LEBI GƏ̄ 1:3 - Bibəl ta Sar̄

³ Ré yá̰a̰ ndējə̄ yā deē ní i man̄g kə́ yā róō horoó, adə̄ i man̄g kə́ bəra kə́ loon kógə̄ḿ nujə alé. Ni a aw̄ seneé ta kújə kənge naā tə́ kadə̄ Kɔ́ɔ̄ɓē ndigə dā̰ ní pá tá,

Bible sar

³ Ré *yá̰a̰ ndējə̄ yā deē ní i man̄g kə́ yā róō horoó, adə̄ i man̄g kə́ bəra kə́ loon kógə̄ḿ nujə alé. Ni a aw̄ seneé ta *kújə kənge naā tə́ kadə̄ Kɔ́ɔ̄ɓē ndigə dā̰ ní pá tá,

LEBI GƏ̄ 1:3 Referans Kwoze

NDŪ NAJƏ̄ 15:21

Ba ré dā̰ ní i dā̰ kə́ nujə, adə̄ a tə́sō motə, aké kumən a̰a̰ loo alé, aké yá̰á̰ kə́ rang kə́ majaĺ i rɔ̄n tə́ anī, ā ī-tun̄ yā kadə̄ Kɔ́ɔ̄ɓē Nə́ɓā yāí alé.

HEBƏRO 9:14

mósə Kərist ń adə̄ Nə́ɓā rɔ̄n nəkɔ́ kə́ kanjə̄ yá̰á̰ kə́ majaĺ tákə̄ kə ta kūl̄ Ndíĺ kə́ Táĺ kə́ ndi ngándáńg ní a rāā yá̰á̰ kə́ majə ngá̰ý tɔȳ aĺ a? Ni a ɔr̄ kəla rāājī ń aw̄ yā tɔ̄l̄jí ní kemjí tə́ kɔ̄ɔ́ yā kadə̄ kemjí unjə̄ ō, kadə̄ jə-rāāī kəla yā Nə́ɓā kə́ ndi kə kumneé.

Teē Ngán Israel gə̄ 12:5

Ngōn̄ bal batə̄ aláa ngōn̄ bal bə̄yā̰ ń ā ə́hɔī ní, ādə̄ i kə́ ɓāl̄ kógə̄ḿ ō, kə́ loon kógə̄ḿ nujə aĺ ō.

EPEJƏ 5:27

Ni-gḛy kadə̄ ta kumən tə́ ɓáa ngé kán̄ naā gə̄ ngeé ń toō ton̄ tītə̄ dəyá̰ kə́ ndə́lē pipir ō, kə́ yə̄ró ɔdən aĺ ō, kə́ rɔ̄n sá̰ā̰ kīdə́ aĺ ō, kə́ dām̄ rɔ̄n sḛ́ý kə́ nujə gətóo ō. Ni-gḛy kadə̄ ngé kán̄ naā yān gə̄ ní i de kə́ táĺ gə̄, kə́ najə̄ kə́ yā kəda dɔdə́ tə́ gətóo.

NDŪ NAJƏ̄ 17:1

Man̄g aké batə̄ ń loon kə́rēý nujə ní, ā ī-tun̄ yā kadə̄ Kɔ́ɔ̄ɓē Nə́ɓā yāí alé, tām̄ nge ń noō i yá̰á̰ kə́ a yḛr kum Kɔ́ɔ̄ɓē Nə́ɓā yāí.

HEBƏRO 7:26

Adə̄ ngol ngé tun̄ yá̰a̰ gə̄ kə́ majə tām̄ yājí tə́ i Jeju. Ni i de kə́ táĺ ō, najə̄ gətóo dɔn tə́ ō, yá̰á̰ kógə̄ḿ kə́ majaĺ tákə̄n aĺ ō. Ɔr̄nən̄ kɔ̄ɔ́ dan ngé rāā majaĺ gə̄ tə́ ō, un aw̄n̄ seneé dɔɔ́ dɔ rā̰ tə́ ō.

EPEJƏ 2:18

Tɔdɔ̄ jḭḭ̄ malang, Jipə gə̄ ō, de gə̄ ń nin̄ i Jipə aĺ gə̄ ō ní, j-asiī kaw̄ ra no Bɔbə̄ Ngōn̄ tə́ sɔɔ̄ń i Jeju Kərist kə ta kūl̄ Ndíĺ kə́ Táĺ.

