KOHELET 9:12 - Bibəl ta Sar̄

¹² Tām̄ deē ndul ger̄ ndɔ̄ ń yá̰á̰ kə́ majaĺ a teēń dɔn tə́ ní alé. Yá̰á̰ kə́ to kum kaȳ aĺ a teē dɔn tə́ rétə́ gēé kānjə̄ kadə̄ ni ger̄ gō, tītə̄ kānjə̄ ń réng əhɔn aké yel̄ ń gūmbə̄ əhɔn ní.

Bible sar

¹² Tām̄ deē ndul ger̄ ndɔ̄ ń yá̰á̰ kə́ majaĺ a teēń dɔn tə́ ní alé. Yá̰á̰ kə́ to kum kaȳ aĺ a teē dɔn tə́ rétə́ gēé kānjə̄ kadə̄ ni ger̄ gō, tītə̄ kānjə̄ ń réng əhɔn aké yel̄ ń gūmbə̄ əhɔn ní.

KOHELET 9:12 Referans Kwoze

1 TESALONIK 5:3

Dan ń de gə̄ a ədan̄ na loo na to lɔm kɔ̄ɔ́ ō, yá̰á̰ kə́ yā rāā yá̰a̰ na gətóo ō anī, yá̰á̰ kə́ nujə sák sák a teē dɔdə́ tə́ gidə kógə̄ḿ, tītə̄ kem kə́ ɔsə kə dəyá̰ beē, adə̄ nin̄ a teēn̄ kum tə́ alé.

Gōsə̄ najə̄ gə̄ 29:6

Gūmbə̄ to tū majaĺ yā nge kem ndul tə́, banī de kə́ súmūú rāā walya ō, rāā rɔ̄nel̄ ō.

2 TIMOTE 2:26

Loo ń noō tə́ kumdə́ a gán̄g, adə̄ a ɔrə̄n̄ rɔ̄də́ kɔ̄ɔ́ kum gūmbə̄ yā diabəl ń əhɔdə́ adə̄ a rāān̄ i yá̰á̰ ń kemən ndigə ní tə́.

2 KORḚNTƏ 6:2

Tɔdɔ̄ Nə́ɓā əda na: Kum mbang ń rāā majə kə deé yāḿ a ɔjəń rɔ̄n kə̄ ndágá tə́ ní, m-ādī yá̰á̰ ń i dəjem̄ ní kadə̄ rɔ̄í nelī. Ndɔ̄ kajə deē tə́ ní, mā m̄-reē m̄-dḭḭ̄. I beé ní, kum mbang kə́ yā kadə̄ deē ndigəń rāā majə yā Nə́ɓā n toó, ndɔ̄ kajə deē n toó.

Gōsə̄ najə̄ gə̄ 6:15

I tām̄ najə̄ ń noō tə́ n ni a nujə sák sák gidə kógə̄ḿ beē ní. A tétə̄n̄ kə̄ngōn rárák i gidə kógə̄ḿ ō, yá̰á̰ kə́ yā rāań a gətóo ō.

2 PIYER 2:12

Banī ngé ndóō de gə̄ yá̰á̰ kə́ rɔ̄kum aĺ gə̄ ngeé ń toō a rāān̄ yá̰a̰ i kanjə̄ gír̄ yá̰a̰, tītə̄ yā dā̰ kə́ bembeé gə̄ ń ojən̄də́ i kə rī kəhɔ tɔ̄l̄də́ ní beē. Nin̄-tájə̄n̄ yá̰á̰ ń nin̄-gerə̄n̄ aĺ ní. Nin̄ a oyn̄ i yo kə́ tītə̄ yā dā̰ kə́ bembeé gə̄ beé.

1 PIYER 2:12

Ādī háĺsí majə dɔ dán de kə́ ndágá gə̄ tə́. I beé tá, ká ré nin̄-tetən̄ najə̄ dɔsí tə́ na sḭḭ̄ na i ngé rāā yá̰a̰ majaĺ gə̄ gə̄gē anī, a a̰a̰n̄ yá̰á̰ kə́ majə gə̄ ń sḭḭ̄ ī-rāāī ní ō, a tɔ̄ȳn̄ Nə́ɓā ndɔ̄ ń ni-reē go̰ō̰ńdə́ tə́ ní ō.

Najə̄ kə́ Majə yā Jeju ń Luk ndang ní 12:39

Sḭḭ̄ ī-gerī yá̰á̰ ń toō majə: Ré kɔ́ɔ̄ kújə ger̄ kum mbang ń nge ɓogə a reēń ní anī, a əya̰ kadə̄ nge ɓogə ní mbutə kum bɔr yān udəń kújú alé.

