KOHELET 5:8 - Bibəl ta Sar̄

⁸ Banī nin̄ malang ní dɔ nang rāā majə sedə́ mbak. Mban̄g ndi i kə ta kūl̄ ndɔrɔ́.

Bible sar

⁸ Banī nin̄ malang ní dɔ nang rāā majə sedə́ mbak. Mban̄g ndi i kə ta kūl̄ ndɔrɔ́.

KOHELET 5:8 Referans Kwoze

KOHELET 4:1

M-á̰á̰ yá̰á̰ kə́ gōtə́ aĺ gə̄ malang ń de gə̄ a rāān̄ kə madə̄də́ gēé dɔ nang tə́ ní ō. Ngé gə̄ ń de gə̄ rāān̄ kumdə́ ndoō tə́ ní nōōn̄, banī de kə́ nge sɔl̄ kemdə́ gətóo. Tɔ́gə i dām̄ yā ngé rāā kumdə́ ndoō tə́ gə̄ tə́, adə̄ de kə́ nge sɔl̄ kemdə́ gətóo.

PĀ GƏ̄ 12:5

Nin̄ ń ədan̄ na n-gerə̄n̄ najə̄ kə́ yā kəda tetəń rɔ̄ɔ̄, na n-a n-əhɔn̄ tadə́ ngan̄g adə̄ na n-ɓōlə́n̄ deē alé ní.

KOHELET 3:16

Yá̰á̰ ń m-ə̄ndā ma̰ȳ m-á̰a̰ā̰ dɔ nang tə́ ɓáý to̰ ní n toó: Kem ndul taā loo jī yá̰á̰ kə́ súmūú tə́ ō jī yá̰á̰ kə́ gōtə́ tə́ ō.

PĀ GƏ̄ 82:1

Pā yā Asap. Nə́ɓā ra dɔɔ́ dan ngé kán̄ naā yān gə̄ tə́, ni-ra dan de kə́ bo kə́ dɔ rā̰ tə́ gə̄ tə́ gāngəń sarya.

JAKƏ 2:13

Tɔdɔ̄ deē ń a̰a̰ kum tō ndoō yā madə̄n gə̄ aĺ ní, Nə́ɓā a a̰a̰ kum tō ndoō yān loo sarya tə́ aĺ ō, banī ka̰a̰ kum tō ndoō i yá̰á̰ kə́ tetə sarya rɔ̄ɔ̄.

KƏLA RĀĀ 12:23

Dan nəkɔ́ ń noō tə́ bang ɓáa de kə́ dɔ rā̰ tə́ yā Kɔ́ɔ̄ɓē əndan. Tām̄ dan ń de gə̄ ɔsən̄ gɔn Nə́ɓā ní, ni-tél kə kɔsə gɔn ní adə̄ Nə́ɓā alé, ba ngɔ̄m̄ i tām̄ yān nəkɔ́ tə́. Loo ń noō tə́ kur̄ gə̄ əsanən̄ adə̄ oy.

Najə̄ kə́ Majə yā Jeju ń Luk ndang ní 1:76

Ba ḭ̄ ngōnə̄ḿ, a ɓāŕnī na i nge koō ta yā Nə́ɓā kə́ dɔɔ́, tɔdɔ̄ ā ī-njə̄rā kété no Kɔ́ɔ̄ɓē tə́ yā rāā gō róbə yān ō,

Najə̄ kə́ Majə yā Jeju ń Luk ndang ní 1:35

De kə́ dɔ rā̰ tə́ ní tél ədan na: Ndíĺ kə́ Táĺ a reē dɔí tə́ ō, tɔ́gə yā Nə́ɓā kə́ dɔɔ́ a il̄ dɔí tə́ nding ō. I tām̄ najə̄ ń noō tə́ n ngōn̄ ń ā ójən ní i de kə́ táĺ ō, a ɓāŕnən̄ na i Ngōn̄ Nə́ɓā ō ní.

Najə̄ kə́ Majə yā Jeju ń Luk ndang ní 1:32

Ni a tél de kə́ bo ō, a ɓāŕnən̄ na i Ngōn̄ Nə́ɓā kə́ dɔɔ́ ō. Kɔ́ɔ̄ɓē Nə́ɓā a rāā kadə̄ ni a ndi dɔ kōr̄ kāgə̄ mbang tə́ gotə kaan Dabid tə́.

