KOHELET 9:9 - Bibəl ta Sar̄

⁹ Dan ń ī-ndi kə kumií kem ndɔ̄ gə̄ kə́ kanjə̄ kumən ń Nə́ɓā adī dɔ nang tə́ ní, ī-rāā rɔ̄nel̄ kə dəyá̰ ń ī-tárən ní. Tɔdɔ̄ núsə́ yá̰á̰ kə́ tām̄ yāí tə́ ō, kə́ tū kəla ń ī-rāā tə́ ní ō, dɔ nang tə́ ní n noó.

Bible sar

⁹ Dan ń ī-ndi kə kumií kem ndɔ̄ gə̄ kə́ kanjə̄ kumən ń Nə́ɓā adī dɔ nang tə́ ní, ī-rāā rɔ̄nel̄ kə dəyá̰ ń ī-tárən ní. Tɔdɔ̄ núsə́ yá̰á̰ kə́ tām̄ yāí tə́ ō, kə́ tū kəla ń ī-rāā tə́ ní ō, dɔ nang tə́ ní n noó.

KOHELET 9:9 Referans Kwoze

KOHELET 2:10

Yá̰a̰ malang ń kumḿ gḛy ka̰ā̰ ní m-ɔ̄gən ka̰ā̰ alé. M-ɔ̄gə̄ rɔ̄ḿ yá̰á̰ kə́ nelə̄n alé, tɔdɔ̄ kəla malang ń m̄-rāā ní kemḿ nelə̄m̄ loon tə́: Nge ń noō i rɔ̄nel̄ ń kəla rāāḿ teēń ní n m-ə́ngé núsən yāḿ noō.

MALASI 2:15

Kɔ́ɔ̄ɓē rāāsí adə̄ ī-téliī de kə́ kógə̄ḿ beē kə dəyá̰ ní aĺ a? I rɔ̄ kə́ kógə̄ḿ beē, kə́ i koō kə́ kógə̄ḿ beē kə́ nge rāā deē kadə̄ ndi kə́ kumneé n i kemeé ní aĺ a? Ba yá̰á̰ ń de kə́ kal kógə̄ḿ beē ngeé ń toō ndigə ní i rí? I ngán gə̄ ń Nə́ɓā a adə̄ ní n ni ndigə kənge ní wa ḿ? Á̰a̰ī rɔ̄sí sḭḭ̄ kɔ́ gə̄ majə! Dəyá̰ ń sḭḭ̄ ī-gə̄rāī dan balsáásí tə́ ní, ī-lōōī gólən!

KOHELET 6:12

Tɔdɔ̄ i náā n ger̄ yá̰á̰ kə́ só tə́ tām̄ yā deē tə́ dan ń deē ndiń kə kumneé ní, dan ń deē ndiń ndɔ̄ ngá̰ý kanjə̄ kumən ní? Deē a mān̄ tītə̄ ndíl kāgə̄ beé. I beé ní i náā n a ɔjə deē yá̰á̰ ń ndɔ̄ń tə́ a to gotən tə́ dɔ nang tə́ ní?

KOHELET 3:13

Loo ń ré deē əsa ō a̰ȳ ō, ger̄ yá̰á̰ kə́ teē tū kəla yān tə́ ō anī, nge ń noō i kadə̄ karī yā Nə́ɓā.

KOHELET 7:15

Ndiḿ kə kumḿ kə́ sḛ́ý beē nəkɔ́ ń toō ní m-á̰á̰ yá̰a̰ malang: De kə́ gōtə́, kə́ hálən kə́ gōtə́ tɔlən ō, de kə́ nge kem ndul kə́ hál kem ndul yān ajən ō.

KOHELET 5:18

Dan kə́ madə̄ gə̄ tə́ anī Nə́ɓā adə̄ deē kógə̄ḿ a ənge yá̰a̰ ō, a rāā kadə̄ kɔ́ɔ̄ rāā rɔ̄nel̄ yá̰á̰ ń ɔsə dɔ naā tə́ ní ō. Ni asə kun núsə́ yá̰á̰ ń i kə sɔɔ̄ dɔn ní ō, rāań rɔ̄nel̄ ō, tɔdɔ̄ i tətōn nəkɔ́. Nge ń noō i kadə̄ karī yā Nə́ɓā.

KOHELET 3:22

Loo ń noō tə́ m-ə̄ndā ma̰ȳ m-á̰a̰ kadə̄ yá̰á̰ kə́ só tə́ yā deē i ger̄ yá̰á̰ kə́ teē tū kəla yān tə́. Núsən yān ń kadə̄ rāā rɔ̄nelə̄n ní n noó. Tɔdɔ̄ yá̰á̰ ń a to gotən tə́ ní i náā n a aw̄ seneé yā kadə̄ a̰ā̰ ní?

KOHELET 2:24

Yá̰á̰ kə́ majə tām̄ yā deē tə́ gətóo, ngá̰ý anī i kəsa yá̰a̰ ō ka̰ȳ ō, i kadə̄ kem deē nelə̄n loo rāā kəla yān tə́ ō ngóy. Mā m-á̰a̰ kadə̄ nge ń noō i Nə́ɓā n i nge kadə̄ deē kə jīneé ō.

Gōsə̄ najə̄ gə̄ 19:14

Kújə ō, yá̰a̰ kənge gə̄ ō, i yá̰á̰ kə́ deē ənge gotə kaan gə̄ tə́, banī dəyá̰ kə́ ger̄ najə̄ i kadə̄ karī yā Kɔ́ɔ̄ɓē.

Gōsə̄ najə̄ gə̄ 18:22

Deē ń ənge dəyá̰ ní ənge i rɔ̄nel̄, i yá̰á̰ kə́ Kɔ́ɔ̄ɓē rāań kem majə seneé.

PĀ GƏ̄ 144:4

Deē ndul to i tītə̄ nél, ndɔ̄n gə̄ ton̄ i tītə̄ ndíl kāgə̄ gə̄ kə́ a mānə̄n̄ kɔ̄ɔ́ beē.

PĀ GƏ̄ 39:5

Kɔ́ɔ̄ɓē, ɔ́jəm̄ ndɔ̄ ń gír yāḿ a gāngəń ní ādə̄ m̄-ger̄. M-ā m̄-rāā i ndɔ̄ kóndóńg? Ādə̄ m̄-ger̄ kadə̄ mā i de kə́ ndɔ̄ḿ i ngá̰ý alé!

TA KƏLA 26:8

Isaak ndi noó dan i ngá̰ý. Ndɔ̄ kógə̄ḿ tə́ Abimelek, mban̄g yā Pilistin gə̄, a̰a̰ loo ko̰rō̰ kújə́ tə́ anī, a̰a̰ Isaak loo kógə̄ naā tə́ kə nə̄yá̰n Rebekaá.