KOHELET 7:12 - Bibəl ta Sar̄

¹² Ni a əndā deē loo kə́ yá̰á̰ kə́ majaĺ a rāān tū tə́ aĺ tə́ tītə̄ yā nar beé. Ni i nge rāā kadə̄ ngé kəngen gə̄ ndin̄ ta kaw̄ jóo.

Bible sar

¹² Ni a əndā deē loo kə́ yá̰á̰ kə́ majaĺ a rāān tū tə́ aĺ tə́ tītə̄ yā nar beé. Ni i nge rāā kadə̄ ngé kəngen gə̄ ndin̄ ta kaw̄ jóo.

KOHELET 7:12 Referans Kwoze

Gōsə̄ najə̄ gə̄ 8:35

Tɔdɔ̄ deē ń əngem̄ ní ənge i ta róbə ndi kə kumuú ō, ndɔ̄də̄ i kem majə yā Kɔ́ɔ̄ɓē ō.

Gōsə̄ najə̄ gə̄ 3:18

Tām̄ yā ngé gə̄ ń əhɔnən̄ sásáp tə́ ní ni i kāgə̄ kə́ deē əsan anī ā ī-ndi kə kumií ō, rɔ̄nel̄ i kə ngé gə̄ ń əhɔnən̄ sásáp ní ō.

Gōsə̄ najə̄ gə̄ 2:7

Ni i nge rāā kadə̄ kəla rāā de kə́ súmūú gə̄ teē majə. Ni to i tītə̄ der beé tām̄ yā nge rāā háĺ kə́ gōtə́ tə́.

JA̰A̰ 17:3

Ndi kə kumuú kə́ ngándáńg ní n toó: I kadə̄ nin̄-gerīn̄ ḭ̄ Nə́ɓā kə́ rɔ̄kum kə́ kal kógə̄ḿ beē ō, i kadə̄ nin̄-gerə̄n̄ Jeju Kərist ń ə́la seneé ní ō.

JA̰A̰ 12:50

Tá m̄-ger̄ kadə̄ gō míndən i yá̰á̰ kə́ a rāā kadə̄ deē ndi kə kumneé ngándáńg: Najə̄ ń m-ə́dá ní, m-ə́da i tītə̄ ń Bɔbə́ḿ ədamə̄ń ní.

Gōsə̄ najə̄ gə̄ 11:4

Ndɔ̄ wōn̄g tə́ anī yá̰a̰ kənge i yá̰á̰ kə́ karī, banī háĺ kə́ gōtə́ a taā deē ta yo tə́,

NGÉ SARYA 9:15

Anī túpə kōn̄ əda kāgə̄ gə̄ na: Ré ī-ndigiī kəndām̄ mban̄g rɔ̄kum anī, ī-reē ī-ndiī ndílə́ḿ tə́. Ba ré ī-mbātíī reē ndi ndílə́ḿ tə́ anī, hor kógə̄ḿ a teē kemḿ tə́ yā ko̰o̰ kāgə̄ sédər gə̄ kə́ Liban.

PILIPƏ 3:8

Rɔ̄kum, m̄-rāā yá̰a̰ malang i yá̰á̰ kə́ m̄-tḭ̄ḭ̄ ta kɔ̄ɔ́ tə́ sɔɔ̄ń ger̄ kə́ m̄-ger̄ Jeju Kərist Kɔ́ɔ̄ɓē yāḿ tə́. Ger̄ Jeju Kərist i yá̰á̰ kə́ majə tɔȳ yá̰a̰ gə̄ malang. m̄-tḭ̄ḭ̄ ta yá̰a̰ malang najə̄ yān tə́ ō, yá̰a̰ gə̄ ń noō malang ní, m-á̰á̰də́ i tītə̄ yedə̄ beé ta kumḿ tə́ ō. I Kərist ngóy n i yá̰a̰ tām̄ yāḿ tə́ ní.

IJAI 33:6

Ba sḭḭ̄ gír de gə̄ yā Kɔ́ɔ̄ɓē, ā ásiī ndi kanjə̄ sōl̄ yá̰á̰ kógə̄ḿ. Kum kedə̄ ō, yá̰a̰ ger̄ ō, rāān̄ rɔ̄də́ i yá̰a̰ kənge kə́ ajə deē tə́. Ɓōĺ ndíĺ Kɔ́ɔ̄ɓē i yá̰a̰ kənge yāí kə́ gātə̄n i ngá̰ý!

