KOLOSƏ 1:12 - Bibəl ta Sar̄

¹² Ā ī-ndadī Bɔbə̄jí Nə́ɓā kə rɔ̄nelēé, tɔdɔ̄ ni-rāā adə̄ ásiī kənge yá̰a̰ naā tə́ kə ngé yān gēé kem Ɓē ko̰o̰ yān kə́ loo unjə̄ kow tū tə́ tə́.

Bible sar

¹² Ā ī-ndadī Bɔbə̄jí Nə́ɓā kə rɔ̄nelēé, tɔdɔ̄ ni-rāā adə̄ ásiī kənge yá̰a̰ naā tə́ kə ngé yān gēé kem Ɓē ko̰o̰ yān kə́ loo unjə̄ kow tū tə́ tə́.

KOLOSƏ 1:12 Referans Kwoze

KƏLA RĀĀ 20:32

Ba ń toō ɓáa m-ə́yá̰sí kem jī Nə́ɓā tə́ ō, kadə̄ najə̄ yān rāā majə sesí ō. Ni asə kadə̄sí tɔ́gə ō, kadə̄sí yá̰á̰ kə́ majə gə̄ ń ni-ngɔ̄m̄ tām̄ yā deē yān gə̄ tə́ malang ní ō.

EPEJƏ 1:11

J-əngeī yá̰á̰ ń Nə́ɓā ənī míndən yā kadə̄jí ní, i kə ta kūl̄ ɓoo kə́ jə-ɓooī naā kə Kərist. Tām̄ Nə́ɓā gə̄rājí kété i kə gō ń ni-núməń ní. Ba ni a rāā yá̰a̰ malang i tītə̄ ń ni-gḛyń ní.

EPEJƏ 1:18

Ādə̄ ni teē kumsí ādə̄ á̰a̰ī loo kə́ unjə̄ kow yān, yā kadə̄ ī-gerīneé yá̰á̰ ń ni ɓāŕsí kadə̄ ə̄ndāī kemsí dɔ tə́ ní ō, yā kadə̄ ī-gerīneé yá̰a̰ kənge kə́ to kɔsə gɔn yān ō, yá̰a̰ ndəbā ń ni-adə̄ ngé yān gə̄ ní ō,

KƏLA RĀĀ 26:18

M-ə́laī i kadə̄ āw̄ i teē kumdə́, kadə̄ āw̄ ī-teē sedə́ kɔ̄ɔ́ kum til tə́ ba ī-reē sedə́ kum loo kə́ unjə̄ kow tə́, i kadə̄ āw̄ ī-teē sedə́ kɔ̄ɔ́ gíŕ tɔ́gə yā Sətan tə́ ba ī-reē sedə́ rɔ̄ Nə́ɓā tə́, yā kadə̄ taān̄ kemḿ anī əngen̄neé mā̰ȳ rɔ̄ dɔ majaĺ yādə́ gə̄ tə́ ō, kadə̄ əngen̄neé loo dan de gə̄ yā Nə́ɓā tə́ ō.

EPEJƏ 3:6

Yá̰á̰ kə́ to loo mundə̄ tə́ ni n toō: De gə̄ ń nin̄ i Jipə aĺ gə̄ ní, a əngen̄ yá̰á̰ ń Nə́ɓā ngɔ̄m̄ tām̄ yā deē yān gə̄ tə́ ní, naā tə́ kə Jipə gēé, i kə ta kūl̄ Najə̄ kə́ Majaá. Nin̄-rāān̄ rɔ̄də́ i rɔ̄ Kərist tə́ ō, míndə́ Nə́ɓā ń ənī najə̄ yā Kərist Jeju tə́ ní, i tām̄ yādə́ nin̄ tə́ ō.

2 KORḚNTƏ 5:5

Ba nge ń rāājí kə rī kadə̄ tūrə̄n̄jí kɔ̄ɔ́ ní, i Nə́ɓā ń adə̄jí Ndíĺ kə́ Táĺ ní. Ndíĺ kə́ Táĺ ń ni-adə̄jí ní, i ta kəla gíŕ yá̰a̰ gə̄ kə́ ni ngɔ̄m̄ tām̄ yājí tə́ ō, i yá̰á̰ kə́ ɔjə kadə̄ ni a adə̄jí yá̰a̰ gə̄ ní rɔ̄kum ō.

