KOHELET 9:5 - Bibəl ta Sar̄

⁵ Tɔdɔ̄ de gə̄ ń ndin̄ kə kumdə́ ní nin̄ gerə̄n̄ kadə̄ a oyn̄. Banī de kə́ koy kɔ̄ɔ́ gə̄ ní gerə̄n̄ yá̰á̰ kógə̄ḿ alé. Deē a əndā njadə́ nin̄ to̰ alé, tām̄ dɔ deē ndígə̄naldə́ kɔ̄ɔ́.

Bible sar

⁵ Tɔdɔ̄ de gə̄ ń ndin̄ kə kumdə́ ní nin̄ gerə̄n̄ kadə̄ a oyn̄. Banī de kə́ koy kɔ̄ɔ́ gə̄ ní gerə̄n̄ yá̰á̰ kógə̄ḿ alé. Deē a əndā njadə́ nin̄ to̰ alé, tām̄ dɔ deē ndígə̄naldə́ kɔ̄ɔ́.

KOHELET 9:5 Referans Kwoze

IJAI 26:14

Ngol gə̄ ngeé ń toō oyn̄ kɔ̄ɔ́, nin̄ a télən̄ yā reē to̰ alé. Nin̄ i ndíl de gə̄ kɔ̄ɔ́, a télən̄ yā kḭḭ dɔɔ́ gogə́ to̰ alé. Ḭ̄ ī-rāā yá̰a̰ yā nujəńdə́, yá̰a̰ gə̄ ń ton̄ kadə̄ əgań kem deē gə̄ dɔdə́ tə́ ní, ḭ̄ ī-rāā adə̄ yá̰a̰ gə̄ ní gətóon̄ kɔ̄ɔ́ malang.

KOHELET 1:11

Yá̰á̰ ń rāā kaají gə̄ kété jóó ní, dɔjí jḭḭ̄ ndígə̄nal kɔ̄ɔ́. De gə̄ ń nin̄ a utə̄n̄ gojí jḭḭ̄ ní, dɔ ngé gə̄ ń a utə̄n̄ gōdə́ nin̄ ní a ndígə̄nal dɔdə́ tə́ kɔ̄ɔ́ ō.

PĀ GƏ̄ 6:5

Kɔ́ɔ̄ɓē, ī-tél ī-reē ī-gān̄g dɔḿ! Ájəm̄ sɔɔ̄ń ndūí ń ī-ra dɔ tə́ ní!

HEBƏRO 9:27

Ba tītə̄ ń əndān̄ dɔ deē ndul gə̄ tə́ kadə̄ oyn̄ nja kógə̄ḿ beē, ba gō tə́ anī Nə́ɓā gān̄g sarya dɔdə́ tə́ ní,

Makətūbə̄ yā Job 14:21

Rɔȳn̄ i ngánən gə̄ a ger̄ aĺ ō, əlan̄ i rɔ̄sɔl̄ dɔdə́ tə́ a usən aĺ ō.

KOHELET 2:16

Yá̰a̰ malang ń rāā yá̰á̰ ní dɔ deē ndígə̄nal kɔ̄ɔ́ kem ndɔ̄ gə̄ ń utə̄n̄ gō tə́ ní. De kə́ nge kum kedə̄ oy tītə̄ ń de kə́ mbóo oyń ní ō, i nin̄ mbak n əga kem de gə̄ dɔdə́ tə́ to̰ aĺ ní ō. Yá̰a̰ to tītə̄ ń noō i najə̄ rí tə́ ō?

PĀ GƏ̄ 109:15

Ādə̄ əga kem Kɔ́ɔ̄ɓē dɔ tə́ ngándáńg ō, ādə̄ ni-rāā adə̄ rī de gə̄ ń noō gətóo kem ɓēé ō!

