KOHELET 7:18 - Bibəl ta Sar̄

¹⁸ Kəhɔí gō nge ń toō kadə̄ ngan̄g kanjə̄ kadə̄ jīí əya̰ nge ń noō dɔɔ́ i yá̰á̰ kə́ majə. Tɔdɔ̄ deē ń ɓōĺ ndíĺ Nə́ɓā ní a rāā yá̰á̰ kə́ jōó gə̄ ń noō kadə̄ udə gírí.

Bible sar

¹⁸ Kəhɔí gō nge ń toō kadə̄ ngan̄g kanjə̄ kadə̄ jīí əya̰ nge ń noō dɔɔ́ i yá̰á̰ kə́ majə. Tɔdɔ̄ deē ń ɓōĺ ndíĺ Nə́ɓā ní a rāā yá̰á̰ kə́ jōó gə̄ ń noō kadə̄ udə gírí.

KOHELET 7:18 Referans Kwoze

KOHELET 12:13

Ta tɔ̄l̄ ta najə̄ malang n toó, ī-ɓōĺ ndíĺ Nə́ɓā ba ī-rāā gō míndə gə̄ ń ni ə́ndā dɔ deē tə́ kadə̄ rāā ní. Yá̰á̰ ń majə kadə̄ de gə̄ malang rāān̄ ní n noó.

Najə̄ kə́ Majə yā Jeju ń Luk ndang ní 11:42

Rɔ̄ ndoō i yāsí sḭḭ̄ Parijiyḛ gə̄! Tām̄ sḭḭ̄ ɔ̄rī dɔ kámbə kotə ō, kámbə ru ō, mbī kámbə́ kə́ tayā tayā gə̄ ō kə́ nge ko̰ kutə ādī Nə́ɓā ō, banī yá̰á̰ kə́ gōtə́ ō, táŕ Nə́ɓā ō, ɓáa usəsí dɔ tə́ alé. Tá i yá̰a̰ gə̄ ń toō n majə kadə̄ ə̄nīī rɔ̄sí rak ī-rāāīdə́ kanjə̄ kəya̰ ngé gə̄ noō kɔ̄ɔ́ ō ní.

Najə̄ kə́ Majə yā Jeju ń Luk ndang ní 1:50

Kem majə yān a to ngándáńg tām̄ yā ngé ɓōĺ ndílən gə̄ tə́.

KOHELET 11:6

Ādə̄ dəloí anī ī-dubə̄ kum kōō yāí, loo sɔlí anī ī-lōō kəya̰ jīí kadə̄ taā koō ō. Tɔdɔ̄ kəla gə̄ ń gír j ōó noō nge ń i kə́ majə ní ī-ger̄ alé. Majanī majən̄ jōó mbak.

KOHELET 8:12

Nge rāā majaĺ rāā yá̰á̰ kə́ majaĺ nja ɓú ō, ndi kə kumneé dan i ngá̰ý ō. Ɓá tā ba m̄-ger̄ kadə̄ ngé ɓōĺ ndíl Nə́ɓā gə̄ a ndin̄ majə, tɔdɔ̄ kemdə́ i kə ɓōló ta kumən tə́.

JEREMI 32:40

M-ā m-ə́hɔ madə̄ naā sedə́ kadə̄ a to ngándáńg. M-ā m̄-rāā majə sedə́, kanjə̄ kɔr ta tə́ ō, m-ā m̄-rāā kadə̄ a ɓōlə́n̄ ndílə́ḿ ngarā̰ kemdə́ tə́ ō, yā kadə̄ ɔrə̄n̄ rɔ̄də́ sa̰y rɔ̄ḿ tə́ to̰ aĺ i kə́ bátə́ gə̄ tə́.

KOHELET 3:14

Mā m̄-gír̄ kadə̄ yá̰a̰ malang ń Nə́ɓā rāā ní a to ngándáńg. Yá̰á̰ kə́ kadə̄ deē ənī ta tə́ gətóo ō, yá̰á̰ kə́ tū tə́ kə́ kadə̄ deē ɔr̄ kɔ̄ɔ́ gətóo ō. Nə́ɓā rāā tītə̄ ń noō yā kadə̄ deē ɓōlə́nń ndílən dan ń deē ra ta kumən tə́ ní.

Gōsə̄ najə̄ gə̄ 8:20

Mā m-ún i róbə́ yá̰á̰ kə́ gōtə́, róbə́ kə́ a rāān̄ yá̰a̰ tū tə́ i kə gōó.

KOHELET 5:7

Ré á̰a̰ā̰ kadə̄ rāān̄ kum de kə́ nge rɔ̄ tō ndoō ndoō tə́ ō, rāān̄ yá̰á̰ kə́ súmūú aĺ ō, yá̰á̰ kə́ gōtə́ aĺ ō, kem ɓēé anī, ādə̄ ɔr kumií alé. Tɔdɔ̄ deē ń ndi loo kə́ bo tə́ ní, əndān̄ de kə́ rang kə́ bo tɔȳn dɔn tə́. Nin̄ jōó mbak ní tə́ndān̄ de kə́ rang kə́ bo tɔȳdə́ gə̄ dɔdə́ tə́ kadə̄ əndān̄ kumdə́ gíŕdə́ tə́ ō.

KOHELET 8:13

m̄-ger̄ ɓáý to̰ kadə̄ nge kem ndul a ndi majə aĺ ō, a mān̄ tītə̄ ndíl yá̰a̰ beé ō, adə̄ a ənī ndɔ̄n ta madə̄ tə́ kə̄ kété aĺ ō tɔdɔ̄ usən dɔ Nə́ɓā tə́ alé.

Gōsə̄ najə̄ gə̄ 12:21

De kə́ súmūú a̰a̰ tápə̄ alé, banī yá̰á̰ kə́ majaĺ ń rāā ngé kem ndul gə̄ ní taā tɔ́gə́də́ kɔ̄ɔ́.