KOHELET 6:2 - Bibəl ta Sar̄

² Tītə̄ ń toō Nə́ɓā adə̄ deē kógə̄ḿ yá̰á̰ ngá̰ý ō, adə̄n yá̰a̰ kənge gə̄ ō, kɔsə gɔn ō, yá̰a̰ malang ń kemən gḛy ní ənge ō, banī Nə́ɓā əya̰n adə̄ əsa yá̰a̰ yān ní alé, ba i de kə́ rang n i nge kəsa ní. Nge ń noō i yá̰á̰ kə́ kanjə̄ kumən ō, i yá̰á̰ kə́ majaĺ kə́ tōr̄ ngá̰ý ō,

Bible sar

² Tītə̄ ń toō Nə́ɓā adə̄ deē kógə̄ḿ yá̰á̰ ngá̰ý ō, adə̄n yá̰a̰ kənge gə̄ ō, kɔsə gɔn ō, yá̰a̰ malang ń kemən gḛy ní ənge ō, banī Nə́ɓā əya̰n adə̄ əsa yá̰a̰ yān ní alé, ba i de kə́ rang n i nge kəsa ní. Nge ń noō i yá̰á̰ kə́ kanjə̄ kumən ō, i yá̰á̰ kə́ majaĺ kə́ tōr̄ ngá̰ý ō,

KOHELET 6:2 Referans Kwoze

KOHELET 5:19

Loo ń noō tə́ dɔ deē ndígə̄nal dɔ ndɔ̄n ń i yá̰á̰ kə́ gīndə̄ rogəro ní, tɔdɔ̄ Nə́ɓā adə̄n rɔ̄nel̄ ngarā̰ kemən tə́.

PĀ GƏ̄ 17:14

Ī-tɔ̄l̄də́ kə kaskar yāí ādə̄ gətóon̄ kɔ̄ɔ́ dan de gə̄ tə́. Ī-tɔ̄l̄də́ kə jīí! Ādə̄ yá̰a̰ kəndā nja yādə́ i kadə̄ gətóon̄ kɔ̄ɔ́ dɔ nang tə́! Ī-rāā ādə̄ a̰ȳn̄ man̄ kə́ katə̄ kárárá ń ī-ngɔ̄m̄ tām̄ yādə́ tə́ ní. ādə̄ ngáńdə́ gə̄ a̰ȳ ndānə̄n̄ ba əya̰n̄ gotə əndān̄ ngán kaadə́ gə̄!

PĀ GƏ̄ 73:7

Nin̄ ndin̄ dan yá̰a̰ yādə́ kə́ majə ngá̰ý gə̄ tə́, bā rāān̄neé madə̄də́ gə̄ yá̰a̰ aĺ tə́. Yá̰a̰ gə̄ ń kemdə́ gḛy ní to i kə̄ dɔ ndágá.

1 MBAN̄G GƏ̄ 3:13

Tá yá̰a̰ gə̄ ń ī-dəjem̄ aĺ ní gə̄gē m-ā m-ādī: M-ā m-ādī yá̰a̰ kənge ō, kɔsə gɔn ō. Adə̄ bátə́ kadə̄ óyń ní, mban̄g kə́ tītīí a gətóo.

NŌŌ RƆ̄ 5:2

Télən̄ kə yá̰a̰ kənge yājí adə̄n̄ tə̄rā gə̄ ō, kújə yājí gə̄ télən̄ yá̰a̰ kənge yā de kə́ deē ger̄də́ aĺ gə̄ ō.

PĀ GƏ̄ 39:6

Ḭ̄ ī-rāā ādə̄ ndɔ̄ḿ malang asə naā i kə laa da jī deé. Ɓālə̄ḿ gə̄ malang i yá̰a̰ alé ta kumií tə́. A̰á̰ā̰, de kə́ ngan̄g sim gə̄gē ni i koō ngóy ta kumií tə́!

OJEE 7:9

Tə̄rā gə̄ taān̄ tɔ́gən kɔ̄ɔ́, banī ni a̰ā̰ alé. Dɔn ndaa kɔ̄ɔ́, banī ni ger̄ gō alé.

DANIEL 5:18

Kété ní Nə́ɓā kə́ dɔɔ́ sa̰y ngá̰ý rāā adə̄ bɔbí Nabukodonosor ndi mban̄g kə́ bo ō, adə̄n kɔsə gɔn ō, hál de kə́ bo ō.

KOHELET 5:16

Tá ɓáý to̰ ní rɔ̄n nelə̄n aĺ ō, wōn̄g rāān ō, a̰a̰ tápə̄ ō, kə dɔ ndɔ̄ gə̄ malang ń ni ndiń kə kumneé ní.

KOHELET 4:8

De kógə̄ḿ kə́ nəkɔ́ i kə kérneé, madə̄ njə̄rān aĺ ō, ngōnən aĺ ō, ngōkó̰o̰n deē aĺ ō, banī rāā kəla dan gān̄g aĺ ō, yá̰a̰ kənge asən aĺ ō, banī ni-dəje rɔ̄n najə̄ əda na: Mā m̄-rāā kəla ō, m̄-mbātə́ ndi majə ō, i tām̄ yā náā tə́? Nge ń noō i yá̰á̰ kə́ kanjə̄ kumən, i yá̰á̰ kə́ majaĺ.

