KOHELET 9:11 - Bibəl ta Sar̄

¹¹ M-á̰á̰ yá̰á̰ kə́ rang gə̄ ngá̰ý dɔ nang tə́ ɓáý to̰. Ngé ka̰ȳ ngɔ̄də̄ ngá̰ý gə̄ ngɔ̄dən̄ tɔy madə̄də́ gə̄ dejə loo nējə̄ naā ngɔ̄də̄ tə́ aĺ ō, i de kə́ ngan̄g gə̄ n a tetən̄ rɔ̄ɔ̄ dejə ní aĺ ō, i de kə́ kumən edə̄ tɔȳ madə̄n gə̄ n a ənge yá̰a̰ kəsa ngándáńg ní aĺ ō, i de kə́ ger̄ najə̄ yān i ngá̰ý tɔȳ yā madə̄n gə̄ n yá̰a̰ kənge yān i ngá̰ý dejə ní aĺ ō, i ngé ger̄ yá̰á̰ ngá̰ý gə̄ n de gə̄ a ɔsən̄ gondə́ ngándáńg ní aĺ ō. Tɔdɔ̄ nin̄ malang ní, kə́rēý gə̄ anī nel̄ de gə̄ sedə́ ō, kə́rēý gə̄ anī yá̰á̰ kə́ to kum kaȳ aĺ rāādə́ ō.

Bible sar

¹¹ M-á̰á̰ yá̰á̰ kə́ rang gə̄ ngá̰ý dɔ nang tə́ ɓáý to̰. Ngé ka̰ȳ ngɔ̄də̄ ngá̰ý gə̄ ngɔ̄dən̄ tɔy madə̄də́ gə̄ dejə loo nējə̄ naā ngɔ̄də̄ tə́ aĺ ō, i de kə́ ngan̄g gə̄ n a tetən̄ rɔ̄ɔ̄ dejə ní aĺ ō, i de kə́ kumən edə̄ tɔȳ madə̄n gə̄ n a ənge yá̰a̰ kəsa ngándáńg ní aĺ ō, i de kə́ ger̄ najə̄ yān i ngá̰ý tɔȳ yā madə̄n gə̄ n yá̰a̰ kənge yān i ngá̰ý dejə ní aĺ ō, i ngé ger̄ yá̰á̰ ngá̰ý gə̄ n de gə̄ a ɔsən̄ gondə́ ngándáńg ní aĺ ō. Tɔdɔ̄ nin̄ malang ní, kə́rēý gə̄ anī nel̄ de gə̄ sedə́ ō, kə́rēý gə̄ anī yá̰á̰ kə́ to kum kaȳ aĺ rāādə́ ō.

KOHELET 9:11 Referans Kwoze

JEREMI 9:23

Ré deē kógə̄ḿ sāā tɔ̄ȳ rɔ̄n anī, ādə̄ kɔ́ɔ̄ tɔ̄ȳ rɔ̄n i tām̄ ger̄ ń ni gerə̄m̄ mā Kɔ́ɔ̄ɓē kə́ nge kem majə ō, nge kadə̄ deē yá̰á̰ kə́ sɔɔ̄ dɔn ō, nge rāā yá̰a̰ gōtə́ dɔ nang tə́ ō ní. Rɔ̄kum, i yá̰á̰ ń noō n nelə̄m̄ mā ní. Najə̄ ń Kɔ́ɔ̄ɓē əda ní n noó:

KOHELET 3:17

Loo ń noō tə́ m-ə́da kə̄ kemḿ tə́ m-ə́da na Nə́ɓā a rāā sarya kə nge kem nduluú ō, kə de kə́ súmūú ō. Tɔdɔ̄ yá̰á̰ malang a ugə̄ i kə kum mbangneé ō, yá̰a̰ rāājí gə̄ kógə̄ḿ kógə̄ḿ ní a gāngə̄n̄ sarya dɔ tə́ ō.

KOHELET 3:14

Mā m̄-gír̄ kadə̄ yá̰a̰ malang ń Nə́ɓā rāā ní a to ngándáńg. Yá̰á̰ kə́ kadə̄ deē ənī ta tə́ gətóo ō, yá̰á̰ kə́ tū tə́ kə́ kadə̄ deē ɔr̄ kɔ̄ɔ́ gətóo ō. Nə́ɓā rāā tītə̄ ń noō yā kadə̄ deē ɓōlə́nń ndílən dan ń deē ra ta kumən tə́ ní.

