KOHELET 9:1 - Bibəl ta Sar̄

¹ A̰á̰ā̰, m-ə̄ndā kumḿ gír yá̰a̰ gə̄ ń noō tə́ malang, anī yá̰á̰ ń m-á̰a̰ā̰ ní n toó: De kə́ súmūú gə̄ ō, de kə́ ngé kum kedə̄ gə̄ ō ní, nin̄ i kem jī Nə́ɓā tə́ kə kəla yādə́ gēé. Yá̰á̰ ń deē ndul ger̄ danən aĺ ní n toó, i tár ō, i kim̄ ō. Yá̰a̰ gə̄ ń noō malang i kə́ ton̄ kété non tə́ kɔ̄ɔ́ ɓáá.

Bible sar

¹ A̰á̰ā̰, m-ə̄ndā kumḿ gír yá̰a̰ gə̄ ń noō tə́ malang, anī yá̰á̰ ń m-á̰a̰ā̰ ní n toó: De kə́ súmūú gə̄ ō, de kə́ ngé kum kedə̄ gə̄ ō ní, nin̄ i kem jī Nə́ɓā tə́ kə kəla yādə́ gēé. Yá̰á̰ ń deē ndul ger̄ danən aĺ ní n toó, i tár ō, i kim̄ ō. Yá̰a̰ gə̄ ń noō malang i kə́ ton̄ kété non tə́ kɔ̄ɔ́ ɓáá.

KOHELET 9:1 Referans Kwoze

NDŪ NAJƏ̄ 33:3

Kɔ́ɔ̄ɓē táŕ gír ɓē gə̄ yā ngán Israel gə̄. Ni-ngɔ̄m̄ deē yān gə̄ malang kə́ ngé kán̄ naā ta kejən tə́ yā taāń kɔjə̄ yān gə̄.

1 PIYER 1:5

Ba sḭḭ̄ kɔ́ gə̄, ré ī-taāī kem anī, Nə́ɓā kə́ tɔ́gən i ngá̰ý a ngɔ̄m̄sí yā kajəsí. Kajə ngeé ń toō ní, a gerə̄n̄ i ta ngóy ndɔ̄ gə̄ tə́.

KOHELET 8:14

Yá̰á̰ kógə̄ḿ to dɔ nang tə́ noō kə́ i yá̰á̰ kə́ kanjə̄ kumən: I rāā kə́ rāān̄ de kə́ súmūú kə́rēý gə̄ yá̰á̰ kə́ gōtə́ aĺ tītə̄ kə́ nin̄ i ngé kem ndul gə̄ beé ō, i rāā kə́ rāān̄ ngé kem ndul kə́rēý gə̄ yá̰á̰ ń a rāān̄ kə de kə́ súmūú gēé ní ō. Ní m-ə́da kɔ̄ɔ́ ɓáá kadə̄ nge ń noō i yá̰á̰ kə́ kanjə̄ kumən ō.

Makətūbə̄ yā Job 12:10

Yá̰a̰ gə̄ malang ń ndin̄ kə kumdə́ ní, ndi kə kumuú yādə́ i kem jī Kɔ́ɔ̄ɓē tə́. Koō i kem jīn tə́ ō.

2 TIMOTE 1:12

I tām̄ najə̄ ń noō tə́ n yá̰á̰ kə́ tōr̄ gə̄ ń toō a rāāmə̄n̄neé ní, Banī rɔ̄ḿ sɔlə̄m̄ najə̄n tə́ alé. Tɔdɔ̄ m̄-ger̄ deē ń m̄-taā kemən ní ō, m̄-ger̄ majə kadə̄ ni-asə ngɔ̄m̄ yá̰á̰ ń ɓɔ̄ɔ̄mə̄n̄ ní bátə́ ndɔ̄ ngeé ń noō tə́ ō.

IJAI 26:12

Kɔ́ɔ̄ɓē, ḭ̄ ādə̄jí lɔm, yá̰a̰ malang ń j-əla gír rāā ní, i ḭ̄ n i nge rāā kadə̄ reē udə gíŕ kə́ rɔ̄ tə́ ādə̄jí ní.

Gōsə̄ najə̄ gə̄ 16:3

Ɔ́jə́ Kɔ́ɔ̄ɓē yá̰a̰ rāāí gə̄, anī yá̰a̰ gə̄ ń ɔ́jə rāādə́ ní a udən̄ gírí.

PĀ GƏ̄ 31:5

Ī-rāā ādə̄ m̄-teē kɔ̄ɔ́ kum gūmbə̄ ń əyān̄ yā kəhɔm̄neé tə́ ní. Tɔdɔ̄ loo ɓɔ̄ɔ̄ rɔ̄ kə́ ngan̄g yāḿ i ḭ̄.

