KOHELET 5:4 - Bibəl ta Sar̄

⁴ Ə̄nī ndūí aĺ i só tə́ tɔȳ kadə̄ ə̄nī Ndūí kanjə̄ rāā yá̰á̰ ní.

Bible sar

⁴ Ə̄nī ndūí aĺ i só tə́ tɔȳ kadə̄ ə̄nī Ndūí kanjə̄ rāā yá̰á̰ ní.

KOHELET 5:4 Referans Kwoze

TƏ́DA 30:2

Gō tə́ anī Moijə əda ngār gə̄ kə́ dɔ gír ɓē yā ngán Israel gə̄ tə́ na: Yá̰á̰ ń Kɔ́ɔ̄ɓē mēr̄ rāā ní n toó:

MATIYE 5:33

Ōōī kadə̄ ədan̄ kaasí gə̄ na: Ī-lōō túy kubə, ba ī-rāā yá̰á̰ ń ī-túbə ə̄niń ndūí ta kum Kɔ́ɔ̄ɓē tə́ yā rāā ní.

PĀ GƏ̄ 76:11

Wōn̄g yā deē ndul gə̄gē ɔsə gɔnií, banī ngé gə̄ ń teēn̄ ta wōn̄g yāí tə́ ní, a rāān̄ nāā tām̄ yāí tə́.

PĀ GƏ̄ 50:14

Ādə̄ yá̰a̰ tun̄ yāí kə́ ndējə̄ i ɓōkə́ Nə́ɓā tɔ̄ȳ ō, ī-rāā yá̰a̰ gə̄ ń ə̄nī ndūí yā rāā kadə̄ Nə́ɓā kə́ dɔɔ́ sa̰y ngá̰ý ní ō.

PĀ GƏ̄ 116:14

M-ā m̄-rāā yá̰á̰ ń m-ə̄nī ndūḿ yā rāā kadə̄ Kɔ́ɔ̄ɓē ní, ta kum gír deē yān gə̄ tə́ malang.

HEBƏRO 10:6

Dā̰ kə́ tɔ̄l̄ ba róō horoó ní ō, yá̰á̰ kə́ tun̄ tām̄ majaĺ tə́ ō ní, nelī alé.

MALASI 1:10

Kə́ só tə́ i kadə̄ deē kógə̄ḿ kə́ dansí tə́ utə̄ ta róbə́ kújə gə̄ yā Kɔ́ɔ̄ɓē kɔ̄ɔ́. I beé tá ā āwīiń dɔ loo tun̄ yá̰a̰ yāḿ tə́ yā rāā hor ndāńg alé. Tām̄ mā Kɔ́ɔ̄ɓē kə́ bo kə́ tɔ́gə́ḿ i ngá̰ý nelə̄m̄ ka̰a̰sí aĺ ō, yá̰a̰ ndējə̄ gə̄ ń ī-reēiń ādə̄mī ní, nelə̄m̄ aĺ ō.

JONAS 2:9

Ngé ndɔ̄ȳ nə́ɓā kə́ rɔ̄kum aĺ gə̄ ní, əngen̄ ta róbə́ kə́ yā kadə̄ ajən̄neédə́ alé.

PĀ GƏ̄ 119:106

m̄-túbə m-ə̄nīń míndə́ḿ yā ngɔ̄m̄ ndūí gə̄ ń ī-ra dɔ tə́ á i yá̰á̰ kə́ gōtə́ gə̄ ní.

TA KƏLA 35:3

J-a j-awī Betel yā kadə̄ m-ā m̄-rāā loo tun̄ yá̰a̰ noó tām̄ yā Nə́ɓā ń ndɔ̄bə̄m̄ ɔr̄ najə̄ seḿ ndɔ̄ wur kɔl yāḿ tə́ ní ō, i naā tə́ seḿ dan ń mā m̄-njə̄rań mbā tə́ ní ō.

TA KƏLA 35:1

Ndɔ̄ kógə̄ḿ tə́ Nə́ɓā əda Jakob na: Ḭ́ḭ dɔɔ́ āw̄ Betel, āw̄ ɔ́y kūbə̄rū mbal̄ gə̄ ī-tə́ndā dɔ naā tə́ ī-rāā loo tun̄ yá̰á̰ tə́ ādə̄m̄. Kété dan ń ā ā̰yń ngōkó̰ó̰í Esau ní, m̄-ndɔ̄bī i loo ń noō tə́.

IJAI 19:21

Kɔ́ɔ̄ɓē a rāā kadə̄ de kə́ Ejiptə gə̄ ger̄nən̄ ō, ndɔ̄ ngeé ń noō tə́ ní, de kə́ Ejiptə gə̄ a gerə̄n̄ Kɔ́ɔ̄ɓē ō. Nin̄ a rāān̄ kəla yā kadə̄n tām̄ a tunə̄n̄ yá̰a̰ yā kadə̄n ō, a ndējə̄nən̄ yá̰a̰ ō. Nin̄ a ənīn̄ ndūdə́ yā kadə̄ Kɔ́ɔ̄ɓē ō, a rāān̄ kadə̄ yá̰a̰ gə̄ ní reē udən̄ gíŕ kə́ rɔ̄ tə́ ō.

TA KƏLA 28:20

Jakob ənī ndūn əda na: Ré Nə́ɓā i seḿ adə̄ ngɔ̄mə̄m̄ dɔ róbə mbā ń m-ā m-āw̄ tə́ toō ō, adə̄m̄ yá̰a̰ kəsa adə̄ m-ə́sa ō, adə̄m̄ kūbə̄ adə̄ m-ō̰ō̰ ō,

NGÉ SARYA 11:35

Dan ń Jepte a̰a̰n anī əhɔ kūbə̄ kə́ rɔ̄n nəkɔ́ tə́ rə̄yā̰ ba əda na: Aa, ngōnə̄ḿ. ī-rāām̄ ādə̄ rɔ̄ḿ óý yélélé kɔ̄ɔ́. Ḭ̄ i dan ngé reē kə yá̰á̰ kə́ to kum kaȳ aĺ dɔḿ tə́ gə̄. M-ə̄nā ndūḿ m-ādə̄ Kɔ́ɔ̄ɓē kɔ̄ɔ́ ɓá, adə̄ m-ā m̄-tūr̄ to̰ alé.

PĀ GƏ̄ 22:25

Ni kídə̄ deē ń ndoō rāān aĺ naā ní aĺ ō, mbātə́n aĺ ō. Ni tūr̄ gidən tan tə́ alé. Dan ń nōō kə̄ dɔn tə́ ní oō nōō yān.

Gōsə̄ najə̄ gə̄ 20:25

Kəda láẃ kanjə̄ gír̄ yá̰a̰ na yá̰á̰ ń toō i yá̰á̰ kə́ tām̄ yā Nə́ɓā tə́ ní, i gūmbə̄ tām̄ yā deē tə́, to i ti tə́ ndū kə́ kənī pá tá tél gír̄ yá̰a̰ gō tə́ gogə́ beē.