KOHELET 4:4

Mā m-á̰a̰ kadə̄ kəla malang ō, kəndā kə́ de gə̄ əndān̄ rɔ̄də́ ta kəla yādə́ tə́ rāān̄ adə̄ majə ō, i kəndā naā nii. I yá̰á̰ kə́ kanjə̄ kumən tītə̄ ngɔ̄də̄ gō nél yā kəhɔn beē.

2 YÁ̰A̰ GƏ̄ 1:11

Anī Nə́ɓā əda Salomo̰ na: I yá̰a̰ kənge kə́ ngá̰ý n ī-dəje aĺ ō, i kadə̄ ɔsən̄ gɔnií aĺ ō, i kadə̄ madə̄ ba̰ā̰í gə̄ oyn̄ aĺ ō, i kadə̄ ī-ndi kə kumií ndɔ̄ ngá̰ý aĺ ō, ba i kum kedə̄ ō, ger̄ yá̰á̰ kə́ majə ō, kə́ majaĺ ō, kadə̄ ó̰o̰ń ɓē dɔ gír deē yāḿ gə̄ ń m-ādə̄ ó̰o̰ ɓē dɔdə́ tə́ ní ní,

1 YÁ̰A̰ GƏ̄ 29:28

Ni-ndi i kə rɔ̄nelēé dɔ ɓə́gan tə́ n oyń ní. Ndɔ̄n gə̄ i ngá̰ý ō, ənge yá̰á̰ ngá̰ý ō, ɔsən̄ gɔnən ngá̰ý ō. I ngōnən Salomo̰ n o̰o̰ ɓē gotən tə́ ní.

1 YÁ̰A̰ GƏ̄ 29:25

Kɔ́ɔ̄ɓē ɔsə Salomo̰ kə̄ dɔɔ́ ngá̰ý ta kum Israel gə̄ tə́ malang ō, adə̄ ko̰o̰ ɓē yān kɔsə gɔn kə́ tɔȳ yā mban̄g gə̄ ń ndin̄ dɔ kōr̄ kāgə̄ mbang kə́ Israel tə́ kété non tə́ ní ō.

NGÉ SARYA 18:10

Ré ūgī kem ɓē ní tə́ anī, ā ə́ngeī de gə̄ kə́ ndin̄ kanjə̄ sōl̄ yá̰á̰ kógə̄ḿ. Yá̰á̰ kógə̄ḿ ké ɔgə̄ kudə kem ɓē ní tə́ gətóo, tɔdɔ̄ Nə́ɓā əla ɓē ní kem jīsí tə́ kɔ̄ɔ́ ɓá. Loo ní i loo kógə̄ḿ ké yá̰a̰ kənge malang kə́ dɔ nang tə́ i tū tə́.

NDŪ NAJƏ̄ 28:43

Tə̄rā kə́ nge nam̄ ń ndi mbo̰ō̰í tə́ ní, tɔ́gən a tɔȳ yāí kum kə̄ kété kété, banī tɔ́gí ḭ̄ a tél i kum kə̄ gogə́ kə dɔ ndɔ̄ gə̄.

NDŪ NAJƏ̄ 28:33

Gír de gə̄ kə́ ī-ger̄də́ aĺ gə̄ a əsan̄ kōō yāí, kə yá̰a̰ malang ń ī-rāā á teē ní. Ngáńdáńg de gə̄ a əsanī i mbée ō, a rāānī majaĺ ō.

KOHELET 5:13

Yá̰a̰ kənge yān ní udə lim gíŕ yá̰á̰ kə́ majaĺ tə́. Ré ni ojə ngōn̄ anī yá̰á̰ sḛ́ý kə́ tām̄ yā ngōn̄ tə́ gətóo.

IJAI 55:2

Yá̰a̰ kəsa kə́ ə́sa anī ul̄ rɔ̄í ní, úń nar ādə̄ gírí i tām̄ rí tə́? Yá̰á̰ kə́ ə́sa anī ndānī aĺ ní, ī-njə́ɓā rɔ̄í najə̄n tə́ i tām̄ rí tə́? Ōōī najə̄ yāḿ majə, anī ā ə́ngeī yá̰á̰ kə́ majə gə̄ yā kəsa, ā ī-nāāī yá̰á̰ kə́ nel̄ gə̄.

KOHELET 5:18

Dan kə́ madə̄ gə̄ tə́ anī Nə́ɓā adə̄ deē kógə̄ḿ a ənge yá̰a̰ ō, a rāā kadə̄ kɔ́ɔ̄ rāā rɔ̄nel̄ yá̰á̰ ń ɔsə dɔ naā tə́ ní ō. Ni asə kun núsə́ yá̰á̰ ń i kə sɔɔ̄ dɔn ní ō, rāań rɔ̄nel̄ ō, tɔdɔ̄ i tətōn nəkɔ́. Nge ń noō i kadə̄ karī yā Nə́ɓā.