KOLOSƏ 2:3 - Bibəl ta Sar̄

³ Yá̰a̰ kal̄ loo yā kum kedə̄ ō, yā yá̰a̰ ger̄ ō, malang i kə́ ɓɔ̄ɔ̄ rɔ̄n kemən tə́.

Bible sar

³ Yá̰a̰ kal̄ loo yā kum kedə̄ ō, yā yá̰a̰ ger̄ ō, malang i kə́ ɓɔ̄ɔ̄ rɔ̄n kemən tə́.

KOLOSƏ 2:3 Referans Kwoze

1 KORḚNTƏ 1:24

Banī tām̄ yā ngé gə̄ ń Nə́ɓā ɓāŕdə́ tə́ ní, Jipə gə̄ aké Gərek gə̄ ní, ni i Kərist, adə̄ i tɔ́gə yā Nə́ɓā ō kum kedə̄ yā Nə́ɓā ō.

1 KORḚNTƏ 1:30

Banī Nə́ɓā ɓoosí naā tə́ kə Jeju Kərist ō, ni-rāā Kərist ní i kum kedə̄ yājí kə́ ḭḭ rɔ̄ Nə́ɓā tə́ ō, yá̰á̰ kə́ gōtə́ yājí tə́ ō, kə́ kɔr̄ kam̄ tām̄ yā Nə́ɓā yājí tə́ ō, gān̄g dɔ yājí tə́ ō.

Makətūbə̄ ń Pol ndang adə̄ Rom gə̄ ní 11:33

Yá̰a̰ kənge yā Nə́ɓā ō, kum kedə̄ yān ō, yá̰a̰ ger̄ yān ō, i yá̰á̰ kə́ to ɓōĺ ngá̰ý, adə̄ deē a asə ka̰a̰ ta tɔ̄l̄ tan alé. De kə́ asə ndō̰ gíŕ yá̰a̰ rāān ní gətóo. De kə́ asə ger̄ gō róbə yān gə̄ gətóo ō.

KOLOSƏ 1:9

I tām̄ najə̄ ń toō tə́ n əla gír ndɔ̄ ń j-oōń najə̄ ń toō tə́ ní, jə-lōō ndɔ̄ȳ tām̄ yāsí tə́ aĺ ní. Jə-dəje Nə́ɓā kadə̄ rāā sesí, kadə̄ ī-gerī yá̰a̰ malang ń kemən ndigə ní, kə ta kūl̄ Ndíl ń i nge rāā kadə̄ kumsí edə̄ ō, kemsí ger̄ yá̰á̰ ō ní.

EPEJƏ 1:8

Ni-rāā adə̄ kumjí edə̄ ngá̰ý ō, jə-gerī kum najə̄ ngá̰ý ō, i kə ta kūl̄ kem majə yān kə́ ngá̰ý ngeé ń toō.

MATIYE 10:26

Adə̄ ī-ɓōlíī de gə̄ alé, tɔdɔ̄ yá̰á̰ kógə̄ḿ kə́ to loo mundə̄ tə́ kə́ yā kadə̄ dɔ a teē ndágá aĺ ní gətóo ō, yá̰á̰ kógə̄ḿ kə́ to loo ɓɔ̄ɔ̄ rɔ̄ tə́ kə́ yā kadə̄ deē ger̄ aĺ ní gətóo ō.

KOLOSƏ 3:16

Kadə̄ Najə̄ yā Kərist ndi kemsí tə́ kə yá̰a̰ kənge kə́ tū tə́ gə̄ malang. Ī-ndóōī naā ō, ɔ̄jī naā ō, kə kum kedēé ngá̰ý. Ādə̄ Nə́ɓā rajəsí ba rāā adə̄ ə̄nīī pā gə̄ kə́ ton̄ kem makətūbə̄ pā gə̄ tə́ ō, pā gə̄ kə́ sḭḭ̄ kɔ́ gə̄ ī-rāāī ɔ́siīneé gɔnən ō, pā gə̄ kə́ Ndíĺ kə́ Táĺ əndā tasí tə́ ō, kə ngarān̄g kemsí gēé malang ādīin̄.