TA KƏLA 22:8

Anī Abəraham tél əda na: Ngōnə̄ḿ, Nə́ɓā nəkɔ́ a adə̄ ngōn̄ batə̄ kə́ yā róō horoó kadə̄n. Nin̄ njə̄rān̄ gō naā tə́ aw̄n̄.

JA̰A̰ 1:36

Dan ń ni-a̰a̰ Jeju a mān̄ anī əda na: Á̰a̰ī Ngōn̄ batə̄ yā Nə́ɓā.

2 KORḚNTƏ 9:7

I beé ní ādə̄ de gə̄ kógə̄ḿ kógə̄ḿ adə̄n̄ yá̰a̰ kə gō kem ndigə yādə́, ba ādə̄ i kə́ kadə̄ kə ndə̄ngā rɔ̄ɔ́ gō tə́ aĺ ō, dɔ gúú tə́ aĺ ō. Tɔdɔ̄ Nə́ɓā tár i nge kadə̄ yá̰a̰ kə rɔ̄nelēé.

MALASI 1:14

Majanī deē kógə̄ḿ aw̄ kə́ dā̰ kə́ majə gə̄ dan yá̰a̰ kul̄ yān gə̄ tə́. Ré deē ní ənī ndūn ō, ndējə̄m̄ dā̰ kə́ majaĺ ō anī, yá̰á̰ kə́ to kum kaȳ aĺ a reē dɔ kɔ́ɔ̄ tə́! Tām̄ mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́da na: Mā i mban̄g kə́ bo ō, nápar de gə̄ ɓōlə́n̄ tɔ́gə́ḿ ō.

EJEKIEL 20:40

Tɔdɔ̄ ngán Israel gə̄ malang, ngé gə̄ ń a ndin̄ kem ɓēé ní, a rāān̄ kəla yā kadə̄m̄ dɔ mbal̄ yāḿ kə́ táĺ tə́, dɔ mbal̄ bo kə́ Israel tə́. I mā Kɔ́ɔ̄ɓē Nə́ɓā n m-ə́da najə̄ ń noō ní. M-ā m̄-rāā kem majə sesí loo ń noō tə́, adə̄ m-ā m-ə́wásí kə̄ rɔ̄ḿ tə́ ō, m-ā m̄-taā yá̰a̰ malang ń ā ɔ̄rī tām̄ yāḿ tə́ ní ō. Adə̄ i yá̰a̰ ndējə̄ yāsí gə̄ ō, yá̰á̰ kə́ majə tɔȳ madə̄ gə̄ ń ā ādə̄mī karī ní ō.

PĀ GƏ̄ 110:3

De kə́ dəngam kə́ ger̄ rɔ̄ɔ̄ ngá̰ý gə̄ aw̄n̄ gōí tə́ ndɔ̄ ń ɔ́səń nja ngé rɔ̄ɔ̄ yāí gə̄ kə̄ naā tə́ ní. Dɔ mbal̄ kə́ táĺ gə̄ tə́, balsáa yāí gə̄ a reēn̄ kə̄ rɔ̄í tə́, tītə̄ tal kə́ ta gír loo tə́ beē.

PĀ GƏ̄ 40:8

Tā anī m-ə́da na: Á̰a̰ā̰, mə̄kɔ́ m̄-reē rɔ̄í tə́. M-ə́ngé yá̰á̰ ń kadə̄ m̄-rāā ní kem ndāŕ ndang najə̄ kógə̄ḿ kə́ ɓír̄ gidə naā tə́.

TƏ́DA 29:13

Ā ī-róōī dā̰ gə̄ horoó kadə̄ sedə́ sɔl̄ kem Kɔ́ɔ̄ɓē. Dā̰ kə́ loodə́ kógə̄ḿ nujə aĺ gə̄ ń ā ī-róōīdə́ ní n toó: Man̄g kə́ bəra gə̄ kutə gidə i mətá ō, bal batə̄ gə̄ jōó ō, ngán batə̄ kə́ ɓāl̄ kógə̄ḿ gə̄ kutə gidə i sɔ́ ō.