EPEJƏ 1:11

J-əngeī yá̰á̰ ń Nə́ɓā ənī míndən yā kadə̄jí ní, i kə ta kūl̄ ɓoo kə́ jə-ɓooī naā kə Kərist. Tām̄ Nə́ɓā gə̄rājí kété i kə gō ń ni-núməń ní. Ba ni a rāā yá̰a̰ malang i tītə̄ ń ni-gḛyń ní.

2 YÁ̰A̰ GƏ̄ 20:15

Ni-əda na: Sḭḭ̄ malang, Juda gə̄ ō, de kə́ Jerusalem gə̄ ō, mban̄g Josapat ō, ī-nēlī mbīsí majə ōōīneé! Najə̄ ń Kɔ́ɔ̄ɓē əda ní n toó: Ī-lōōī sōl̄ ō, ī-lōōī kadə̄ ndíĺsí a̰ȳ ō, no kósə de kə́ ngá̰ý gə̄ ń toō tə́, tām̄ rɔ̄ɔ̄ ń toō i rɔ̄ɔ̄ yāsí alé ba i rɔ̄ɔ̄ yā Nə́ɓā.

NDŪ NAJƏ̄ 8:18

Ādə̄ əga kemsí na i Kɔ́ɔ̄ɓē Nə́ɓā yāsí n i nge kadə̄sí tɔ́gə kadə̄ ə́ngeīneé yá̰a̰ gə̄ ń noō ní. Rāā beé i yā kɔjəń na ɓōólaā gə̄gē ní ni-əhɔ ta madə̄ naā ń ni-əhɔ kə kaasí gēé ní ɓáý.

KOHELET 4:4

Mā m-á̰a̰ kadə̄ kəla malang ō, kəndā kə́ de gə̄ əndān̄ rɔ̄də́ ta kəla yādə́ tə́ rāān̄ adə̄ majə ō, i kəndā naā nii. I yá̰á̰ kə́ kanjə̄ kumən tītə̄ ngɔ̄də̄ gō nél yā kəhɔn beē.

JEREMI 46:6

De kə́ ɔl ngá̰ý, asə teē kum tə́ aĺ ō, de kə́ əhɔ rɔ̄n tɔgə ngá̰ý, asə kajə rɔ̄n aĺ ō. Nin̄ bḭ́ḭ̄n̄ ō, tə́sōn̄ ō, dɔ gɔ́sə bā Opəratə tə́, dām̄ mbɔ́r ɓē kə́ ko̰ó̰ tə́.

KOHELET 7:13

Á̰a̰ kəla rāā Nə́ɓā: Yá̰á̰ ń ni rugən ní i náā n asə ndájə̄n gogə̄ ní?

KOHELET 4:1

M-á̰á̰ yá̰á̰ kə́ gōtə́ aĺ gə̄ malang ń de gə̄ a rāān̄ kə madə̄də́ gēé dɔ nang tə́ ní ō. Ngé gə̄ ń de gə̄ rāān̄ kumdə́ ndoō tə́ ní nōōn̄, banī de kə́ nge sɔl̄ kemdə́ gətóo. Tɔ́gə i dām̄ yā ngé rāā kumdə́ ndoō tə́ gə̄ tə́, adə̄ de kə́ nge sɔl̄ kemdə́ gətóo.

KOHELET 2:12

m̄-sāā ger̄ kum yá̰á̰ ń i kum kedə̄, aké i ka̰ȳ kɔ̄r̄, aké i mbóó ní. Adə̄ m̄-dəje rɔ̄ḿ najə̄ ń toō: Deē ń a ndi mban̄g gotəḿ tə́ ní, a rāā yá̰a̰ tītə̄ yā madə̄n kə́ kété non tə́ gə̄ a?

Makətūbə̄ yā Job 34:29

Ba ré ni udə ndi beé loo yān anī, i náā n a gān̄g sarya dɔn tə́ ní? Ré ni ɓɔ̄ɔ̄ ta kumən kɔ̄ɔ́ anī, i náā n a a̰a̰n ní? Tá ni i nge kəndā kumən gō nápar de gə̄ tə́, tītə̄ ń a əndāń kumən gō de gə̄ tə́ ní ō.

2 SAMUEL 17:14

Absalom ō, de kə́ dəngam gə̄ kə́ Israel tə́ ō, ədan̄ na: Kɔjə̄ ń Husai adə̄ ní majə tɔȳ yā Ahitopel. Tɔdɔ̄ Kɔ́ɔ̄ɓē ndigə rāā kadə̄ kɔjə̄ kə́ majə yā Ahitopel to karī kɔ̄ɔ́, yā rāań kadə̄ yá̰á̰ kə́ to kum kaȳ aĺ əsō dɔ Absalom tə́.

