KOLOSƏ 3:1 - Bibəl ta Sar̄

¹ Dan ń sḭḭ̄ i kə́ Nə́ɓā ndól̄sí naā tə́ kə Kərist kɔ̄ɔ́ ɓá ní, majə kadə̄ ā ī-sāāī yá̰á̰ kə́ dɔɔ́ gə̄, loo ń Kərist ndi tū tə́ dɔ jī ko̰ Nə́ɓā tə́ ní.

Bible sar

¹ Dan ń sḭḭ̄ i kə́ Nə́ɓā ndól̄sí naā tə́ kə *Kərist kɔ̄ɔ́ ɓá ní, majə kadə̄ ā ī-sāāī yá̰á̰ kə́ dɔɔ́ gə̄, loo ń Kərist ndi tū tə́ dɔ jī ko̰ Nə́ɓā tə́ ní.

KOLOSƏ 3:1 Referans Kwoze

Makətūbə̄ ń Pol ndang adə̄ Rom gə̄ ní 8:6

Yá̰á̰ ń dā̰ rɔ̄ ndigə ní a ojə i yo, ba yá̰á̰ ń Ndíĺ kə́ Táĺ ndigə ní, a ojə i ndi kə kumuú ō, kem sɔl̄ lɔm ō.

MATIYE 6:33

Yá̰á̰ ń kadə̄ ə̄ndāī kumsí gō tə́ ngá̰ý ī-sāāī ta kəga dɔ bang ní, i Ɓē ko̰o̰ yā Nə́ɓā ō, i háĺ kə́ súmūú ń ni-gḛy ní ō. Gō tə́ anī Nə́ɓā a adə̄sí yá̰a̰ gə̄ ń noō malang dɔ tə́ ɓáý.

2 KORḚNTƏ 4:18

Tɔdɔ̄ j-əndā kumjí i dɔ yá̰á̰ kə́ deē a̰a̰ kə kumneé tə́ alé, banī i dɔ yá̰á̰ kə́ deē a a̰a̰ kə kumneé aĺ tə́. Yá̰á̰ ń deē a̰a̰ kə kumneé ní i yá̰á̰ kə́ a to dan i ngá̰ý alé, banī yá̰á̰ ń deē a̰a̰ kə kumneé aĺ ní, i yá̰á̰ kə́ a to ngándáńg.

KOLOSƏ 3:2

Ādī gír̄ yāsí i dɔ yá̰á̰ kə́ dɔɔ́ gə̄ tə́, ba kadə̄ i dɔ yá̰á̰ kə́ dɔ nang tə́ gə̄ tə́ alé.

MATIYE 6:20

Ba ī-kánī yá̰a̰ kənge yāsí gə̄ dɔ naā tə́ dɔ rā̰ tə́. Tām̄ dɔ rā̰ tə́ ní a əhɔn̄ kārā aĺ ō, yō̰ gə̄ a o̰o̰n̄ aĺ ō, ngé ɓogə gə̄ a mbútə̄n̄ loo yā kɔyń aĺ ō.

HEBƏRO 12:2

Ādə̄ kumjí i dɔ Jeju tə́. I ni n i nge rāā kadə̄ deē taā kem ō, kadə̄ taā kem majə kə́ ɔtə̄ kə taá ō ní. Ni ndigə koy yo kə́ tū kāgə̄ kə́ dēsə́ tə́, usən dɔ rɔ̄sɔl̄ kə́ tām̄ yā yo kə́ tītə̄ ń noō tə́ alé, tām̄ ni-a̰a̰ rɔ̄nel̄ ń to a ngóōn ní. Ba ngɔlaā ń toō ɓáa ni-ndi dɔ jī ko̰ Nə́ɓā kə́ ndi dɔ kōr̄ kāgə̄ mbang yān tə́.

Najə̄ kə́ Majə yā Jeju ń Luk ndang ní 12:33

Yá̰a̰ yāsí gə̄ ń ə́ngeī ní, ígiīneé ba ādī ngé ndoō gə̄ narən. Ūrī ngong nar kə́ a əsō ngísə aĺ gə̄ tām̄ yāsí tə́ dɔ rā̰ tə́ ō, ī-kánī dūbə̄ yá̰a̰ yāsí gə̄ kə̄ dɔ naā tə́ dɔ rā̰ tə́ ō. Nge ɓogə a aw̄ rɔ̄ tə́ aĺ ō, yō̰ a nujəń aĺ ō.