Makətūbə̄ ń Pol ndang adə̄ Rom gə̄ ní 8:17

Ré jḭḭ̄ i ngánən gə̄ anī, j-a j-əngeī yá̰a̰ yān ō. J-a j-əngeī yá̰á̰ ń Nə́ɓā adə̄ ngánən gə̄ ní naā tə́ kə Kərist, tɔdɔ̄ ré j-a̰a̰ī tápə̄ naā tə́ seneé anī, j-a j-əngeī kɔsə gɔn naā tə́ seneé ō.

HEBƏRO 3:14

Tɔdɔ̄ jḭḭ̄ i madə̄ Kərist gə̄, ba i loo ń ré jə-ngɔ̄mī yá̰á̰ ń j-əndāī kemjí dɔ tə́ ní kə ngangāá ta kəla gíŕ tə́ bátə́ ta ngóý tə́ tá.

JA̰A̰ 14:6

Jeju tél ədan na: Mā i róbə ō, najə̄ kə́ rɔ̄kum ō, ndi kə kumuú ō. Deē asə kaw̄ rɔ̄ Bɔbə́ḿ tə́ i kə ta kūlə̄ḿ māá ngóy.

JEJU TEĒ KUM JA̰A̰ 21:23

Ɓē ní sāā i mbang ō nāā ō tá kadə̄ loo unjə̄ń kemeé alé. Tɔdɔ̄ kɔsə gɔn yā Nə́ɓā rāā adə̄ loo unjə̄ kow kemeé ō, lámbá kə́ kemeé i Ngōn̄ Batə̄ ō.

HEBƏRO 12:23

Sḭḭ̄ ī-ndɔ́tī i kə̄ rɔ̄ ngé kán̄ naā gə̄ ń i ngáń hágə gə̄ yā Nə́ɓā, kə́ ndangən̄ rīdə́ dɔ rā̰ tə́. Sḭḭ̄ ī-ndɔ́tī i kə̄ rɔ̄ Nə́ɓā nge ngān̄g sarya yā de gə̄ malang tə́ ō, kə̄ rɔ̄ ndíl de kə́ súmūú gə̄ n télən̄ kə́ majə ɔtə̄ kə taá gə̄ tə́ ō.

KOLOSƏ 2:2

I tītə̄ ń noō n m̄-sāań kadə̄ nin̄-əhɔn̄ rɔ̄də́ tɔgə ō, kadə̄ tár ɓoodə́ naā tə́ ō, kadə̄ ugə̄n̄ tū ger̄ yá̰á̰ kə́ rɔ̄kum ń i nge rāā tá kadə̄ kem deē a ger̄ yá̰á̰ mámák ní ō, ba kadə̄ gerə̄n̄ yá̰á̰ kə́ to loo mundə̄ tə́ yā Nə́ɓā ń i Kərist ní.

EPEJƏ 5:20

Ī-ndadī Bɔbə̄jí Nə́ɓā ngándáńg tām̄ yā yá̰a̰ gə̄ tə́ malang kə rī Kɔ́ɔ̄ɓē yājí Jeju Kərist.

1 KORḚNTƏ 8:6

Banī tām̄ yājí tə́ ɓáa Nə́ɓā i kógə̄ḿ beē. Ni i Bɔbə̄jí ń yá̰a̰ malang teē i rɔ̄n tə́ ō, j-a j-awī i kə̄ rɔ̄n tə́ ō ní. Kɔ́ɔ̄ɓē i kógə̄ḿ beē ngóy, i Jeju Kərist ń yá̰a̰ gə̄ malang teēn̄ i kə kūl̄neé ō, jə-ndiī i kə kūl̄neé ō ní.

Makətūbə̄ ń Pol ndang adə̄ Rom gə̄ ní 15:27

I nin̄ kɔ́ gə̄ n ndigən̄ rāā tītə̄ ń noō kə gō kemdə́ ní, ba mandang ɓáa i yá̰á̰ kə́ sɔɔ̄ kadə̄ nin̄-rāān̄. Tɔdɔ̄ Jipə kə́ ngé taā kem Kərist gə̄, kēgə̄n̄ yá̰á̰ yādə́ kə́ gō róbə yā ndíĺ tə́ adə̄n̄ ngé gə̄ ń nin̄ i Jipə aĺ gə̄ ní. Adə̄ majə kadə̄ ngé gə̄ ń nin̄ i Jipə aĺ gə̄ ní, rāān̄ sedə́ kə yá̰á̰ kə́ jīdə́ tə́ ō.