KOHELET 8:10

I beé n m-á̰a̰ń de gə̄ loo dubə̄ nīń ngé kem ndul gə̄ tə́ ní. Nin̄ ḭḭn̄ i kújə yā Kɔ́ɔ̄ɓē tə́ n reēn̄ dubə̄də́ tə́ ní ō, kem ɓēé ní dɔ de gə̄ ndígə̄nal yá̰a̰ rāādə́ kə́ majaĺ gə̄ kɔ̄ɔ́ ō. Nge ń noō i yá̰á̰ kə́ kanjə̄ kumən ō.

IJAI 63:16

Tá ḭ̄ i bɔbə̄jí. Kaají Abəraham ger̄ najə̄ yājí kógə̄ḿ alé, Jakob ger̄jí alé. Ba ḭ̄ Kɔ́ɔ̄ɓē ḭ̄ i bɔbə̄jí, nge gān̄g dɔjí, nəkɔ́ ń jóo toó rīí n noó ngándáńg.

KOHELET 7:2

Kaw̄ kem kújə́ kə́ de gə̄ a nōōn̄ yo tū tə́ tə́ i só tə́ tɔȳ kaw̄ kem kújə́ kə́ rāān̄ yá̰a̰ kəsa kə́ ngá̰ý kemeé tām̄ yā de gə̄ tə́ tə́. Yo i loo ń de gə̄ malang, a tɔ̄lən tadə́ tū tə́ ní adə̄ majə kadə̄ de gə̄ ń ndin̄ kə kumdə́ ɓáý ní əndān̄ kemdə́ dɔ tə́ majə.

Makətūbə̄ yā Job 30:23

Mā m̄-ger̄ majə kadə̄ ī-tél ā āw̄ seḿ i kə̄ ɓē yā yo tə́. I loo kənge naā yā de gə̄ malang ń ndin̄ kə kumdə́ ní.

KOHELET 9:4

Tɔdɔ̄ i náā n a gḛynən̄ ngá̰ý ní? Kə́ tām̄ yā de gə̄ malang ń ndin̄ kə kumdə́ tə́ ní, yá̰á̰ kógə̄ḿ kə́ rɔ̄kum i noó: Bísə́ kə́ kə kumuú i só tə́ tɔȳ ɓɔl kə́ oy kɔ̄ɔ́.

KOHELET 9:10

Yá̰a̰ malang ń jīí asə rāā ní ī-rāā kə tɔ́gí īkɔ́. Tām̄ loo kə́ ɓádá ń de kə́ koy gə̄ i tū tə́, á ā ī-rāā yā kaw̄ gōdə́ tə́ tū tə́ ní, kəla aláa ka̰a̰ gō tóo kəla kə́ majə aké kə́ majaĺ, aláa ger̄ yá̰a̰, aláa kum kedə̄ gətóo tū tə́.

2 SAMUEL 14:14

Rɔ̄kum yojí i tītə̄ man̄ ń deē ɓōkə́ nang tə́ anī loo tél kɔyn gogə́ gətóó ní. Ɓá tā ba yá̰á̰ ń Nə́ɓā núm̄ tām̄ yā Absalom tə́ ní, kə ngɔr ń toō tə́ i nge ń noō alé. Ni əndā dɔ rɔ̄n danaá kɔ̄ɔ́ yā kadə̄ Absalom ndi sa̰y rɔ̄n tə́ alé.

PĀ GƏ̄ 88:13

Yá̰á̰ kə́ yáā gə̄ ń ī-rāā ní, de kə́ kum til tə́ gə̄ a gerə̄n̄ yá̰á̰ kə́rēý tū tə́ a? Ɓē ń dɔ deē a ndígə̄nal yá̰a̰ malang tū tə́ ní, yá̰á̰ kə́ gōtə́ ń ī-rāā ní deē a ger̄ tū tə́ a?

Najə̄ kə́ Majə yā Jeju ń Luk ndang ní 20:32

Ba ta tɔ̄l̄ tadə́ malang anī, dəyá̰ ní oy ō.