LEBI GƏ̄ 3:1

Ré deē kógə̄ḿ gḛ́y ndējə̄ yá̰a̰ kadə̄ tunə̄n̄ tām̄ yā kem kógə̄ḿ tə́ ba i man̄g anī, ādə̄ i man̄g kə́ bəra aláa i kə́ kó̰ó̰ kə́ loon kógə̄ḿ nujə aĺ tá reēń ndējə̄ Kɔ́ɔ̄ɓē tə́.

Teē Ngán Israel gə̄ 24:5

Gō tə́ anī ɔr̄ balsáa kə́ Israel gə̄ tə́ adə̄ ndējə̄n̄ Kɔ́ɔ̄ɓē yá̰a̰ tun̄ kə́ róō horoó ō, yá̰a̰ tun̄ kə́ tām̄ yā kem kógə̄ḿ tə́ ō.

TA KƏLA 22:13

Abəraham un kumən kə̄ dɔɔ́ anī, a̰a̰ bal batə̄ kə́ gajən naā dan bɔkə́ kámbə gə̄ tə́. Abəraham aw̄ əhɔ bal batə̄ ní, tɔ̄l̄ róōn horoó adə̄ Nə́ɓā kum gotə ngōnə̄n.

JA̰A̰ 10:9

Mā i ta gɔng. Ré deē udə kem gɔngɔɔ́ kə ta kūlə̄ḿ anī, a ajə. Ni a udə ō, a teē ō, a ənge yá̰a̰ kəsa ō.

Najə̄ kə́ Majə yā Jeju ń Luk ndang ní 1:35

De kə́ dɔ rā̰ tə́ ní tél ədan na: Ndíĺ kə́ Táĺ a reē dɔí tə́ ō, tɔ́gə yā Nə́ɓā kə́ dɔɔ́ a il̄ dɔí tə́ nding ō. I tām̄ najə̄ ń noō tə́ n ngōn̄ ń ā ójən ní i de kə́ táĺ ō, a ɓāŕnən̄ na i Ngōn̄ Nə́ɓā ō ní.

IJAI 1:11

Kɔ́ɔ̄ɓē əda na: Yá̰a̰ tun̄ yāsí kə́ ngá̰ý gə̄ ní, m-ā m̄-rāań i rí? Sḭḭ̄ ī-róōī batə̄ gə̄ kə taá ādə̄mī ō, ī-ndējə̄mī yibə̄ ngán man̄g gə̄ ō. Ba yá̰a̰ gə̄ ń noō malang ní, asəm̄ kɔ̄ɔ́. Mósə man̄g kə́ bəra gə̄ ō, mósə́ ngán batə̄ gə̄ ō, mósə bal bə̄yā̰ gə̄ ō ní, m̄-ndigə to̰ alé.

Teē Ngán Israel gə̄ 32:6

Teē bírí anī ngán Israel gə̄ ḭḭn̄ dɔɔ́ kə gír looí ɓatə, ndējə̄n̄ yá̰a̰ tun̄ gə̄ kə́ yā róō horoó ō, yá̰a̰ tun̄ gə̄ kə́ tām̄ yā kem kógə̄ḿ tə́ ō. Gō tə́ anī tél ndin̄ nang tə́ əsan̄ yá̰a̰ ō, a̰ȳn̄ ō, ḭḭn̄ dɔɔ́ kógə̄n̄ naā ō.

Teē Ngán Israel gə̄ 29:42

I dā̰ kə́ yā tɔ̄l̄ róō horoó kadə̄ Nə́ɓā ta kújə kənge naā tə́ ngándáńg n noó. Tɔdɔ̄ j-a j-əngeī naā i loo ń noō tə́ ō, m-ā m-ɔ̄r̄ najə̄ seí i loo ń noō tə́ ō.

Teē Ngán Israel gə̄ 29:18

Ā ī-róō horoó malang dɔ*lo tun̄ yá̰á̰ tə́. Nge ń noō i yá̰a̰ tun̄ kə́ róō horoó tām̄ yā Kɔ́ɔ̄ɓē tə́ kə́ sēēn nelə̄n.