Najə̄ kə́ Majə yā Jeju ń Luk ndang ní 12:20

Banī Nə́ɓā əda deē ní na: Ḭ̄ i de kə́ ger̄ yá̰a̰ alé! Ndɔ̄ɔ́ ɓōólaā nəkɔ́ ń toō ā óy kɔ̄ɔ́. Ní, yá̰á̰ ń ī-kán̄ kə̄ naā tə́ tām̄ yāí tə́ ní i náā n a tél kɔ́ɔ̄n tā?

IJAI 30:13

I beé ní, yá̰á̰ kə́ gōtə́ aĺ ń toō a to i tītə̄ loo kə́ njar tū ndogə̄ mbal̄ kə́ bo tə́ beé tām̄ yāsí tə́. Loo agə̄ gul tū ndogə̄ mbal̄ tə́ ō, kə̄ ta jī tə́ noō ndogə̄ mbal̄ teē əsō ō.

KOHELET 8:11

Yá̰á̰ ń gāngə̄n̄ dɔ de kə́ nge rāā yá̰a̰ majaĺ tə́ loo sarya tə́ ní rāānən̄ láẃ alé. I tām̄ najə̄ ń noō tə́ n ngur rāā yá̰á̰ kə́ majaĺ gə̄ i ngá̰ý kem de gə̄ tə́ ní.

PĀ GƏ̄ 11:6

Ādə̄ ni-rāā yā̰l̄ hor ō, hor bursu ō adə̄ edən̄ kə́ man̄ tə́ dɔdə́ tə́. Ādə̄ nél man̄ bā kə́ bo undə́ no kem! Yá̰a̰ kəndā nja yādə́ n noó.

KOHELET 3:19

Tɔdɔ̄ ta tɔ̄l̄ ta deē to i tītə̄ ta tɔ̄l̄ ta dā̰ beé. Yá̰á̰ ń rāādə́ ní i yá̰á̰ kə́ kógə̄ḿ beē. Koy dā̰ i tītə̄ loo koy deē ndul. Koō ndi kə kumuú yādə́ to tītə̄ naā. Deē ndul tɔȳ dā̰ alé, tɔdɔ̄ yá̰a̰ malang i kə́ kumən gətóo.

KOHELET 9:13

M-á̰a̰ kum kedə̄ ń toō dɔ nang tə́ ō, tām̄ yāḿ mā tə́ ɓáa i kum kedə̄ kə́ bo ngá̰ý ō.

IJAI 24:18

Nge ka̰ȳ kɔŕ ɓōĺ a əsō gír bəloó. Ré ni asə teē bəloó kɔ̄ɔ́ anī, a əsō kum gūmbə̄ tə́. Ta ko̰rō̰ kújə gə̄ kə́ dɔ rā̰ tə́ i kə́ teē ngá̰ý, dɔ nang kə taá malang ndew dɔ ngəran tə́.

OJEE 9:8

Deē ń a ndi kə kumneé já̰já̰ yā ngɔ̄m̄ Epəraim ní, i mā nge koō ta. Mā i naā tə́ kə Nə́ɓā yāḿ. Tá loo malang ń m-ā m-āw̄ kə̄ tū tə́ ní, de gə̄ əyān̄ gūmbə̄ noḿ tə́. Nin̄ ənīmə̄n̄ rɔ̄ɔ̄ bátə́ kem kújə yā Nə́ɓā yāḿ tə́.

Gōsə̄ najə̄ gə̄ 24:22

Majanī yá̰á̰ kə́ to kum kaȳ aĺ a teē rétə́ gēé kə̄ rɔ̄də́ tə́ ō, deē ger̄ wur kɔl ń Nə́ɓā ō mban̄g ō a ənīn̄ dɔdə́ tə́ ní aĺ ō.

KOHELET 8:8

De kə́ asə tɔ́gə kɔgə koōn teē gətóo ō, de kə́ asə ndɔ́tə̄ kə ndɔ̄ yoneé gətóo ō. Nge ń noō i rɔ̄ɔ̄ kə́ təngā piling ō, kem ndul yā deē asə gān̄g dɔn ta tə́ aĺ ō.

EJEKIEL 32:3

Najə̄ ń Kɔ́ɔ̄ɓē Nə́ɓā ɔr̄ ní n toó: Gír de gə̄ ngá̰ý a ɔsən̄ dɔdə́ naā tə́. Kum mbang ngeé ń noō tə́ ɓáa m-ā m-ə̄nī réng yāḿ dɔí tə́ kadə̄ kumən gə̄ əhɔīn̄, adə̄ a ndɔ́rīn̄ kə̄ ndágá ta gógə́ tə́.

OJEE 7:12

Dan ngeé ń noō tə́ ní, mā m-ə̄nī réng yāḿ dɔ Epəraim gə̄ tə́, m̄-rāā adə̄ nin̄ tə́sōn̄ tītə̄ yel̄ gə̄ beé. Dan ń m-ōō kōōdə́ loo kɔsə dɔdə́ naā tə́ tə́ anī, m-ə́wádə́ kə gūmbūú.