MALASI 3:5

A̰á̰ā̰, Kɔ́ɔ̄ɓē kə́ bo kə́ tɔ́gən i ngá̰ý əda najə̄ ń toō: M-ā m̄-reē dansí tə́ yā rāā sarya sesí. M-ā m-ɔ́r bā̰ā̰ loo kəndā najə̄ dɔ ngé kəga gə̄ tə́ aĺ ō, ngé rāȳ gə̄ tə́ aĺ ō, ngé túbə dɔ lám̄ gə̄ tə́ aĺ ō, ngé kəgā ngé kəla yādə́ gə̄ kə gōó aĺ gə̄ ō, ngé rējə̄ dəyá̰ kə́ ngaa koy gə̄ ō, ngán hal gə̄ ō, kə yá̰a̰ rāādə́ kə́ gōtə́ aĺ ō, ngé rāā tə̄rā gə̄ majaĺ ō, de gə̄ malang ń ɓōlə́n̄ ndílə́ḿ aĺ ní ō.

JAKARI 8:6

Kɔ́ɔ̄ɓē kə́ bo kə́ tɔ́gən i ngá̰ý əda wáńg na: Tām̄ yā ngán Israel gə̄ ń teēn̄ ta yo tə́ ní, a to i tītə̄ yá̰á̰ kə́ deē asə rāā aĺ beē. Banī mā ń i Kɔ́ɔ̄ɓē kə́ bo kə́ tɔ́gən i ngá̰ý ní, kə m-á̰ā̰ tītə̄ kə́ i yá̰á̰ kə́ deē asə rāā aĺ beē a?

MISE 2:9

Sḭḭ̄ ī-tə̄ɓāī dəyá̰ gə̄ kə́ dan gír deē yāḿ gə̄ tə́ kɔ̄ɔ́ kem kújə gə̄ ń nel̄də́ tə́ ní. Kii ń m-íí ngáńdə́ gə̄ ní, sḭḭ̄ ī-taāī jīdə́ tə́ kɔ̄ɔ́, kə́ njɔ́ḿ gə̄ tə́.

AMOS 6:12

Sə́nda gə̄ a a̰ȳn̄ ngɔ̄də̄ dɔ mbal̄ gə̄ tə́ a? Deē a ndɔr̄ dɔ mbal̄ gə̄ kə mangá a? Sḭḭ̄ ī-rāāī adə̄ yá̰á̰ kə́ súmūú tél yá̰á̰ kə́ yḛl deē ō, yá̰á̰ kə́ gōtə́ téĺ yá̰á̰ kə́ atə̄ kárárá ō. I tām̄ rí tə́?

AMOS 5:12

A̰á̰ā̰, m̄-ger̄ kadə̄ yá̰a̰ rāāsí kə́ majaĺ ngá̰ý gə̄ i ngá̰ý ō, yá̰a̰ rāāsí kə́ gōtə́ aĺ gə̄ boon̄ ngá̰ý ō, de gə̄ ń najə̄ gətóo dɔdə́ tə́ ní, sḭḭ̄ i madə̄ ba̰ā̰də́ gə̄ ō, yá̰a̰ kəndā nja kə́ gōtə́ aĺ gə̄ ɓáa, sḭḭ̄ ī-taāī ō, loo sarya tə́ ɓáa, ɔ̄gī kadə̄ gāngə̄n̄ sarya yā ngé ndoō gə̄ kə gōó ō.

IJAI 57:15

Yá̰á̰ ń Nə́ɓā kə́ táĺ əda ní n toó, ni ń i dɔ yá̰a̰ gə̄ tə́ malang ō, aw̄ kə kújə́ kə́ yā ndi tū tə́ kə́ to ngándáńg ō ní: Mā i Nə́ɓā kə́ táĺ, m̄-ndi dɔɔ́ nuū. Banī mā i naā tə́ kə de gə̄ ń de gə̄ a rējə̄n̄də́ ō, dan wurdə́ i dan wur nge ndoō ō ní. Ngé gə̄ ń dan wurdə́ i dan wur nge ndoō ní, m̄-ndigə tél kə ndi kə kumuú kadə̄də́ gogə́, ngé gə̄ ń de gə̄ rējə̄n̄də́ ní, m̄-ndigə tél kə ndi kə kumuú kadə̄də́ gogə́.