TA KƏLA 22:2

Anī Nə́ɓā əda na: Ún ngōnīí Isaak, ngōnīí kə́ kal kógə̄ḿ beē ń ī-tárən ngá̰ý ní, āw̄ seneé dɔ nang kə́ Moriya tə́, dɔ mbal̄ kógə̄ḿ kə́ dɔ dán madə̄ gə̄ tə́ ń m-ā m-ɔ́jiī tə́ ní, ī-róōn horoó ādə̄m̄.

TA KƏLA 8:20

Noe ɔy kūbə̄rū mbal̄ gə̄ tə́ndā dɔ naā tə́, rāań loo tun̄ yá̰a̰ tām̄ yā Kɔ́ɔ̄ɓē tə́, ba əhɔ dā̰ kógə̄ḿ kógə̄ḿ dan dā̰ kə́ unjə̄ njáý njáý gə̄ tə́ ō, yel̄ kógə̄ḿ kógə̄ḿ dan yel̄ kə́ unjə̄ njáý njáý gə̄ tə́ ō, róō horoó dɔ loo tun̄ yá̰á̰ ní tə́ adə̄ Kɔ́ɔ̄ɓē.

JAKARI 13:7

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda wáńg ní n toó: Kaskar, ī-ndól̄ dɔ ɓīī tə́, ba ī-rɔ̄ɔ̄ nge kul̄ yá̰a̰ yāḿ, ī-rɔ̄ɔ̄ madə̄ taḿ ń əhɔ rɔ̄n tɔgə ngá̰ý ní. Ī-tɔ̄l̄ nge kul̄ yá̰a̰, loo ń noō tə́ batə̄ gə̄ a aw̄n̄ kə̄ loo gə̄ tə́ ō, yá̰a̰ kul̄ kə́ dūú gə̄ kə́ dan ɓūtə̄ yá̰a̰ kul̄ tə́ ní, m-ā m-ə̄nīdə́ rɔ̄ɔ̄ ō.

TƏ́DA 23:3

Balam əda Balak na: Ī-ra laā kadə dā̰ yāí gə̄ ń ī-róō horoó tə́ toō, ba mā m-ā m-ɔ́tə kɔ̄ɔ́ rɔ̄ tə́ yā kaw̄ dan sa̰y sḛ́ý. Majanī Kɔ́ɔ̄ɓē a tə́nī taḿ. Najə̄ ń a ədam̄ ní ká i najə̄ rí gə̄gē anī, m-ā m-ə́daī. Balam ɔtə aw̄.

2 KORḚNTƏ 8:12

Tɔdɔ̄ ré gír̄ kə́ kem deē tə́ ń adə̄ń yá̰á̰ ní i gír̄ kə́ majanī, a ndigən̄ kɔ́ɔ̄ i tām̄ yá̰á̰ kə́ to jīn tə́ tə́, ba i tām̄ yá̰á̰ kə́ gətóo jīn tə́ tə́ alé.

JA̰A̰ 10:7

Jeju ədadə́ ɓáý to̰ na: Ādə̄ m-ə́dásí najə̄ kə́ bo ngá̰ý, mā i ta gɔng batə̄ gə̄.

TƏ́DA 23:19

Nə́ɓā i deē á a sor̄ alé. Ni i ngōn̄ kaa Adam á a tūr̄ ndūn alé. Ni a ɔr̄ najə̄ i karī kanjə̄ rāā yá̰a̰ a? Yá̰á̰ ń ni-ənī míndən yā rāā ní, a rāā yá̰á̰ ní yā kadə̄ udə gírí.

LEBI GƏ̄ 4:23

Ba ré ɔjənən̄ yá̰á̰ kə́ majaĺ ń ni-rāā ní adə̄ ger̄ anī a tɔ̄l̄ i bal bə̄yā̰ kə́ loon kógə̄ḿ nujə aĺ yā tun̄ tām̄ majaĺ yān tə́.

Teē Ngán Israel gə̄ 35:5

Ɔ̄rī dɔ yá̰a̰ yāsí gə̄ tām̄ yā Kɔ́ɔ̄ɓē tə́. De gə̄ malang ń a adə̄n̄ kə kemdə́ kə́ majaá ní, a reēn̄neé yā kadə̄ Kɔ́ɔ̄ɓē. Yá̰a̰ gə̄ ń a reēn̄neé ní n toó: Lɔ́r ō, gində̄ arjā̰a̰ ō, gində̄ nə̄ngá kasə ō,

Teē Ngán Israel gə̄ 29:4

Ā āw̄ kə Aaro̰ nin̄ kə ngánən gēé ta kújə kənge naā tə́ yā ndogə̄də́ man̄.

