KOLOSƏ 1:10 - Bibəl ta Sar̄

¹⁰ I beé n háĺsí a rɔȳń Kɔ́ɔ̄ɓē ō, ā ī-rāāiń yá̰á̰ kə́ nelə̄n ō ní. Ā ī-rāāī yá̰a̰ malang kə́ majə ō, ā ī-gerī Nə́ɓā kum kə̄ kété kété ō.

Bible sar

¹⁰ I beé n háĺsí a rɔȳń Kɔ́ɔ̄ɓē ō, ā ī-rāāiń yá̰á̰ kə́ nelə̄n ō ní. Ā ī-rāāī yá̰a̰ malang kə́ majə ō, ā ī-gerī Nə́ɓā kum kə̄ kété kété ō.

KOLOSƏ 1:10 Referans Kwoze

EPEJƏ 4:1

I beé ní, mā ń i dəngáy kə gō ɓoo naā yāḿ kə Kɔ́ɔ̄ɓēé ní, m̄-rāāsí ɓɔ́ kadə̄ háĺsí ndetə naā kə ɓār̄ ń Nə́ɓā ɓāŕsí ní.

HEBƏRO 13:21

Kadə̄ əndān̄sí kə gōó tām̄ yá̰á̰ kə́ majə gə̄ tə́ malang, yā kadə̄ ī-rāāī gō kem ndigə yān. Kadə̄ ni-rāā yá̰á̰ kə́ əsō kumən kemjí tə́ kə ta kūl̄ Jeju Kərist ń kɔsə gɔn i tām̄ yān tə́ ngándáńg ngándáńg ní. Adə̄ i tītə̄ ń noō!

1 JA̰A̰ 3:22

Ká ré i yá̰á̰ rí gə̄gē n jə-gədeī jīn tə́ anī, j-a j-əngeī. Tɔdɔ̄ jə-rāā yá̰a̰ i kə gō míndəneé ō, jə-rāāī yá̰á̰ kə́ nelə̄n ō.

JA̰A̰ 15:16

I sḭḭ̄ n ī-gə̄rāmī ní alé, ba i mā n m̄-gə̄rāsí ní. M-ə̄ndā dɔsí tə́ kadə̄ āwī ō, kadə̄ ā̰ā̰nī ngá̰ý ō, kadə̄ ka̰a̰n̄sí to gotoó ō. Loo ń noō tə́ Bɔbə́ḿ a adə̄sí yá̰a̰ malang ń ā ī-dəjeniī kə rīḿ ní.

1 TESALONIK 4:1

Yā tɔ̄ləń ta ní, ngákó̰ó̰jí gə̄, háĺ kə́ kadə̄ nel̄ Nə́ɓā ní, sḭḭ̄ ī-ndóōī rɔ̄jí tə́, adə̄ i ni n ī-rāāī ní. Ba ngɔlaā ń toō ní jə-dəjesí ō, jə-rāāsí ɓɔ́ kə rī Kɔ́ɔ̄ɓē Jeju ō, kadə̄ ī-rāāī kadə̄ majə tɔȳ kə́ kété.

HEBƏRO 13:16

Ādə̄ dɔsí ndígə̄nal rāā majə kə deé aĺ ō, rāā kə naá aĺ ō. Tām̄ i yá̰a̰ tun̄ kə́ tītə̄ ń noō gə̄ n nelə̄n̄ Nə́ɓā ní.

JA̰A̰ 15:8

Yá̰á̰ ń ɔsə gɔn Bɔbə́ḿ ní, i ka̰a̰n̄ kə́ sḭḭ̄ ā̰ā̰nī ngá̰ý ō, sḭḭ̄ i ngé ndóō yá̰a̰ yāḿ gə̄ ō.

TITƏ 3:14

Majə kadə̄ deē yājí gə̄ ndóōn̄ rāā kəla kə́ majə gə̄ ō, tá kadə̄ nin̄-əndān̄ rɔ̄də́ ta yá̰á̰ kə́ tōr̄ rɔ̄ gə̄ tə́. Loo ń noō tə́, nin̄ a télən̄ de kə́ teē yá̰a̰ aĺ gə̄ alé.

2 PIYER 3:18

Banī āwī kum kə̄ kété kété tū kem majə yā Nə́ɓā tə́ ō, tū ger̄ Jeju Kərist ń i Kɔ́ɔ̄ɓē yājí ō nge kajəjí ō ní tə́ ō. Kɔsə gɔn i yān ngɔr ń toō tə́ ō, bátə́ kə̄ no tə́ ō! Adə̄ i tītə̄ ń noō.

