KOHELET 6:12 - Bibəl ta Sar̄

¹² Tɔdɔ̄ i náā n ger̄ yá̰á̰ kə́ só tə́ tām̄ yā deē tə́ dan ń deē ndiń kə kumneé ní, dan ń deē ndiń ndɔ̄ ngá̰ý kanjə̄ kumən ní? Deē a mān̄ tītə̄ ndíl kāgə̄ beé. I beé ní i náā n a ɔjə deē yá̰á̰ ń ndɔ̄ń tə́ a to gotən tə́ dɔ nang tə́ ní?

Bible sar

¹² Tɔdɔ̄ i náā n ger̄ yá̰á̰ kə́ só tə́ tām̄ yā deē tə́ dan ń deē ndiń kə kumneé ní, dan ń deē ndiń ndɔ̄ ngá̰ý kanjə̄ kumən ní? Deē a mān̄ tītə̄ ndíl kāgə̄ beé. I beé ní i náā n a ɔjə deē yá̰á̰ ń ndɔ̄ń tə́ a to gotən tə́ dɔ nang tə́ ní?

KOHELET 6:12 Referans Kwoze

JAKƏ 4:14

ba ī-gerī ta kə́ nosí tə́ aĺ ní, ndisí kə kumsí i tītə̄ kūndə́ man̄ kə́ sū sa sḛ́ý ba sində̄ kɔ̄ɔ́.

KOHELET 3:22

Loo ń noō tə́ m-ə̄ndā ma̰ȳ m-á̰a̰ kadə̄ yá̰á̰ kə́ só tə́ yā deē i ger̄ yá̰á̰ kə́ teē tū kəla yān tə́. Núsən yān ń kadə̄ rāā rɔ̄nelə̄n ní n noó. Tɔdɔ̄ yá̰á̰ ń a to gotən tə́ ní i náā n a aw̄ seneé yā kadə̄ a̰ā̰ ní?

Makətūbə̄ yā Job 14:2

Ni to tītə̄ hútə̄ yá̰á̰ kə́ ndɔ̄w̄ ba gōtə́ anī, ndəlē kɔ̄ɔ́ beē ō, a̰ȳ tītə̄ ndíl kāgə̄ beé ō, ndi dan i ngá̰ý aĺ ō.

PĀ GƏ̄ 144:4

Deē ndul to i tītə̄ nél, ndɔ̄n gə̄ ton̄ i tītə̄ ndíl kāgə̄ gə̄ kə́ a mānə̄n̄ kɔ̄ɔ́ beē.

KOHELET 8:13

m̄-ger̄ ɓáý to̰ kadə̄ nge kem ndul a ndi majə aĺ ō, a mān̄ tītə̄ ndíl yá̰a̰ beé ō, adə̄ a ənī ndɔ̄n ta madə̄ tə́ kə̄ kété aĺ ō tɔdɔ̄ usən dɔ Nə́ɓā tə́ alé.

KOHELET 8:7

Yá̰á̰ ń a rāā yā rāā yá̰á̰ ní ni ger̄ alé. I náā n a ədan ndɔ̄ ń yá̰á̰ ní a rāań yá̰á̰ ní?

Makətūbə̄ yā Job 8:9

Jḭḭ i de kə́ tagə́bēé laā gə̄ ō, jə-ger̄ yá̰á̰ kógə̄ḿ aĺ ō. Tɔdɔ̄ ndɔ̄jí gə̄ ń jə-ndiń kə kumjí dɔ nang tə́ ní, ton̄ i tītə̄ ndíĺ yá̰á̰ kə́ a mān̄ beé.

1 YÁ̰A̰ GƏ̄ 29:15

Tɔdɔ̄ ta kumií tə́ ní, jḭḭ i tə̄rā gə̄ ō, ngé nam̄ gə̄ ō, tītə̄ yā kaají gə̄ malang. Ndɔ̄jí gə̄ ń jə-ndiń kə kumjí dɔ nang tə́ ní mānə̄n̄ láẃ ngá̰ý tītə̄ ndíl beé ō, j-asə kənī ndɔ̄jí ta madə̄ tə́ aĺ ō.

KOHELET 12:13

Ta tɔ̄l̄ ta najə̄ malang n toó, ī-ɓōĺ ndíĺ Nə́ɓā ba ī-rāā gō míndə gə̄ ń ni ə́ndā dɔ deē tə́ kadə̄ rāā ní. Yá̰á̰ ń majə kadə̄ de gə̄ malang rāān̄ ní n noó.

KOHELET 9:6

Tár yādə́ ō, kim̄ yādə́ ō, kəndā ni yādə́ ō ní oyn̄ naā tə́ sedə́ ō, yá̰a̰ malang ń a rāā yá̰a̰ dɔ nang tə́ ní, nin̄ a gətóon̄ kum tə́ i kə́ bátə́ gə̄ tə́ ō.

