KOLOSƏ 3:3 - Bibəl ta Sar̄

³ Tɔdɔ̄ sḭḭ̄ i de kə́ koy kɔ̄ɔ́ gə̄, adə̄ ī-ndiī kə kumsí i loo ɓɔ̄ɔ̄ rɔ̄ tə́, naā tə́ kə Kərist kem Nə́ɓā tə́.

Bible sar

³ Tɔdɔ̄ sḭḭ̄ i de kə́ koy kɔ̄ɔ́ gə̄, adə̄ ī-ndiī kə kumsí i loo ɓɔ̄ɔ̄ rɔ̄ tə́, naā tə́ kə Kərist kem Nə́ɓā tə́.

KOLOSƏ 3:3 Referans Kwoze

GALATƏ 2:20

m̄-ndi kə kumḿ ɓá tā ba i mā alé, i Kərist n ndi kə kumneé kemḿ tə́ ní. Tɔdɔ̄ ndiḿ kə́ deē ndul tə́ kə́ ngɔr ń toō tə́ ní, m-ndi i kə ta kūl̄ taā kə́ m̄-taā kem Ngōn̄ Nə́ɓā kə́ tárəm̄, tɔdɔ̄ ni-adə̄ rɔ̄n kum gotəḿ.

Makətūbə̄ ń Pol ndang adə̄ Rom gə̄ ní 6:2

I tītə̄ ń noō alé. Tɔdɔ̄ dan ń jḭḭ̄ i kə́ koy kɔ̄ɔ́ gə̄ ta yá̰a̰ rāā kə́ majaĺ tə́ ní, loo kadə̄ jə-ndiī dan rāā majaĺ tə́ ɓáý to̰ i ba̰ý?

KOLOSƏ 2:20

Sḭḭ̄ i kə́ óyiī kɔ̄ɔ́ naā tə́ kə Kərist ō, gāngə̄n̄ dɔsí kɔ̄ɔ́ jī tɔ́gə́ kə́ dɔ nang tə́ gə̄ kə́ ngé ko̰ō̰ ɓē dɔ de gə̄ tə́ ō, anī i tām̄ rí tə́ á ī-rāāī tītə̄ kə́ sḭḭ̄ i de kə́ dɔ nang tə́ gə̄ ní? Tɔdɔ̄ ī-ndigiī kadə̄ əndān̄ najə̄ kə́ beē gə̄ dɔsí tə́:

JA̰A̰ 5:24

Ādə̄ m-ə́dásí najə̄ kə́ bo ngá̰ý, nge ń oō najə̄ yāḿ ba taā kem nge ń əlam̄ ní anī, ni i kə ndi kə kumuú ngándáńg. A gāngə̄n̄ sarya dɔn tə́ alé, banī ni-teē kɔ̄ɔ́ tū yo tə́ ba aw̄ tū ndi kə kumuú tə́.

Makətūbə̄ ń Pol ndang adə̄ Rom gə̄ ní 8:2

Tɔdɔ̄ ndū najə̄ yā Ndíĺ ń i nge rāā kadə̄ deē ndi kə kumneé kə ta kūl̄ Jeju Kərist ní, ɔrə̄m̄ kɔ̄ɔ́ gír ndū najə̄ yā majaĺ tə́ ō, yā yo tə́ ō.

Makətūbə̄ ń Pol ndang adə̄ Rom gə̄ ní 5:10

Dan ń jḭḭ̄ i madə̄ ba̰ā̰ Nə́ɓā gə̄ ɓáý ní, Nə́ɓā rāā adə̄ yo Ngōn̄ kemən əndājí naā tə́ seneé. Dan ń ngɔlaā á əndājí naā tə́ seneé toō ní, loo kadə̄ ajəjí kə ta kūl̄ Ngōnən kə́ ndi kə kumneé aĺ ní i ba̰ý?

2 KORḚNTƏ 5:14

Tɔdɔ̄ tár yā Kərist o̰o̰ ɓē dɔjí tə́, jḭḭ ń jə-ger̄ majə ngá̰ý kadə̄ de kə́ kal kógə̄ḿ beē oy tām̄ yā de kə́ ngá̰ý gə̄ tə́ ní. Kumən na nin̄ malang oyn̄ seneé.

JA̰A̰ 5:21

Tītə̄ ń Bɔbə̄ Ngōn̄ ndól̄ de kə́ koy gə̄ ba rāā adə̄ ndin̄ kə kumdə́ ní, tītə̄ ń toō Ngōn̄ rāā adə̄ ngé gə̄ ń ni-ndigədə́ ní ndin̄ kə kumdə́ ō.