Gōsə̄ najə̄ gə̄ 16:1

Kɔjə rāā yá̰a̰ i yā deē ndul, banī kəndā ma̰ȳ majən i yā Kɔ́ɔ̄ɓē.

Gōsə̄ najə̄ gə̄ 4:18

Hál de kə́ súmūú gə̄ to i tītə̄ loo kə́ unjə̄ kow kə́ ta gír loo tə́, kə́ unjə̄ kum kə̄ kété kété bátə́ dan kadaá.

JAKƏ 3:9

J-ɔriī ta nge ń i Kɔ́ɔ̄ɓē ō, Bɔbə̄jí ō ní seneé ō, jə-ndɔ̄líī de gə̄ ń Nə́ɓā rāādə́ adə̄ teēnən̄ ní i seneé ō.

HEBƏRO 3:1

I beé ní, sḭḭ̄ ngákó̰ó̰ḿ gə̄ ń sḭḭ̄ i de gə̄ yā Nə́ɓā á ə́gaī naā dɔ ɓāŕ ń ɓārə́n̄sí kadə̄ āwī dɔ rā̰ tə́ ní, á̰a̰ī Jeju ń Nə́ɓā əlan kadə̄ ni i ngol ngé tun̄ yá̰a̰ gə̄ kə́ dɔ taā kem ń j-ɔjiī najə̄n tə́ ní.

KOLOSƏ 3:17

Ba yá̰a̰ malang ń ā ə́daī ō, kəla malang ń ā ī-rāāī ō ní, ə́daī ō, ī-rāāī ō, kə rī Kɔ́ɔ̄ɓē Jeju. Ī-ndadī Bɔbə̄jí Nə́ɓā kə ta kūl̄neé.

KOLOSƏ 3:15

Ādə̄ kem sɔl̄ yā Kərist o̰o̰ ɓē kemsí tə́, tɔdɔ̄ Nə́ɓā ɓāŕsí kadə̄ ī-téliī de kə́ kógə̄ḿ beē gə̄. Ī-téliī ngé ndadə̄ Nə́ɓā gə̄.

EPEJƏ 5:4

Ɔ̄rī najə̄ kə́ to rɔ̄sɔl̄ gə̄ aĺ ō, kə́ to ngonjə̄ gə̄ aĺ ō, ī-tāmī mbóo aĺ ō. Najə̄ gə̄ ń noō i najə̄ kə́ majə gə̄ alé. Majə kadə̄ ī-ndadī i Nə́ɓā tá.

EPEJƏ 4:6

Nə́ɓā i kógə̄ḿ beē, ni i Bɔbə̄ de gə̄ malang. Ni-o̰o̰ ɓē dɔ de gə̄ tə́ malang ō, rāā kəla kə ta kūl̄də́ malang ō, ndi kemdə́ tə́ malang ō.

1 KORḚNTƏ 9:23

Ba m̄-rāā yá̰á̰ ń noō malang i tām̄ yā Najə̄ kə́ Majə tə́, yā kadə̄ m-ə́ngeń yá̰á̰ ń Najə̄ kə́ Majə a adə̄ de gə̄ ní ō.

Makətūbə̄ ń Pol ndang adə̄ Rom gə̄ ní 11:17

Ngán Israel gə̄ rāān̄ rɔ̄də́ i kāgə̄ olibə kə́ ɓēé kə́ tə́gān̄ ta jīn kə́rēý gə̄ kɔ̄ɔ́ tə́. Ḭ̄ ń i Jipə aĺ ní, ī-rāā rɔ̄í i kāgə̄ olibə kə́ bembeé, kə́ əhɔīn̄ gotədə́ tə́, adə̄ ī-ndi kə ta kūl̄ bəto ń ngəra kāgə̄ olibə kə́ ɓēé a adī ní.

Makətūbə̄ ń Pol ndang adə̄ Rom gə̄ ní 9:23

Nə́ɓā gḛy i kɔjə kɔsə gɔn yān kə́ to ɓōĺ ngá̰ý tām̄ yājí jḭḭ̄ ń kumən o̰o̰n sejí ō, jḭḭ̄ ń nəkɔ́ əndājí dɔ jīn kadə̄ j-udiī kem kɔsə gɔn yān tə́ ní ō.

