƏ̄ 4:20

Yá̰á̰ ń ni-rāā kə man̄g kə́ bəra ń ni tun̄ tām̄ majaĺ yān nəkɔ́ tə́ ní, a rāā kə man̄g ń noō ō. Ré ngé tun̄ yá̰a̰ rāā yá̰á̰ kə́ yā kutə̄ń dɔ majaĺ yādə́ oy anī, Nə́ɓā a mā̰ȳ rɔ̄n dɔdə́ tə́.

LEBI GƏ̄ 3:8

A əndā jīn dɔ tə́ tá a əja kɔ́ɔn ta kújə kənge naā tə́ ngé tun̄ yá̰a̰ gə̄ a sə̄kān̄ mósən gīr̄ gidə loo tun̄ yá̰a̰.

LEBI GƏ̄ 3:2

Ni a əndā jīn dɔ tə́ pá tá a əja kɔ́ɔn ta kújə kənge naā tə́ ɓáý. Nge tun̄ yá̰a̰ gə̄ ń i ngán Aaro̰ gə̄ ní a sə̄kān̄ mósən kadə̄ gīr̄ gidə loo tun̄ yá̰a̰.

Teē Ngán Israel gə̄ 29:15

Gō tə́ anī a reēn̄ kə bal batə̄ kə́ ta kəga dɔɔ́. Aaro̰ nin̄ kə ngánən gēé a əndān̄ jīdə́ dɔn tə́.

Teē Ngán Israel gə̄ 29:10

A reēn̄ kə man̄g kə́ bəra ní ta kújə kənge naā tə́. Aaro̰ nin̄ kə ngánən gēé a əndān̄ jīdə́ dɔn tə́.

1 JA̰A̰ 2:2

Ni-tun̄ yá̰a̰ i tām̄ majaĺ yājí gə̄ tə́. Ba tun̄ yá̰a̰ yān ní i tām̄ majaĺ yājí jḭḭ̄ gə̄ tə́ ngóy alé, ba i tām̄ majaĺ yā de gə̄ malang kə́ dɔ nang tə́ ō.

Makətūbə̄ ń Pol ndang adə̄ Rom gə̄ ní 12:1

Ngákó̰ó̰ḿ gə̄, i tām̄ ko̰o̰ kə́ kum Nə́ɓā o̰o̰n sesí ngá̰ý tə́ n m-ā m̄-dəjeńsí yá̰á̰ ń toō ní: Ī-ndējī Nə́ɓā rɔ̄sí tītə̄ yá̰a̰ tun̄ kə́ kə kumuú, kə́ kɔr̄ kam̄ tām̄ yā Nə́ɓā tə́ ō, kə́ nelə̄n ō. I nge ń noō n i rāā kəla kadə̄ Nə́ɓā kə́ gōtə́ yāsí ní.

LEBI GƏ̄ 4:31

A ɔr̄ yibə̄n malang tītə̄ ń ɔrə̄ń yibə̄ dā̰ kə́ tun̄ tām̄ kem kógə̄ḿ tə́ ní, yā róō horoó dɔ loo tun̄ yá̰á̰ tə́ kadə̄ sēēn nel̄ Kɔ́ɔ̄ɓē. Ré nge tun̄ yá̰a̰ rāā yá̰á̰ kə́ yā kutə̄ń dɔ majaĺ ní oy anī, Nə́ɓā a mā̰ȳ rɔ̄n dɔ deē ní tə́.

Teē Ngán Israel gə̄ 29:19

Gō tə́ anī a reēn̄ kə bal batə̄ kə́ nge ko̰ jōó. Aaro̰ nin̄ kə ngánən gēé a əndān̄ jīdə́ dɔn tə́.

