KOLOSƏ 1:9 - Bibəl ta Sar̄

⁹ I tām̄ najə̄ ń toō tə́ n əla gír ndɔ̄ ń j-oōń najə̄ ń toō tə́ ní, jə-lōō ndɔ̄ȳ tām̄ yāsí tə́ aĺ ní. Jə-dəje Nə́ɓā kadə̄ rāā sesí, kadə̄ ī-gerī yá̰a̰ malang ń kemən ndigə ní, kə ta kūl̄ Ndíl ń i nge rāā kadə̄ kumsí edə̄ ō, kemsí ger̄ yá̰á̰ ō ní.

Bible sar

⁹ I tām̄ najə̄ ń toō tə́ n əla gír ndɔ̄ ń j-oōń najə̄ ń toō tə́ ní, jə-lōō ndɔ̄ȳ tām̄ yāsí tə́ aĺ ní. Jə-dəje Nə́ɓā kadə̄ rāā sesí, kadə̄ ī-gerī yá̰a̰ malang ń kemən ndigə ní, kə ta kūl̄ Ndíl ń i nge rāā kadə̄ kumsí edə̄ ō, kemsí ger̄ yá̰á̰ ō ní.

KOLOSƏ 1:9 Referans Kwoze

JAKƏ 3:17

Banī deē ń aw̄ kə kum kedə̄ kə́ dɔɔ́ ní a ngɔ̄m̄ rɔ̄n kanjə̄ rāā yá̰á̰ kə́ majaĺ kógə̄ḿ pá tá ndi kə kem sɔl̄ lɔmɔɔ́ ō, dɔn i kə́ sɔl̄ ō, ndigə najə̄ gō madə̄n gə̄ tə́ láẃ ō, a̰a̰ kum tō ndoō yā de gə̄ ngándáńg ō, kan̄ kə́ majə a rosə kemən ō, ni-ɔr̄ kam̄ de gə̄ aĺ ō, ni gól̄ loo aĺ ō.

JAKƏ 1:5

Ba ré deē kógə̄ḿ dansí tə́ nal̄ kum kedə̄ anī, ādə̄ ni-dəje Nə́ɓā ń adə̄ de gə̄ malang yá̰a̰ karī kanjə̄ kəda najə̄ kə́ tōr̄ dɔdə́ tə́ ní, na ni a adə̄n.

KOLOSƏ 4:5

Kadə̄ hál njə̄rāsí kə́ dan de kə́ ndágá gə̄ tə́ i kə kum kedēé. Dan ń ə́ngeī loo rāā yá̰á̰ kógə̄ḿ anī, ī-rāāī.

HEBƏRO 13:21

Kadə̄ əndān̄sí kə gōó tām̄ yá̰á̰ kə́ majə gə̄ tə́ malang, yā kadə̄ ī-rāāī gō kem ndigə yān. Kadə̄ ni-rāā yá̰á̰ kə́ əsō kumən kemjí tə́ kə ta kūl̄ Jeju Kərist ń kɔsə gɔn i tām̄ yān tə́ ngándáńg ngándáńg ní. Adə̄ i tītə̄ ń noō!

1 PIYER 2:15

Tɔdɔ̄ yá̰á̰ ń Nə́ɓā ndigə ní, i kadə̄ ī-rāāī yá̰á̰ kə́ majə kadə̄ ūtīneé ta de kə́ ger̄ yá̰a̰ aĺ gə̄ ō, kə́ mbóo gə̄ ō kɔ̄ɔ́.

1 SAMUEL 12:23

Mā tā a m-ā m̄-lōō gír rāā Kɔ́ɔ̄ɓē ɓɔ́ tə́ tām̄ yāsí tə́ alé. Tɔdɔ̄ ré m̄-lōō gírí anī m̄-rāā i majaĺ kə Kɔ́ɔ̄ɓēé. M-ā m̄-na̰y kə̄ loo kɔjəsí róbə́ kə́ majə tə́ ō, kə́ súmūú tə́ ō.

2 TESALONIK 1:11

I tām̄ ń toō tə́ n jə-ndɔ̄ȳ Nə́ɓā ngándáńg tām̄ yāsí tə́ ní, yā kadə̄ de gə̄ rāān̄sí de gə̄ kə́ ásiī tām̄ yā ɓāŕ ń Nə́ɓā ɓāŕsí tə́ ní. Yā kadə̄ Nə́ɓā adə̄sí tɔ́gə kadə̄ ī-rāāīneé yá̰a̰ malang kə́ majə ń kemsí gḛy ní ō, rāā adə̄ taā kem yāsí rāā kəla ō.

