KOHELET 6:11 - Bibəl ta Sar̄

¹¹ Dan ń najə̄ i ngá̰ý anī, yá̰á̰ kə́ kanjə̄ kumən i ngá̰ý ō. I rí kə́ tɔȳ nge ń noō n deē ənge ní?

Bible sar

¹¹ Dan ń najə̄ i ngá̰ý anī, yá̰á̰ kə́ kanjə̄ kumən i ngá̰ý ō. I rí kə́ tɔȳ nge ń noō n deē ənge ní?

KOHELET 6:11 Referans Kwoze

KOHELET 4:16

De gə̄ malang ń ni i ngār yādə́ ní, i kósə de gə̄ kə́ dum̄ tə́da kutədə́. Ɓá tā ba ngáńdə́ gə̄ ń a utə̄n̄ gōdə́ ní rɔ̄də́ a nel̄də́ ngá̰ý tām̄ yā ngār ní tə́ alé. Tɔdɔ̄ nge ń noō i yá̰á̰ kə́ kanjə̄ kumən kə́ tītə̄ loo ngɔ̄də̄ gō nél yā kəhɔn.

KOHELET 5:7

Ré á̰a̰ā̰ kadə̄ rāān̄ kum de kə́ nge rɔ̄ tō ndoō ndoō tə́ ō, rāān̄ yá̰á̰ kə́ súmūú aĺ ō, yá̰á̰ kə́ gōtə́ aĺ ō, kem ɓēé anī, ādə̄ ɔr kumií alé. Tɔdɔ̄ deē ń ndi loo kə́ bo tə́ ní, əndān̄ de kə́ rang kə́ bo tɔȳn dɔn tə́. Nin̄ jōó mbak ní tə́ndān̄ de kə́ rang kə́ bo tɔȳdə́ gə̄ dɔdə́ tə́ kadə̄ əndān̄ kumdə́ gíŕdə́ tə́ ō.

OJEE 12:1

Kɔ́ɔ̄ɓē əda na: Gír deē yā Epəraim gə̄ sorə̄n̄ gīr̄nəń gidəḿ. A̰á̰ā̰, Israel gə̄ ɓír̄mə̄n̄ kə gól̄ looó. Deē yā Juda gə̄ i seḿ ɓáý, banī nin̄ na̰yn̄ kə̄ loo kəhɔ gō nə́ɓā kə́ rang gə̄ tə́.

KOHELET 4:8

De kógə̄ḿ kə́ nəkɔ́ i kə kérneé, madə̄ njə̄rān aĺ ō, ngōnən aĺ ō, ngōkó̰o̰n deē aĺ ō, banī rāā kəla dan gān̄g aĺ ō, yá̰a̰ kənge asən aĺ ō, banī ni-dəje rɔ̄n najə̄ əda na: Mā m̄-rāā kəla ō, m̄-mbātə́ ndi majə ō, i tām̄ yā náā tə́? Nge ń noō i yá̰á̰ kə́ kanjə̄ kumən, i yá̰á̰ kə́ majaĺ.

KOHELET 3:19

Tɔdɔ̄ ta tɔ̄l̄ ta deē to i tītə̄ ta tɔ̄l̄ ta dā̰ beé. Yá̰á̰ ń rāādə́ ní i yá̰á̰ kə́ kógə̄ḿ beē. Koy dā̰ i tītə̄ loo koy deē ndul. Koō ndi kə kumuú yādə́ to tītə̄ naā. Deē ndul tɔȳ dā̰ alé, tɔdɔ̄ yá̰a̰ malang i kə́ kumən gətóo.

PĀ GƏ̄ 73:6

Yá̰á̰ súū rɔ̄ yādə́ i kɔjə rɔ̄. Yá̰á̰ kə́ rāā kə dɔ́nɔ́ əhɔdə́ ngá̰ý, tītə̄ kūbə̄ kə́ asə rɔ̄də́ rep beé.

KOHELET 2:15

Tā anī m-ə́da kə̄ kemḿ tə́ na: Yá̰á̰ ń rāā de kə́ mbóó ní a rāām̄ mā ō, ní m̄-sāā kadə̄ kumḿ mā kə edə̄ ngá̰ý i najə̄ rí tə́? I yá̰á̰ kə́ kanjə̄ kumən ō.

KOHELET 6:10

Yá̰á̰ ń to kété ní əndān̄ rī dɔ tə́ kɔ̄ɔ́ ɓá ō, gerə̄n̄ yá̰á̰ ní kɔ̄ɔ́ ō, adə̄ i deē. Banī deē asə rāā sarya kə de kə́ ngan̄g tɔȳneé alé.

KOHELET 6:12

Tɔdɔ̄ i náā n ger̄ yá̰á̰ kə́ só tə́ tām̄ yā deē tə́ dan ń deē ndiń kə kumneé ní, dan ń deē ndiń ndɔ̄ ngá̰ý kanjə̄ kumən ní? Deē a mān̄ tītə̄ ndíl kāgə̄ beé. I beé ní i náā n a ɔjə deē yá̰á̰ ń ndɔ̄ń tə́ a to gotən tə́ dɔ nang tə́ ní?