KOHELET 6:6 - Bibəl ta Sar̄

⁶ Ká ré deē ngeé ń toō ndiń kə kumneé ɓāl̄ dūbú nja jōó gə̄gē, a ger̄ yá̰á̰ ń i ndi dan majaá ní alé. Tɔdɔ̄ yá̰a̰ malang ń ndi kə kumneé ní ta tɔ̄l̄ tan i yo.

Bible sar

⁶ Ká ré deē ngeé ń toō ndiń kə kumneé ɓāl̄ dūbú nja jōó gə̄gē, a ger̄ yá̰á̰ ń i ndi dan majaá ní alé. Tɔdɔ̄ yá̰a̰ malang ń ndi kə kumneé ní ta tɔ̄l̄ tan i yo.

KOHELET 6:6 Referans Kwoze

KOHELET 3:20

Yá̰a̰ malang a aw̄ i kə̄ loo kə́ kógə̄ḿ beē tə́. Yá̰a̰ malang teē i dɔ nang tə́ ō, a tél i kə̄ gogə́ dɔ nang tə́ ō.

HEBƏRO 9:27

Ba tītə̄ ń əndān̄ dɔ deē ndul gə̄ tə́ kadə̄ oyn̄ nja kógə̄ḿ beē, ba gō tə́ anī Nə́ɓā gān̄g sarya dɔdə́ tə́ ní,

Makətūbə̄ yā Job 30:23

Mā m̄-ger̄ majə kadə̄ ī-tél ā āw̄ seḿ i kə̄ ɓē yā yo tə́. I loo kənge naā yā de gə̄ malang ń ndin̄ kə kumdə́ ní.

JEREMI 17:6

Ni to i tītə̄ bɔkə́ káḿ kə́ ra kem loo kə́ man̄ gətóo tū tə́ tə́. Ni a ndi dan majə ń a reē tə́ ní alé, ba a rāā ɓē i kem dəla loo kə́ hor o̰o̰ malang tə́. I dɔ nang kə́ katə̄n tɔ̄l̄ yá̰á̰ kə́ kemeé malang adə̄ deē asə ndi ɓē tū tə́ alé.

IJAI 65:22

Nin̄ a rāān̄ kújə yā kadə̄ de kə́ rang gə̄ ndin̄ kemeé kum gotədə́ to̰ alé, a ndɔrə̄n̄ kāgə̄ nduú gə̄ yā kadə̄ de kə́ rang gə̄ əsan̄ kanə̄n to̰ alé. Tām̄ de gə̄ kə́ dan gír deē yāḿ gə̄ tə́ a ndin̄ kə kumdə́ bátə́ yā tɔgə ɓə́ga tītə̄ kāgə̄ kə́ tɔgə ɓə́ga beé. Ngé gə̄ ń m̄-gə̄rādə́ ní, a asən̄ kəsa kan̄ kəla ń nin̄ kɔ́ gə̄ rāān̄ ní.

IJAI 65:20

Ngōn̄ kásə̄ kə́ yā ndi ndɔ̄ kóndóńg wań ngóy a koy kɔ̄ɔ́ a gətóo ō. De kə́ tɔgə kə́ yā gān̄g koy kanjə̄ tɔgə ɓə́ga a gətóo ō. De kə́ dūú tɔȳ madə̄n gə̄ a rāā ɓāl̄ ɓú tá a oy ō, de gə̄ a rāān̄ koy kə́ kanjə̄ kadə̄ ɓāl̄ deē i ɓú i ndɔ̄ĺ kə́ reē dɔ deē tə́ tə́.

KOHELET 12:7

Loo ń noō tə́ ní dā̰ rɔ̄ deē téĺ nán̄g gogə́ tām̄ rāānən̄ i kə nángāá ō, koō deē tél kə̄ rɔ̄ Nə́ɓā tə́ gogə́, tām̄ i Nə́ɓā n i nge kəla koō kem deē tə́ ní ō.

