KOHELET 8:12 - Bibəl ta Sar̄

¹² Nge rāā majaĺ rāā yá̰á̰ kə́ majaĺ nja ɓú ō, ndi kə kumneé dan i ngá̰ý ō. Ɓá tā ba m̄-ger̄ kadə̄ ngé ɓōĺ ndíl Nə́ɓā gə̄ a ndin̄ majə, tɔdɔ̄ kemdə́ i kə ɓōló ta kumən tə́.

Bible sar

¹² Nge rāā majaĺ rāā yá̰á̰ kə́ majaĺ nja ɓú ō, ndi kə kumneé dan i ngá̰ý ō. Ɓá tā ba m̄-ger̄ kadə̄ ngé ɓōĺ ndíl Nə́ɓā gə̄ a ndin̄ majə, tɔdɔ̄ kemdə́ i kə ɓōló ta kumən tə́.

KOHELET 8:12 Referans Kwoze

PĀ GƏ̄ 37:11

Banī ngé gə̄ ń télən̄ kə rɔ̄də́ kə̄ nang tə́ ní a əngen̄ dɔ nang. Nin̄ a ndin̄ kə kem sɔl̄ lɔm kə́ ngá̰ý.

2 PIYER 2:9

Kumən na Kɔ́ɔ̄ɓē asə kɔr̄ de kə́ ngé rāā yá̰a̰ kə gō ń ni-ndigə ní gə̄ kum yá̰a̰ nāā tə́ ō, asə ngɔ̄m̄ de kə́ gōtə́ aĺ gə̄ yā rāādə́ yá̰á̰ kə́ tōr̄ ndɔ̄ gān̄g sarya tə́ ō.

KOHELET 7:15

Ndiḿ kə kumḿ kə́ sḛ́ý beē nəkɔ́ ń toō ní m-á̰á̰ yá̰a̰ malang: De kə́ gōtə́, kə́ hálən kə́ gōtə́ tɔlən ō, de kə́ nge kem ndul kə́ hál kem ndul yān ajən ō.

KOHELET 3:14

Mā m̄-gír̄ kadə̄ yá̰a̰ malang ń Nə́ɓā rāā ní a to ngándáńg. Yá̰á̰ kə́ kadə̄ deē ənī ta tə́ gətóo ō, yá̰á̰ kə́ tū tə́ kə́ kadə̄ deē ɔr̄ kɔ̄ɔ́ gətóo ō. Nə́ɓā rāā tītə̄ ń noō yā kadə̄ deē ɓōlə́nń ndílən dan ń deē ra ta kumən tə́ ní.

Makətūbə̄ ń Pol ndang adə̄ Rom gə̄ ní 9:22

Nə́ɓā gḛy i kɔjə wōn̄g yān ō, tɔ́gən ō. Ɓá tā ba ni-tə́gā tan dɔ ngé gə̄ ń asə kadə̄ ni-rāā wōn̄g sedə́ ō, nujədə́ kɔ̄ɔ́ ō ní tə́.

Najə̄ kə́ Majə yā Jeju ń Luk ndang ní 1:50

Kem majə yān a to ngándáńg tām̄ yā ngé ɓōĺ ndílən gə̄ tə́.

Makətūbə̄ ń Pol ndang adə̄ Rom gə̄ ní 2:5

Ba dɔ ngan̄g yāí ń noō ō, kem ngan̄g yāí ń ā ī-tūrəń hálí aĺ noō ō, a bə̄gān̄ wōn̄g dɔí tə́ ndɔ̄ wōn̄g ń Nə́ɓā nəkɔ́ a ɔjəń sarya yān kə́ gō tə́ kə̄ ndágá wáńg tə́ ní.

MATIYE 25:34

Anī mban̄g a əda ngé gə̄ ń dɔ jī ko̰n tə́ ní na: Sḭḭ̄ ń Bɔbə́ḿ tɔ́r̄ tan dɔsí tə́ ní, ī-reēī, ī-taāī Ɓē ko̰o̰ ń rāān̄ tām̄ yāsí tə́ ta kəla gír kəndā dɔ rā̰ ō dɔ nang ō tə́ ní.

KOHELET 7:18

Kəhɔí gō nge ń toō kadə̄ ngan̄g kanjə̄ kadə̄ jīí əya̰ nge ń noō dɔɔ́ i yá̰á̰ kə́ majə. Tɔdɔ̄ deē ń ɓōĺ ndíĺ Nə́ɓā ní a rāā yá̰á̰ kə́ jōó gə̄ ń noō kadə̄ udə gírí.

KOHELET 5:16

Tá ɓáý to̰ ní rɔ̄n nelə̄n aĺ ō, wōn̄g rāān ō, a̰a̰ tápə̄ ō, kə dɔ ndɔ̄ gə̄ malang ń ni ndiń kə kumneé ní.

Gōsə̄ najə̄ gə̄ 13:21

Yá̰á̰ kə́ majaĺ un gō ngé rāā yá̰a̰ majaĺ gə̄, banī yá̰á̰ kə́ majə i yá̰a̰ kəndā nja yā de kə́ súmūú gə̄.

PĀ GƏ̄ 115:13

kə ngé gə̄ ń a ɓōlə́n̄ ndíĺ Kɔ́ɔ̄ɓē ní ō, ngáń kə́ dūú gē, de kə́ tɔgə gē.

PĀ GƏ̄ 112:1

Aleluya! Rɔ̄nel̄ i kə deē ń ɓōĺ ndíl Kɔ́ɔ̄ɓē ō, nelə́n kə gō míndən gēé ō ní.

