KOHELET 9:2 - Bibəl ta Sar̄

² Yá̰a̰ gə̄ malang ton̄ tītə̄ naā tām̄ yā de gə̄ tə́ malang. Yá̰á̰ ń rāā de kə́ súmūú ō, nge kem ndul ō ní i yá̰á̰ kə́ kógə̄ḿ beē. Yá̰á̰ ń rāā de kə́ majə ō, de kə́ majaĺ ō ní i yá̰á̰ kə́ kógə̄ḿ beē. Yá̰á̰ ń rāā de kə́ unjə̄ njáý njáý ō, de kə́ majaĺ tákə̄n ō ní i yá̰á̰ kə́ kógə̄ḿ beē. Yá̰á̰ ń rāā nge ndējə̄ yá̰a̰ ō, nge ndējə̄ yá̰a̰ aĺ ō ní i yá̰á̰ kə́ kógə̄ḿ beē. Yā de kə́ majə to tītə̄ yā de kə́ majaĺ ō, yā nge túbə to tītə̄ yā nge ɓōĺ túbə ō.

Bible sar

² Yá̰a̰ gə̄ malang ton̄ tītə̄ naā tām̄ yā de gə̄ tə́ malang. Yá̰á̰ ń rāā de kə́ súmūú ō, nge kem ndul ō ní i yá̰á̰ kə́ kógə̄ḿ beē. Yá̰á̰ ń rāā de kə́ majə ō, de kə́ majaĺ ō ní i yá̰á̰ kə́ kógə̄ḿ beē. Yá̰á̰ ń rāā de kə́ *unjə̄ njáý njáý ō, de kə́ majaĺ tákə̄n ō ní i yá̰á̰ kə́ kógə̄ḿ beē. Yá̰á̰ ń rāā nge ndējə̄ yá̰a̰ ō, nge ndējə̄ yá̰a̰ aĺ ō ní i yá̰á̰ kə́ kógə̄ḿ beē. Yā de kə́ majə to tītə̄ yā de kə́ majaĺ ō, yā nge túbə to tītə̄ yā nge ɓōĺ túbə ō.

KOHELET 9:2 Referans Kwoze

MALASI 3:18

Loo ń noō tə́, ā á̰a̰ī dɔ nin̄ ngé koō taḿ gə̄ kə ngé koō taḿ aĺ gə̄ ō, ngé rāā kəla kadə̄m̄ gə̄ kə ngé rāā kəla kadə̄ḿ aĺ gə̄ ō.

MALASI 3:5

A̰á̰ā̰, Kɔ́ɔ̄ɓē kə́ bo kə́ tɔ́gən i ngá̰ý əda najə̄ ń toō: M-ā m̄-reē dansí tə́ yā rāā sarya sesí. M-ā m-ɔ́r bā̰ā̰ loo kəndā najə̄ dɔ ngé kəga gə̄ tə́ aĺ ō, ngé rāȳ gə̄ tə́ aĺ ō, ngé túbə dɔ lám̄ gə̄ tə́ aĺ ō, ngé kəgā ngé kəla yādə́ gə̄ kə gōó aĺ gə̄ ō, ngé rējə̄ dəyá̰ kə́ ngaa koy gə̄ ō, ngán hal gə̄ ō, kə yá̰a̰ rāādə́ kə́ gōtə́ aĺ ō, ngé rāā tə̄rā gə̄ majaĺ ō, de gə̄ malang ń ɓōlə́n̄ ndílə́ḿ aĺ ní ō.

PĀ GƏ̄ 73:3

Tɔdɔ̄ m-ə̄ndā ngé kənda gɔgərɔdə́ gə̄ nii, dan ń m-á̰a̰ kadə̄ yá̰a̰ malang ń ngé kem ndul gə̄ rāān̄ ní teēdə́ yá̰á̰ tə́ ní.

Makətūbə̄ yā Job 9:22

Tām̄ yāḿ mā tə́ ɓáa i yá̰á̰ kə́ kógə̄ḿ beē, i yá̰á̰ ń noō n m-ə́da na: De kə́ najə̄ gətóo dɔn tə́ a ni nujən ō, nge tɔ̄l̄ deē a ni nujən ō ní.

MALASI 3:15

J-a̰ā̰ ngɔlaā kadə̄ ngé rɔ̄nel̄ gə̄ i ngé kɔjə rɔ̄də́ gə̄. Yá̰a̰ malang ń ngé rāā yá̰a̰ majaĺ gə̄ rāān̄ ní, teē majə. Ká ré nin̄ sāān̄ ta Nə́ɓā gə̄gē anī, nin̄ teēn̄ kum tə́ ngándáńg!

KOHELET 7:18

Kəhɔí gō nge ń toō kadə̄ ngan̄g kanjə̄ kadə̄ jīí əya̰ nge ń noō dɔɔ́ i yá̰á̰ kə́ majə. Tɔdɔ̄ deē ń ɓōĺ ndíĺ Nə́ɓā ní a rāā yá̰á̰ kə́ jōó gə̄ ń noō kadə̄ udə gírí.

