KOLOSƏ 2:1 - Bibəl ta Sar̄

¹ Tɔdɔ̄ m̄-gḛy kadə̄ ī-gerī gō rɔ̄ɔ̄ kə́ ngan̄g ngá̰ý ń m̄-ra ta tə́ m-ā m̄-rɔ̄ɔ̄ tām̄ yāsí tə́ ō, tām̄ yā de kə́ rang gə̄ ń a̰a̰mə̄n̄ aĺ tə́ ō ní.

Bible sar

¹ Tɔdɔ̄ m̄-gḛy kadə̄ ī-gerī gō rɔ̄ɔ̄ kə́ ngan̄g ngá̰ý ń m̄-ra ta tə́ m-ā m̄-rɔ̄ɔ̄ tām̄ yāsí tə́ ō, tām̄ yā de kə́ rang gə̄ ń a̰a̰mə̄n̄ aĺ tə́ ō ní.

KOLOSƏ 2:1 Referans Kwoze

KOLOSƏ 1:29

I tām̄ ń toō tə́ n m̄-rāā kəla ō, m̄-rɔ̄ɔ̄ ō kə ta kūl̄ tɔ́gə yā Kərist ní. Tɔ́gə́ ní rāā kəla kə ngangāá kemḿ tə́.

PILIPƏ 1:30

Ngɔlaā ní sḭḭ̄ údiī dan rɔ̄ɔ̄ ń m̄-rɔ̄ɔ̄ kété á á̰a̰mī loon tə́ ní ō, sḭḭ̄ ī-gerī kadə̄ m-ā m̄-rɔ̄ɔ̄ rɔ̄ɔ̄ ní jīḿ tə́ laā ɓáý ō.

JEJU TEĒ KUM JA̰A̰ 1:11

ədam̄ na: Yá̰á̰ ń á̰a̰ā̰ ní ī-ndang makətūbūú ə́lań ādə̄ Egəlijə kə́ sīrí gə̄, adə̄ i Egəlijə kə́ Epejə ō, Səmirnə ō, Pergam ō, Tiyatir ō, Sardə ō, Piladelpi ō, Laodise ō.

KOLOSƏ 1:24

Ngɔlaā m̄-rāā rɔ̄nel̄ tɔdɔ̄ wur kɔl ń kadə̄ əsō dɔ Kərist tə́ ní, əsō dɔḿ tə́ tām̄ yā rɔ̄n tə́ i tītə̄ noō. Rɔ̄n ní i Egəlijə.

KƏLA RĀĀ 20:38

Yá̰á̰ ń rāā adə̄ rɔ̄də́ nel̄də́ aĺ ngá̰ý ní, i kəda ń ni-ədadə́ na a a̰a̰n̄ kumən to̰ aĺ bátə́ ní. Gō tə́ anī əndānən̄ róbó bátə́ ugə̄n̄ seneé ta too bo tə́.

1 PIYER 1:8

Jeju ngeé ń toō ní kumsí a̰a̰n alé, banī sḭḭ̄ ī-tárniī. Ngɔlaā ní kumsí a̰a̰n alé ɓá tā, banī sḭḭ̄ ī-taāī kemən. I tām̄ najə̄ ń toō tə́ n rɔ̄sí nel̄sí ngá̰ý ní, ba rɔ̄nel̄ ní i ngá̰ý al̄ naā, adə̄ i kə́ dum̄ kəda.

KOLOSƏ 2:5

Ká ré m̄-gətóo dansí tə́ kə dā̰ rɔ̄ḿ gə̄gē anī, ndílə́ḿ i sesí. Adə̄ rɔ̄ḿ nelə̄m̄ dan ń sḭḭ̄ ī-ndiī kə gōó ō, ī-raī dɔ Kərist ń ī-taāī kemən tə́ ní ādī ngan̄g ō ní.

GALATƏ 4:19

Ngánə́ḿ kə́ dūú gə̄, tápə̄ ń m-ə́ngé ní, i tītə̄ yā dəyá̰ ń rāā loo kojə ngōn̄ ní, bátə́ kadə̄ Kərist əndāń rɔ̄n kemsí tə́.

KƏLA RĀĀ 20:25

Ngɔlaā ní m̄-ger̄ majə kadə̄ sḭḭ̄ malang ń m̄-njə̄rā dansí tə́ m-ɔ́jəń najə̄ kə́ dɔ Ɓē ko̰o̰ yā Nə́ɓā tə́ ní, ā á̰a̰mī to̰ alé.

Najə̄ kə́ Majə yā Jeju ń Luk ndang ní 22:44

Gō tə́ ɓá anī, kemən rɔ̄n kə ngangāá ngá̰ý, ba ni-ndɔ̄ȳ kə ngangāá ngá̰ý tɔȳ kə́ kété gə̄ ō, tətōn teē a tə́sō kə́ kūbə̄rū mósə́ tə́ kok kok ō.

HEBƏRO 5:7

Dan ń Jeju ndi dɔ nang tə́ laā ní, Nə́ɓā ń asə kajən ta yo tə́ ní, ni-ndɔ̄ȳn ō, rāān ɓɔ́ ō, əga kɔŕ ngá̰ý ō, kə nōó kumən tə́ ō. Ba Nə́ɓā oōn i sɔɔ̄ń koō kə́ ni-oō tan.

1 TESALONIK 2:2

Tītə̄ ń ī-gerīneé ní, kété tá kadə̄ j-ugə̄ loosí ní, rāān̄jí yá̰á̰ kə́ tōr̄ gə̄ ō, tájə̄n̄jí ō, kem ɓē kə́ Pilipə tə́. Ba Nə́ɓā yājí adə̄jí tɔ́gə, adə̄ j-ɔjəńsí Najə̄ kə́ Majə yān kanjə̄ ɓōĺ, dan rɔ̄ɔ̄ kə́ ngá̰ý tə́.

TA KƏLA 30:8

Rasel əda na n-rɔ̄ɔ̄ rɔ̄ɔ̄ kə́ ngan̄g ngá̰ý kə ngōkó̰o̰n kə́ dəyá̰, adə̄ n-tetən rɔ̄ɔ̄. Ni-əndā rī ngōn̄ ní na i Nepətali.