KOHELET 8:8 - Bibəl ta Sar̄

⁸ De kə́ asə tɔ́gə kɔgə koōn teē gətóo ō, de kə́ asə ndɔ́tə̄ kə ndɔ̄ yoneé gətóo ō. Nge ń noō i rɔ̄ɔ̄ kə́ təngā piling ō, kem ndul yā deē asə gān̄g dɔn ta tə́ aĺ ō.

Bible sar

⁸ De kə́ asə tɔ́gə kɔgə koōn teē gətóo ō, de kə́ asə ndɔ́tə̄ kə ndɔ̄ yoneé gətóo ō. Nge ń noō i rɔ̄ɔ̄ kə́ təngā piling ō, kem ndul yā deē asə gān̄g dɔn ta tə́ aĺ ō.

KOHELET 8:8 Referans Kwoze

PĀ GƏ̄ 89:48

Deē ndul a ndi kə kumneé ɓāl̄ ngá̰ý aĺ ní ī-gír̄ dɔḿ tə́. Ī-gír̄ dɔ ndɔ̄ ndiḿ kə kumḿ kə́ i ngá̰ý aĺ tə́, ḭ̄ ə̄ndā deē i yā kadə̄ ta tɔ̄l̄ tan to rim a?

Makətūbə̄ yā Job 14:5

Dan ń ndɔ̄n kə́ kadə̄ ndiń kə kumneé i kə́ kɔjə kɔ̄ɔ́ ɓá ní, dan ń ḭ̄ ɔ́jə kutə nāā gə̄ kə́ tām̄ yān tə́ kɔ̄ɔ́ ɓá ō, ə́ja nja loo kə́ kadə̄ ni mān̄ dɔ tə́ aĺ ɓá ō ní,

HEBƏRO 9:27

Ba tītə̄ ń əndān̄ dɔ deē ndul gə̄ tə́ kadə̄ oyn̄ nja kógə̄ḿ beē, ba gō tə́ anī Nə́ɓā gān̄g sarya dɔdə́ tə́ ní,

IJAI 28:15

Sḭḭ̄ ə́daī na: J-ənī ndūjí j-adə̄ naā kə yoó. J-əndā jījí gír makətūbə̄ tə́ j-adə̄ naā kə de kə́ ɓádá gēé. Dan ń yá̰á̰ kə́ a nujə loo a rāā yā rāā yá̰a̰ anī, a reē loojí alé. Tām̄ sor̄ i yá̰á̰ kə́ j-a jə-ndi gírí, yá̰á̰ kə́ gōtə́ aĺ i loo ɓɔ̄ɔ̄ rɔ̄ yājí.

KOHELET 3:21

I náā n ger̄ kadə̄ koō ndi kə kumuú yā de gə̄ a ḭḭ i kum kə̄ dɔɔ́, ba yā dā̰ gə̄ a risə i kum kə̄ nang tə́ ní?

Gōsə̄ najə̄ gə̄ 14:32

Yá̰á̰ kə́ majaĺ yā nge kem ndul mbəre nge kem ndul ənīn, banī ká ré ni toń i ta yo tə́ gə̄gē de kə́ súmūú ənī kemən mámák.

PĀ GƏ̄ 9:17

Kɔ́ɔ̄ɓē rāā adə̄ de gə̄ ger̄nən̄ i kə ta kūl̄ sarya ń nəkɔ́ gān̄g ní. Gūmbə̄ yā de kə́ sew aĺ tél əhɔn nəkɔ́.

2 KORḚNTƏ 13:4

Ngan̄g aĺ yān rāā adə̄ əndanən̄ kə máyá̰ tū kāgə̄ kə́ dēsə́ tə́, banī ni-ndi kə kumneé i kə ta kūl̄ tɔ́gə yā Nə́ɓāá. Kə gō ɓoo ń jə-ɓoo naā seneé ní ɓáa, rāā adə̄ tɔ́gə́jí jḭḭ gətóo ō. Banī yá̰á̰ ń jə-rāā sesí ní, ɔjə kadə̄ jə-ndi i kə kumjí seneé kə ta kūl̄ tɔ́gə yā Nə́ɓāá.