KOHELET 7:2

Kaw̄ kem kújə́ kə́ de gə̄ a nōōn̄ yo tū tə́ tə́ i só tə́ tɔȳ kaw̄ kem kújə́ kə́ rāān̄ yá̰a̰ kəsa kə́ ngá̰ý kemeé tām̄ yā de gə̄ tə́ tə́. Yo i loo ń de gə̄ malang, a tɔ̄lən tadə́ tū tə́ ní adə̄ majə kadə̄ de gə̄ ń ndin̄ kə kumdə́ ɓáý ní əndān̄ kemdə́ dɔ tə́ majə.

KOHELET 6:6

Ká ré deē ngeé ń toō ndiń kə kumneé ɓāl̄ dūbú nja jōó gə̄gē, a ger̄ yá̰á̰ ń i ndi dan majaá ní alé. Tɔdɔ̄ yá̰a̰ malang ń ndi kə kumneé ní ta tɔ̄l̄ tan i yo.

KOHELET 2:26

A̰á̰ā̰, deē ń nelə̄n seneé ní ni-adə̄n kum kedə̄ ō yá̰a̰ ger̄ ō, rɔ̄nel̄ ō. Banī ni-adə̄ nge rāā majaĺ kəla k ɔsə nja yá̰a̰ kə̄ naā tə́ ō, kán̄ yá̰a̰ kə̄ dɔ naā tə́ ō, yā kadə̄ deē ń nel̄ Nə́ɓā seneé ní. Nge ń noō i yá̰á̰ kə́ kanjə̄ kumən ō, i ngɔ̄də̄ gō nél yā kəhɔn ō.

TA KƏLA 24:3

ba ə̄nī míndí ādə̄m̄ kə rī Kɔ́ɔ̄ɓē Nə́ɓā kə́ nge rāā dɔ rā̰ ō, dɔ nang ō, kadə̄ ā ī-taā dəyá̰ dan ngáń kə́ dəyá̰ yā Kanaan gə̄ ń m̄-ndi dɔ dáńdə́ tə́ toō tām̄ yā ngōnə̄ḿ tə́ alé,

1 SAMUEL 14:26

Dan ń ngán Israel gə̄ udən̄ kem ku kāgə̄ gə̄ tə́ ní, a̰a̰n̄ yibə̄ tejə kə́ a a̰ȳ nang tə́ to beé ɓá tā ba deē ɔdə tan tə́ alé, tɔdɔ̄ de gə̄ malang ɓōlə́n̄ ndɔ̄ĺ ń Saul ədadə́ najə̄n ní.

KOHELET 3:19

Tɔdɔ̄ ta tɔ̄l̄ ta deē to i tītə̄ ta tɔ̄l̄ ta dā̰ beé. Yá̰á̰ ń rāādə́ ní i yá̰á̰ kə́ kógə̄ḿ beē. Koy dā̰ i tītə̄ loo koy deē ndul. Koō ndi kə kumuú yādə́ to tītə̄ naā. Deē ndul tɔȳ dā̰ alé, tɔdɔ̄ yá̰a̰ malang i kə́ kumən gətóo.

KOHELET 9:3

Kadə̄ yá̰á̰ kə́ kógə̄ḿ beē rāā de gə̄ malang tū yá̰a̰ malang ń de gə̄ a rāān̄ tə́ dɔ nang tə́ ní i yá̰á̰ kógə̄ḿ kə́ majaĺ. I yá̰á̰ ń noō n rāā adə̄ ngam i ngá̰ý kem ngán kaa Adam gə̄ tə́ ō, mbóo i kemdə́ tə́ dan ndidə́ kə kumdə́ tə́ ō ní. Ba gō tə́ anī a oyn̄ i mbéé ngóy.

KOHELET 9:11

M-á̰á̰ yá̰á̰ kə́ rang gə̄ ngá̰ý dɔ nang tə́ ɓáý to̰. Ngé ka̰ȳ ngɔ̄də̄ ngá̰ý gə̄ ngɔ̄dən̄ tɔy madə̄də́ gə̄ dejə loo nējə̄ naā ngɔ̄də̄ tə́ aĺ ō, i de kə́ ngan̄g gə̄ n a tetən̄ rɔ̄ɔ̄ dejə ní aĺ ō, i de kə́ kumən edə̄ tɔȳ madə̄n gə̄ n a ənge yá̰a̰ kəsa ngándáńg ní aĺ ō, i de kə́ ger̄ najə̄ yān i ngá̰ý tɔȳ yā madə̄n gə̄ n yá̰a̰ kənge yān i ngá̰ý dejə ní aĺ ō, i ngé ger̄ yá̰á̰ ngá̰ý gə̄ n de gə̄ a ɔsən̄ gondə́ ngándáńg ní aĺ ō. Tɔdɔ̄ nin̄ malang ní, kə́rēý gə̄ anī nel̄ de gə̄ sedə́ ō, kə́rēý gə̄ anī yá̰á̰ kə́ to kum kaȳ aĺ rāādə́ ō.

JEREMI 43:6

Dəngam gə̄ ō, dəyá̰ gə̄ ō, ngán gə̄ ō, ngán ngār kə́ dəyá̰ gə̄ ō, de gə̄ malang ń Nebujaradan, ngol ngé ngɔ̄m̄ dɔ mban̄g ɓɔ̄ɔ̄də́ kə Gedalia, ngōn̄ Ahikam kə́ ngōn̄ Sapan ní ō, Jeremi kə́ nge koō ta ō, Baruk, ngōn̄ Neriya ō,