LEBI GƏ̄ 17:4

kanjə̄ kaw̄ń ta kújə kənge naā tə́ ndējə̄ Kɔ́ɔ̄ɓē anī, mósə dā̰ ní a nay dɔn tə́. Ni-ənī mósə nang tə́ i kə gōó alé, adə̄ a ɔr̄nən̄ kɔ̄ɔ́ dan ngán Israel gə̄ tə́.

LEBI GƏ̄ 16:7

A aw̄ kə bal bə̄yā̰ kə́ jōó gə̄ ní no Kɔ́ɔ̄ɓē tə́ ta kújə kənge naā tə́.

LEBI GƏ̄ 8:21

Ni-tə́go tiīn gə̄ ō, njan gə̄ ō, kə maná, ba róōdə́ horoó naā tə́ kə gotə dā̰ batə̄ ní malang dɔ loo tun̄ yá̰á̰ tə́ tītə̄ ń Kɔ́ɔ̄ɓē ədań ní. Nge ń noō i yá̰á̰ kə́ tun̄ kadə̄ Kɔ́ɔ̄ɓē kə́ sēēn nelə̄n.

LEBI GƏ̄ 8:18

Gō tə́ anī Moijə reē kə bal batə̄ kə́ yā róō horoó kadə̄ Kɔ́ɔ̄ɓē ní, adə̄ Aaro̰ nin̄ kə ngánən gēé əndān jīdə́ dɔ tə́.

LEBI GƏ̄ 7:16

Ré deē kógə̄ḿ ndējə̄ dā̰ kə́ yā tun̄ tām̄ yā kem kógə̄ḿ tə́ kə gō kem ndigə yānneé, aláa i tām̄ yá̰á̰ kə́ ni ənī ndūn yā rāā tə́ anī, a əsan̄ dā̰ ní i ndɔ̄ tunə̄n tə́ ō, teē kə ndɔ̄ kə́ noō anī a əsan̄ gotə kɔ̄ɔ́ ō.

Teē Ngán Israel gə̄ 38:1

Gō tə́ anī rāā loo tun̄ yá̰á̰ kə́ kadə̄ róōn̄ yá̰á̰ kə́ tun̄ gə̄ dɔ tə́ kə kāgə̄ akasiyaá. Ngālən i kíĺ mí ō, laan i kíĺ mí ō, ngālən gē laan gē asən̄ naā, ba ngālən kə́ kə̄ dɔɔ́ tá i kíl mətá.

Teē Ngán Israel gə̄ 36:3

Ni-adə̄də́ dɔ yá̰á̰ kə́ kɔr̄ gə̄ ń ngán Israel gə̄ reēn̄neé tām̄ yā rāań loo kə́ táĺ ní. Banī kə dɔ ndɔ̄ gə̄ dəloí de gə̄ reē a adə̄n̄ kadə̄ karī yādə́ gə̄ ɓáý na i mbée a

Teē Ngán Israel gə̄ 35:29

Ngán Israel gə̄ malang, dəyá̰ gē, dəngam gē, adə̄n̄ yá̰a̰ kə gō kem ndigə yādə́ yā rāań kəla ń Kɔ́ɔ̄ɓē ɔjə Moijə kadə̄ rāā ní i beé.

Teē Ngán Israel gə̄ 35:21

Gō tə́ anī de gə̄ malang ń kemdə́ ndigə rāā yá̰a̰ tām̄ yā Kɔ́ɔ̄ɓē tə́ ō, ndíĺdə́ ndigə kadə̄ yá̰á̰ ngá̰ý ō ní, reēn̄ kə dɔ yá̰a̰ yādə́ gə̄ ń ɔrə̄n̄ ní adə̄n̄ Kɔ́ɔ̄ɓē tām̄ yā kújə kənge naā tə́ ō, tām̄ yā kəla malang kə́ kemeé tə́ ō, tām̄ yā kūbə̄ kə́ yā ɓōĺ gidə gə̄ tə́ ō.