PILIPƏ 4:18

Yá̰á̰ ń ə́laīneé ādə̄mī ní, m-ə́nge malang. Yá̰á̰ ní mān̄ dɔ yá̰á̰ ń ndoōn rāām̄ ní gə̄gē ɓáý. Dan ń Epapəroditə adə̄m̄ yá̰a̰ yāsí gə̄ ń ə́laniīneé ní, yá̰a̰ malang ń ndoōn rāām̄ ní m-ə́nge. Yá̰a̰ gə̄ ń ādə̄mī ní, ton̄ i tītə̄ yá̰a̰ ndējə̄ kə́ tɔ̄l̄ ba tun̄ kadə̄ Nə́ɓā, kə́ sēēn otə nel̄ ō, i tītə̄ yá̰a̰ tun̄ kə́ Nə́ɓā ndigə ō, nel̄ kemən ō beé.

IJAI 56:7

m-ā m̄-rāā kadə̄ nin̄ a reēn̄ dɔ mbal̄ bo yāḿ kə́ táĺ tə́, m-ā m̄-rāā kadə̄ rɔ̄də́ a nel̄də́ ngá̰ý kem kújə ndɔ̄ȳ yāḿ tə́. M-ā m̄-ndigə yá̰á̰ kə́ tun̄ gə̄ ō, yá̰á̰ kə́ kadə̄ karī yādə́ gə̄ ō ń nin̄ ndējə̄mə̄n̄ dɔ loo tun̄ yá̰á̰ tə́ ní. A̰á̰ā̰, a ɓārə́n̄ kújə yāḿ na i kújə ndɔ̄ȳ kə́ tām̄ yā gír de gə̄ tə́ malang.

TƏ́DA 15:25

Nge tun̄ yá̰a̰ a rāā yá̰á̰ kə́ yā kutə̄ń dɔ majaĺ ní dɔ ngán Israel gə̄ tə́. Loo ń noō tə́ Nə́ɓā a mā̰ȳ rɔ̄n dɔdə́ tə́. Tām̄ majaĺ ní i kə́ rāā kə gō kem ndigə yādə́ alé ba nin̄ róōn̄ yá̰a̰ horoó ō, tunə̄n̄ yá̰a̰ ō, ndējə̄n̄ Kɔ́ɔ̄ɓē najə̄n tə́.

LEBI GƏ̄ 16:24

A ndogə̄ man̄ kem loo kógə̄ḿ kə́ táĺ tə́ ba a tə́la kūbə̄ yān kə́ kété gə̄ gogə́ rɔ̄n tə́. A teē ndágá yā kaw̄ róō dā̰ kógə̄ḿ tām̄ yān nəkɔ́ tə́ ō, kógə̄ḿ tām̄ yā ngán Israel gə̄ tə́ ō, yā kadə̄ Kɔ́ɔ̄ɓē. A rāā yá̰á̰ kə́ yā kutə̄ń dɔ majaĺ tām̄ yān nəkɔ́ tə́ ō, tām̄ yā ngán Israel gə̄ tə́ ō.

LEBI GƏ̄ 16:21

Aaro̰ a əndā jīn jōó mbak dɔ bal bə̄yā̰ kə́ kə kumuú ní tə́ ō, a ɔr̄ gír kə dɔ ngan̄g gə̄ kə yá̰á̰ kə́ rāā gōtə́ aĺ gə̄ yā ngán Israel gə̄ ní malang ō, kadə̄ nayn̄ dɔ bə̄yā̰ ní tə́. Gō tə́ anī ni a adə̄n kə deē ń ndi kə ríí ní kadə̄ aw̄ seneé kem dəla loo tə́.

LEBI GƏ̄ 9:7

Gō tə́ anī Moijə əda Aaro̰ na kə ndɔ́tə́ ngɔr kə́ rɔ̄ loo tun̄ yá̰á̰ tə́ ba kə tun̄ yá̰á̰ kə́ tām̄ majaĺ yān nəkɔ́ Aaro̰ tə́ ō, yá̰á̰ kə yā róō horoó kadə̄ Kɔ́ɔ̄ɓē tām̄ yān nəkɔ́ Aaro̰ tə́ ō. Kə rāań yá̰á̰ kə́ yā kutə̄ń dɔ majaĺ yān ō, yā ngán Israel gə̄ ō. Gō tə́ anī kə ndējə̄ yá̰a̰ yādə́ kə́ yā kutə̄ń dɔ majaĺ yādə́ ō, tītə̄ ń Kɔ́ɔ̄ɓē ədań ní.