MALASI 3:18

Loo ń noō tə́, ā á̰a̰ī dɔ nin̄ ngé koō taḿ gə̄ kə ngé koō taḿ aĺ gə̄ ō, ngé rāā kəla kadə̄m̄ gə̄ kə ngé rāā kəla kadə̄ḿ aĺ gə̄ ō.

1 SAMUEL 17:50

Dabid tetə Goliat rɔ̄ɔ̄ i kanjə̄ kaskar jīn tə́. Ni-tetən rɔ̄ɔ̄ i kə bējēé ō, kə kɔkərɔɔ́ ō. Ni-ənda Pilistin ní tɔ̄lən i tītə̄ ń noō.

2 SAMUEL 17:23

Dan ń Ahitopel a̰a̰ kadə̄ de gə̄ tetən̄ rɔ̄də́ gō kɔjə̄ yān tə́ aĺ anī, əndā síŕdí gidə kərō yān tə́ ba ḭḭ dɔ tə́ aw̄ ɓēé. Ni ɔjə de kə́ ta kújə yān tə́ gə̄ yá̰a̰ gə̄ kə́ kadə̄ rāān̄ rāān̄, ba gō tə́ anī ənī kəlā oy kɔ̄ɔ́. Dubə̄nən̄ i kem bəlo ɓádə́ ń dubə̄n bɔbə̄n tū tə́ kété ní tə́.

NDŪ NAJƏ̄ 8:17

Ī-lōōī gír̄ kemsí tə́ kəda na ə́ngeī yá̰a̰ gə̄ ń noō na i kə ta kūl̄ tɔ́gə́sí sḭḭ̄ kɔ́ gə̄.

1 SAMUEL 6:9

Ba á̰a̰ī gōdə́: Ré man̄g gə̄ unən̄ i róbə́ kə́ ta kaw̄ kə̄ dɔ nang kə́ Israel tə́ adə̄ kumdə́ sɔɔ̄ Bet Semes anī, kumən na i Nə́ɓā yā Israel gə̄ nəkɔ́ n rāājí yá̰á̰ kə́ tōr̄ ń toō ní. Ba ré unən̄ i róbə́ kə́ rang anī i ni alé ba i kɔ́l n rāājí ní.

PĀ GƏ̄ 76:5

Nə́ɓā, ḭ̄ ī-to ɓōĺ ngá̰ý. Mbal̄ kə́ bo gə̄ ń ran̄ ngándáńg ní, ḭ̄ ī-bo ī-tɔȳdə́!

Gōsə̄ najə̄ gə̄ 1:5

Nge kum kedə̄ oō anī ənī kum kedə̄ yān dɔ madə̄ tə́ ō, de kə́ nge ger̄ kum najə̄ oō anī a rāā yá̰a̰ kə gosə̄neé njə̄rā kadə̄ gōtə́ ō.

KOHELET 9:2

Yá̰a̰ gə̄ malang ton̄ tītə̄ naā tām̄ yā de gə̄ tə́ malang. Yá̰á̰ ń rāā de kə́ súmūú ō, nge kem ndul ō ní i yá̰á̰ kə́ kógə̄ḿ beē. Yá̰á̰ ń rāā de kə́ majə ō, de kə́ majaĺ ō ní i yá̰á̰ kə́ kógə̄ḿ beē. Yá̰á̰ ń rāā de kə́ unjə̄ njáý njáý ō, de kə́ majaĺ tákə̄n ō ní i yá̰á̰ kə́ kógə̄ḿ beē. Yá̰á̰ ń rāā nge ndējə̄ yá̰a̰ ō, nge ndējə̄ yá̰a̰ aĺ ō ní i yá̰á̰ kə́ kógə̄ḿ beē. Yā de kə́ majə to tītə̄ yā de kə́ majaĺ ō, yā nge túbə to tītə̄ yā nge ɓōĺ túbə ō.

KOHELET 9:3

Kadə̄ yá̰á̰ kə́ kógə̄ḿ beē rāā de gə̄ malang tū yá̰a̰ malang ń de gə̄ a rāān̄ tə́ dɔ nang tə́ ní i yá̰á̰ kógə̄ḿ kə́ majaĺ. I yá̰á̰ ń noō n rāā adə̄ ngam i ngá̰ý kem ngán kaa Adam gə̄ tə́ ō, mbóo i kemdə́ tə́ dan ndidə́ kə kumdə́ tə́ ō ní. Ba gō tə́ anī a oyn̄ i mbéé ngóy.

JEREMI 48:14

I najə̄ rí tə́ á ə́daī na sḭḭ̄ na i go̰ rɔ̄ɔ̄ gə̄ ō, áskar gə̄ kə́ tām̄ yā rɔ̄ɔ̄ tə́ ō ní?