KOLOSƏ 4:1 - Bibəl ta Sar̄

¹ Sḭḭ̄ kɔ́ɔ̄ ɓəlo gə̄, ī-rāāī yá̰á̰ kə́ súmūú ō, yá̰á̰ kə́ gō tə́ ō, kə ɓəlo yāsí gēé. Tɔdɔ̄ ī-gerī kadə̄ Kɔ́ɔ̄sí ndi dɔ rā̰ tə́ noō ō.

Bible sar

¹ Sḭḭ̄ kɔ́ɔ̄ ɓəlo gə̄, ī-rāāī yá̰á̰ kə́ súmūú ō, yá̰á̰ kə́ gō tə́ ō, kə ɓəlo yāsí gēé. Tɔdɔ̄ ī-gerī kadə̄ Kɔ́ɔ̄sí ndi dɔ rā̰ tə́ noō ō.

KOLOSƏ 4:1 Referans Kwoze

JEJU TEĒ KUM JA̰A̰ 17:14

Nin̄ a rɔ̄ɔ̄n̄ Ngōn̄ Batə̄, ba Ngōn̄ Batə̄ a tetədə́ rɔ̄ɔ̄, tɔdɔ̄ ni i Kɔ́ɔ̄ɓē kə́ dɔ Kɔ́ɔ̄ɓē gə̄ tə́ ō, mban̄g kə́ dɔ mban̄g gə̄ tə́ ō. Ngé gə̄ ń ni-ɓāŕdə́ ō, ngé gə̄ ń ni gə̄rādə́ ō, ngé gə̄ ń ran̄ dɔ ndūdə́ tə́ ō ní, a tetən̄ rɔ̄ɔ̄ seneé ō.

JAKƏ 2:13

Tɔdɔ̄ deē ń a̰a̰ kum tō ndoō yā madə̄n gə̄ aĺ ní, Nə́ɓā a a̰a̰ kum tō ndoō yān loo sarya tə́ aĺ ō, banī ka̰a̰ kum tō ndoō i yá̰á̰ kə́ tetə sarya rɔ̄ɔ̄.

JAKƏ 5:4

Á̰a̰ī, ngé kəla gə̄ əjan̄ kōō kə́ kem ndɔr̄ yāsí gə̄ tə́, banī sḭḭ̄ ɔ̄gīdə́ nar tətōdə́, adə̄ nar ní əga kɔŕ! Ba nōō rɔ̄ yā ngé kəja kōō gə̄ ní əsō mbī Kɔ́ɔ̄ɓē kə́ bo kə́ tɔ́gən i ngá̰ý tə́.

KOHELET 5:8

Banī nin̄ malang ní dɔ nang rāā majə sedə́ mbak. Mban̄g ndi i kə ta kūl̄ ndɔrɔ́.

JEJU TEĒ KUM JA̰A̰ 19:16

Ndangən̄ rī kógə̄ḿ tū kūbə̄ yān kə́ dɔ madə̄ gə̄ tə́ ō, dɔ ɓúrən tə́ ō. Rī ní na i mban̄g kə́ dɔ mban̄g gə̄ tə́ ō, Kɔ́ɔ̄ɓē kə́ dɔ kɔ́ɔ̄ ɓē gə̄ tə́ ō.

Najə̄ kə́ Majə yā Jeju ń Luk ndang ní 19:15

Ba dan ń ni-taā ndū ko̰o̰ ɓē ní oy adə̄ tél reē ɓēé anī, ɓāŕ ngé kəla gə̄ ń adə̄də́ sə́lē lɔ́r gə̄ ní, yā kadə̄ kə n-a̰a̰ nar ń nin̄ kógə̄ḿ kógə̄ḿ kə dɔdə́ gə̄ əngen̄ dɔ madə̄ tə́ ní.

MALASI 3:5

A̰á̰ā̰, Kɔ́ɔ̄ɓē kə́ bo kə́ tɔ́gən i ngá̰ý əda najə̄ ń toō: M-ā m̄-reē dansí tə́ yā rāā sarya sesí. M-ā m-ɔ́r bā̰ā̰ loo kəndā najə̄ dɔ ngé kəga gə̄ tə́ aĺ ō, ngé rāȳ gə̄ tə́ aĺ ō, ngé túbə dɔ lám̄ gə̄ tə́ aĺ ō, ngé kəgā ngé kəla yādə́ gə̄ kə gōó aĺ gə̄ ō, ngé rējə̄ dəyá̰ kə́ ngaa koy gə̄ ō, ngán hal gə̄ ō, kə yá̰a̰ rāādə́ kə́ gōtə́ aĺ ō, ngé rāā tə̄rā gə̄ majaĺ ō, de gə̄ malang ń ɓōlə́n̄ ndílə́ḿ aĺ ní ō.

LEBI GƏ̄ 19:13

Ī-kə́ra madí aĺ ō, ī-ɓogə yá̰a̰ yān aĺ ō. Nar tətō nge kəla yāí a to jīí tə́ kadə̄ loo tīī dɔ tə́ alé.

IJAI 58:3

Tá nin̄ ədamə̄n̄ na: Ré á̰a̰n aĺ anī ī-*ndi ɓō tām̄ yā Nə́ɓā tə́ i najə̄ rí tə́? Ré j-ə̄ndā ma̰ȳn á̰a̰n ī-gerə̄n aĺ anī, jə-téliī kə rɔ̄jí kə̄ nang tə́ adə̄ jə-dúūī i tām̄ rí tə́? Anī m̄-tūr̄ m-ə́da na: Ndɔ̄ ń sḭḭ̄ ī-*ndiīń ɓō tə́ ní, sḭḭ̄ á̰a̰ī gō kəla yāsí gə̄ ō, ī-rāāī ngé kəla yāsí gə̄ majaĺ ō.

MATIYE 20:4

Anī ni-ədadə́ na kə aw̄ rāān̄ kəla kem ndɔr̄ kāgə̄ nduú yān tə́ ō, na n-a n-adə̄də́ gúrsə kə́ asə kə gō kəla yādə́. De gə̄ ní aw̄n̄ ndɔr̄ ní tə́.