TƏ́DA 23:30

Balak rāā yá̰á̰ ń Balam ədan ní. Gō tə́ anī ni tɔ̄l̄ man̄g kógə̄ḿ ō, bal batə̄ kógə̄ḿ ō, ba tun̄ kə dɔ loo tun̄ yá̰a̰ gēé.

NDŪ NAJƏ̄ 12:27

Ré i dā̰ kə́ yā róō horoó kə taá malang anī, ā ī-ndējī Nə́ɓā dā̰n ō, mósən ō, dɔ loo tun̄ yá̰a̰ yā Kɔ́ɔ̄ɓē Nə́ɓā yāsí tə́. Ré i dā̰ kə́ yā tun̄ tām̄ yā kem kógə̄ḿ tə́ anī, ā ī-ɓōkíī mósən dɔ loo tun̄ yá̰a̰ yā Kɔ́ɔ̄ɓē tə́ ba ā ə́saī dā̰ ní.

TƏ́DA 23:27

Balak əda Balam na: Ī-reē ādə̄ m-āw̄ seí loo kə́ rang tə́ ɓáý to̰. Majanī Nə́ɓā a ndigə kadə̄ ī-ndɔ̄ĺ kósə de gə̄ ń toō loo ní tə́ ādə̄m̄.

LEBI GƏ̄ 1:10

Ré i batə̄ aláa i bə̄yā̰ n deē a ndējə̄ róōn̄ tām̄ yā Kɔ́ɔ̄ɓē tə́ anī, ādə̄ i kə́ bal kə́ loon kógə̄ḿ nujə aĺ tá.

LEBI GƏ̄ 4:15

Kum kɔɔ̄ gə̄ yā ngán Israel gə̄ a əndān̄ jīdə́ dɔn tə́ ō, a əjan̄ kɔ́ɔn ta kum Kɔ́ɔ̄ɓē tə́ ō.

LEBI GƏ̄ 6:8

Nge tun̄ yá̰a̰ a ɔdə dɔ ndujə̄ kə́ kə yibīí ní ō, kajaja kə́ dɔ tə́ malang ō, yā róō horoó dɔ loo tun̄ yá̰á̰ tə́. Nge ń noō i yá̰á̰ kə́ ɔjə kadə̄ yá̰a̰ ndējə̄ ní, i kə́ kadə̄ kə taá malang. I yá̰á̰ kə́ sēēn nel̄ Kɔ́ɔ̄ɓē.

LEBI GƏ̄ 17:8

Ā ə́dá ngán Israel gə̄ ɓáý to̰ na ré deē kógə̄ḿ kə́ dandə́ tə́, aláa dan tə̄rā gə̄ ń reē ndin̄ dandə́ tə́ ní róō dā̰ horoó aláa tun̄ dā̰ karī adə̄ Kɔ́ɔ̄ɓē kanjə̄ kaw̄ ta kújə kənge naā tə́ tá tun̄ kadə̄ Kɔ́ɔ̄ɓē anī, a ɔr̄nən̄ kɔ̄ɔ́ dan ngán Israel gə̄ tə́.

TƏ́DA 15:3

ba ā ī-róōī dā̰ horoó yā kadə̄m̄, aláa ā ī-tunī dā̰ kənī ndū, aláa dā̰ kə́ kə gō kem ndigə yāsí, aláa dā̰ kə́ ndɔ̄ rāā nāā tə́ yā kadə̄m̄ anī, ā ī-gērāī i man̄g, aláa i batə̄, aláa i bə̄yā̰ n ā ī-tunī yā kadə̄ sēēn nel̄ Kɔ́ɔ̄ɓē ní.

TƏ́DA 15:8

Ré i man̄g kə́ bəra n deē róō horoó aláa tun̄ tām̄ ndūn kə́ ənī tə́, aláa tām̄ yā kem kógə̄ḿ tə́ adə̄m̄ anī,

EJEKIEL 40:39

Tə́ndān̄ tábəl gə̄ jōó jōó kə gō ta ngóy kem ngōn̄ kújə́ kə́ ta róbə́ tə́ ní. Dā̰ gə̄ kə́ yā tɔ̄l̄də́ ba róōdə́ kə taá malang gə̄ ō, kə́ yā tɔ̄l̄də́ ba ndējə̄də́ tām̄ yā mā̰ȳ rɔ̄ tə́ ō ní, a tɔ̄lə̄n̄də́ i dɔ tábəl gə̄ ngeé ń noō tə́.