IJAI 32:2

Nin̄ kógə̄ḿ kógə̄ḿ a ton̄ i tītə̄ loo kə́ deē a ɓɔ̄ɔ̄ rɔ̄n tū tə́ tām̄ yā néĺ tə́ beē, a ton̄ i tītə̄ loo kə́ deē a ɓɔ̄ɔ̄ rɔ̄n tū tə́ tām̄ yā man̄ kə́ a edə tə́ beē, a ton̄ i tītə̄ man̄ kə́ a nūgə́ dəla loo tə́ beē, a ton̄ i tītə̄ ndíl mbal̄ kə́ bo kə́ kem ɓē kə́ loo təngā tū tə́ beē.

Gōsə̄ najə̄ gə̄ 9:11

Mā kum kedə̄ m-ā m-ə̄nī ndɔ̄í ta madə̄ tə́, m-ā m̄-rāā kadə̄ ā ī-ndi kə kumií dan i ngá̰ý.

Gōsə̄ najə̄ gə̄ 2:11

kəndā ma̰ȳ yá̰a̰ a ngɔ̄mī ta yá̰á̰ kə́ majaĺ tə́ ō, ger̄ yá̰a̰ a a̰a̰ gōí majə ō.

PĀ GƏ̄ 57:1

Pā kə́ kem makətūbə̄ yā ngār yā gōsə̄ pā gə̄ tə́. A ənīn̄ i tītə̄ loo kənī pā ī-lōō nujəń beé. I pā yā Dabid kə́ yā ndóoń deē yá̰a̰. I dan ń Dabid a̰ȳ Saul aw̄ ɓɔ̄ɔ̄ rɔ̄n bəlo mbalá ní.

Makətūbə̄ yā Job 1:10

Ḭ̄ ə̄nī ndogə̄ kógə̄ḿ dɔn tə́ ī-ngɔ̄mnəń ō, ī-ngɔ̄məń de kə́ ta kújə yān tə́ gə̄ ō, yá̰a̰ kənge yān gə̄ ō aĺ a? Ḭ̄ ī-rāā adə̄ kəla yān teē yá̰a̰, adə̄ yá̰a̰ kul̄ yān gə̄ taān̄ loo kem ɓēé malang.

NDŪ NAJƏ̄ 32:47

Tɔdɔ̄ yá̰á̰ kə́ yā rāā gə̄ ń m-ɔ́jə́sí ní i yá̰á̰ kə́ kanjə̄ kumən alé, tām̄ ā ī-ndiī kə kumsí i kə ta kūl̄də́ ō, ā ī-ndiī ɓāl̄ ngá̰ý dɔ nang ń ā āwī yā taā gidə bā Jurdḛ kə́ dām̄ kə́ nú tə́ ní i kə ta kūl̄də́ ō.

IJAI 30:2

Sḭḭ̄ ə̄sōī róbó ta kaw̄ kə̄ Ejiptə, banī ī-dəjeī gír̄ yāḿ mā kə́ dɔ tə́ alé. Ī-sāāī kadə̄ mban̄g kə́ Ejiptə ngɔ̄m̄sí ō, ī-sāāī ɓɔ̄ɔ̄ rɔ̄sí ndíl ɓē yān tə́ ō!

Gōsə̄ najə̄ gə̄ 14:20

Nge rɔ̄ tō ndoō i de kə́ madə̄ tan gə̄gē a gḛyn alé, banī nge kənge yá̰a̰ i de kə́ madə̄ tan gə̄ i ngá̰ý.

KOHELET 2:13

Yá̰á̰ ń m-á̰a̰ā̰ ní n toó: Kum kedə̄ rāā majə kə deē tɔȳ mbóo, tītə̄ ń loo kə́ unjə̄ kow rāań majə kə deé tɔȳ til ni.

KOHELET 7:19

Kum kedə̄ rāā adə̄ nge kum kedə̄ ngan̄g tɔȳ ngé ko̰o̰ ɓē gə̄ kutə kə́ ndin̄ kem ɓē kə́ kógə̄ḿ beē tə́.

KOHELET 9:16

Tā anī mā m-ə́da na kum kedə̄ i só tə́ tɔȳ tɔ́gə deē. Banī de gə̄ kídə̄n̄ kum kedə̄ yā nge ndoō ō, deē oō yā n aĺ ō.

KOHELET 9:18

Kum kedə̄ i só tə́ tɔȳ yá̰a̰ rɔ̄ɔ̄ gə̄, banī nge rāā majaĺ kə́ kógə̄ḿ beē nujə yá̰á̰ kə́ majə gə̄ ngá̰ý.

KOHELET 10:19

De kə́ bo gə̄ rāān̄ yá̰a̰ kəsa yā rāań rɔ̄nel̄. Kasə nduú rāādə́ adə̄ rɔ̄də́ nel̄də́ ō, nar adə̄də́ yá̰a̰ malang ō.