IJAI 37:36

De kə́ dɔ rā̰ tə́ yā Kɔ́ɔ̄ɓē ugə̄ gérger yā Asiri gə̄ tə́, ba rāā adə̄ de gə̄ dūbú kə kutə sɔ́sɔ́ kə kalən kə́ mí oyn̄. Teē dəloí kə ndɔ̄ kə́ noō anī, áskar gə̄ teēn̄ dɔ de kə́ koy gə̄ ń noō tə́ malang.

IJAI 10:12

Dan ń Kɔ́ɔ̄ɓē a rāā kəla yān kə́ dɔ mbal̄ Siyo̰ tə́ ō, kə́ Jerusalem ō malang gír gān̄g anī, ni a rɔ̄ɔ̄ mban̄g kə́ Asiri, a rɔ̄ɔ̄ ngarā̰ kemən ń a ɔjə rɔ̄n ní ō, ka̰a̰ loo yān kə́ kə kídə̄ looó ō.

IJAI 5:7

Ndɔr̄ kāgə̄ nduú yā Kɔ́ɔ̄ɓē kə́ bo kə́ tɔ́gən i ngá̰ý i ngán Israel gə̄. A̰á̰ā̰, ndɔr̄ kāgə̄ ń nelə̄n ngá̰ý ní i de kə́ Juda gə̄. Yá̰á̰ ń Kɔ́ɔ̄ɓē sāā rɔ̄n tə́ ní, i kadə̄ ni ɓōĺ gidə yá̰á̰ kə́ súmūú. Banī yá̰a̰ rāā kə́ gōtə́ aĺ to i kə̄ loo gə̄ tə́ malang. Yá̰á̰ ń ni sāā rɔ̄n tə́ ní, i yá̰a̰ rāā kə́ gōtə́. Banī kɔŕ yā de gə̄ kə́ de kə́ nge rɔ̄ɔ̄ dɔdə́ tə́ gətóo gə̄ ɓār̄ kə̄ loo gə̄ tə́ malang.

IJAI 3:15

Sḭḭ̄ ī-rējī gír deē yāḿ gə̄. I tām̄ rí tə́? Sḭḭ̄ ḭ́ḭḭ̄ gúu dɔ ngé ndoō gə̄ tə́. Ní, i tām̄ rí tə́? Yá̰á̰ ń Kɔ́ɔ̄ɓē kə́ bo kə́ tɔ́gən i ngá̰ý əda ní n noó.

Gōsə̄ najə̄ gə̄ 8:17

Mā m̄-táŕ ngé tárəm̄ gə̄ ō, ngé sāām̄ gə̄ a əngemə̄n̄ ō.

PĀ GƏ̄ 95:3

Tɔdɔ̄ Kɔ́ɔ̄ɓē i Nə́ɓā kə́ bo, ni i mban̄g kə́ bo kə́ dɔ nə́ɓā gə̄ tə́ malang.

PĀ GƏ̄ 83:18

Ādə̄ ɓōĺ rāādə́ ngándáńg ō, rɔ̄də́ sɔl̄də́ ngándáńg ō, ādə̄ yá̰á̰ ń əndān̄ kemdə́ dɔ tə́ ní əngen̄ aĺ ō, ādə̄ tɔ́gə́də́ gətóo ō!

PĀ GƏ̄ 55:9

M-ā m-āw̄ láẃ yā kaw̄ ndi loo ɓɔ̄ɔ̄ rɔ̄ kógə̄ḿ tə́, loo kə́ nél man̄ a asə rāā yá̰a̰ seḿ tū tə́ aĺ tə́.

1 JA̰A̰ 3:13

Ngákó̰ó̰ḿ gə̄, ré de kə́ dɔ nang tə́ gə̄ imə̄n̄sí anī, ādī ɔr kumsí alé.

1 PIYER 4:12

Kó tár gə̄, yá̰á̰ kə́ tōr̄ ń rāā rɔ̄n i hor kə́ təngā ngá̰ý kə́ to dansí tə́ yā nāāsí ní, ī-lōōī kadə̄ ɔr kumsí tītə̄ kə́ i yá̰á̰ kə́ jákə́ n a rāāsí beē.