LEBI GƏ̄ 4:3

ré i ngol ngé tun̄ yá̰a̰ gə̄ n rāā majaĺ ní adə̄ najə̄ əsō dɔ ngán Israel gə̄ tə́ anī, a tɔ̄l̄ man̄g kə́ bəra kə́ loon kógə̄ḿ nujə aĺ yā tun̄ kadə̄ Kɔ́ɔ̄ɓē tām̄ yā majaĺ tə́.

LEBI GƏ̄ 4:32

Ré i batə̄ n deē najə̄ i dɔn tə́ ní ndigə tun̄ tām̄ majaĺ yān tə́ anī, adə̄ i mandə batə̄ kə́ loon kógə̄ḿ nujə aĺ tá.

LEBI GƏ̄ 5:15

Ré deē kógə̄ḿ rāā yá̰á̰ kə́ gōtə́ aĺ kə Kɔ́ɔ̄ɓēé tām̄ ni-adə̄ Kɔ́ɔ̄ɓē yá̰a̰ yān alé, adə̄ ni-rāā yá̰á̰ kə́ majə alé, ba i gō ger̄ aĺ tə́ anī, ni a adə̄ bal batə̄ kə́ loon kógə̄ḿ nujə aĺ yā kəgāń Kɔ́ɔ̄ɓē kə̄rā. Ni a adə̄ i bal batə̄ kə́ asə kə gō gātə̄ ń a gān̄gə̄n̄ ní i kə gō kɔȳ nar kə́ kem loo kə́ táĺ tə́. Ni a tɔ̄l̄ bal batə̄ ní yā tun̄ yā kəgāń kə̄rā yá̰á̰ kə́ gōtə́ aĺ ni-rāā ní.

LEBI GƏ̄ 5:18

Ni a reē kə bal batə̄ kə́ loon kógə̄ḿ nujə alé, ké asə gō gātə̄ ń a gāngə̄n̄ ní rɔ̄ nge tun̄ yá̰á̰ tə́ kadə̄ ni tun̄ yā kəgāń kə̄rā yá̰á̰ ní. Ré nge tun̄ yá̰a̰ rāā yá̰á̰ kə́ yā kutə̄ń dɔ yá̰á̰ kə́ majaĺ ń ni-rāā gō ger̄ aĺ tə́ oy anī, Nə́ɓā a mā̰ȳ rɔ̄n dɔn tə́.

LEBI GƏ̄ 6:2

kəda Aaro̰ nin̄ kə ngánən gēé najə̄ ń toō: Ndū najə̄ kə́ dɔ dā̰ kə́ yā tɔ̄l̄ ba róō horoó kadə̄ Kɔ́ɔ̄ɓē tə́ n toó: Dā̰ ní a to dɔ loo tun̄ yá̰á̰ tə́ ndɔ̄ɔ́ bátə́ kadə̄ loo tīī ō, a rāān̄ hor gírí kadə̄ hor a oy aĺ ō.

LEBI GƏ̄ 9:2

ba əda Aaro̰ na: Kə əhɔ duĺ man̄g kə́ yá̰a̰ rāā alé kadə̄ i yá̰a̰ tun̄ ké tām̄ yā majaĺ tə́ ō, bal batə̄ kə́ loon kógə̄ḿ nujə aĺ kə́ kadə̄ róōn̄ tām̄ yā Kɔ́ɔ̄ɓē tə́ ō, kə reē sedə́ ta kum Kɔ́ɔ̄ɓē tə́.

LEBI GƏ̄ 14:10

Kə́ ndɔ̄ kə́ nge ko̰ sɔ́sɔ́ anī, ni a əhɔ bal batə̄ kə́ loon kógə̄ḿ nujə aĺ gə̄ jōó ō, mandə batə̄ kə́ ɓāl̄ kógə̄ḿ kə́ loon kógə̄ḿ nujə aĺ ō, a reē kə ndujə̄ kə́ ló̰ȳ kə yibīí kem lāngá ndōhó yā ndējə̄ ō, yibə̄ kə́ ndi ɓōdə̄ lāngá ō,

LEBI GƏ̄ 23:12

Ndɔ̄ ndējə̄n tə́ ní, ā ī-tɔ̄lī ngōn̄ batə̄ kə́ bal kógə̄ḿ, kə́ loon kógə̄ḿ nujə aĺ yā róō horoó kadə̄ Kɔ́ɔ̄ɓē.