LEBI GƏ̄ 8:22

Moijə reē kə bal batə̄ kə́ nge ko̰ jōó ń i bal batə̄ kə́ yā kəndāń deē kem kəla tun̄ yá̰á̰ tə́ ní, adə̄ Aaro̰ nin̄ kə ngánən gēé əndān̄ jīdə́ dɔ tə́.

LEBI GƏ̄ 8:14

Moijə reē kə man̄g kə́ bəra kə́ yā tun̄ tām̄ yā majaĺ tə́ ní, adə̄ Aaro̰ nin̄ kə ngánən gēé əndān̄ jīdə́ dɔ tə́.

LEBI GƏ̄ 4:35

Ni a ɔr̄ yibə̄n malang tītə̄ ń ɔrə̄ń yibə̄ batə̄ kə́ tun̄ tām̄ yā kem kógə̄ḿ tə́ ní, yā róō horoó dɔ loo tun̄ yá̰á̰ tə́ ta kum Kɔ́ɔ̄ɓē tə́. Ré nge tun̄ yá̰a̰ rāā yá̰á̰ kə́ yā kutə̄ń dɔ majaĺ yā deē ní oy anī, Nə́ɓā a mā̰ȳ rɔ̄n dɔn tə́.

LEBI GƏ̄ 4:29

A əndā jīn dɔ kó̰o̰ bə̄yā̰ ní tə́ ō, a əja kɔ́ɔn loo ń a əjan̄ kɔ́ɔ dā̰ kə́ yā róō horoó kadə̄ Kɔ́ɔ̄ɓē tū tə́ ní tə́ ō.

LEBI GƏ̄ 4:24

A əndā jīn dɔ bal bə̄yā̰ ní tə́ ō, a əja kɔ́ɔn ta kum Kɔ́ɔ̄ɓē tə́ loo ń a əjan̄ kɔ́ɔ dā̰ kə́ yā róō horoó kadə̄ Kɔ́ɔ̄ɓē tū tə́ ní tə́ ō. Nge ń noō i dā̰ kə́ tun̄ tām̄ yā majaĺ tə́.

LEBI GƏ̄ 4:15

Kum kɔɔ̄ gə̄ yā ngán Israel gə̄ a əndān̄ jīdə́ dɔn tə́ ō, a əjan̄ kɔ́ɔn ta kum Kɔ́ɔ̄ɓē tə́ ō.

LEBI GƏ̄ 4:4

Ni a aw̄ kə man̄g kə́ bəra ní no Kɔ́ɔ̄ɓē tə́ ta kújə kənge naā tə́, a ənda jīn dɔn tə́ ō, a əja kɔ́ɔn loo ń noō tə́ ta kum Kɔ́ɔ̄ɓē tə́ ō.

LEBI GƏ̄ 3:13

A əndā jīn dɔ bə̄yā̰ ní tə́ tá a əja kɔ́ɔn ta kújə kənge naā tə́. Ngé tun̄ yá̰a̰ gə̄ a sə̄kān̄ mósə kadə̄ gīr̄ gidə loo tun̄ yá̰a̰.

HEBƏRO 10:4

Tɔdɔ̄ mósə man̄g kə́ bəra gə̄ ō, bal bə̄yā̰ gə̄ ō, asə kun majaĺ kɔ̄ɔ́ alé.

Makətūbə̄ ń Pol ndang adə̄ Rom gə̄ ní 5:11

Ba yá̰á̰ kógə̄ḿ to noó ɓáý to̰: Kɔjə ń j-ɔjiī rɔ̄jí tām̄ yā Nə́ɓā tə́ ní, i kə ta kūl̄ Kərist ń əndājí naā tə́ kə Nə́ɓāá ngɔlaā kɔ̄ɔ́ ɓá toō.