Gōsə̄ najə̄ gə̄ 16:7

Dan ń hál deē nel̄ Kɔ́ɔ̄ɓē anī ni a rāā kadə̄ madə̄ ba̰ā̰n gə̄ gə̄gē tél aw̄n̄ naā tə́ seneé.

2 PIYER 1:8

Háĺ kə́ majə gə̄ ń sɔɔ̄ kadə̄ sḭḭ̄ āwīneé ní n noó. Ba ré háĺ kə́ majə gə̄ ngeé ń toō āwīneé ngá̰ý anī, i nin̄ n a rāān̄sí kadə̄ ā ī-rāāī kəla ō, ā ī-gerī Kɔ́ɔ̄jí Jeju Kərist kum kə̄ kété kété ō ní.

KOLOSƏ 2:6

Dan ń ī-ndigiī kadə̄ Kərist Jeju i Kɔ́ɔ̄ɓē yāsí ní, ī-njə̄rāī seneé.

MISE 4:5

Gotə́ gír de kə́ rang gə̄ malang ní, de gə̄ kógə̄ḿ kógə̄ḿ kə́ dandə́ tə́ a oōn̄ i ta nə́ɓā yādə́ gə̄. Banī jḭḭ j-oō i ta Kɔ́ɔ̄ɓē Nə́ɓā yājí kə́ njɔ́ḿ gə̄ tə́.

1 TESALONIK 2:12

J-ɔjə̄sí ō, jə-sɔl̄ kemsí ō, jə-rāāsí ɓɔ́ kadə̄ háĺsí ndetə naā kə ɓāŕ ń Nə́ɓā ɓāŕsí kadə̄ údiī kem Ɓē ko̰o̰ yān tə́ ō, kɔsə gɔn yān tə́ ō ní.

KOLOSƏ 4:5

Kadə̄ hál njə̄rāsí kə́ dan de kə́ ndágá gə̄ tə́ i kə kum kedēé. Dan ń ə́ngeī loo rāā yá̰á̰ kógə̄ḿ anī, ī-rāāī.

EPEJƏ 5:15

I beé ní, ə̄ndāī ma̰ȳ háĺsí majə. Ī-lōōī rāā yá̰a̰ tītə̄ de kə́ ger̄ yá̰a̰ aĺ gə̄, banī ī-rāāī yá̰a̰ tītə̄ de kə́ ngáā gə̄.

EPEJƏ 2:10

Tɔdɔ̄ i Nə́ɓā n rāājí ní. Ni-rāājí kə ta kūl̄ Kərist Jeju i yā kadə̄ kəla kə́ majə gə̄ ń nəkɔ́ əndā dɔ danaá kété ní, jə-rāāīdə́.

2 KORḚNTƏ 2:14

Banī jə-ndadə̄ j-adə̄ Nə́ɓā, tām̄ ni-ndɔ́r̄jí aw̄ sejí gō Kərist ń tetə rɔ̄ɔ̄ tə́ ní ngándáńg ō, ni-unjí rāań adə̄ de gə̄ gerə̄n̄ Kərist kə̄ loo gə̄ tə́ malang ō. Adə̄ to i tītə̄ sēē ítər kə́ otə majə kə́ taā loo beé.

Makətūbə̄ ń Pol ndang adə̄ Rom gə̄ ní 6:4

Batéḿ ń rāān̄jí ní, rāān̄jí i batém koy ń j-oyiī naā tə́ kə Kərist adə̄ dubə̄n̄jí naā tə́ seneé ní. I yā kadə̄ tītə̄ ń kɔsə gɔn yā Bɔbə̄ Ngōn̄ ndóləń Kərist dan de kə́ koy gə̄ tə́ ní, jḭḭ̄ jə-ndiī kə kumjí ndi kə́ kijə ō.

EPEJƏ 5:10

Yá̰á̰ ń nel̄ Kɔ́ɔ̄ɓē ní, majə kadə̄ á̰a̰ ī-gerī.

EPEJƏ 5:2

Ī-táriī naā tītə̄ ń Kərist tárəńjí ba adə̄ń Nə́ɓā rɔ̄n tām̄ yājí tə́ tītə̄ yá̰a̰ ndējə̄ ō, yá̰a̰ tun̄ ō, kə́ sēēn nel̄ Nə́ɓā beé ní.

PILIPƏ 1:27

Banī ādī háĺsí ń ī-ndiīneé ní, əhɔ naā kə Najə̄ kə́ Majə yā Kərist, yā kadə̄ ká ré m-āw̄ go̰ō̰sí tə́, aláa m̄-gətóo rɔ̄sí tə́ gə̄gē anī, m-ōō kadə̄ ī-raī ngan̄g ō, gír̄ yāsí i kógə̄ḿ ō, sḭḭ̄ malang ī-rɔ̄ɔ̄ī dɔ taā kem Najə̄ kə́ Majə tə́ kə kem kə́ kógə̄ḿ ō.