KOHELET 2:3

m̄-gḛy nāā rāā rɔ̄nel̄ ń kasə nduú a adə̄ deē ní ō, m̄-gḛy ndájə̄ yá̰a̰ rāā de kə́ mbóo gə̄ ō, kanjə̄ kəya̰ rɔ̄ḿ kadə̄ yá̰á̰ kə́rēý o̰o̰ ɓē dɔ tə́. m̄-sāā ger̄ kum yá̰á̰ kə́ to só tə́ ń kadə̄ deē ndul gə̄ rāān̄ dan ń ndin̄neé kə kumdə́ dɔ nang tə́ ní.

PĀ GƏ̄ 109:23

M-āw̄ kə̄ noḿ tə́ tītə̄ ndíl kāgə̄ kə́ ta jī loo sɔl̄ tə́ beē. Ngɔ̄də̄mə̄n̄ tītə̄ loo ngɔ̄də̄ gaẃ beē.

PĀ GƏ̄ 102:11

Ḭ̄ únəm̄ kə̄ dɔɔ́ pá tá ə́la ə̄nīm̄ sɔɔ̄ń wōn̄g ń rāāī ní, wōn̄g kə́ ngá̰ý ń rāāī seḿ ní.

PĀ GƏ̄ 17:15

Ba mā m-ā m-á̰a̰ kumií, tɔdɔ̄ i yá̰á̰ kə́ gōtə́. Dan ń m-ā m̄-ndól̄ dɔ ɓīī tə́ anī, m-ā m-á̰á̰ ndílí kadə̄ tɔ̄l̄ ɓōḿ.

PĀ GƏ̄ 4:6

Ī-ndējī Kɔ́ɔ̄ɓē yá̰a̰ tun̄ gə̄ ń sɔɔ̄ kadə̄ ī-ndējī ní ba ə̄ndāī kemsí dɔn tə́.

Makətūbə̄ yā Job 14:21

Rɔȳn̄ i ngánən gə̄ a ger̄ aĺ ō, əlan̄ i rɔ̄sɔl̄ dɔdə́ tə́ a usən aĺ ō.

MISE 6:8

Kɔ́ɔ̄ɓē rāā adə̄ ī-ger̄ yá̰á̰ kə́ majə. Yá̰á̰ ń ni-dəje deē ndul gə̄ malang kadə̄ rāān̄ ní n toó: I rāā yá̰á̰ kə́ gōtə́ ō, i kadə̄ nel̄ deē rāā kem majə ō, i kadə̄ deē ndi kə Nə́ɓā yānneé kanjə̄ kɔjə rɔ̄n ō.

PĀ GƏ̄ 89:47

Kɔ́ɔ̄ɓē, ā ī-ɓɔ̄ɔ̄ rɔ̄í i bátə́ ta kə́ rá? Wōn̄g yāí a o̰o̰ loo bir bir i bátə́ ta kə́ rá?

PĀ GƏ̄ 47:4

Ni-əla dɔ gír de gə̄ gíŕ tɔ́gə yājí tə́, əla dɔ nápar de gə̄ gír njají tə́.

PĀ GƏ̄ 16:5

Kɔ́ɔ̄ɓē, ndɔ̄ḿ gə̄ malang i kem jīí tə́. ḭ̄ i yá̰a̰ ndəbā yāḿ ō, yá̰a̰ ka̰ȳ yāḿ kə́ sɔɔ̄ dɔḿ kem kopoó ō,

KOHELET 2:24

Yá̰á̰ kə́ majə tām̄ yā deē tə́ gətóo, ngá̰ý anī i kəsa yá̰a̰ ō ka̰ȳ ō, i kadə̄ kem deē nelə̄n loo rāā kəla yān tə́ ō ngóy. Mā m-á̰a̰ kadə̄ nge ń noō i Nə́ɓā n i nge kadə̄ deē kə jīneé ō.

KOHELET 6:11

Dan ń najə̄ i ngá̰ý anī, yá̰á̰ kə́ kanjə̄ kumən i ngá̰ý ō. I rí kə́ tɔȳ nge ń noō n deē ənge ní?

KOHELET 7:15

Ndiḿ kə kumḿ kə́ sḛ́ý beē nəkɔ́ ń toō ní m-á̰á̰ yá̰a̰ malang: De kə́ gōtə́, kə́ hálən kə́ gōtə́ tɔlən ō, de kə́ nge kem ndul kə́ hál kem ndul yān ajən ō.

KOHELET 9:9

Dan ń ī-ndi kə kumií kem ndɔ̄ gə̄ kə́ kanjə̄ kumən ń Nə́ɓā adī dɔ nang tə́ ní, ī-rāā rɔ̄nel̄ kə dəyá̰ ń ī-tárən ní. Tɔdɔ̄ núsə́ yá̰á̰ kə́ tām̄ yāí tə́ ō, kə́ tū kəla ń ī-rāā tə́ ní ō, dɔ nang tə́ ní n noó.

KOHELET 10:14

De kə́ mbóo ɔr̄ najə̄ asən alé. Deē ndul ger̄ ta kə́ bírí alé. I náā n a ɔjən yá̰á̰ kə́ a rāā yá̰a̰ gotən tə́ ní?