PĀ GƏ̄ 96:9

Dan ń Kɔ́ɔ̄ɓē ɔjə kadə̄ ni i de kə́ táĺ ta kumsí tə́ adə̄ á̰a̰niī anī, ɔ́siī nosí nang tə́ non tə́. De gə̄ malang kə́ dɔ nang tə́, ī-ndebiī ta kumən tə́.

1 YÁ̰A̰ GƏ̄ 16:30

De gə̄ malang kə́ dɔ nang tə́, ī-ndebiī ta kumən tə́. Dɔ nang ra ngan̄g, yá̰á̰ yéȳn alé.

1 MBAN̄G GƏ̄ 21:25

Jóo toó deē a̰a̰ de kə́ nelə̄n rāā yá̰á̰ kə́ majaĺ ta kum Kɔ́ɔ̄ɓē tə́ tītə̄ yā mban̄g Akab beé aĺ ɓáý, tɔdɔ̄ nə̄yá̰n Jesabel sə̄lān.

NDŪ NAJƏ̄ 12:25

Ré ī-rāāī beé anī, sḭḭ̄ ō, ngáńsí gə̄ ō, ngán kaasí gə̄ ō ní, rɔ̄sí a nel̄sí, tɔdɔ̄ ī-rāāī i yá̰á̰ kə́ gōtə́ ta kum Kɔ́ɔ̄ɓē tə́.

Teē Ngán Israel gə̄ 1:20

Nə́ɓā rāā majə kə dəyá̰ kə́ ngé taā ngán gə̄ ní. Ni-rāā adə̄ ojən̄ naā tɔdɔ̄ ɓōlə́n̄ ndílən ni Nə́ɓā. Ngán Israel gə̄ ojən̄ naā ngá̰ý ō, télən̄ de kə́ tɔ́gə́də́ i ngá̰ý gə̄ ō.

NDŪ NAJƏ̄ 4:40

Ndū najə̄ yān gə̄ ō, yá̰a̰ gə̄ ń ni-əndā dɔsí tə́ kadə̄ ī-rāāī ō ń m-ɔ́jə́sí ɓōólaā ní, úniī gō, kadə̄ sḭḭ̄ ō, ngáńsí gə̄ ō, ngán kaasí gə̄ ń a utə̄n̄ gōsí ní ō, ə́ngeīneé rɔ̄nel̄ ō, ī-ndiīneé kə kumsí ta kaw̄ kə̄ jóo dɔ nang ń Kɔ́ɔ̄ɓē Nə́ɓā yāsí adə̄sí kə́ kə́ njɔ́ḿ gə̄ tə́ gə̄ tə́ ní ō.

NDŪ NAJƏ̄ 12:28

Najə̄ malang kə́ dɔ yá̰á̰ kə́ yā rāā gə̄ tə́ ń m-ɔ̄r̄ sesí ní, ə̄ndāī mbīsí gírí majə ō, úniī gō ō. Loo ń noō tə́ rɔ̄sí sḭḭ̄ ō, rɔ̄ ngáńsí gə̄ ō, ngán kaasí gə̄ ń a utə̄n̄ gōsí ní ō, a nel̄sí kə dɔ ndɔ̄ gə̄. Tām̄ i yá̰á̰ kə́ majə ō, i yá̰á̰ kə́ gōtə́ ō n ī-rāāī ta kum Kɔ́ɔ̄ɓē Nə́ɓā yāsí tə́ ní.

PĀ GƏ̄ 128:2

Əsa tətōí īkɔ́ a ā ī-ndi majə ō rɔ̄í a nelī ō!

KOHELET 5:7

Ré á̰a̰ā̰ kadə̄ rāān̄ kum de kə́ nge rɔ̄ tō ndoō ndoō tə́ ō, rāān̄ yá̰á̰ kə́ súmūú aĺ ō, yá̰á̰ kə́ gōtə́ aĺ ō, kem ɓēé anī, ādə̄ ɔr kumií alé. Tɔdɔ̄ deē ń ndi loo kə́ bo tə́ ní, əndān̄ de kə́ rang kə́ bo tɔȳn dɔn tə́. Nin̄ jōó mbak ní tə́ndān̄ de kə́ rang kə́ bo tɔȳdə́ gə̄ dɔdə́ tə́ kadə̄ əndān̄ kumdə́ gíŕdə́ tə́ ō.

KOHELET 12:13

Ta tɔ̄l̄ ta najə̄ malang n toó, ī-ɓōĺ ndíĺ Nə́ɓā ba ī-rāā gō míndə gə̄ ń ni ə́ndā dɔ deē tə́ kadə̄ rāā ní. Yá̰á̰ ń majə kadə̄ de gə̄ malang rāān̄ ní n noó.

Makətūbə̄ yā Job 35:15

I tām̄ ndi ń Nə́ɓā ndi tan mbóo ba rāā yá̰a̰ kə wōn̄g yānneé aĺ ō, ni əhɔ gō mbóo najə̄ kɔr̄ de gə̄ aĺ ō ní n

Gōsə̄ najə̄ gə̄ 28:14

Rɔ̄nel̄ i kə deē ń ɓōĺ najə̄ kadə̄ na n-rāā yá̰á̰ kə́ majaĺ ní, banī deē ń rāā kem ngan̄g ní, a əsō kum yá̰á̰ kə́ to kum kaȳ aĺ tə́.

JEREMI 44:10

Ɓōólaā gə̄gē ní nin̄ ndə̄ngān̄ rɔ̄də́ alé, ɓōlə́n̄ ndílə́ḿ alé. Nin̄ unən̄ gō róbə yāḿ gə̄ aĺ ō, unən̄ gō ndū najə̄ yāḿ gə̄ ń m̄-ndang m-ādə̄sí sḭḭ̄ ō, kaasí gə̄ ō ní aĺ ō.