KOLOSƏ 3:2 - Bibəl ta Sar̄

² Ādī gír̄ yāsí i dɔ yá̰á̰ kə́ dɔɔ́ gə̄ tə́, ba kadə̄ i dɔ yá̰á̰ kə́ dɔ nang tə́ gə̄ tə́ alé.

Bible sar

² Ādī gír̄ yāsí i dɔ yá̰á̰ kə́ dɔɔ́ gə̄ tə́, ba kadə̄ i dɔ yá̰á̰ kə́ dɔ nang tə́ gə̄ tə́ alé.

KOLOSƏ 3:2 Referans Kwoze

1 YÁ̰A̰ GƏ̄ 22:19

Ngɔlaā ní ə̄ndāī rɔ̄sí ta sāā yá̰á̰ ń kem Kɔ́ɔ̄ɓē Nə́ɓā yāsí ndigə ní tə́ kə dan wursí gēé mámák kadə̄ ī-gerī. Ḭ́ḭī dɔɔ́ ī-rāāī kújə́ kə́ táĺ yā Kɔ́ɔ̄ɓē Nə́ɓā ba ī-reēī kə sandúkə madə̄ naā yā Kɔ́ɔ̄ɓē ō, yá̰á̰ kə́ yā ɓōĺ gidə kə́ tām̄ yā Nə́ɓā tə́ gə̄ ō, ī-tə́ndāī kem kújə́ ń ī-rāāī kə rī Kɔ́ɔ̄ɓēé ní tə́.

KOLOSƏ 3:1

Dan ń sḭḭ̄ i kə́ Nə́ɓā ndól̄sí naā tə́ kə Kərist kɔ̄ɔ́ ɓá ní, majə kadə̄ ā ī-sāāī yá̰á̰ kə́ dɔɔ́ gə̄, loo ń Kərist ndi tū tə́ dɔ jī ko̰ Nə́ɓā tə́ ní.

MATIYE 16:23

Anī Jeju tūr̄ rɔ̄n ba əda Piyer na: Sətan, ī-tél kɔ̄ɔ́ gōḿ tə́! Ḭ̄ i bə̄dē kə́ əga njaḿ kadə̄ m-ə̄sō. Tɔdɔ̄ gír̄ kə́ kemií tə́ i gír̄ yā Nə́ɓā alé, ba i gír̄ yā de gə̄.

MATIYE 6:19

Ī-lōōī kɔsə dɔ dūbə̄ yá̰a̰ kənge yāsí gə̄ kə̄ naā tə́ dɔ nang tə́ laā. Tām̄ dɔ nang tə́ laā kārā a əhɔ ō, yō̰ gə̄ a o̰o̰n̄ kɔ̄ɔ́ ō, ngé ɓogə gə̄ a mbútə̄n̄ kum ndogə̄ mbal̄ yā kɔyń ō.

KOLOSƏ 3:5

I beé ní, ə́ya̰ī háĺ kə́ majaĺ kə́ dɔ nang tə́ laā kɔ̄ɔ́, adə̄ i sāā naā loo kaya tə́ ō, i rāā yá̰á̰ kə́ yḛr gə̄ ō, i ngur yá̰á̰ kə́ majaĺ gə̄ ō, i ɓō yá̰á̰ kə́ majaĺ gə̄ ō, i rāā ta nar ń rāā rɔ̄n i rɔȳ ɓesə̄ tə́ ní ō.

Najə̄ kə́ Majə yā Jeju ń Luk ndang ní 12:15

Gō tə́ anī əda de gə̄ malang na kə əndān̄ kum kedə̄ dɔ rɔ̄də́ tə́ majə najə̄ yā kum ndaa yá̰á̰ tə́. Tām̄ ká yá̰a̰ kənge yā deē i ngá̰ý gə̄gē, i yá̰a̰ kənge n i nge rāā kadə̄ deē ndi kə kumneé ní alé.

PĀ GƏ̄ 62:10

A̰á̰ā̰, de gə̄ i nél karī ō, ngé rī ɓār̄ gə̄ i sor̄ karī ō. Ré deē mbɔ̄jə́də́ malang naā tə́ anī, nél ɔȳ tɔȳdə́.

PĀ GƏ̄ 91:14

Dan ń ni-əhɔ gōḿ adə̄ ngan̄g ní m̄-gān̄g dɔn. M-ā m̄ ngɔ̄mən tɔdɔ̄ ni ger̄ rīḿ.

Najə̄ kə́ Majə yā Jeju ń Luk ndang ní 16:11

Ré sḭḭ̄ ī-téliī de kə́ sew gə̄ loo ngɔ̄m̄ gúrsə ń i yá̰a̰ yā de kə́ sew aĺ gə̄ tə́ ní anī, i náā ɓáý n a adə̄sí yāsí sḭḭ̄ kɔ́ gə̄ ní?

PILIPƏ 1:23

Dɔḿ tɔ̄ɔ̄ jōó: Ngur kadə̄ m-óy m-āw̄ m̄-ndi kə Kərist rāām̄, i nge ń noō n m̄-gḛy ngá̰ý ní.

Gōsə̄ najə̄ gə̄ 23:5

Kumií a a̰a̰ yá̰a̰ kənge ba sḛy beē a gətóo kɔ̄ɔ́, tɔdɔ̄ ni ger̄ kḭḭ bɔ̄gə̄! Ni a ḭḭ bɔ̄gə̄ kum kə̄ dɔ rā̰ tə́ tītə̄ kə̄rō beé.

KOHELET 7:14

Ndɔ̄ kə́ majə tə́ anī ādə̄ rɔ̄í nelī, banī ndɔ̄ yá̰á̰ kə́ to kum kaȳ aĺ tə́ anī á̰a̰ā̰: Nge ń toō ō nge ń noō ō ní, Nə́ɓā rāādə́ i yā kadə̄ deē gerə̄ń yá̰á̰ ń a to gotən tə́ ní alé.

1 YÁ̰A̰ GƏ̄ 29:3

Yá̰a̰ malang ń m-ɔ́sə dɔ naā tə́ yā rāań kújə́ kə́ táĺ ngeé ń toō ní, m-ādə̄ lɔ́r yāḿ mə̄kɔ́ ō, gində̄ arjā̰a̰ yāḿ mə̄kɔ́ ō, dɔ tə́ ɓáý to̰, tām̄ nel̄ kə́ nelə̄m̄ kə kújə yā Nə́ɓā yāḿ ngá̰ý.