KOHELET 8:1 - Bibəl ta Sar̄

¹ I náā n to tītə̄ nge kum kedə̄ ō, ger̄ kum yá̰a̰ gə̄ ō ní? Kum kedə̄ yā deē rāā adə̄ ta kumən ndə́lē ō, dɔ kumən kə́ majaĺ tūr̄ ō.

Bible sar

¹ I náā n to tītə̄ nge kum kedə̄ ō, ger̄ kum yá̰a̰ gə̄ ō ní? Kum kedə̄ yā deē rāā adə̄ ta kumən ndə́lē ō, dɔ kumən kə́ majaĺ tūr̄ ō.

KOHELET 8:1 Referans Kwoze

KƏLA RĀĀ 6:15

De gə̄ malang ń ndin̄ loo sarya tə́ ní əndān̄ kumdə́ dɔ Etiyen tə́, anī nin̄-a̰a̰n̄ kadə̄ ta kumən to tītə̄ ta kum de kə́ dɔ rā̰ tə́ kógə̄ḿ beē.

NDŪ NAJƏ̄ 28:50

I nápar de gə̄ kə́ kumdə́ o̰o̰də́ alé, kə́ a ɓōlə́n̄ ndíl de kə́ tɔgə ɓə́ga aĺ ō, a a̰a̰n̄ kum tō ndoō yā ngōn̄ kə́ dūú aĺ ō.

2 PIYER 1:20

Yá̰á̰ kə́ kété ń kadə̄ ī-gerī majə ní n toó: Najə̄ ń Nə́ɓā əndā ta ngé koō ta gə̄ tə́ á ndangən̄ kem makətūbə̄ yān tə́ ní, de kə́ asə kɔjə kum kə dɔneé gətóo.

2 TIMOTE 4:17

Banī Kɔ́ɔ̄ɓē ra rɔ̄ḿ tə́, ni-adə̄m̄ tɔ́gə adə̄ m-ɔ́jəń de gə̄ ń nin̄ i Jipə aĺ gə̄ ní najə̄ yān malang kə taá ō, ni ɔrə̄m̄ kɔ̄ɔ́ ta ɓɔl tə́ ō.

KƏLA RĀĀ 4:29

Ba ngɔlaā ní Kɔ́ɔ̄ɓē, á̰a̰ ka̰ȳ ń a̰ȳn̄ ndíĺjí ní, ba ī-rāā ādə̄ ngé kəla yāí gə̄ ənīn̄ kemdə́ ədan̄neé najə̄ yāí kanjə̄ ɓōĺ.

KƏLA RĀĀ 4:13

Dan ń ngé sarya gə̄ a̰a̰n̄ kadə̄ Piyer nin̄ kə Ja̰a̰ ənīn̄ kemdə́ ɔrə̄n̄neé najə̄ kanjə̄ ɓōĺ ō, nin̄-gerə̄n̄ kadə̄ i de kə́ hɔlyɔ karī gə̄ ō, i de kə́ ger̄ yá̰a̰ aĺ gə̄ ō anī, ɔr̄ kumdə́ ngá̰ý. Gerə̄n̄ kadə̄ i de gə̄ kə́ njə̄rān̄ kə Jejuú kété.

Gōsə̄ najə̄ gə̄ 17:24

Kum kedə̄ yā de kə́ ger̄ kum yá̰a̰ to i kə̄ ta kumən tə́ ndágá, banī kum de kə́ mbóo ra i kə̄ dɔ yá̰á̰ kə́ ni asə gō tə́ aĺ tə́.

Makətūbə̄ yā Job 33:23

Ba ré deē yā Nə́ɓā kə́ dɔ rā̰ tə́ kógə̄ḿ i kadə nge mo̰y ní tə́, adə̄ i nge kɔr̄ najə̄ tām̄ yā deē tə́ kógə̄ḿ, kə́ kunən dan ngé kə́ dūbú gə̄ tə́, yā kadə̄ ter̄ kem nge mo̰y ní dɔ yá̰á̰ kə́ kadə̄ rāā tə́,

EPEJƏ 6:19

Ī-ndɔ̄yī tām̄ yāḿ mā tə́ ō, ādə̄ Nə́ɓā əndā najə̄ kə́ gō tə́ taḿ tə́, kadə̄ m-ɔ́jəń Najə̄ kə́ Majə ń to loo mundə̄ tə́ ní kanjə̄ ɓōĺ,

MATIYE 17:2

Anī ta kumən tél tūr̄ kə́ rang kɔ̄ɔ́ kə̄ ta kumdə́ tə́ noō. Ta kumən ní ndə́lē tītə̄ mbang beé ō, kūbə̄ yān gə̄ ndaan̄ tītə̄ loo kə́ unjə̄ kow beé ō.