PILIPƏ 1:11

Sḭḭ̄ ā ī-rāāī yá̰á̰ kə́ gō tə́ gə̄ ngá̰ý kə ta kūl̄ Jeju Kərist yā kɔsəń gɔn Nə́ɓā ō, yā ɓōkə́nəń tɔ̄ȳ ō.

1 JA̰A̰ 5:20

Jə-gerī kadə̄ Ngōn̄ Nə́ɓā reē ō, ni-adə̄jí kur̄ dɔ kə́ kadə jə-gerīneé De kə́ Rɔ̄kum ō. Banī jḭḭ̄ i kem De kə́ Rɔ̄kum tə́ i kə ta kūl̄ Ngōnən Jeju Kərist. Ni i De kə́ Rɔ̄kum ō, ni i Nə́ɓā ō, ni i ndi kə kumuú kə́ ngándáńg ō.

TITƏ 3:1

Ī-ter̄ kemdə́ dɔ najə̄ sɔl̄ dɔ tə́ kə̄ no ngār gə̄ tə́ ō, no ngé ko̰o̰ ɓē gə̄ tə́ ō, dɔ najə̄ koō tadə́ tə́ ō, ādə̄ əndānəń dɔ rɔ̄də́ danaá kété tām̄ yā kəla malang kə́ majə tə́ ō,

KOLOSƏ 3:20

Ngán gə̄, ōōī ta bɔbə̄sí gə̄ ō, kó̰ó̰sí gə̄ ō, tɔdɔ̄ i ngé ń noō n nel̄ Kɔ́ɔ̄ɓē ní.

EPEJƏ 4:13

bátə́ kadə̄ jḭḭ̄ malang ní taā kem yājí i kógə̄ḿ beē ō, ger̄ Ngōn̄ Nə́ɓā yājí i kógə̄ḿ beē ō. Loo ń noō tə́ ní, j-a jə-téliī de gə̄ kə́ jə-tɔgiī j-asiī naā kə Kərist ō, jə-majə j-ɔtī kə taá tītə̄n ō.

HABAKUK 2:14

A̰á̰ā̰, de gə̄ malang a gerə̄n̄ kɔsə gɔn yā Kɔ́ɔ̄ɓē. Kɔsə gɔn ní a taā loo malang dɔ nang tə́, tītə̄ ń man̄ rosəń kem kār̄ bā bo gə̄ tə́ ní.

HEBƏRO 11:5

I kə ta kūl̄ taā kem n kadə̄ ɔrə̄n̄ Henok adə̄ ni-a̰a̰ yo aĺ ní, de gə̄ əngenən̄ to̰ alé, tɔdɔ̄ Nə́ɓā ɔrə̄n kɔ̄ɔ́. Tām̄ kété tá kadə̄ ɔr̄nən̄ ní, makətūbə̄ yā Nə́ɓā əda na, ni na i de kə́ nel̄ Nə́ɓā seneé.

2 TIMOTE 2:4

Náā nəkɔ́ ń udə áskaraá á sāā rāā yá̰á̰ kə́ nel̄ deē ń unən áskaraá ní, a ɔr̄ kemən kɔ̄ɔ́ dɔ yá̰a̰ rāā de kə́ karī gə̄ tə́.

KOLOSƏ 2:19

Nin̄-əhɔn̄ gō Kərist ń i dɔm dɔ ní adə̄ ngan̄g alé. Tá rɔ̄ malang ń əhɔ naā majə kə ta kūl̄ ta rɔtən gə̄ ní, i Kərist n i nge kəhɔ dɔɔ́ ō, nge rāā kadə̄ rɔ̄ ní tɔgə kə gō ń Nə́ɓā ndigə ō ní.

PILIPƏ 4:18

Yá̰á̰ ń ə́laīneé ādə̄mī ní, m-ə́nge malang. Yá̰á̰ ní mān̄ dɔ yá̰á̰ ń ndoōn rāām̄ ní gə̄gē ɓáý. Dan ń Epapəroditə adə̄m̄ yá̰a̰ yāsí gə̄ ń ə́laniīneé ní, yá̰a̰ malang ń ndoōn rāām̄ ní m-ə́nge. Yá̰a̰ gə̄ ń ādə̄mī ní, ton̄ i tītə̄ yá̰a̰ ndējə̄ kə́ tɔ̄l̄ ba tun̄ kadə̄ Nə́ɓā, kə́ sēēn otə nel̄ ō, i tītə̄ yá̰a̰ tun̄ kə́ Nə́ɓā ndigə ō, nel̄ kemən ō beé.