1 TESALONIK 5:17

Ī-lōōī gír ndɔ̄yɔ̄ɔ́ alé.

PĀ GƏ̄ 143:10

Ī-ndóōm̄ loo rāā yá̰á̰ ń kemií ndigə ní, tɔdɔ̄ ḭ̄ i Nə́ɓā yāḿ. Ndílí i Ndíĺ kə́ majə, ādə̄ njə̄rā seḿ dɔ róbə́ kə́ gidə asə naā majə tə́!

1 JA̰A̰ 5:20

Jə-gerī kadə̄ Ngōn̄ Nə́ɓā reē ō, ni-adə̄jí kur̄ dɔ kə́ kadə jə-gerīneé De kə́ Rɔ̄kum ō. Banī jḭḭ̄ i kem De kə́ Rɔ̄kum tə́ i kə ta kūl̄ Ngōnən Jeju Kərist. Ni i De kə́ Rɔ̄kum ō, ni i Nə́ɓā ō, ni i ndi kə kumuú kə́ ngándáńg ō.

KOLOSƏ 3:16

Kadə̄ Najə̄ yā Kərist ndi kemsí tə́ kə yá̰a̰ kənge kə́ tū tə́ gə̄ malang. Ī-ndóōī naā ō, ɔ̄jī naā ō, kə kum kedēé ngá̰ý. Ādə̄ Nə́ɓā rajəsí ba rāā adə̄ ə̄nīī pā gə̄ kə́ ton̄ kem makətūbə̄ pā gə̄ tə́ ō, pā gə̄ kə́ sḭḭ̄ kɔ́ gə̄ ī-rāāī ɔ́siīneé gɔnən ō, pā gə̄ kə́ Ndíĺ kə́ Táĺ əndā tasí tə́ ō, kə ngarān̄g kemsí gēé malang ādīin̄.

HEBƏRO 10:36

Majə kadə̄ ī-tə́gāī tasí ī-rāāīneé yá̰á̰ ń Nə́ɓā ndigə ní, yā kəngeń yá̰á̰ ń ni-ənī míndə dɔ tə́ yā kadə̄sí ní ō.

PILIPƏ 1:4

Kə dɔ ndɔ̄ȳ gə̄ malang ń m-ā m̄-ndɔ̄yń tām̄ yāsí tə́ noō, m-ā m̄-ndɔ̄ȳ i kə rɔ̄nelēé.

PILEMO̰ 1:4

Dan ń m̄-ndɔ̄ȳ Nə́ɓā anī əga kemḿ dɔí tə́, adə̄ m̄-ndadə̄ Nə́ɓā yāḿ ngándáńg tām̄ yāí tə́.

EPEJƏ 6:6

Ī-rāāī nge ń noō i tām̄ kumdə́ kə́ i gōsí tə́, tītə̄ kə́ ī-sāāī i kadə̄ nel̄ deē sesí beē alé, ba ī-rāāī i yá̰á̰ ń Nə́ɓā ndigə ní, kə ngarān̄g kemsí gēé malang, kə́ loo ɓəlo gə̄ yā Kərist tə́.

Makətūbə̄ ń Pol ndang adə̄ Rom gə̄ ní 12:2

Ī-lōōī ndájə̄ hál de kə́ dɔ nang tə́ gə̄. Banī ādī Nə́ɓā tūr̄ kemsí ō, adə̄sí kur̄ dɔ kə́ kijə ō. Loo ń noō tə́ ā ásiī ka̰a̰ yá̰á̰ ń Nə́ɓā ndigə ní yā ger̄. Adə̄ i yá̰á̰ kə́ majə ō, nel̄ Nə́ɓā ō, kə́ majə ɔtə kə taá ō.

1 TESALONIK 1:3

Tɔdɔ̄ əga kemjí dɔ kəla taā kem yāsí tə́ ō, dɔ kɔr ń ɔ́riī kə de gēé tə́ sɔɔ̄ń táŕ kə́ kemsí tə́ ní ō, dɔ kəndā kə́ ə̄ndāī kemsí dɔ Kɔ́ɔ̄ɓē yājí Jeju Kərist adə̄ ngan̄g tə́ ní ō, ta kum Bɔbə̄jí Nə́ɓā tə́.