DANIEL 2:47

Gō tə́ anī əda Daniel na: Rɔ̄kum, Nə́ɓā yāsí i Nə́ɓā kə́ bo tɔȳ nə́ɓā gə̄ malang ō, ni i ngol mban̄g gə̄ ō. I ni ngóy n i nge kɔjə deē yá̰á̰ kə́ to loo mundə̄ tə́ kadə̄ ger̄ ní, tɔdɔ̄ ḭ̄ ɔ́jəm̄ yá̰á̰ kə́ loo mundə̄ tə́ ń toō.

Gōsə̄ najə̄ gə̄ 24:5

Nge kum kedə̄ i de kə́ tɔ́gən to ō, yá̰a̰ gə̄ ń ni ger̄də́ ní rāān̄ adə̄ tɔ́gən reē dɔ madə̄ tə́ ō.

Gōsə̄ najə̄ gə̄ 1:6

I kadə̄ deē gerə̄ń kum gōsə̄ najə̄ gə̄ ō, kum najə̄ kə́ to loo ɓɔ̄ɔ̄ tə́ gə̄ ō, kadə̄ deē gerə̄ń kum najə̄ kɔr̄ ngé kum kedə̄ gə̄ ō, kum səngó yādə́ gə̄ ō.

TA KƏLA 40:8

Nin̄ tél ədanən̄ na nī na rāādə́ tā ba de kə́ yā kɔjədə́ kum na gətóo. Anī Jəjep ədadə́ na ké i Nə́ɓā n i nge kəda kum yá̰a̰ gə̄ ní aĺ wa. Kə ənīnən̄ gotə nī ń rāādə́ ní.

Makətūbə̄ ń Pol ndang adə̄ Rom gə̄ ní 13:5

I tām̄ najə̄ ń toō tə́ n majə kadə̄ de gə̄ malang dɔdə́ a sɔl̄ kə̄ rɔ̄ ngé ko̰o̰ ɓē gə̄ tə́ ní. Ba dɔdə́ ń a sɔl̄ ní i tām̄ ɓōĺ wōn̄g yā Nə́ɓā tə́ ngóy alé, ba i tām̄ rāā yá̰á̰ kə́ kemdə́ ɔjədə́ tə́.

Gōsə̄ najə̄ gə̄ 21:29

Nge kem ndul rāā háĺ kə́ ɔjə kadə̄ ni ɓōĺ deē alé, banī de kə́ súmūú tə́lā ngəran ngan̄g kem háĺ kə́ gōtə́ tə́.

Teē Ngán Israel gə̄ 34:35

ngán Israel gə̄ a̰a̰n̄ ta kumən kə́ ndə́lē pipir ní. Gō tə́ anī tél seĺ kūbə̄ ta kumən tə́ gogə́, bátə́ kadə̄ ré a aw̄ i kə̄ gogə́ rɔ̄ Kɔ́ɔ̄ɓē tə́ kɔr̄ najá seneé tá.

Gōsə̄ najə̄ gə̄ 12:8

Tɔ̄ȳn̄ deē i najə̄ ngáā yān tə́, banī de kə́ hálən nujə kɔ̄ɔ́ i de kə́ de gə̄ a kídə̄nən̄.

DANIEL 2:22

I ni n i nge teē kə gíŕ yá̰a̰ kə́ lú ngá̰ý gēé dɔɔ́ ō, yá̰á̰ kə́ to loo mundə̄ tə́ gə̄ ndágá ō ní. Ni ger̄ yá̰á̰ kə́ kum til tə́ ō, loo kə́ unjə̄ kow ndi i rɔ̄n tə́ ō.