PĀ GƏ̄ 16:11

Ḭ̄ ɔ́jəm̄ róbə́ kə́ aw̄ kə deé tū ndi kə kumuú tə́ adə̄ m̄-ger̄. Ré deē i rɔ̄í tə́ ngɔr anī rɔ̄n nelə̄n ngá̰ý. Rɔ̄nel̄ kə́ ngándáńg i dɔ jī ko̰í tə́.

HEBƏRO 1:3

Ngōn̄ Nə́ɓā ní i kɔsə gɔn yā Bɔbə̄n kə́ ndə́lē i ndə́lē yā Nə́ɓā ō, i ngarān̄g kum Nə́ɓā Bɔbə̄n nəkɔ́ kə́ ɔjə rɔ̄n kə̄ ndágá ō. Ni-rāā adə̄ yá̰a̰ gə̄ malang ndin̄ ngan̄g kə ta kūl̄ tɔ́gə najə̄ yānneé. Dan ń ni-ɔr̄ majaĺ kə́ kem de gə̄ tə́ kɔ̄ɔ́ ní, ni-ndi dɔ jī ko̰ Nə́ɓā tə́ dɔ rā̰ tə́. Nə́ɓā i tɔ́gə́ kə́ dɔ tɔ́gə gə̄ tə́ malang.

Najə̄ kə́ Majə yā Jeju ń Luk ndang ní 22:69

Ba əla gír ɓōólaā ń toō tə́ ní, Ngōn̄ Deē a ndi dɔ jī ko̰ Nə́ɓā kə́ tɔ́gən i ngá̰ý tə́.

KOLOSƏ 2:20

Sḭḭ̄ i kə́ óyiī kɔ̄ɔ́ naā tə́ kə Kərist ō, gāngə̄n̄ dɔsí kɔ̄ɔ́ jī tɔ́gə́ kə́ dɔ nang tə́ gə̄ kə́ ngé ko̰ō̰ ɓē dɔ de gə̄ tə́ ō, anī i tām̄ rí tə́ á ī-rāāī tītə̄ kə́ sḭḭ̄ i de kə́ dɔ nang tə́ gə̄ ní? Tɔdɔ̄ ī-ndigiī kadə̄ əndān̄ najə̄ kə́ beē gə̄ dɔsí tə́:

HEBƏRO 8:1

Najə̄ kə́ bo ngá̰ý dɔ yá̰á̰ ń j-əda tə́ ní n toó: J-awī kə ngol ngé tun̄ yá̰a̰ gə̄ kə́ tītə̄ ń noō, tɔdɔ̄ ni-ndi dɔ jī ko̰ Nə́ɓā tə́ dɔ rā̰ tə́, nge ń ndi dɔ kōr̄ kāgə̄ mbang yān tə́ ní. Nə́ɓā i tɔ́gə́ kə́ dɔ tɔ́gə gə̄ tə́ malang.

Makətūbə̄ ń Pol ndang adə̄ Rom gə̄ ní 8:34

I náā n a gān̄g sarya dɔdə́ tə́ ní? I Kərist Jeju ń oy ba ndól̄ ō, ndi dɔ jī ko̰ Nə́ɓā tə́ ō, a ndɔ̄ȳ tām̄ yājí tə́ ō ní.

HEBƏRO 10:12

Ba Kərist ni ndējə̄ yá̰a̰ tun̄ kə́ tām̄ yā majaĺ tə́ i nja kógə̄ḿ beē. Gō tə́ anī ni-ndi dɔ jī ko̰ Nə́ɓā tə́ ngándáńg.

MATIYE 26:64

Jeju tūr̄ ədan na: Īkɔ́ ə́da. Banī m-ə́dásí najə̄ kə́ rang ɓáý to̰, əla gír ngɔr ń toō tə́ ní ā á̰a̰ī Ngōn̄ Deē a ndi dɔ jī ko̰ Nə́ɓā kə́ bo kə́ tɔ́gən i ngá̰ý tə́ ō, ā á̰a̰niī loo reē tə́ dɔ kil̄ man̄ kə́ no rā̰ tə́ tə́ ō.

EPEJƏ 4:10

Ba nge ń risə aw̄ gíŕ nángāá ní, i nge ń aw̄ dɔɔ́ dɔ rā̰ tə́ ní ō, yā kadə̄ yá̰a̰ malang ń Nə́ɓā rāā ní, ni i tū tə́ ō, taā loo tū tə́ ō.

MARK 14:62

Jeju tél ədan na: Mā i ni, ba sḭḭ̄ ā á̰a̰ī Ngōn̄ Deē a ndi dɔ jī ko̰ Nə́ɓā kə́ bo kə́ tɔ́gən i ngá̰ý tə́ ō, a reē kə kil̄ man̄ kə́ no rā̰ tə́ ō.