Makətūbə̄ ń Pol ndang adə̄ Rom gə̄ ní 3:25

I Jeju ngeé ń toō n Nə́ɓā əndān nojí tə́ tām̄ kadə̄ ni-tél yá̰á̰ kə́ tun̄ kɔrə̄ń majaĺ ní. Ni-adə̄ mósən nəkɔ́ tām̄ yā ngé gə̄ ń taān̄ kem tə́ ní. Nə́ɓā əhɔ gír majaĺ kə́ kété jóo gə̄ to̰ alé, yā kɔjəń kadə̄ ni i de kə́ gōtə́.

DANIEL 9:24

Gāngə̄n̄ ɓāl̄ sīrí dɔ gír deē yāí gə̄ tə́ ō, dɔ ɓē yāí kə́ táĺ tə́ ō, yā rāań kadə̄ gír mbātə́ najə̄ gān̄g, kadə̄ gír rāā yá̰á̰ kə́ majaĺ gān̄g ō, kadə̄ Nə́ɓā mā̰yń rɔ̄n dɔ majaĺ gə̄ tə́ ō, kadə̄ yá̰á̰ kə́ gōtə́ kə́ ngándáńg ɔjəń rɔ̄n kə̄ ndágá ō, kadə̄ yá̰á̰ kə́ ka̰ā̰ ō najə̄ ń nge koō ta əda ní ō reē udən̄neé gíŕ kə́ rɔ̄ tə́ ō, kadə̄ urən̄neé yibə̄ dɔ loo kə́ táĺ ngá̰ý tə́ ō.

TƏ́DA 25:13

I madə̄ naā kə́ əndān kem kəla tun̄ yá̰á̰ tə́ kə ngánən gēé ō, ngán kaan gēé ō, kə́ njɔ́ḿ gə̄ tə́. Tɔdɔ̄ ni-rāā jang kum gotə Nə́ɓā yān ō, rāā yá̰a̰ kutə dɔ majaĺ yā ngán Israel gə̄ ō.

TƏ́DA 15:28

Nge tun̄ yá̰a̰ a rāā yá̰á̰ kə́ yā kutə̄ń dɔ majaĺ kə́ rāā kə gō kem ndigií aĺ ní dɔ deē ní tə́ ta kum Kɔ́ɔ̄ɓē tə́ ō, Kɔ́ɔ̄ɓē a mā̰ȳ rɔ̄n dɔn tə́ ō,

TƏ́DA 8:12

Ngán Lebi gə̄ a əndān̄ jīdə́ dɔ man̄g kə́ bəra kə́ jōó gə̄ ní tə́. Aaro̰ a tun̄ kə́ kógə̄ḿ tām̄ yā majaĺ tə́ ō, a róō kə́ noō horoó yā kadə̄ Kɔ́ɔ̄ɓē ō, yā rāań yá̰á̰ kə́ yā kutə̄ń dɔ majaĺ yā ngán Lebi gə̄.

LEBI GƏ̄ 22:27

Ngōn̄ man̄g, aké ngōn̄ batə̄, aké ngōn̄ bə̄yā̰ kə́ kojə kijə a rāā ndɔ̄ sīrí gíŕ kó̰ó̰ tə́, ba əla gír dɔ ndɔ̄ kə́ nge ko̰ sɔ́sɔ́ tə́ ní, ré deē róō horoó adə̄ Kɔ́ɔ̄ɓē anī, Kɔ́ɔ̄ɓē a ndigə.

LEBI GƏ̄ 22:21

Ré dəngam gḛy ndējə̄ Kɔ́ɔ̄ɓē man̄g, aláa batə̄, aláa bə̄yā̰, tām̄ yā kem kógə̄ḿ tə́, adə̄ i tām̄ ndūn kə́ ənī tə́, aké i kə gō kem ndigə yān nəkɔ́ anī, ādə̄ dā̰ ní i dā̰ kə́ loon kógə̄ḿ nujə aĺ tá a nel̄ Kɔ́ɔ̄ɓē.

