KOHELET 7:16 - Bibəl ta Sar̄

¹⁶ Ī-lōō rāā háĺ kə́ gōtə́ kadə̄ mān̄ dɔ majən ō, ī-lōō kadə̄ kumií edə̄ kadə̄ mān̄ dɔ majən ō. Ī-sāā nujə rɔ̄í i tām̄ rí tə́?

Bible sar

¹⁶ Ī-lōō rāā háĺ kə́ gōtə́ kadə̄ mān̄ dɔ majən ō, ī-lōō kadə̄ kumií edə̄ kadə̄ mān̄ dɔ majən ō. Ī-sāā nujə rɔ̄í i tām̄ rí tə́?

KOHELET 7:16 Referans Kwoze

Makətūbə̄ ń Pol ndang adə̄ Rom gə̄ ní 12:3

Sɔɔ̄ń yá̰á̰ ń Nə́ɓā adə̄m̄ karī kə ta kūl̄ kem majə yānneé ní, m-ə́dásí sḭḭ̄ malang najə̄ ń toō: Ī-lōōī kɔjə rɔ̄sí kadə̄ mān̄ dɔ majən, banī ādī gír̄ yāsí i gír̄ kə́ kə looneé, kadə̄ náā náā nəkɔ́ ɓáa ɔjə rɔ̄n kadə̄ mān̄ dɔ majən alé, ba kadə̄ asə kə gō taā kem ń Nə́ɓā mbɔ̄jə́ adə̄sí ní.

Gōsə̄ najə̄ gə̄ 25:16

Ré ə́nge yibə̄ tejə anī ó̰o̰n ādə̄ asiī, ba ī-lōō ko̰o̰ kadə̄ al̄ dɔ kemií na sōgə́ ī-tōmbə̄ kɔ̄ɔ́.

KOLOSƏ 2:18

De gə̄ ń nel̄də́ tél kə rɔ̄də́ kə̄ nang tə́ ō, rāā kəla kadə̄ de kə́ dɔ rā̰ tə́ gə̄ ō, əhɔn̄ gō yá̰a̰ gə̄ ń nin̄ kɔ́ gə̄ a̰ā̰n̄ ō ní, ī-lōōī kadə̄ gólə̄n̄sí. De kə́ beé gə̄ ní, gír̄ najə̄ yādə́ kə́ gō yā deē ndul tə́ rāā adə̄ nin̄-ɔjən̄ rɔ̄də́ kanjə̄ kumən.

KOLOSƏ 2:23

Najə̄ gə̄ ní ton̄ tītə̄ kə́ kum kedə̄ i tū tə́ beē, tɔdɔ̄ ɔjən̄jí loo rɔȳ Nə́ɓā kə́ kə gō kem ndigə yājí jḭḭ̄ kɔ́gɔ̄ɔ́ ō, loo tél kə rɔ̄jí kə̄ nang tə́ ō, loo kəhɔ rɔ̄jí dɔ rāā yá̰a̰ gə̄ tə́ ō, ba a teēn̄ yá̰a̰ alé. Nin̄ a rāān̄ i yá̰á̰ kə́ nel̄ dā̰ rɔ̄jí ngóy.

1 KORḚNTƏ 3:18

Ādə̄ deē kógə̄ḿ gól̄ rɔ̄n nəkɔ́ alé. Ré de kə́rēý dɔ dansí tə́ gír̄ kadə̄ ni i de kə́ nge kum kedə̄ tītə̄ de kə́ dɔ nang tə́ laā gə̄ anī, ādə̄ ni-tél de kə́ mbóo yā télən̄ de kə́ nge kum kedə̄.

KOHELET 12:12

Ngōnə̄ḿ, ī-lōō kənī najə̄ kə́ rang dɔ tə́. Makətūbə̄ gə̄ ń deē asə rāā ní ta ngóýdə́ gətóo ō, ndóō yá̰á̰ kə́ ngá̰ý a taā tɔ́gə deē ō.

TA KƏLA 3:6

Dəyá̰ a̰a̰ kadə̄ kan̄ kāgə̄ ní majə kəsa ngá̰ý ō, majə ka̰a̰ ngá̰ý ō, ngur kəsan kadə̄ gerə̄ń yá̰á̰ ngá̰ý rāān ō. Anī ni-əja kan̄ kāgə̄ ní kógə̄ḿ əsa ō, adə̄ ngaan ń ra kadən tə́ ní adə̄ əsa ō.

Najə̄ kə́ Majə yā Jeju ń Luk ndang ní 18:12

Dan ndɔ̄ kə́ sīrí gə̄ tə́ ní, kə́ jōó gə̄ m-ā m̄-*ndiń ɓō tām̄ yāí tə́. Tá yá̰a̰ gə̄ ń m-ə́nge malang ní, m-ɔ̄r̄ dɔ kə́ nge ko̰ kutə m-ādī ɓáý to̰.

Gōsə̄ najə̄ gə̄ 23:4

Ī-lōō kɔr ndāńg karī gō yá̰a̰ kənge tə́, ī-lōō gír̄ dɔ tə́.

1 TIMOTE 4:3

Nin̄-ɔgə̄n̄ de gə̄ taā naā ō, ɔgə̄n̄ ngé taā kem gə̄ ń gerə̄n̄ najə̄ kə́ rɔ̄kum ní, kəsa yá̰á̰ kə́rēý gə̄ ń Nə́ɓā rāā kadə̄ əsan̄ kə ndadāá ní ō.