JA̰A̰ 3:16

Rɔ̄kum, Nə́ɓā tár de kə́ dɔ nang tə́ gə̄ ngá̰ý, adə̄ un Ngōnən kə́ kal kógə̄ḿ beē adə̄, yā kadə̄ náā nəkɔ́ ń taā kemən anī, kɔ́ɔ̄ udə kɔ̄ɔ́ alé, banī ndi kə kumneé ngándáńg.

JA̰A̰ 14:19

Sḛ́ý to̰ anī de kə́ dɔ nang tə́ gə̄ a a̰a̰mə̄n̄ to̰ alé, banī sḭḭ̄ ā á̰a̰mī, tɔdɔ̄ m̄-ndi kə kumḿ ō, sḭḭ̄ ā ī-ndiī kə kumsí ō.

1 PIYER 3:4

Ba ādī majə yāsí i majə kə́ ngarān̄g kemsí tə́. Ādī i majə kə́ a nujə aĺ bátə́ ń i majə yā háĺ kə́ sɔl̄ lɔ́ḿ lɔ́ḿ ō, yā ndíl de kə́ ndi jəke ō ní tá. I majə ń noō n i majə kə́ gātə̄n i ngá̰ý ta kum Nə́ɓā tə́ ní.

MATIYE 11:25

Dan ngeé ń noō tə́ ní Jeju ɔr̄ najə̄, əda na: Bɔbə́ḿ, ḭ̄ ń i Kɔ́ɔ̄ɓē dɔ rā̰ tə́ ō dɔ nang tə́ ō ní, m̄-ɓōkíī tɔ̄ȳ tām̄ ɓɔ̄ɔ̄ ń ī-ɓɔ̄ɔ̄ dɔ yá̰a̰ gə̄ ń toō kɔ̄ɔ́ tām̄ yā ngé kum kedə̄ gə̄ tə́ ō, ngé ger̄ yá̰a̰ gə̄ tə́ ō, ba ī-teē kum de kə́ dūú gə̄ dɔ tə́ ní.

KOLOSƏ 3:4

Kərist ń i ndi kə kumuú yāsí ní, dan ń a teē hɔý anī, sḭḭ̄ ā ī-teēī hɔy seneé ō, ā əngeī kɔsə gɔn yān ō.

HEBƏRO 7:25

I tām̄ najə̄ ń toō tə́ n ngé gə̄ ń ndɔ́tə̄n̄ kə̄ rɔ̄ Nə́ɓā tə́ kə ta kūl̄neé ní, ni asə kajədə́ ngándáńg ní. Tɔdɔ̄ ni-ndi kə kumneé ngándáńg yā ndɔ̄ȳ Nə́ɓā tām̄ yādə́ tə́.

KOLOSƏ 2:3

Yá̰a̰ kal̄ loo yā kum kedə̄ ō, yā yá̰a̰ ger̄ ō, malang i kə́ ɓɔ̄ɔ̄ rɔ̄n kemən tə́.

JA̰A̰ 5:40

Banī sḭḭ̄ ī-ndigiī reē rɔ̄ḿ tə́ kadə̄ ə́ngeīń ndi kə kumuú kə́ rɔ̄kum alé.

JA̰A̰ 4:14

Banī deē ń a a̰ȳ man̄ ń m-ā m-ādə̄n ní, kəndā a rāān to̰ aĺ i kə́ bátə́ gə̄ tə́, tɔdɔ̄ man̄ ń m-ā m-ādə̄n ní, a tél kəɓa man̄ kə́ a kə̄rā tiriri kemən tə́, yā kadə̄ ni a ndi kə kumneé ngándáńg.

JEJU TEĒ KUM JA̰A̰ 2:17

Deē ń i kə mbīneé anī, ādə̄ oō yá̰á̰ ń Ndíl əda Egəlijə gə̄ ní. Deē ń tetə rɔ̄ɔ̄ anī, m-ā m-ādə̄n mána kə́ to loo ɓɔ̄ɔ̄ tə́ ō, m-ā m-ādə̄n mbal̄ kə́ ndaa kə́ ndangən̄ rī kə́ kijə dɔ tə́ ō. I deē ń a ənge mbal̄ ní ngóy n a ger̄ rī ní, ba de kə́ rang a ger̄ alé.

