KOHELET 7:7 - Bibəl ta Sar̄

⁷ Rāā deē ndoō tə́ rāā adə̄ de kə́ nge kum kedə̄ tél mbóo deē ō, yá̰á̰ kə́ kadə̄ deē karī rāā adə̄ kem de kə́ majə tél kə́ majaĺ ō.

Bible sar

⁷ Rāā deē ndoō tə́ rāā adə̄ de kə́ nge kum kedə̄ tél mbóo deē ō, yá̰á̰ kə́ kadə̄ deē karī rāā adə̄ kem de kə́ majə tél kə́ majaĺ ō.

KOHELET 7:7 Referans Kwoze

NDŪ NAJƏ̄ 16:19

Ī-lōō tə́la ta njaí naā tə́ loo sarya tə́. Ā ī-gān̄g sarya tām̄ ta kum deē alé. Ī-lōō taā kadə̄ karī, tɔdɔ̄ kadə̄ karī i yá̰á̰ kə́ a utə̄ kum de kə́ ngáā gə̄ ō, a nujə najə̄ yā de kə́ sew gə̄ ō.

Teē Ngán Israel gə̄ 23:8

Ā ī-taā kadə̄ karī yā deē alé, tɔdɔ̄ i yá̰á̰ kə́ a tɔ̄ɔ̄ kum de kə́ nge ka̰a̰ loo ō, a nujə najə̄ yā de kə́ súmūú ō.

Gōsə̄ najə̄ gə̄ 17:23

De kə́ nge kem ndul ndigə yá̰á̰ kə́ kəla jī nang tə́ kadə̄nneé yā rāań kadə̄ yá̰á̰ kə́ súmūú tɔ̄ɔ̄ róbə́ kə́ rang.

IJAI 1:23

Ngār yāí gə̄ i de kə́ ngé kəsō wōn̄g gə̄ ō, nin̄ ɓoon̄ rɔ̄də́ tū yā ngé ɓogə gə̄ tə́ ō. Nel̄də́ kə yá̰á̰ gə̄ kə́ adə̄n̄də́ karī ngá̰ý ō, nin̄ ndin̄ dɔ rɔ̄də́ tə́ yā rāā yá̰a̰ malang kə́ tām̄ yā kəngeń yá̰á̰ kə́ kadə̄ karī gə̄ ní ō. Nin̄ rɔ̄ɔ̄n̄ dɔ yá̰á̰ kə́ súmūú yā ngán hal gə̄ tə́ aĺ ō, mbātə́n̄ kun najə̄ yā dəyá̰ kə́ ngaa koy gə̄ kə̄ jīdə́ tə́ ō.

KOHELET 4:1

M-á̰á̰ yá̰á̰ kə́ gōtə́ aĺ gə̄ malang ń de gə̄ a rāān̄ kə madə̄də́ gēé dɔ nang tə́ ní ō. Ngé gə̄ ń de gə̄ rāān̄ kumdə́ ndoō tə́ ní nōōn̄, banī de kə́ nge sɔl̄ kemdə́ gətóo. Tɔ́gə i dām̄ yā ngé rāā kumdə́ ndoō tə́ gə̄ tə́, adə̄ de kə́ nge sɔl̄ kemdə́ gətóo.

Gōsə̄ najə̄ gə̄ 17:8

Kadə̄ karī i mbal̄ kaā majə ta kum kɔ́ɔ̄n tə́. Ká ré ni tūr̄ rɔ̄n i kə̄ dām̄ kə́ rá tə́ gə̄gē anī kəla rāān a teē yá̰a̰.

1 SAMUEL 8:3

Banī unən̄ gō njan alé. Ngur kənge yá̰a̰ rāādə́, adə̄ táān̄ yá̰a̰ gə̄ ń de gə̄ adə̄n̄də́ kadə̄ əndān̄neé najə̄ yādə́ gə̄ naā tə́ ní. Adə̄ sarya gān̄gdə́ i gōtə́ alé.

NDŪ NAJƏ̄ 28:65

Ā ə́nge loo ndi lɔm dan nápar de gə̄ ngeé ń noō tə́ alé. Loo kə́ yā kadə̄ ə̄ndań njaí tū tə́ gə̄gē ā ə́nge alé. Kɔ́ɔ̄ɓē a adī dan wur kə́ a ndi i kə sōlōó ō, kum kə́ ndə́lē aĺ ō, rɔ̄ kə́ ur wak kɔ̄ɔ́ ō.

IJAI 33:15

I de kə́ nge rāā yá̰á̰ kə́ gōtə́ ō, kəda najə̄ kə́ rɔ̄kum ō. Hál deē ní n toó: Ni-mbātə́ yá̰á̰ kə́ kənge kə ta kūl̄ yá̰á̰ kə́ rāā kə dɔ́nɔ́ ō, ni mbəre ngé kadən yá̰a̰ karī yā mangnəń gə̄ kə̄ gogə́ ō. Dan ń a ɔrə̄n̄ najə̄ tɔ̄l̄ deē anī, ni utə̄ mbīn kɔ̄ɔ́. Ni utə̄ kumən kɔ̄ɔ́ yā ka̰a̰ń yá̰á̰ kə́ majaĺ alé.

1 SAMUEL 12:3

Mā n m̄-rā toó. Ré āwī kə najá seḿ kemsí tə́ anī, ə́daī kə̄ ta kum Kɔ́ɔ̄ɓē tə́ ō, ta kum mban̄g ń ni gə̄rā tə́ ní ō. I náā n m̄-taā man̄g yān aké kərō yān ní? I náā n m-ə́sa tətōn, aké m̄-rāā kumən ndoō tə́ ní? I náā n m̄-taā nar jīn tə́ yā kótəń kumḿ kɔ̄ɔ́ dɔ najə̄ yān tə́ ní? M-ā m̄-téləń yā kadə̄sí gogə́.

KOHELET 5:8

Banī nin̄ malang ní dɔ nang rāā majə sedə́ mbak. Mban̄g ndi i kə ta kūl̄ ndɔrɔ́.

KOHELET 8:9

M-á̰á̰ yá̰a̰ gə̄ ń noō malang i dan ń m-ā m-ə̄ndań ma̰ȳ yá̰á̰ malang ń de gə̄ a rāān̄ dɔ nang tə́ ní, dan ń deē əndā tɔ́gən dɔ deē madə̄n tə́ yā rāānneé yá̰á̰ kə́ majaĺ ní.

1 SAMUEL 21:14

Ni-tɔ̄ rāā yá̰a̰ tītə̄ de kə́ nge kɔ̄r̄ kə̄ ta kumdə́ tə́ noō: Ɔr̄ najə̄ mbit mbit dandə́ tə́ ō, a tə́jā yá̰a̰ gə̄ tū bápə gə̄ kə́ ta róbə́ kújə́ tə́ ō, əya̰ ndɔl tan adə̄ də̄yā̰ mbāýn tə́ ō.