LEBI GƏ̄ 23:18

Ā ī-reēī kə ngán batə̄ kə́ ɓāl̄ kógə̄ḿ gə̄ sīrí, kə́ loon kógə̄ḿ nujə aĺ ō, man̄g kə́ bəra kógə̄ḿ ō, bal batə̄ gə̄ jōó ō, yā róōdə́ horoó kadə̄ Kɔ́ɔ̄ɓē dɔ mápá gə̄ ní tə́. Ā ī-reēī kə ndujə̄ kə́ dɔ tə́ ō, kasə nduú kə́ dɔ tə́ ō, kadə̄ i yá̰a̰ ndējə̄ kə́ yā róō horoó, kə́ sēēn nel̄ Kɔ́ɔ̄ɓē.

TƏ́DA 28:11

Kə ndɔ̄ kə́ ta kəga dɔ yā nāā gə̄ malang ní, ā ī-ndējī Kɔ́ɔ̄ɓē dā̰ kə́ loodə́ kógə̄ḿ nujə aĺ gə̄, adə̄ i man̄g kə́ bəra gə̄ jōó ō, bal batə̄ kógə̄ḿ ō, ngán batə̄ kə́ ɓāl̄ kógə̄ḿ gə̄ sīrí ō. Ā ī-róōīdə́ horoó.

TƏ́DA 28:19

Ā ī-ndējī Kɔ́ɔ̄ɓē yá̰a̰ kəsa kə́ róō horoó, adə̄ i man̄g kə́ bəra gə̄ jōó ō, bal batə̄ kógə̄ḿ ō, ngán batə̄ kə́ ɓāl̄ kógə̄ḿ gə̄ sīrí ō. Ā ə́hɔī dā̰ kə́ loodə́ kógə̄ḿ nujə aĺ gə̄.

TƏ́DA 28:31

Ā ī-ndējī Kɔ́ɔ̄ɓē dā̰ gə̄ ń noō ō, kasə nduú kə́ yā tə́te dɔ tə́ ō, yā kərōń dā̰ kə́ tun̄ kə dɔ ndɔ̄ gə̄ ō, yá̰a̰ ndējə̄ kə́ dɔ tə́ gə̄ ō. Ā ə́hɔī i dā̰ kə́ loodə́ kógə̄ḿ nujə aĺ gə̄.

TƏ́DA 29:2

Ā ī-róōī dā̰ horoó yā kadə̄ Kɔ́ɔ̄ɓē kadə̄ sēēn sɔl̄ kemən. Dā̰ kə́ loodə́ kógə̄ḿ nujə aĺ gə̄ ń ā ī-tunīdə́ ní n toó: Man̄g kə bəra ō, bal batə̄ ō, ngán batə̄ kə́ ɓāl̄ kógə̄ḿ gə̄ sīrí ō.

2 YÁ̰A̰ GƏ̄ 29:32

Yá̰a̰ tun̄ kə́ yā róō kə taá gə̄ ń ngé kán̄ naā gə̄ reē ndējə̄n̄ Kɔ́ɔ̄ɓē ní man̄g kə́ bəra gə̄ malang i kutə sīrí ō, bal batə̄ gə̄ i ɓú ō, ngán batə̄ gə̄ i ɓú jōó ō,

2 YÁ̰A̰ GƏ̄ 35:12

Dan ń a adə̄n̄ ngán Israel gə̄ dā̰ kə gō gír ɓūtə̄ yādə́ gə̄ ń əndān̄ kə dɔ gír kojə yādə́ gēé ní anī, ɔrə̄n̄ loon kə́ yā róō kə taā kadə̄ Kɔ́ɔ̄ɓē ənīn̄ tayā tītə̄ ń ndangən̄neé kem makətūbə̄ yā Moijə tə́ ní. Rāān̄ i tītə̄ ń noō kə man̄g gēé ō.