1 JA̰A̰ 3:2

Kó tár yāḿ gə̄, ngɔlaā ń toō jḭḭ̄ i ngáń Nə́ɓā, ba jī loo kətojí kə́ ndɔ̄ń tə́ ń j-a jə-toī ní, ɔjən̄ kə̄ ndágá aĺ ɓáý. Jə-gerī kadə̄ ré Kərist a ɔjə rɔ̄n kə̄ ndágá anī, j-a jə-toī tītə̄n. Tɔdɔ̄ j-a j-a̰a̰ī kadə̄ ni a to i kum gotən.

PILIPƏ 4:7

Anī kem sɔl̄ lɔm yā Nə́ɓā ń tɔȳ yá̰a̰ malang ń deē asə ger̄ ní, a ngɔ̄m̄ ngarān̄g kemsí ō, gír̄ yāsí ō, loo ɓoo naā yāsí tə́ kə Jeju Kərist.

1 KORḚNTƏ 15:45

I beé n ndangən̄ kem makətūbə̄ yā Nə́ɓā tə́ na: De kə́ ta kəga dɔ ń i Adam ní, téĺ yá̰á̰ kə́ ndi kə kumneé. Banī Adam kə́ gogə́ i Ndíl kə́ nge rāā kadə̄ deē ndi kə kumneé.

1 KORḚNTƏ 2:14

Deē ń aw̄ kə Ndíl Nə́ɓāá aĺ ní, a asə ndigə najə̄ kə́ rɔ̄kum gə̄ kə́ ḭḭn̄ rɔ̄ Ndíĺ ní tə́ alé: Najə̄ gə̄ ní i najə̄ kə́ to mbóo ta kumən ni tə́. Ni-asə ger̄ kumdə́ alé, tɔdɔ̄ deē a asə kəda najə̄ dɔ yá̰á̰ tə́ i kə ta kūl̄ Ndíl.

Makətūbə̄ ń Pol ndang adə̄ Rom gə̄ ní 5:21

Adə̄ loo ń noō tə́ ní, tītə̄ ń majaĺ taā loo kə yoó ní, tītə̄ ń noō ɓáý to̰ rajə yā Nə́ɓā a o̰o̰ ɓē kə ta kūl̄ yá̰á̰ kə́ gōtə́ yā kaw̄ń sejí tū ndi kə kumuú kə́ ngáńdáńg tə́, kə ta kūl̄ Kɔ́ɔ̄ɓē yājí Jeju Kərist ō.

KOLOSƏ 1:5

Dan ń najə̄ kə́ rɔ̄kum, adə̄ i Najə̄ kə́ Majə, ugə̄ loosí ta kəga dɔ ɓáý ní, ōōī najə̄ yā yá̰a̰ kəndā kem dɔ tə́ ń Nə́ɓā ngɔ̄m̄ dɔ rā̰ tə́ tām̄ yāsí tə́ ní: Yá̰á̰ ní i ndi kə kumuú. Adə̄ taā kem yāsí ō, tár yāsí ō ní, ngəran ra i dɔ tə́.

2 KORḚNTƏ 5:7

Tɔdɔ̄ jḭḭ jə-njə̄rā i kə gō taā kem yājí, ba i kə gō yá̰á̰ ń j-a̰ā̰ kə kumjí ní alé.

Makətūbə̄ ń Pol ndang adə̄ Rom gə̄ ní 6:11

I beé ní, sḭḭ̄ á̰a̰ī rɔ̄sí de kə́ koy kɔ̄ɔ́ gə̄ tə́ tām̄ yā yá̰á̰ kə́ majaĺ tə́, ba á̰a̰ī rɔ̄sí de kə́ ndi kə kumuú gə̄ tə́ tām̄ yā Nə́ɓā tə́ kə gō ɓoo naā yāsí kə́ kə Jeju Kərist.

EPEJƏ 3:9

Loo rāā ń Nə́ɓā a rāā yá̰a̰ yān gə̄ kə́ ton̄ loo mundə̄ tə́ ní, majə kadə̄ m̄-teēń kə̄ ndágá tām̄ yā deē ndul gə̄ tə́ malang. Ni ń i nge rāā yá̰a̰ malang ní, yá̰á̰ ń toō ń ni-núm̄ rāā ní ɓɔ̄ɔ̄ dɔ i jóo.

1 PIYER 4:2

Adə̄ əla gír ngɔr ń toō tə́ ní, ta ndɔ̄sí ń na̰y kə̄ kété kadə̄ ī-ndiīneé kə kumsí dɔ nang tə́ ní, majə kadə̄ ī-ndiī i kə gō kem ndigə yā Nə́ɓāá, ba i kə gō ɓō yá̰a̰ gə̄ ń a rāā de gə̄ ní to̰ alé.