Makətūbə̄ ń Pol ndang adə̄ Rom gə̄ ní 11:33

Yá̰a̰ kənge yā Nə́ɓā ō, kum kedə̄ yān ō, yá̰a̰ ger̄ yān ō, i yá̰á̰ kə́ to ɓōĺ ngá̰ý, adə̄ deē a asə ka̰a̰ ta tɔ̄l̄ tan alé. De kə́ asə ndō̰ gíŕ yá̰a̰ rāān ní gətóo. De kə́ asə ger̄ gō róbə yān gə̄ gətóo ō.

Gōsə̄ najə̄ gə̄ 22:16

Nge tɔ́gə gətóo ń rāān̄ kumən ndoō tə́ ní, ta tɔ̄l̄ ta anī ni a teē dɔɔ́. Deē ń adə̄ de kə́ nge yá̰a̰ kənge yá̰á̰ ní ənī i rɔ̄n nəkɔ́ dan ndoō tə́.

Gōsə̄ najə̄ gə̄ 24:12

Ré ə́da na ī-ger̄ aĺ na i mbée anī, Nə́ɓā ni ger̄, tɔdɔ̄ ni ger̄ gír̄ kə́ kemií tə́ ń ī-sāā rāań yá̰á̰ ní. N i əndā kumən dɔí tə́, ni ger̄ yá̰a̰ malang. Ni-gān̄g sarya dɔ de gə̄ tə́ kógə̄ḿ kógə̄ḿ i kə gō kəla rāādə́ gēé.

KOHELET 5:9

Deē ń gḛy nar ngá̰ý ní nar asən aĺ ō, deē ń gḛy yá̰a̰ kənge ngá̰ý ní ger̄ nelən aĺ ō. Nge ń noō i yá̰á̰ kə́ kanjə̄ kumən ō.

KOHELET 7:7

Rāā deē ndoō tə́ rāā adə̄ de kə́ nge kum kedə̄ tél mbóo deē ō, yá̰á̰ kə́ kadə̄ deē karī rāā adə̄ kem de kə́ majə tél kə́ majaĺ ō.

KOHELET 8:9

M-á̰á̰ yá̰a̰ gə̄ ń noō malang i dan ń m-ā m-ə̄ndań ma̰ȳ yá̰á̰ malang ń de gə̄ a rāān̄ dɔ nang tə́ ní, dan ń deē əndā tɔ́gən dɔ deē madə̄n tə́ yā rāānneé yá̰á̰ kə́ majaĺ ní.

EJEKIEL 18:18

I bɔbə̄n n rāā yá̰á̰ kə́ gōtə́ aĺ kə madə̄n gēé rāań kumdə́ ndoō tə́ ō, ɓogədə́ ō, rāā de gə̄ kə́ dan gír deē yān gə̄ tə́ yá̰á̰ kə́ majaĺ ō ní. Adə̄ i ni n a oy tām̄ yá̰a̰ rāān gə̄ kə́ gōtə́ aĺ tə́ ní.

2 YÁ̰A̰ GƏ̄ 26:10

Ni-rāā kújə́ kə́ ngāl̄ ɓururu gə̄ kem dəla loo tə́ ō, ndēr̄ bəlo taā man̄ gə̄ ngá̰ý ō, tɔdɔ̄ yá̰a̰ kul̄ yān gə̄ i ngá̰ý loo kə́ mbal̄ bo gə̄ gətóon̄ tū tə́ tə́ ō, wól loo tə́ ō. Ni-aw̄ kə ngé ndɔr̄ gə̄ ō, ngé ndɔr̄ kāgə̄ nduú gə̄ ō, tɔdɔ̄ kəla ndɔr̄ nelə̄n ngá̰ý.

Makətūbə̄ yā Job 24:23

Ɓá tā ba Nə́ɓā əya̰n adə̄ ra ngan̄g ō, ndi loo yān jəke kanjə̄ sōl̄ yá̰á̰ kógə̄ḿ ō, banī ni-əndā kumən gíŕ hál de kə́ rang gə̄ tə́.