KOHELET 7:9 - Bibəl ta Sar̄

⁹ Ī-lōō kadə̄ wōn̄g rāāī láẃ ngá̰ý, tɔdɔ̄ i de kə́ mbóo gə̄ n i ngé rāā wōn̄g láẃ gə̄ ní.

Bible sar

⁹ Ī-lōō kadə̄ wōn̄g rāāī láẃ ngá̰ý, tɔdɔ̄ i de kə́ mbóo gə̄ n i ngé rāā wōn̄g láẃ gə̄ ní.

KOHELET 7:9 Referans Kwoze

JAKƏ 1:19

Ngákó̰ó̰ḿ kə́ kó tár yāḿ gə̄, majə kadə̄ ī-gerī yá̰á̰ ń toō: Ī-nēlī mbīsí majə ōōīneé najə̄ láẃ, banī ɔ̄rī najə̄ láẃ aĺ ō, ī-rāāī wōn̄g láẃ aĺ ō.

Gōsə̄ najə̄ gə̄ 14:17

De kə́ nge rāā wōn̄g láẃ i de kə́ nge rāā yá̰á̰ kə́ to mbóo gə̄ ō, nge núm̄ yá̰á̰ kə́ majaĺ i de kə́ nge rāā kadə̄ d e gə̄ im̄nən̄ ō.

Gōsə̄ najə̄ gə̄ 16:32

De kə́ rāā wōn̄g láẃ aĺ i só tə́ tɔȳ go̰ rɔ̄ɔ̄. De kə́ ger̄ kəhɔ rɔ̄n dɔ yá̰á̰ tə́ i só tə́ tɔȳ de kə́ nge taā ɓē kə rɔ̄ɔ́.

MARK 6:19

Herodiad im̄ Ja̰a̰ kemən tə́ ngá̰ý. Ni gḛy tɔ̄lə̄n, ba asə alé,

JONAS 4:9

Nə́ɓā dəje Jonas na ké wōn̄g ń ni-rāā tām̄ yā kāgə̄ tə́ ní ké i gōtə́ wa. Anī Jonas tél ədan na: A̰á̰ā̰, m̄-rāā wōn̄g i gōtə́ ō, m̄-ndə̄ngā yo i gōtə́ ō!

2 SAMUEL 19:43

Anī Juda gə̄ malang tél ədan̄ Israel gə̄ na: I tām̄ jḭḭ i ngéé mban̄g kə́ ngɔr ngá̰ý gə̄ tɔȳ yāsí. Ā ī-rāāī wōn̄g najə̄n tə́ i tām̄ rí tə́? I mban̄g n ul̄jí ní a? Mban̄g adə̄jí kadə̄ karī gə̄ a?

2 SAMUEL 13:22

Absalom əda ngōkó̰o̰n Amnon najə̄ to̰ alé. Ni-əhɔn kemən tə́ najə̄ ɓīī ń ɓīī kə ngōkó̰o̰n Tamar ní tə́.

2 SAMUEL 13:28

Absalom əda ngé kəla yān gə̄ na: Ə̄ndāī kumsí gír Amnon tə́ majə. Ré á̰a̰ī kadə̄ kasə rāān adə̄ rɔ̄n nelə̄n ngá̰ý ō, m-ə́dásí na: Ə́ndaī Amnon ō anī, ī-tɔ̄līin̄, ba ī-lōōī ɓōĺ. I mā n m̄-mēr̄sí tɔ̄lən ní aĺ a? I beé ní, ə́hɔī rɔ̄sí tɔgə ba ɔ́jiī kadə̄ sḭḭ̄ i de kə́ dəngam gə̄.

MARK 6:24

Ngōmandə ní teē, aw̄ dəje kó̰o̰n na ké kə n-dəje i yá̰á̰ rí wa. Anī kó̰o̰n tél ədan na kə dəje dɔm dɔ Ja̰a̰ Batistə.

2 SAMUEL 13:32

Banī Yonadab ngōn̄ Sama kə́ ngōkó̰o̰ Dabid ɔr̄ najə̄ əda na: Kɔ́ɔ̄ ɓē gə̄, ī-lōō kɔjəń na tɔ̄lə̄n̄ ngání gə̄ malang. I Amnon ngóy n oy. I ndɔ̄ ń Amnon sāań ngōkó̰o̰n Tamar dɔ gúú tə́ ní n Absalom ənīń ndūn yā tɔ̄ləń Amnon ní.

TA KƏLA 4:8

Ba Kain əda ngōkó̰o̰n Abel na kə n-teēn̄. Dan ń nin̄ i kem ndɔrɔ́ anī, Kain ḭḭ udə kə̄ dɔ ngōkó̰o̰n Abel tə́ tɔ̄lə̄n.

Gōsə̄ najə̄ gə̄ 14:29

De kə́ rāā wōn̄g láẃ alé i de kə́ ngáā ngá̰ý, banī de kə́ rāā wōn̄g láẃ ngá̰ý i de kə́ nge kɔjə kə̄ ndágá kadə̄ kur̄ dɔn na gətóo.

KOHELET 7:10

Ī-lōō kəda na i ba̰ý áké yá̰á̰ kə́ jóo majə tɔȳ kə́ ngɔlaā wa. Tɔdɔ̄ i kum kedə̄ n rāāī á ī-dəjeń najə̄ ń noō ní alé.

Gōsə̄ najə̄ gə̄ 25:8

Yá̰á̰ ń kumií a̰ā̰ ní ī-lōō tebəle kəda loo sarya tə́, na sōgə́ ta tɔ̄l̄ ta anī madə̄ kɔ̄līí əla rɔ̄sɔl̄ dɔí tə́ adə̄ ī-ger̄ yá̰á̰ kə́ yā rāā alé.

JONAS 4:3

Kɔ́ɔ̄ɓē, ngɔlaā ní ə́ya̰m̄ ādə̄ m-óy. A̰á̰ā̰, m̄-gḛy i yo ba i ndi kə kumuú alé.

JONAS 4:8

Ba dan ń mbang ḭḭ kə̄ dɔɔ́ anī, Nə́ɓā rāā adə̄ néĺ kógə̄ḿ kə́ təngā kə́ dūn̄ ɓē tə́ əla ō, mbang ɔsə dɔ Jonas ō, adə̄ na i ngɔr kadə̄ ni sitə̄ kɔ̄ɔ́. Loo ń noō tə́ Jonas ndə̄ngā yo, ni-əda na: m̄-gḛy i yo banī i ndi kə kumuú alé.