LEBI GƏ̄ 6:7

Ndū najə̄ kə́ dɔ kōō kə́ ndējə̄ tə́ n toó: I ngán Aaro̰ gə̄ n a ran̄ ta loo tun̄ yá̰á̰ tə́ yā ndējə̄ Kɔ́ɔ̄ɓē kōō ní.

LEBI GƏ̄ 5:6

ba a əhɔ kó̰o̰ batə̄ aláa kó̰o̰ bə̄yā̰ tun̄ kadə̄ Kɔ́ɔ̄ɓē tām̄ yā majaĺ ní tə́. Loo ń noō tə́ nge tun̄ yá̰a̰ a rāā yá̰á̰ kə́ yā kutə̄ń dɔ majaĺ yān.

Teē Ngán Israel gə̄ 28:38

Aaro̰ a do̰ō̰ yá̰á̰ súū rɔ̄ ní nɔtə non tə́ ngándáńg yā kaw̄ń ta kumḿ mā Kɔ́ɔ̄ɓē tə́. M-ā m̄-ndigə yá̰a̰ ndējə̄ gə̄ ń ngán Israel gə̄ a reēn̄neé kadə̄m̄ tə́ ní i kə ta kūl̄ yá̰á̰ súū rɔ̄ ń noō. Ká ré ngán Israel gə̄ rāān̄ yá̰á̰ kə́ gōtə́ aĺ gə̄ loo reē tə́ kə yá̰a̰ gə̄ ń ɔrə̄n̄ kam̄ tām̄ yāḿ tə́ ní gə̄gē anī, mā Kɔ́ɔ̄ɓē m-ā m̄-ndigə.

Teē Ngán Israel gə̄ 29:33

I nin̄ kɔ́ gə̄ ngóy n a əsan̄ yá̰á̰ ń rāān̄neé yá̰á̰ kə́ yā kadə̄ Nə́ɓā mā̰yń rɔ̄n dɔdə́ tə́ ndɔ̄ kəndādə́ kem kəla tun̄ yá̰á̰ tə́ ní ō, yá̰á̰ ń ɔrə̄n̄neé kam̄də́ tayā ní ō. De kə́ karī a əsa alé tɔdɔ̄ i yá̰á̰ kə́ yā ɓōĺ gidə.

LEBI GƏ̄ 4:33

Ni a əndā jīn dɔ batə̄ ní tə́ ō, a əja kɔ́ɔn loo ń a əjan̄ kɔ́ɔ dā̰ kə́ yā róō horoó kadə̄ Kɔ́ɔ̄ɓē tū tə́ ní tə́ ō.

TƏ́DA 8:10

Ā ī-reē kə ngán Lebi gə̄ ta kum Kɔ́ɔ̄ɓē tə́ kadə̄ ngán Israel gə̄ əndān̄ jīdə́ dɔdə́ tə́.

EJEKIEL 45:15

Loo ń yá̰a̰ kul̄ gə̄ a aw̄n̄ ko̰ó̰ tū tə́ dɔ nang kə́ Israel tə́ ní, ré batə̄ aláa bə̄yā̰ gə̄ i ɓú jōó tū tə́ anī, ā ə́hɔī dā̰ kógə̄ḿ danaá, yā kadə̄ yá̰a̰ ndējə̄ tə́, adə̄ i yá̰á̰ kə́ yā tun̄ kə taá malang tə́, aláa i tām̄ yā yá̰a̰ tun̄ kə́ tām̄ yā kem kógə̄ḿ tə́. Loo ń noō tə́ ā ə́ngeī mā̰ȳ rɔ̄ kə́ tām̄ yā mān̄ kə́ ī-mānī dɔ ndū Nə́ɓā tə́. I mā Kɔ́ɔ̄ɓē Nə́ɓā n m-ə́da najə̄ ń noō ní.

LEBI GƏ̄ 8:18

Gō tə́ anī Moijə reē kə bal batə̄ kə́ yā róō horoó kadə̄ Kɔ́ɔ̄ɓē ní, adə̄ Aaro̰ nin̄ kə ngánən gēé əndān jīdə́ dɔ tə́.