1 SAMUEL 2:9

Ni a ngɔ̄m̄ nge ra dɔ ndūn tə́ loo njə̄rān gə̄ tə́, banī ngé kem ndul gə̄ tá a oyn̄ kum til tə́. Tɔdɔ̄ i tɔ́gə deē n i nge tetə rɔ̄ɔ̄ kadə̄n ní alé.

KOHELET 10:14

De kə́ mbóo ɔr̄ najə̄ asən alé. Deē ndul ger̄ ta kə́ bírí alé. I náā n a ɔjən yá̰á̰ kə́ a rāā yá̰a̰ gotən tə́ ní?

KOHELET 8:16

Dan ń m-ə̄nī rɔ̄ḿ m̄-sāā ger̄ kum kum kedə̄ ō, ka̰a̰ kəla gə̄ ń de gə̄ ɔgən̄ kumdə́ ɓīī ndɔ̄ɔ́ ō, kadaá yā rāāń dɔ nang tə́ ní ō anī,

KOHELET 7:25

Adə̄ m-ə̄ndā rɔ̄ḿ ta ndóō yá̰á̰ tə́ ō, ta ndəle gíŕ yá̰á̰ tə́ ō. m̄-sāā ger̄ yá̰á̰ ń i kum kedə̄ ní ō, m̄-sāā ger̄ kum yá̰a̰ gə̄ ń a rāān̄ yá̰á̰ ní ō. M-á̰a̰ kadə̄ kem ndul i mbóo, i mbóó kə́ a rāā deē kɔ̄r̄ tə́.

KOHELET 7:15

Ndiḿ kə kumḿ kə́ sḛ́ý beē nəkɔ́ ń toō ní m-á̰á̰ yá̰a̰ malang: De kə́ gōtə́, kə́ hálən kə́ gōtə́ tɔlən ō, de kə́ nge kem ndul kə́ hál kem ndul yān ajən ō.

KOHELET 1:17

m̄-gḛy ger̄ dɔ nin̄ kum kedə̄ ō, mbóo ō. m̄-gḛy ger̄ dɔ nin̄ yá̰á̰ kə́ to ngáā ō, yá̰a̰ kə́ kumən gətóo ō ba m-á̰a̰ kadə̄ nge ń noō i ngɔ̄də̄ gō nél.

PĀ GƏ̄ 73:3

Tɔdɔ̄ m-ə̄ndā ngé kənda gɔgərɔdə́ gə̄ nii, dan ń m-á̰a̰ kadə̄ yá̰a̰ malang ń ngé kem ndul gə̄ rāān̄ ní teēdə́ yá̰á̰ tə́ ní.

PĀ GƏ̄ 10:14

Tá yá̰á̰ kə́ gōtə́ aĺ ngá̰ý ń ni-rāā kə nge ndoó ō, ka̰a̰ tápə̄ yā nge ndoō ō ní, ḭ̄ á̰a̰ā̰ ō, īkɔ́ ə̄ndā rɔ̄í ta yá̰a̰ gə̄ ń reēn̄ dɔn tə́ ní malang. Nge tɔ́gə gətóo əya̰ rɔ̄n i kem jīí ḭ̄ tə́. Ḭ̄ i nge rāā kə ngōn̄ halaá.

Makətūbə̄ yā Job 5:8

Mā tā a, i Nə́ɓā n m-ā m-ɔ̄r̄ najə̄ seneé ní ō, i ni n m-ā m-ɔ́jən najə̄ yāḿ ō ní.

PĀ GƏ̄ 119:109

Mā i ta yo tə́ ngándáńg banī dɔḿ ndígə̄nal ndū najə̄ yāí alé.

KOHELET 9:6

Tár yādə́ ō, kim̄ yādə́ ō, kəndā ni yādə́ ō ní oyn̄ naā tə́ sedə́ ō, yá̰a̰ malang ń a rāā yá̰a̰ dɔ nang tə́ ní, nin̄ a gətóon̄ kum tə́ i kə́ bátə́ gə̄ tə́ ō.

JEREMI 43:6

Dəngam gə̄ ō, dəyá̰ gə̄ ō, ngán gə̄ ō, ngán ngār kə́ dəyá̰ gə̄ ō, de gə̄ malang ń Nebujaradan, ngol ngé ngɔ̄m̄ dɔ mban̄g ɓɔ̄ɔ̄də́ kə Gedalia, ngōn̄ Ahikam kə́ ngōn̄ Sapan ní ō, Jeremi kə́ nge koō ta ō, Baruk, ngōn̄ Neriya ō,

Makətūbə̄ yā Job 27:12

Dan ń sḭḭ̄ malang á̰a̰ī kadə̄ i rɔ̄kum ní, ɔ̄rī najə̄ kə́ kanjə̄ kumən i tām̄ rí tə́?

KOHELET 8:7

Yá̰á̰ ń a rāā yā rāā yá̰á̰ ní ni ger̄ alé. I náā n a ədan ndɔ̄ ń yá̰á̰ ní a rāań yá̰á̰ ní?