PILIPƏ 3:6

Kə́ ɔjə dɔ ko̰o̰ kə́ o̰o̰ deē tɔdɔ̄ Nə́ɓā tə́ ɓáa, mā i de kə́ o̰o̰m̄ tɔdɔ̄ Nə́ɓā ngá̰ý, adə̄ m̄-rāā Egəlijə yā Jeju Kərist ndoō tə́. Kə́ ɔjə dɔ rāā yá̰á̰ kə́ ndū najə̄ əda tə́ yā kadə̄ deē téləń de kə́ nge rāā yá̰á̰ kə́ gōtə́ ɓáa, najə̄ kə́ yā kadə̄ deē əda dɔḿ tə́ loon tə́ gətóo.

1 KORḚNTƏ 3:20

Tá ndangən̄ ɓáý to̰ na: Kɔ́ɔ̄ɓē ger̄ gír̄ yā ngé kum kedə̄ gə̄, ni-ger̄ kadə̄ i yá̰á̰ kə́ kanjə̄ kumən.

Makətūbə̄ ń Pol ndang adə̄ Rom gə̄ ní 11:25

Ngákó̰ó̰ḿ gə̄, m̄-gḛy kadə̄ ī-gerī yá̰á̰ kə́ to loo mundə̄ tə́ kem Nə́ɓā tə́ ɓáý ń toō, na sōgə́ ī-gírī kemsí tə́ na sḭḭ̄ i ngé kum kedə̄ ngá̰ý gə̄. Yá̰á̰ ní n toó: Kem ngan̄g ń Nə́ɓā adə̄ kem ngán Israel kə́rēý gə̄ ngan̄g ngóróró ní, a to bátə́ kadə̄ ré de gə̄ malang ń i Jipə aĺ gə̄ ní ajən̄ pá tá.

MATIYE 9:14

Tā anī ngé ndóō yá̰a̰ yā Ja̰a̰ gə̄ reēn̄ rɔ̄ Jeju tə́ ba dəjenən̄ na ké i tām̄ rí tə́ á nin̄ ō, Parijiyḛ gə̄ ō, na ndin̄ ɓō tām̄ yā Nə́ɓā tə́, ba ngé ndóō yá̰a̰ yān gə̄ na ndin̄ ɓō tām̄ yā Nə́ɓā tə́ aĺ ní wa?

Makətūbə̄ yā Job 28:28

Gō tə́ anī əda deē ndul na: Yá̰á̰ ń i kum kedə̄ ní, i ɓōĺ ndíĺ Kɔ́ɔ̄ɓē! Yá̰á̰ ń i ger̄ yá̰á̰ ní, i ka̰a̰ yá̰á̰ kə́ majaĺ a ka̰ȳ kɔ̄ɔ́ ta tə́!

Makətūbə̄ yā Job 11:12

De ń yá̰a̰ tɔȳ tɔ́gən ní ger̄ najə̄ to̰ alé. Deē malang ń i ngōn̄ kásə́ ɓáý ní, to i tītə̄ ngōn̄ kərō kə́ bembeé beé.

JEJU TEĒ KUM JA̰A̰ 18:19

Nin̄-əgan̄ bumbə́ru kə̄ dɔdə́ tə́ dɔdə́ tə́ ō əgan̄ kɔŕ ō, nōōn̄ ō, əhɔn̄ ndoō ō, ba ədan̄ na: Rɔ̄ tō ndoō, rɔ̄ tō ndoō! Tɔdɔ̄ ɓē kə́ bo ń ngé to bo gə̄ kə́ dɔ bā bo gə̄ tə́ malang əngen̄ yá̰a̰ i kə ta kūl̄neé ní, nujə sák sák kɔ̄ɔ́ i kum mbang kógə̄ḿ beē ngóy.

Makətūbə̄ ń Pol ndang adə̄ Rom gə̄ ní 10:2

O̰o̰də́ tɔdɔ̄ Nə́ɓā ngá̰ý adə̄ mā i de kə́ kum tə́ yādə́ najə̄n tə́. Banī ko̰o̰ ń o̰o̰də́ tɔdɔ̄ Nə́ɓā ní i kanjə̄ ger̄ yá̰a̰.

MATIYE 23:38

I beé ní, a əya̰n̄ kújə yāsí ní jīsí tə́ yā kadə̄sí kadə̄ a ra kemən karī.

MATIYE 23:29

Sḭḭ̄ ngé ndóō de gə̄ ndū najə̄ gə̄ ō, Parijiyḛ gə̄ ō, sḭḭ̄ ń i ngé gól̄ kum de gə̄ ní, yāsí i rɔ̄ ndoō! Tɔdɔ̄ sḭḭ̄ ī-rāāī dɔ ɓádə ngé koō ta gə̄ ādī majə ō, ī-súūī dɔ ɓádə de kə́ súmūú gə̄ ō,

MATIYE 23:5

Yá̰a̰ rāādə́ gə̄ malang ní, i yā kadə̄ de gə̄ a̰a̰n̄neédə́ ngóy. Nin̄-rāān̄ ngong kə́ dūú gə̄ ń najə̄ gə̄ yā Nə́ɓā i kemeé á do̰ō̰n̄ nodə́ tə́ aláa do̰ō̰n̄ jīdə́ tə́ ní adə̄ lan̄ popəlo o, rāān̄ ta kəlā ro̰ kūbə̄ yādə́ gə̄ adə̄ ngālə̄n̄ tilili ō.