KOHELET 5:2 - Bibəl ta Sar̄

² Tɔdɔ̄ sōl̄ kə́ ngá̰ý a reē kə nī kə́ majaĺ gə̄ ō, najə̄ kə́ kɔr̄ ngá̰ý a rāā kadə̄ ḭ̄ deē ɔ̄r̄ najə̄ kə́ to mbóo gə̄ ō.

Bible sar

² Tɔdɔ̄ sōl̄ kə́ ngá̰ý a reē kə nī kə́ majaĺ gə̄ ō, najə̄ kə́ kɔr̄ ngá̰ý a rāā kadə̄ ḭ̄ deē ɔ̄r̄ najə̄ kə́ to mbóo gə̄ ō.

KOHELET 5:2 Referans Kwoze

MATIYE 6:7

Dan ń ā ī-ndɔ̄yī anī, ī-lōōī kɔr̄ najə̄ kə́ kógə̄ḿ beē kə̄ naā tə́ kə̄ naā tə́, tītə̄ yā de gə̄ kə́ nin̄ i Jipə aĺ gə̄. Nin̄-ɔjən̄neé na ré n-ɔrə̄n̄ najə̄ ngá̰ý anī n-a n-əngen̄ yá̰á̰ ń na n dəjen̄ ní.

Gōsə̄ najə̄ gə̄ 10:19

Loo kə́ najə̄ i ngá̰ý tū tə́ a lōō majaĺ alé, banī de kə́ nge ngɔ̄m̄ ta ndo̰o̰n i de kə́ ger̄ kum yá̰a̰.

IJAI 55:9

Jī bēl̄ loo rāā yá̰a̰ yāḿ gə̄ ō, jī bēl̄ loo rāā yá̰a̰ yāsí gə̄ ō ní, dɔ dáńdə́ i sa̰y ngá̰ý, gír̄ yāḿ gə̄ ō, gír̄ yāsí gə̄ ō ní, dɔ dáńdə́ i sa̰y ngá̰ý. Dɔ dáńdə́ i sa̰y tītə̄ dɔ dán dɔ rā̰ kə dɔ nangaá beē.

MATIYE 6:9

Adə̄ ré ā ī-ndɔ̄yī ɓáa ī-ndɔ̄yī tītə̄ ń toō beé: Bɔbə̄jí kə́ ndi dɔ rā̰ tə́, ādə̄ rīí i kə́ kɔr̄ kam̄,

KOHELET 5:7

Ré á̰a̰ā̰ kadə̄ rāān̄ kum de kə́ nge rɔ̄ tō ndoō ndoō tə́ ō, rāān̄ yá̰á̰ kə́ súmūú aĺ ō, yá̰á̰ kə́ gōtə́ aĺ ō, kem ɓēé anī, ādə̄ ɔr kumií alé. Tɔdɔ̄ deē ń ndi loo kə́ bo tə́ ní, əndān̄ de kə́ rang kə́ bo tɔȳn dɔn tə́. Nin̄ jōó mbak ní tə́ndān̄ de kə́ rang kə́ bo tɔȳdə́ gə̄ dɔdə́ tə́ kadə̄ əndān̄ kumdə́ gíŕdə́ tə́ ō.

TA KƏLA 18:27

Abəraham tél əda na: Kɔ́ɔ̄ɓē, ī-mā̰ȳ rɔ̄í dɔḿ tə́, tɔdɔ̄ mā i bumbə́ru ō, bū ō, ba m̄-nāā kɔr̄ najə̄ seí.

JAKƏ 3:2

Tɔdɔ̄ jḭḭ̄ malang jə-rāāī yá̰á̰ kə́ gō tə́ alé. Ré deē kógə̄ḿ ɔr̄ najə̄ ba əda yá̰á̰ kə́ gō tə́ aĺ alé anī, ni i de kə́ majə ɔtə̄ kə taá kə́ asə kəhɔ rɔ̄n kə taā malang kə jámá.

KOHELET 5:3

Ré ə̄nī míndí ādə̄ Nə́ɓā anī, ī-lōō kɔr bā̰ā̰ loo rāā yá̰á̰ ń ə̄nī míndí yā rāā kadə̄n tə́ ní. Tɔdɔ̄ ni gḛy mbóo gə̄ alé. Adə̄ ī-rāā yá̰á̰ ń ə̄nī míndí yā rāā kadə̄n ní.