JA̰A̰ 20:17

Jeju ədan na: Ɔ́dəm̄ alé, tɔdɔ̄ m-āw̄ rɔ̄ Bɔbə́ḿ tə́ aĺ ɓáý. Ba āw̄ ə́dá ngákó̰ó̰ḿ gə̄ na m-āw̄ kə̄ rɔ̄ Bɔbə́ḿ ń i Bɔbə̄sí ō, kə̄ rɔ̄ Nə́ɓā yāḿ ń i Nə́ɓā yāsí ō ní tə́.

JA̰A̰ 4:23

Banī kum mbang a reē noó, ba kum mbang ní ugə̄ kɔ̄ɔ́. Kum mbang ngeé ń noō tə́ ní, ngé rɔȳ kə́ rɔ̄kum gə̄ a rɔȳn̄ Bɔbə̄ Ngōn̄ i kə ta kūl̄ Ndíl ō, kə́ rɔ̄kum tə́ ō. Tɔdɔ̄ i ngé rɔȳ kə́ tītə̄ ń noō gə̄ n Bɔbə̄ Ngōn̄ a sāādə́ ní.

MATIYE 25:34

Anī mban̄g a əda ngé gə̄ ń dɔ jī ko̰n tə́ ní na: Sḭḭ̄ ń Bɔbə́ḿ tɔ́r̄ tan dɔsí tə́ ní, ī-reēī, ī-taāī Ɓē ko̰o̰ ń rāān̄ tām̄ yāsí tə́ ta kəla gír kəndā dɔ rā̰ ō dɔ nang ō tə́ ní.

DANIEL 2:23

Nə́ɓā yā kaaḿ gə̄, m̄-rāāī kə́ra ō, m̄-ɓōkíī tɔ̄ȳ ō, tām̄ ādə̄m̄ kum kedə̄ ō tɔ́gə ō. Yá̰á̰ ń jə-dəjeī ní ḭ̄ ī-rāā ādə̄ m̄-ger̄, tɔdɔ̄ ī-rāā ādə̄ jə-ger̄ yá̰á̰ ń tōr̄ rɔ̄ mban̄g ní.

PĀ GƏ̄ 116:7

Kemḿ, majə kadə̄ ī-tetə kə̄ nang tə́, tɔdɔ̄ Kɔ́ɔ̄ɓē rāā majə seí.

PĀ GƏ̄ 97:11

Loo kə́ unjə̄ kow teē tām̄ yā de kə́ sew tə́, tá de gə̄ ń kemdə́ i súmūú ní rɔ̄də́ nel̄də́ ō.

PĀ GƏ̄ 79:13

Loo ń noō tə́ jḭḭ ń i gír deē yāí gə̄ á i yá̰a̰ kul̄ gə̄ kə́ i ḭ̄ n i nge kaw̄ sedə́ dɔ mu tə́ ní, j-a j-asə kɔsə gɔnií ngándáńg ō, ɓōkíī tɔ̄ȳ kə dɔ ɓāl̄ gə̄ ō.

PĀ GƏ̄ 36:9

Nin̄ əsan̄ yá̰á̰ kə́ nel̄ gə̄ kə́ kem kújə yāí tə́ adə̄ ndān̄də́ ō, ādə̄də́ yá̰á̰ kə́ nel̄ yāí gə̄ kə́ ngá̰ý tītə̄ man̄ bā beé ní adə̄ a̰ȳn̄ ō.

1 YÁ̰A̰ GƏ̄ 29:20

Gō tə́ anī Dabid əda ngé kán̄ naā gə̄ malang na: Ī-ndadī Kɔ́ɔ̄ɓē Nə́ɓā yāsí! Anī ngé kán̄ naā gə̄ malang ndadə̄n̄ Kɔ́ɔ̄ɓē Nə́ɓā yā kaadə́ gə̄. Nin̄ ɔsən̄ nodə́ nang tə́ no Kɔ́ɔ̄ɓē tə́ ō, no mban̄g tə́ ō rɔȳn̄neédə́.

1 MBAN̄G GƏ̄ 6:7

Rāān̄ kújə yā Kɔ́ɔ̄ɓē i kə mbal̄ gə̄ kə́ ton̄ i kə jī loo kḭḭ ń ḭḭn̄neé sedə́ loo tɔ́sə mbal̄ tə́ ní. I beé n deē oōń kōō martóo ō, də́ga ō, gində̄ rāā kəla kə́ rang ō, loo rāā kújə yā Kɔ́ɔ̄ɓē tə́ aĺ ní.