1 KORḚNTƏ 15:43

Rɔ̄ ń dubə̄n̄ ní i rɔ̄ kə́ to kadə̄ deē kídə̄n ō, i rɔ̄ kə́ tɔ́gən gətóo ō. Banī rɔ̄ ń oy tá ndól̄ ní, i rɔ̄ kə́ to kɔsə gɔn ō, i rɔ̄ kə́ tɔ́gən to ō.

IJAI 28:18

A gāngə̄n̄ madə̄ naā yāsí ń ə́hɔī kə yoó ní kɔ̄ɔ́, ndūsí ń ə̄nī ādī naā kə de kə́ ɓádá gēé ní a to gotoó alé. Dan ń yá̰á̰ kə́ tɔ̄r̄ a rāā yā rāā yá̰a̰ anī, a rējə̄n̄sí kɔ̄ɔ́.

Makətūbə̄ yā Job 34:14

Ré Nə́ɓā gír̄ i dɔ rɔ̄n nəkɔ́ tə́ ngóy ō, koō kə́ yā ndiń kə kumuú ní ré ni-tél taā kɔ̄ɔ́ ō anī,

2 SAMUEL 14:14

Rɔ̄kum yojí i tītə̄ man̄ ń deē ɓōkə́ nang tə́ anī loo tél kɔyn gogə́ gətóó ní. Ɓá tā ba yá̰á̰ ń Nə́ɓā núm̄ tām̄ yā Absalom tə́ ní, kə ngɔr ń toō tə́ i nge ń noō alé. Ni əndā dɔ rɔ̄n danaá kɔ̄ɔ́ yā kadə̄ Absalom ndi sa̰y rɔ̄n tə́ alé.

2 MBAN̄G 7:15

De gə̄ ní unən̄ tó ngé rɔ̄ɔ̄ gə̄ bátə́ aw̄ ugə̄n̄ bā Jurdḛ tə́. Nin̄-a̰a̰n̄ kūbə̄ gə̄ ō, yá̰a̰ gə̄ ngá̰ý ō, kə́ ton̄ kə gō róbó gō tóo Aram gə̄ ń a̰ȳn̄ naā kə tebəle gēé á ɓōkə́n̄ kɔ̄ɔ́ tə́ ní. Ngé kəla gə̄ tél reē ədan̄ mban̄g.

KOHELET 8:13

m̄-ger̄ ɓáý to̰ kadə̄ nge kem ndul a ndi majə aĺ ō, a mān̄ tītə̄ ndíl yá̰a̰ beé ō, adə̄ a ənī ndɔ̄n ta madə̄ tə́ kə̄ kété aĺ ō tɔdɔ̄ usən dɔ Nə́ɓā tə́ alé.

Gōsə̄ najə̄ gə̄ 12:3

Deē mbūsə̄ gír rɔ̄n adə̄ ra ngan̄g kə kem nduluú aĺ ō, de kə́ súmūú gə̄ a yéȳn̄ aĺ ō.

KOHELET 9:12

Tām̄ deē ndul ger̄ ndɔ̄ ń yá̰á̰ kə́ majaĺ a teēń dɔn tə́ ní alé. Yá̰á̰ kə́ to kum kaȳ aĺ a teē dɔn tə́ rétə́ gēé kānjə̄ kadə̄ ni ger̄ gō, tītə̄ kānjə̄ ń réng əhɔn aké yel̄ ń gūmbə̄ əhɔn ní.

IJAI 47:10

Yá̰a̰ rāāí kə́ majaĺ gə̄ ní ḭ̄ ə̄ndā kemií dɔ tə́, adə̄ ī-gír̄ najə̄ ə́da na: De kə́ a̰a̰m̄ gətóo. I kum kedə̄ yāí kə́ gōtə́ aĺ ō, i yá̰a̰ ger̄ yāí kə́ gōtə́ aĺ ō n gólīn̄ ní. Anī ḭ̄ ī-gír̄ najə̄ ə́da na: m̄-majə m̄-tɔȳ gotə de gə̄ malang, de kə́ tītə̄ḿ gətóo.