Gōsə̄ najə̄ gə̄ 20:25

Kəda láẃ kanjə̄ gír̄ yá̰a̰ na yá̰á̰ ń toō i yá̰á̰ kə́ tām̄ yā Nə́ɓā tə́ ní, i gūmbə̄ tām̄ yā deē tə́, to i ti tə́ ndū kə́ kənī pá tá tél gír̄ yá̰a̰ gō tə́ gogə́ beē.

TA KƏLA 28:20

Jakob ənī ndūn əda na: Ré Nə́ɓā i seḿ adə̄ ngɔ̄mə̄m̄ dɔ róbə mbā ń m-ā m-āw̄ tə́ toō ō, adə̄m̄ yá̰a̰ kəsa adə̄ m-ə́sa ō, adə̄m̄ kūbə̄ adə̄ m-ō̰ō̰ ō,

PĀ GƏ̄ 115:3

Nə́ɓā yājí i dɔ rā̰ tə́. Yá̰a̰ malang ń ni ndigə rāā ní ni-rāā.

TA KƏLA 18:32

Abəraham əda na: Kɔ́ɔ̄ɓē, m̄-rāāī ɓɔ́, ī-lōō kadə̄ wōn̄g rāāī seḿ, na m-ā m-ɔ̄r̄ najə̄ gogə́ to̰ alé. Ba ré de kə́ súmūú gə̄ kemeé i kutə ngóý ní? Anī Kɔ́ɔ̄ɓē əda na: M-ā m̄-nujə ɓē ní alé sɔɔ̄ń de kə́ kutə gə̄ ń noō.

TA KƏLA 18:30

Abəraham əda na: Kɔ́ɔ̄ɓē, m̄-rāāī ɓɔ́, ré m-ɔ̄r̄ najə̄ ɓáý anī, ī-lōō kadə̄ wōn̄g rāāī seḿ. Majanī, de kə́ súmūú gə̄ i kutə mətá beē ngóy kemeé. Kɔ́ɔ̄ɓē tél ədan na: Ré m-ə́nge de kə́ súmūú gə̄ kemeé i kutə mətá anī, m-ā m̄-rāā yá̰á̰ kógə̄ḿ alé.

NGÉ SARYA 11:30

Jepte ənī ndūn adə̄ Kɔ́ɔ̄ɓē əda na: Kɔ́ɔ̄ɓē, ré ə́lá ngán Amon gə̄ kem jīḿ tə́ adə̄ m̄-tetədə́ rɔ̄ɔ̄ ō,

MARK 6:23

Ni-ənī míndən əda na: Yá̰á̰ rí nəkɔ́ ń ā ī-dəjem̄ ní, ká i dām̄ ɓē ko̰o̰ yāḿ gə̄gē anī, m-ā m-ādī.

TA KƏLA 28:22

Mbal̄ ń m-údə kə nja kə́ dɔɔ́ m-ɔ̄rəń kamə̄n ní a téĺ kújə yā Nə́ɓā ō, m-ā m-ɔ̄r̄ yá̰á̰ kógə̄ḿ dan kə́ kutə tə́ tū yá̰a̰ malang ń ni-adə̄m̄ tə́ ní yā kadə̄n ō.

LEBI GƏ̄ 5:4

Aláa ré deē kə́rēý túbə̄ kə́ kadə̄ rāā majə seneé, aké kadə̄ rāā majaĺ seneé, ba ni túbə i gō gír̄ yá̰a̰ aĺ tə́, najə̄ yá̰á̰ kə́rēý kə́ deē asə túbə tāmən tə́ tə́, tá ré ger̄ kadə̄ ni túbə̄ i gō gír̄ yá̰a̰ aĺ tə́ anī najə̄ i dɔn tə́.

KOHELET 10:12

De gə̄ ndigən̄ najə̄ kɔr̄ nge kum kedə̄, banī ndigən̄ de kə́ mbóo alé i tām̄ najə̄ kɔrə̄n gə̄ tə́.

KOHELET 10:13

A əla gír kɔr̄ najə̄ yān i kə mbóo najə̄ gēé ō, a tɔ̄l̄ ta i kə najə̄ kə́ to kɔ̄r̄ kə́ majaĺ gēé ō.