JEJU TEĒ KUM JA̰A̰ 22:14

Ngé gə̄ ń tə́gon̄ kūbə̄ ngāl̄ yādə́ gə̄ ní, rɔ̄də́ nel̄də́. Tɔdɔ̄ nin̄ a əngen̄ ta róbə kəsa kan̄ kāgə̄ ndi kə kumuú ní ō, a udən̄ kem ɓē ní tə́ kə ta róbə gə̄ ní ō.

JEJU TEĒ KUM JA̰A̰ 22:5

Loo kə́ ndɔ̄ɔ́ a gətóo ō, a sāān̄ i hor lámbá tá yā ka̰a̰ń loo aĺ ō, a sāān̄ i mbang tá yā ka̰a̰ń loo aĺ ō. Tām̄ i Kɔ́ɔ̄ɓē Nə́ɓā n i loo kə́ unjə̄ kow dɔdə́ tə́ kadə̄ a̰a̰n̄neé loo ō, nin̄ a o̰o̰n̄ ɓē i kə dɔ ɓāl̄ gə̄ ɓāl̄ gə̄ ō.

1 JA̰A̰ 1:3

Yá̰á̰ ń j-a̰a̰ ō, j-oō ō ní, j-ədasí sḭḭ̄ najə̄n ō, yā kadə̄ ī-rāāī kem kógə̄ḿ sejí dɔ tə́. Ba jə-rāāī kem kógə̄ḿ ní i kə bɔbɔ̄ɔ́ ō, kə ngōnən Jeju Kərist ō.

1 PIYER 5:1

Ngɔlaā ní m-ā m-ɔ̄r̄ najə̄ i kə kum kɔɔ̄ gə̄ ń ndin̄ dɔ dáńsí tə́ á mā i kum kɔɔ̄ madə̄də́ ō ní. Yá̰á̰ kə́ tōr̄ ń rāā Kərist ní, mā m-á̰a̰ā̰ kə kumḿ ō. Kɔsə gɔn ń ndɔ̄ń tə́ a teēn̄neé kə̄ ndágá ní, mā i tū tə́ ō. Yá̰á̰ ń m̄-dəjesí sḭḭ̄ kum kɔɔ̄ gə̄ ní n toó:

TITƏ 2:14

Ni-əya̰ rɔ̄n adə̄ de gə̄ əhɔ tɔ̄lə̄n̄ kum gotəjí, yā gāngəń dɔjí tām̄ yá̰á̰ kə́ majaĺ gə̄ ń jə-rāāī tə́ ní ō, yā rāań kadə̄ jḭḭ̄ i gír deē yān gə̄ kə́ unən̄ majaĺ dɔjí tə́ kɔ̄ɔ́ adə̄ j-unjī njáý njáý ō, kadə̄ jḭḭ̄ i gír de gə̄ kə́ jə-təngāī loo rāā kəla kə́ majə gə̄ tə́ ō.

2 KORḚNTƏ 11:14

Banī nge ń noō i yá̰á̰ kə́ to kɔr kum alé, tām̄ Sətan nəkɔ́ gə̄gē ní, i nge tél de kə́ dɔ rā̰ tə́ yā loo kə́ unjə̄ kow ō.

EPEJƏ 2:18

Tɔdɔ̄ jḭḭ̄ malang, Jipə gə̄ ō, de gə̄ ń nin̄ i Jipə aĺ gə̄ ō ní, j-asiī kaw̄ ra no Bɔbə̄ Ngōn̄ tə́ sɔɔ̄ń i Jeju Kərist kə ta kūl̄ Ndíĺ kə́ Táĺ.

EPEJƏ 5:8

Jóó ní sḭḭ̄ i kum til tə́, ba ngɔlaā sḭḭ̄ i kum loo kə́ unjə̄ kow tə́, sɔɔ̄ń ɓoo kə́ ī-ɓooī naā kə Kɔ́ɔ̄ɓēé. I beé ní, ī-rāāī yá̰a̰ tītə̄ ngáń kə́ kum loo kə́ unjə̄ kow tə́ gə̄.

EPEJƏ 5:11

Kəla kə́ rāā tilií gə̄ ń i kəla kə́ teē yá̰a̰ aĺ gə̄ ní, i-lōōī rāā sedə́, banī ī-teēī kə gíŕdə́ ndágá.