Gōsə̄ najə̄ gə̄ 2:4

ré ī-sāān i tītə̄ loo sāā nar beé ō, ré ɔ̄rən i tītə̄ loo kɔr̄ yá̰á̰ kə́ gātə̄n i ngá̰ý beē gíŕ nángāá ō,

JEJU TEĒ KUM JA̰A̰ 2:17

Deē ń i kə mbīneé anī, ādə̄ oō yá̰á̰ ń Ndíl əda Egəlijə gə̄ ní. Deē ń tetə rɔ̄ɔ̄ anī, m-ā m-ādə̄n mána kə́ to loo ɓɔ̄ɔ̄ tə́ ō, m-ā m-ādə̄n mbal̄ kə́ ndaa kə́ ndangən̄ rī kə́ kijə dɔ tə́ ō. I deē ń a ənge mbal̄ ní ngóy n a ger̄ rī ní, ba de kə́ rang a ger̄ alé.

Makətūbə̄ yā Job 28:21

De gə̄ malang ń ndin̄ kə kumdə́ ní, ni ɓɔ̄ɔ̄ rɔ̄n kɔ̄ɔ́ adə̄ kumdə́ a̰a̰n alé. Yel̄ gə̄ ń ḭḭn̄ bɔ̄gə̄ aw̄n̄ no rā̰ tə́ ní a̰a̰nən̄ aĺ ō.

KOLOSƏ 3:3

Tɔdɔ̄ sḭḭ̄ i de kə́ koy kɔ̄ɔ́ gə̄, adə̄ ī-ndiī kə kumsí i loo ɓɔ̄ɔ̄ rɔ̄ tə́, naā tə́ kə Kərist kem Nə́ɓā tə́.

KOLOSƏ 1:19

Tɔdɔ̄ nel̄ Nə́ɓā ndi kemən tə́ kə taá malang,

IJAI 11:2

Ndíl Kɔ́ɔ̄ɓē a ndi dɔn tə́. A adə̄n kum kedə̄ ō, kəndā ma̰ȳ yá̰a̰ ō, a rāā seneé kadə̄ a unəń ndūn dɔ yá̰a̰ gə̄ tə́ ō, a adə̄n wur kil ō, a rāā kadə̄ a ger̄ Kɔ́ɔ̄ɓē ō, a ndóōn loo ɓōĺ ndíĺ Kɔ́ɔ̄ɓē ō.

1 MBAN̄G GƏ̄ 3:28

Ngán Israel gə̄ malang oōn̄ sarya ń mban̄g gān̄g ní adə̄ rɔȳn̄ mban̄g. Tɔdɔ̄ a̰a̰n̄ kadə̄ Nə́ɓā adə̄n kum kedə̄ yān yā gāngəń sarya.

IJAI 40:14

I náā n Nə́ɓā aw̄ koō yān tə́ yā kadə̄ ni teē kum Nə́ɓā dɔ yá̰á̰ tə́ ní? Yā kadə̄ Nə́ɓā ndóoń loo gān̄g sarya majə ní? Yā kəngeń yá̰á̰ ndóō kə́ ɔjə dɔ kum kedə̄ ní? Yā gerə̄ń yá̰á̰ kə́ majə kadə̄ deē ger̄ kum ni?

Najə̄ kə́ Majə yā Jeju ń Luk ndang ní 11:49

I tām̄ najə̄ ń noō tə́ n Nə́ɓā əda kə kum kedēé na: M-ā m-ə́la kə ngé koō ta gēé ō, kə ngámbang kəla gēé ō yā kadə̄də́. Nin̄ a tɔ̄lə̄n̄ ngé kə́rēý gə̄ dandə́ tə́ ō, a rāān̄ ngé kə́rēý gə̄ ndoō tə́ ō.

KOLOSƏ 1:28

I Kərist ngeé ń toō n j-ɔjə de gə̄ malang najə̄ yān ní. Jə-tāādə́ kógə̄ḿ kógə̄ḿ ō, j-ɔjədə́ yá̰a̰ kə kum kedēé ō, kadə̄ de gə̄ kógə̄ḿ kógə̄ḿ télən̄ de kə́ majə ɔtə̄ kə taá gə̄ kə gō ɓoo naā yādə́ kə Kərist.

2 PIYER 1:5

I tām̄ najə̄ ń noō tə́ n majə kadə̄ ə́hɔī rɔ̄sí tɔ́gə ba ə̄ndāī háĺ kə́ majə dɔ taā kem yāsí tə́ ō, ə̄ndāī yá̰a̰ ger̄ dɔ háĺ kə́ majə yāsí tə́ ō,