KOHELET 8:5 - Bibəl ta Sar̄

⁵ Gō míndə ń ni-əndā dɔ de gə̄ tə́ kadə̄ rāān̄ ní, deē ń rāā anī yá̰á̰ kə́ majaĺ a əsō dɔn tə́ alé. Ba nge kum kedə̄ ger̄ kemən tə́ majə kadə̄ kum mbang kə́rēý tə́ a Nə́ɓā a gān̄g sarya.

Bible sar

⁵ Gō míndə ń ni-əndā dɔ de gə̄ tə́ kadə̄ rāān̄ ní, deē ń rāā anī yá̰á̰ kə́ majaĺ a əsō dɔn tə́ alé. Ba nge kum kedə̄ ger̄ kemən tə́ majə kadə̄ kum mbang kə́rēý tə́ a Nə́ɓā a gān̄g sarya.

KOHELET 8:5 Referans Kwoze

HEBƏRO 5:14

Ba yá̰a̰ kəsa kə́ ngan̄g i tām̄ yā de kə́ tɔ́gə gə̄ tə́. Kemdə́ nin̄-ger̄ kɔr̄ kam̄ yá̰á̰ kə́ majə naā tə́ kə yá̰á̰ kə́ majaĺ, tɔdɔ̄ nin̄-rāān̄ yá̰á̰ ń noō adə̄ gerə̄n̄.

KƏLA RĀĀ 4:19

Banī Piyer nin̄ kə Ja̰a̰ ədan̄də́ na: Sḭḭ̄ kɔ́ gə̄ ī-gāngī sarya ń toō: I koō tasí sḭḭ̄ n i yá̰á̰ kə́ gōtə́ ta kum Nə́ɓā tə́ aké i koō ta Nə́ɓā ḿ?

Najə̄ kə́ Majə yā Jeju ń Luk ndang ní 20:25

Anī ni-ədadə́ na: Ī-tél ādī Sejar yá̰á̰ ń i yā Sejar ní ō, ādī Nə́ɓā yá̰á̰ ń i yā Nə́ɓā ní ō.

1 YÁ̰A̰ GƏ̄ 12:32

Núsə de kə́ gír ɓē yā Manase tə́ gə̄ ń ndin̄ no ɓē tə́ ní, de kə́ tū tə́ gə̄ i deē 18 000. Ɔjən̄ dɔdə́ kadə̄ aw̄ əndān̄ Dabid mban̄g.

KƏLA RĀĀ 5:29

Banī Piyer nin̄ kə ngámbang kəla gə̄ tél ədan̄ na: Koō ta Nə́ɓā i só tə́ tɔȳ koō ta deē ndul gə̄.

OJEE 5:11

Yá̰a̰ rāā kə́ gōtə́ aĺ rējə̄ Epəraim kɔ̄ɔ́. De gə̄ ɓōlə́n̄ gidə yá̰a̰ yān gə̄ alé, i tām̄ ni gḛy ngɔ̄də̄ gō nél.

KOHELET 10:2

Ndíl de kə́ nge kum kedə̄ rāā yá̰a̰ adə̄ majə, banī yá̰á̰ malang ń de kə́ mbóo ger̄ ní i gōtə́ alé.

KOHELET 8:2

Dan ń mban̄g əda najə̄ anī majə kadə̄ ōō tan, sɔɔ̄ń ndūí kə́ ə̄nī ta kum Nə́ɓā tə́.

KOHELET 2:14

Tɔdɔ̄ kum de kə́ nge kum kedə̄ a̰a̰ loo ń ni a aw̄ kə̄ tū tə́ ní, ba de kə́ mbóo a njə̄rā i kum til tə́. Banī mā m̄-ger̄ kadə̄ i yá̰á̰ kə́ kógə̄ḿ beē n a rāādə́ jōó mbak ní.

Gōsə̄ najə̄ gə̄ 17:24

Kum kedə̄ yā de kə́ ger̄ kum yá̰a̰ to i kə̄ ta kumən tə́ ndágá, banī kum de kə́ mbóo ra i kə̄ dɔ yá̰á̰ kə́ ni asə gō tə́ aĺ tə́.

Teē Ngán Israel gə̄ 1:17

Ɓá tā ba dəyá̰ kə́ ngé taā ngán gə̄ ní ɓōlə́n̄ ndíĺ Nə́ɓā, adə̄ rāān̄ tītə̄ ń mban̄g kə́ Ejiptə ədańdə́ ní alé. Əya̰n̄ ngáń kə́ dəngam gə̄ adə̄ ndin̄ kə kumdə́.

KOLOSƏ 1:9

I tām̄ najə̄ ń toō tə́ n əla gír ndɔ̄ ń j-oōń najə̄ ń toō tə́ ní, jə-lōō ndɔ̄ȳ tām̄ yāsí tə́ aĺ ní. Jə-dəje Nə́ɓā kadə̄ rāā sesí, kadə̄ ī-gerī yá̰a̰ malang ń kemən ndigə ní, kə ta kūl̄ Ndíl ń i nge rāā kadə̄ kumsí edə̄ ō, kemsí ger̄ yá̰á̰ ō ní.

PĀ GƏ̄ 119:6

Loo ń noō tə́ ré m̄-tél m-á̰a̰ gō míndí gə̄ malang gogə́ rang anī rɔ̄ḿ a sɔlə̄m̄ alé.

Gōsə̄ najə̄ gə̄ 12:21

De kə́ súmūú a̰a̰ tápə̄ alé, banī yá̰á̰ kə́ majaĺ ń rāā ngé kem ndul gə̄ ní taā tɔ́gə́də́ kɔ̄ɔ́.

KOHELET 12:13

Ta tɔ̄l̄ ta najə̄ malang n toó, ī-ɓōĺ ndíĺ Nə́ɓā ba ī-rāā gō míndə gə̄ ń ni ə́ndā dɔ deē tə́ kadə̄ rāā ní. Yá̰á̰ ń majə kadə̄ de gə̄ malang rāān̄ ní n noó.