KOHELET 7:4 - Bibəl ta Sar̄

⁴ Ngarā̰ kem ngé kum kedə̄ gə̄ i kem kújə́ ń de gə̄ a nōōn̄ yo tū tə́ ní tə́ ō, ngarā̰ kem de kə́ mbóo gə̄ i kem kújə rɔ̄nel̄ tə́ ō.

Bible sar

⁴ Ngarā̰ kem ngé kum kedə̄ gə̄ i kem kújə́ ń de gə̄ a nōōn̄ yo tū tə́ ní tə́ ō, ngarā̰ kem de kə́ mbóo gə̄ i kem kújə rɔ̄nel̄ tə́ ō.

KOHELET 7:4 Referans Kwoze

OJEE 7:5

Dan ń i ndɔ̄ yā mban̄g anī, de kə́ bo yān gə̄ rāān̄ yá̰a̰ tītə̄ kə́ mo̰y rāādə́ beē, nin̄ a̰ȳn̄ kasə nduú adə̄ mān̄ dɔ majən. Nin̄ rāān̄ de gə̄ mbóó tə́ ō, mban̄g rāā tītə̄ yādə́ ō.

DANIEL 5:30

Ndɔ̄ɔ́ ndɔ̄ nəkɔ́ noō tə́ tɔ̄lə̄n̄ Baltajar mban̄g kə́ Babilon.

JEREMI 51:57

M-ādə̄ de kə́ bo yān gə̄ ō, kum kɔ̄ɔ́ yān gə̄ ō, ngé ko̰o̰ ɓē yān gə̄ ō, ngé rāā sarya yān gə̄ ō, go̰ rɔ̄ɔ̄ yān gə̄ ō, kasə nduú adə̄ rāādə́. Nin̄ a ɓīīn̄ ɓīī kə́ njɔ́ḿ gə̄ tə́ ō, a ndólə̄n̄ to̰ aĺ ō. I Mban̄g ń rīn na i Kɔ́ɔ̄ɓē kə́ bo kə́ tɔ́gən i ngá̰ý ní n əda najə̄ ń noō ní.

JEREMI 51:39

rɔ̄də́ a əɓa təngā ō anī, m-ā m-ə̄ndā dɔ yá̰a̰ kəsa kə́ ngá̰ý naā tə́ tām̄ yādə́ tə́, m-ā m-ādə̄də́ kasə kadə̄ rāādə́ ngá̰ý ō, nin̄ a ɓīīn̄ ɓīī kə́ njɔ́ḿ gə̄ tə́ ō, a ndólə̄n̄ to̰ aĺ bátə́ ō. Najə̄ ń Kɔ́ɔ̄ɓē əda ní n noó.

IJAI 21:4

Dɔḿ ndi kə gōó alé, ɓōĺ rāām̄ adə̄ m̄-ndew. m̄-ngóō loo kə́ loo tíbí yā kadə̄ loo sɔlə̄m̄ lɔm sḛ́ý, ba ń toō ɓáa loo kə́ ndɔ̄ɔ́ əla ɓōĺ kemḿ tə́.

1 MBAN̄G GƏ̄ 20:16

Nin̄ ənīn̄ rɔ̄ɔ̄ i dan kadaá, dan ń Ben Hadad nin̄ kə mban̄g kə́ kutə mətá gidə i jōó gə̄ ń ɓoon̄ rɔ̄də́ yān tə́ ní ndin̄ loo ka̰ȳ kasə tə́ gír kújə tandā gə̄ tə́ adə̄ kasə asədə́ nák ní.

2 SAMUEL 13:28

Absalom əda ngé kəla yān gə̄ na: Ə̄ndāī kumsí gír Amnon tə́ majə. Ré á̰a̰ī kadə̄ kasə rāān adə̄ rɔ̄n nelə̄n ngá̰ý ō, m-ə́dásí na: Ə́ndaī Amnon ō anī, ī-tɔ̄līin̄, ba ī-lōōī ɓōĺ. I mā n m̄-mēr̄sí tɔ̄lən ní aĺ a? I beé ní, ə́hɔī rɔ̄sí tɔgə ba ɔ́jiī kadə̄ sḭḭ̄ i de kə́ dəngam gə̄.

1 SAMUEL 30:16

Adə̄ deē ní ɔr no Dabid aw̄ seneé gō Amalek gə̄ tə́. Dan ń əngen̄də́ ní tḭ̄ḭ̄n̄ naā i kə̄ loo gə̄ tə́ n ndi a əsan̄neé yá̰a̰ ō a̰ȳn̄neé yá̰a̰ ō rāānneé rɔ̄nel̄ yá̰a̰ kənge kə́ ngá̰ý ń ɔyn̄ dɔ nang yā Pilistin gə̄ tə́ ō Juda gə̄ tə́ ō ní.

1 SAMUEL 25:36

Dan ń Abigail tél aw̄ ugə̄ ɓēé anī, ənge Nabal i ta yá̰a̰ kəsa kə́ ngá̰ý tə́. I yá̰á̰ kə́ ngá̰ý kə́ tītə̄ yá̰a̰ kəsa mban̄g beé. Rɔ̄ Nabal nelə̄n ngá̰ý. Kasə rāān kɔ̄ɔ́, adə̄ Abigail ədan yá̰á̰ kógə̄ḿ alé bátə́ ta gír loo tə́.

NAHUM 1:10

Nin̄ ń a̰ȳn̄ yá̰a̰ tītə̄ ngé kasə rāā gə̄ ní, ton̄ tītə̄ túpə kōn̄ gə̄ kə́ tə́lan̄ jīdə́ kem naā tə́ beē. Hor a o̰o̰də́ malang tītə̄ mu kə́ tutə beé.

KOHELET 2:1

M-ə́da kə̄ kemḿ mə̄kɔ́ tə́ na: M-ā m̄-nāā rāā rɔ̄nel̄ ō, ndi majə ō yā ka̰ā̰, anī nge ń noō i yá̰á̰ kə́ kanjə̄ kumən ō.

KOHELET 7:3

Wur kɔl i só tə́ tɔȳ kəgō. Ni-rāā adə̄ ta kum deē i kə rɔ̄nelēé alé, banī rāā adə̄ kem deē majə tɔȳ kə́ kété.

KOHELET 7:5

Koō kɔ̄l̄ yā de kə́ nge kum kedə̄ i só tə́ tɔȳ koō pā yā mbóo gə̄.