KOHELET 6:3

De kógə̄ḿ asə kojə ngán gə̄ nja ɓú ō, ndi kə kumneé ɓāl̄ ngá̰ý ō. Ba ré rɔ̄n nelə̄n kem ɓāl̄ kə́ ngá̰ý gə̄ noō tə́ aĺ ō, deē dubə̄n kə gōó aĺ ō ní, kumən na i rí? Mā m-ə́da na yā ngōn̄ kə́ teē nīń i só tə́ tɔȳ yān.

PĀ GƏ̄ 34:12

Ngánə́ḿ gə̄, ī-reē ōōī najə̄ kɔrə̄ḿ! M-ā m-ɔ́jə́sí loo ɓōĺ ndíĺ Kɔ́ɔ̄ɓē.

Makətūbə̄ yā Job 7:7

Nə́ɓā, ādə̄ əga kemií dɔ tə́ na ndiḿ kə kumḿ i koō ngóy ō, tá kumḿ a tél yā ka̰a̰ rɔ̄nel̄ gogə́ to̰ aĺ ō.

Makətūbə̄ yā Job 1:21

ba əda na: m̄-teē kem kó̰ó̰ḿ tə́ i rɔ̄ḿ karī ō, m-ā m̄-tél yā kaw̄ gíŕ nángāá i rɔ̄ḿ karī ō. Kɔ́ɔ̄ɓē adə̄ ō, Kɔ́ɔ̄ɓē taā kɔ̄ɔ́ ō. Ādə̄ de gə̄ tɔ̄ȳn̄ rī Kɔ́ɔ̄ɓē.

TA KƏLA 5:5

Ɓāl̄ Adam malang i ɓú ndōhó. Gō tə́ anī, ni oy.

KOHELET 2:14

Tɔdɔ̄ kum de kə́ nge kum kedə̄ a̰a̰ loo ń ni a aw̄ kə̄ tū tə́ ní, ba de kə́ mbóo a njə̄rā i kum til tə́. Banī mā m̄-ger̄ kadə̄ i yá̰á̰ kə́ kógə̄ḿ beē n a rāādə́ jōó mbak ní.

KOHELET 6:5

A̰a̰ mbang aĺ ō, gerə̄n aĺ ō. Ni-ɔr̄ koō tɔȳ madə̄n ń ndi kə kumneé rāā ɓāl̄ ngá̰ý ní.

KOHELET 7:2

Kaw̄ kem kújə́ kə́ de gə̄ a nōōn̄ yo tū tə́ tə́ i só tə́ tɔȳ kaw̄ kem kújə́ kə́ rāān̄ yá̰a̰ kəsa kə́ ngá̰ý kemeé tām̄ yā de gə̄ tə́ tə́. Yo i loo ń de gə̄ malang, a tɔ̄lən tadə́ tū tə́ ní adə̄ majə kadə̄ de gə̄ ń ndin̄ kə kumdə́ ɓáý ní əndān̄ kemdə́ dɔ tə́ majə.

KOHELET 9:2

Yá̰a̰ gə̄ malang ton̄ tītə̄ naā tām̄ yā de gə̄ tə́ malang. Yá̰á̰ ń rāā de kə́ súmūú ō, nge kem ndul ō ní i yá̰á̰ kə́ kógə̄ḿ beē. Yá̰á̰ ń rāā de kə́ majə ō, de kə́ majaĺ ō ní i yá̰á̰ kə́ kógə̄ḿ beē. Yá̰á̰ ń rāā de kə́ unjə̄ njáý njáý ō, de kə́ majaĺ tákə̄n ō ní i yá̰á̰ kə́ kógə̄ḿ beē. Yá̰á̰ ń rāā nge ndējə̄ yá̰a̰ ō, nge ndējə̄ yá̰a̰ aĺ ō ní i yá̰á̰ kə́ kógə̄ḿ beē. Yā de kə́ majə to tītə̄ yā de kə́ majaĺ ō, yā nge túbə to tītə̄ yā nge ɓōĺ túbə ō.