HEBƏRO 1:13

Nə́ɓā əda deē yān kə́ dɔ rā̰ tə́ kógə̄ḿ najə̄ ń toō alé: Ī-reē ī-ndi dɔ jī ko̰ḿ tə́, bátə́ kadə̄ m-ə́lań madə̄ ba̰ā̰í gə̄ tītə̄ kōr̄ kāgə̄ beé gír njaí tə́.

KƏLA RĀĀ 2:34

Dabid aw̄ dɔ rā̰ tə́ aĺ ɓá tā ba əda na: Kɔ́ɔ̄ɓē Nə́ɓā əda Kɔ́ɔ̄ḿ na kə reē kə ndi dɔ jī ko̰n tə́,

Najə̄ kə́ Majə yā Jeju ń Luk ndang ní 20:42

Tɔdɔ̄ Dabid nəkɔ́ əda kem makətūbə̄ Pā gə̄ tə́ na: Najə̄ ń Kɔ́ɔ̄ɓē əda Kɔ́ɔ̄ɓē gə̄ yāḿ ní n toó: Ī-ndi dɔ jī ko̰ḿ tə́,

MARK 16:19

Gō tə́ dan ń Kɔ́ɔ̄ɓē Jeju ɔr̄ najə̄ sedə́ oy anī, un aw̄n̄ seneé dɔ rā̰ tə́, adə̄ ndi dɔ jī ko̰ Nə́ɓā tə́.

MARK 12:36

Dabid nəkɔ́ loo ń ɔr̄ najə̄ kə ta kūl̄ Ndíĺ kə́ Táĺ ní əda na, Kɔ́ɔ̄ɓē əda Kɔ́ɔ̄ɓē gə̄ yāḿ na kə ndi dɔ jī ko̰n tə́, bátə́ kadə̄ n-ənīń ngé ba̰ā̰n gə̄ gír njan tə́.

1 PIYER 3:22

Jeju ngeé ń toō aw̄ dɔ rā̰ tə́ ba ndi dɔ jī ko̰ Nə́ɓā tə́. Ni-ndi noó o̰o̰ń ɓē dɔ de kə́ dɔ rā̰ tə́ gə̄ tə́ ō, dɔ ngé ko̰o̰ ɓē kə́ rang gə̄ kə́ dɔ rā̰ tə́ ō, dɔ ngé tɔ́gə gə̄ kə́ dɔ rā̰ tə́ ō.

KƏLA RĀĀ 7:55

Ndíĺ kə́ Táĺ rosə kem Etiyen. Ni-ənī kumən kə̄ dɔɔ́ anī a̰a̰ kɔsə gɔn yā Nə́ɓā ō, a̰a̰ Jeju ra kə njan kə́ dɔɔ́ dɔ jī ko̰ Nə́ɓā tə́ ō.

MATIYE 22:44

Kɔ́ɔ̄ɓē əda Kɔ́ɔ̄ɓē yāḿ na kə reē kə ndi dɔ jī ko̰n tə́, bátə́ kadə̄ n-əlań ngé ba̰ā̰n gə̄ gír njan tə́.

Gōsə̄ najə̄ gə̄ 15:24

De kə́ nge kəndā kum kedə̄ dɔ rɔ̄n tə́ un róbə́ ń əta tan kə̄ dɔɔ́ a aw̄ kə̄ tū ndi kə kumuú tə́ ní. Ni gōn̄g gidə nge kə́ risə kə̄ nang tə́ kum kə̄ loo ń yo i tū tə́ ní tə́.

PĀ GƏ̄ 110:1

Pā yā Dabid. Najə̄ ń Kɔ́ɔ̄ɓē əda Kɔ́ɔ̄ɓē yāḿ ní n toó: Ī-ndi dɔ jī kó̰ḿ tə́ ādə̄ m̄-rāā adə̄ madə̄ ba̰ā̰í gə̄ télən̄ yá̰a̰ kəndā nja yāí.

KOHELET 10:2

Ndíl de kə́ nge kum kedə̄ rāā yá̰a̰ adə̄ majə, banī yá̰á̰ malang ń de kə́ mbóo ger̄ ní i gōtə́ alé.

EPEJƏ 5:22

Ādə̄ dəyá̰ gə̄ rāān̄ tītə̄ ń noō kə ngaadə́ gēé ō, tītə̄ ń a rāān̄neé kə Kɔ́ɔ̄ɓēé ní.