KOHELET 9:7 - Bibəl ta Sar̄

⁷ Loo ń noō tə́ ní ə́sá yá̰a̰ yāí kə rɔ̄nelēé ō, ə̄nī kemií ā̰yń kasə nduú ō, tɔdɔ̄ Nə́ɓā ndigə yá̰a̰ rāāí gə̄ kɔ̄ɔ́ ɓá.

Bible sar

⁷ Loo ń noō tə́ ní ə́sá yá̰a̰ yāí kə rɔ̄nelēé ō, ə̄nī kemií ā̰yń kasə *nduú ō, tɔdɔ̄ Nə́ɓā ndigə yá̰a̰ rāāí gə̄ kɔ̄ɔ́ ɓá.

KOHELET 9:7 Referans Kwoze

KOHELET 10:19

De kə́ bo gə̄ rāān̄ yá̰a̰ kəsa yā rāań rɔ̄nel̄. Kasə nduú rāādə́ adə̄ rɔ̄də́ nel̄də́ ō, nar adə̄də́ yá̰a̰ malang ō.

NDŪ NAJƏ̄ 12:7

Ā ə́saī i loo ń noō tə́ ta kum Kɔ́ɔ̄ɓē Nə́ɓā yāsí tə́ kə gír kojə yāsí gēé. Ā ī-rāāī rɔ̄nel̄ dɔ kəla malang ń ī-rāāī á Kɔ́ɔ̄ɓē Nə́ɓā yāsí rāā adə̄ teē yá̰á̰ tə́ ní.

KOHELET 8:15

Mā m-ə́da na rɔ̄nel̄ i yá̰á̰ kə́ majə. Tɔdɔ̄ yá̰á̰ kə́ dɔ nang tə́ kə́ majə tām̄ yā deē tə́ i kəsa yá̰a̰ ō, ka̰ȳ ō, rāā rɔ̄nel̄ ō ngóy, yá̰á̰ kə́ rang kə́ majə gətóo. Yá̰á̰ ń kadə̄ utə̄ gō kəla yā deē kə dɔ ndɔ̄ gə̄ ń Nə́ɓā adə̄n kadə̄ ndiń kə kumneé dɔ nang tə́ ní n noó.

KOHELET 5:18

Dan kə́ madə̄ gə̄ tə́ anī Nə́ɓā adə̄ deē kógə̄ḿ a ənge yá̰a̰ ō, a rāā kadə̄ kɔ́ɔ̄ rāā rɔ̄nel̄ yá̰á̰ ń ɔsə dɔ naā tə́ ní ō. Ni asə kun núsə́ yá̰á̰ ń i kə sɔɔ̄ dɔn ní ō, rāań rɔ̄nel̄ ō, tɔdɔ̄ i tətōn nəkɔ́. Nge ń noō i kadə̄ karī yā Nə́ɓā.

KƏLA RĀĀ 10:35

Ba dan nápar de gə̄ tə́ malang ní, deē ń ɓōĺ Ndílən ō, rāā yá̰á̰ kə́ gōtə́ ō ɓáa a nelə̄n seneé.

1 MBAN̄G GƏ̄ 8:66

Kə̄ ndɔ̄ kə́ nge ko̰ sɔ́sɔ́ anī Salomo̰ əya̰ de gə̄ adə̄ aw̄n̄. De gə̄ ní rāān̄ mban̄g lápə́ya ba télən̄ kə̄ ɓē yādə́ gə̄ tə́ kə rɔ̄nelēé. Kemdə́ nel̄də́ ngá̰ý najə̄ yá̰á̰ kə́ majə gə̄ ń Kɔ́ɔ̄ɓē rāā kə nge kəla yān Dabid ō, kə Israel gə̄ ń i gír deē yān gə̄ ō, ní tə́.

NDŪ NAJƏ̄ 12:12

Ā ī-rāāī rɔ̄nel̄ ta kum Kɔ́ɔ̄ɓē Nə́ɓā yāsí tə́ kə ngáńsí kə́ dəngam gə̄ ō, kə́ dəyá̰ gə̄ ō, kə ngé rāā kəla yāsí gə̄ kə́ dəngam gə̄ ō, kə́ dəyá̰ gə̄ ō, naā tə́ kə ngán Lebi gə̄ ń ndin̄ kem ɓē yāsí gə̄ tə́ ní, tām̄ nin̄ əngen̄ dɔ nang yādə́ dɔ dáńsí tə́ alé.

JA̰A̰ 4:50

Jeju ədan na kə aw̄ na ngōnən na ndi kə kumneé kɔ̄ɔ́. Deē ní taā kem najə̄ ń Jeju ədan ní, ba aw̄.

Najə̄ kə́ Majə yā Jeju ń Luk ndang ní 11:41

I beé ní ādī ngé ndoō gə̄ yá̰a̰ kə́ kem kópə yāsí gə̄ tə́ ō, kə́ kem səmbē yāsí gə̄ tə́ ō, loo ń noō tə́ ɓáa yá̰a̰ malang i kə́ unjə̄ njáý njáý tām̄ yāsí tə́.

MARK 7:29

Anī Jeju ədan na: Tām̄ najə̄ ń toō tə́ ní āw̄, na ndíĺ kə́ majaĺ teē kem ngōnīí tə́ kɔ̄ɔ́.

TA KƏLA 12:19

I tām̄ rí tə́ á ə́da na i ngōkó̰ó̰í kə́ dəyá̰ adə̄ m̄-taān kə́ dəyá̰ tə́ ní? Ń toō ní á̰a̰ nə̄yá̰í n toó, ī-taān ba āw̄ kɔ̄ɔ́.

TƏ́DA 6:20

Nge tun̄ yá̰a̰ a ndējə̄də́ kə gō looneé ta kum Kɔ́ɔ̄ɓē tə́. Yá̰a̰ ndējə̄ gə̄ ń noō i yá̰á̰ kə́ a télnə̄ń yā kadə̄ nge tun̄ yá̰a̰ dɔ nganjə bal batə̄ tə́ ō, dɔ ɓúrən tə́ ō. Loo ń noō tə́ nge kɔr̄ kam̄ rɔ̄n tām̄ yā Kɔ́ɔ̄ɓē tə́ a asə ka̰ȳ kasə kan̄ kāgə̄ nduú tā.

KOHELET 7:14

Ndɔ̄ kə́ majə tə́ anī ādə̄ rɔ̄í nelī, banī ndɔ̄ yá̰á̰ kə́ to kum kaȳ aĺ tə́ anī á̰a̰ā̰: Nge ń toō ō nge ń noō ō ní, Nə́ɓā rāādə́ i yā kadə̄ deē gerə̄ń yá̰á̰ ń a to gotən tə́ ní alé.

KOHELET 11:8

Ré deē ndi kə kumneé ɓāl̄ ngá̰ý anī, ādə̄ rāā rɔ̄nel̄ kem ɓāl̄ gə̄ ń noō tə́ malang, banī ādə̄ əga kemən dɔ tə́ na ndɔ̄ kə́ majaĺ gə̄ i ngá̰ý ō, yá̰a̰ malang kə́ a reē ɓáý i yá̰á̰ kə́ kanjə̄ kumən ō.

RUTƏ 3:7

Boj əsa yá̰a̰ ō, a̰ȳ yá̰a̰ ō, adə̄ rɔ̄n nelə̄n. Gō tə́ anī aw̄ to ta kōō yān kə́ kán̄ dɔ naā tə́ tə́. Rutə aw̄ rɔ̄n tə́ jəke, un kūbə̄ kə́ dɔ njan tə́ kə̄ gogə́ ba to nang tə́.