1 JA̰A̰ 2:17

Ba dɔ nang ń toō ō, ngur yá̰á̰ kə́ tū tə́ gə̄ ō, a mānə̄n̄ kɔ̄ɔ́. Banī deē ń rāā yá̰á̰ ń Nə́ɓā ndigə ní, a ndi ngándáńg.

1 PIYER 4:2

Adə̄ əla gír ngɔr ń toō tə́ ní, ta ndɔ̄sí ń na̰y kə̄ kété kadə̄ ī-ndiīneé kə kumsí dɔ nang tə́ ní, majə kadə̄ ī-ndiī i kə gō kem ndigə yā Nə́ɓāá, ba i kə gō ɓō yá̰a̰ gə̄ ń a rāā de gə̄ ní to̰ alé.

KOLOSƏ 4:12

Epapəras ń i de kə́ loosí ní rāāsí lápə́ya. Nge kəla yā Kərist Jeju ń toō rɔ̄ɔ̄ tām̄ yāsí tə́ kə ndɔ̄yɔ̄ɔ́ yā kadə̄ ī-raī gágájə́ kə́ de kə́ majə ɔtə̄ kə taá gə̄ tə́, kə́ rāān̄ yá̰a̰ gə̄ ń kem Nə́ɓā ndigə ní.

KOLOSƏ 1:6

Najə̄ kə́ Majə aw̄ kum kə̄ kété ō, ojə yá̰á̰ kə́ majə ō, kə̄ loo gə̄ tə́ malang dɔ nang tə́ tītə̄ ń rāań yá̰a̰ dɔ dáńsí tə́ ní. Əla gír rāā yá̰á̰ ní i ndɔ̄ kə́ ta kəga dɔ ń sḭḭ̄ ōōīneé najə̄ rajə ń Nə́ɓā rajəsí tə́ ní ō, ndɔ̄ ń kumsí teēń dɔ tə́ kə́ rɔ̄kum tə́ ní ō.

EPEJƏ 5:17

I beé ní, ī-lōōī rāā yá̰a̰ tītə̄ yā de kə́ kur̄ dɔdə́ gətóo gə̄, banī majə kadə̄ ī-gerī kum yá̰á̰ ń Kɔ́ɔ̄ɓē gḛy ní.

EPEJƏ 5:10

Yá̰á̰ ń nel̄ Kɔ́ɔ̄ɓē ní, majə kadə̄ á̰a̰ ī-gerī.

EPEJƏ 1:8

Ni-rāā adə̄ kumjí edə̄ ngá̰ý ō, jə-gerī kum najə̄ ngá̰ý ō, i kə ta kūl̄ kem majə yān kə́ ngá̰ý ngeé ń toō.

JA̰A̰ 7:17

Ré deē kógə̄ḿ gḛy rāā yá̰á̰ ń kem Nə́ɓā ndigə ní anī, a ger̄ ké yá̰á̰ ń m̄-ndóō de gə̄ ní ḭḭ rɔ̄ Nə́ɓā tə́, aké m-ɔ̄r̄ najə̄ i kə dɔḿ mə̄kɔ́ wa.

PĀ GƏ̄ 119:99

m̄-ger̄ yá̰a̰ m̄-tɔȳ ngé ndóōḿ yá̰a̰ gə̄ malang, tɔdɔ̄ m̄-gír̄ yá̰a̰ dɔ yá̰a̰ gə̄ ń ə́dá tə́ ní.

1 KORḚNTƏ 1:5

Tɔdɔ̄ dan ń ī-ɓooī naā kə Kərist Jeju ní, ə́ngeī yá̰a̰ gə̄ malang kum asə naā, ə́ngeī tɔ́gə yā kɔrə̄ń najə̄ dɔ yá̰a̰ gə̄ tə́ malang ō, yā gerə̄ń yá̰a̰ malang ō.

KƏLA RĀĀ 12:5

Adə̄ Piyer i kújə dəngáyá, banī ngé kán̄ naā gə̄ ndɔ̄ȳn̄ Nə́ɓā kə nja ngárāá tām̄ yān tə́.

PILEMO̰ 1:6

m̄-dəje Nə́ɓā kadə̄ kem kógə̄ḿ ń do̰ō̰jí naā tə́ seí kə ta kūl̄ taā kem yāí ní, rāā adə̄ ī-ger̄ yá̰á̰ kə́ majə gə̄ malang ń j-əngeī i kə ta kūl̄ ɓoojí naā kə Kərist ní kə gōó majə.