EPEJƏ 1:17

Kadə̄ ni ń i Bɔbə̄ Kɔ́ɔ̄ɓē yājí Jeju Kərist ní, ni ń i Bɔbə̄jí kə́ kɔsə gɔn i yān ní, adə̄sí Ndíĺ kə́ nge kadə̄ deē kum kedə̄ ō, kə́ nge teē kum deē dɔn tə́ ō, kadə̄ ī-gerīin̄neé.

2 KORḚNTƏ 9:8

Nə́ɓā asə kadə̄sí yá̰á̰ kə́ majə kə́ tayā tayā gə̄ malang ngá̰ý, yā kadə̄ sḭḭ̄ i kə yá̰a̰ malang kə́ asəsí kə ndɔ̄ gə̄ ō, kadə̄ gotə ń na̰y ní i ngá̰ý kadə̄ ī-rāāīneé kəla kə́ majə gə̄ malang ō,

JA̰A̰ 17:3

Ndi kə kumuú kə́ ngándáńg ní n toó: I kadə̄ nin̄-gerīn̄ ḭ̄ Nə́ɓā kə́ rɔ̄kum kə́ kal kógə̄ḿ beē ō, i kadə̄ nin̄-gerə̄n̄ Jeju Kərist ń ə́la seneé ní ō.

DANIEL 12:4

Ḭ̄ Daniel, ī-ngɔ̄m̄ najə̄ gə̄ ń toō ādə̄ ton̄ loo mundə̄ tə́ ō, ə̄ndā mbō̰ ta makətūbə̄ tə́ ō, bátə́ ndɔ̄ kə́ ta ngóý tə́. Loo ń noō tə́ de gə̄ ngá̰ý a tə́dan̄ ō, yá̰a̰ ger̄ yādə́ a reē kə̄ dɔ madə̄ tə́ ō.

IJAI 53:11

Ni a a̰a̰ loo kə́ unjə̄ kow najə̄ yā yá̰á̰ kə́ tōr̄ ń ni tə́gā tan danaá ní tə́, rɔ̄n a nelə̄n ngá̰ý. Nge kəla yāḿ ń i de kə́ gōtə́ kə́ rɔ̄kum ní, a rāā kadə̄ de kə́ ngá̰ý gə̄ télən̄ de kə́ gōtə́ gə̄, tām̄ ni un majaĺ yādə́ gə̄ dɔn tə́.

2 KORḚNTƏ 4:6

Nə́ɓā ń əda na kadə̄ loo kə unjə̄ kow kum til tə́ ní, i nəkɔ́ n unjə̄ kow ngarān̄g kemjí gə̄ tə́, yā kadə̄ jə-gerə̄ń kɔsə gɔn yān ń ndə́lē ta kum Kərist tə́ ní.

Makətūbə̄ ń Pol ndang adə̄ Rom gə̄ ní 4:12

Ni i bɔbə̄ ngé gə̄ ń əjan̄ mɔtədə́ ní ō. Ngé kəja mɔtə gə̄ ń toō ní i ngé gə̄ ń nin̄ i gír kaa yā ngé kəja mɔtə gə̄ tə́ ní ngóy alé, banī i ngé gə̄ ń unən̄ tóo kaají Abəraham loo taā ń ni-taā kem tə́ kété tá kadə̄ əja mɔtən ɓáý ní.

Makətūbə̄ ń Pol ndang adə̄ Rom gə̄ ní 1:13

Ngákó̰ó̰ḿ gə̄, m̄-sāā kadə̄ ī-gerī na m-ɔ́jə kaw̄ loosí nja i ngá̰ý, ba dum̄ dɔḿ i mbée. m̄-sāā kaw̄ loosí kadə̄ kəla yāḿ teē yá̰a̰, tītə̄ ń teēń yá̰a̰ ɓē nápar de gēé tə́ ní.

2 KORḚNTƏ 5:9

Banī yá̰á̰ ń jə-sāā pak pak kété no yá̰a̰ gə̄ tə́ malang ní, i kadə̄ ká jə-ndi i kə rɔ̄jí ń toō, aké jə-teē i kɔ̄ɔ́ kemeé gə̄gē anī, i kadə̄ nel̄ Kɔ́ɔ̄ɓē sejí.

3 JA̰A̰ 1:6

Nin̄-ədan̄ najə̄ tár yāí ta kum de gə̄ kə́ kem Egəlijə tə́. Ī-rāā sedə́ rāā kə́ kadə̄ nel̄ Nə́ɓā, kadə̄ unənəń ta njə̄rā mbā yādə́ kum kə̄ kété.