KOHELET 5:18 - Bibəl ta Sar̄

¹⁸ Dan kə́ madə̄ gə̄ tə́ anī Nə́ɓā adə̄ deē kógə̄ḿ a ənge yá̰a̰ ō, a rāā kadə̄ kɔ́ɔ̄ rāā rɔ̄nel̄ yá̰á̰ ń ɔsə dɔ naā tə́ ní ō. Ni asə kun núsə́ yá̰á̰ ń i kə sɔɔ̄ dɔn ní ō, rāań rɔ̄nel̄ ō, tɔdɔ̄ i tətōn nəkɔ́. Nge ń noō i kadə̄ karī yā Nə́ɓā.

Bible sar

¹⁸ Dan kə́ madə̄ gə̄ tə́ anī Nə́ɓā adə̄ deē kógə̄ḿ a ənge yá̰a̰ ō, a rāā kadə̄ kɔ́ɔ̄ rāā rɔ̄nel̄ yá̰á̰ ń ɔsə dɔ naā tə́ ní ō. Ni asə kun núsə́ yá̰á̰ ń i kə sɔɔ̄ dɔn ní ō, rāań rɔ̄nel̄ ō, tɔdɔ̄ i tətōn nəkɔ́. Nge ń noō i kadə̄ karī yā Nə́ɓā.

KOHELET 5:18 Referans Kwoze

KOHELET 2:24

Yá̰á̰ kə́ majə tām̄ yā deē tə́ gətóo, ngá̰ý anī i kəsa yá̰a̰ ō ka̰ȳ ō, i kadə̄ kem deē nelə̄n loo rāā kəla yān tə́ ō ngóy. Mā m-á̰a̰ kadə̄ nge ń noō i Nə́ɓā n i nge kadə̄ deē kə jīneé ō.

KOHELET 3:22

Loo ń noō tə́ m-ə̄ndā ma̰ȳ m-á̰a̰ kadə̄ yá̰á̰ kə́ só tə́ yā deē i ger̄ yá̰á̰ kə́ teē tū kəla yān tə́. Núsən yān ń kadə̄ rāā rɔ̄nelə̄n ní n noó. Tɔdɔ̄ yá̰á̰ ń a to gotən tə́ ní i náā n a aw̄ seneé yā kadə̄ a̰ā̰ ní?

1 TIMOTE 6:17

Ə́dá ngé kənge yá̰á̰ ngá̰ý kə́ dɔ nang tə́ laā gə̄ kadə̄ ɔjən̄ rɔ̄də́ alé. Ə́dádə́ ādə̄ əndān̄ kemdə́ dɔ yá̰a̰ kənge kə́ a mān̄ kɔ̄ɔ́ tə́ alé, banī kadə̄ əndān̄ kemdə́ dɔ Nə́ɓā ń i nge kadə̄jí yá̰a̰ malang ngá̰ý tə́ kadə̄ jə-gerī nelə̄n̄ ní tə́.

KOHELET 9:7

Loo ń noō tə́ ní ə́sá yá̰a̰ yāí kə rɔ̄nelēé ō, ə̄nī kemií ā̰yń kasə nduú ō, tɔdɔ̄ Nə́ɓā ndigə yá̰a̰ rāāí gə̄ kɔ̄ɔ́ ɓá.

KOHELET 8:15

Mā m-ə́da na rɔ̄nel̄ i yá̰á̰ kə́ majə. Tɔdɔ̄ yá̰á̰ kə́ dɔ nang tə́ kə́ majə tām̄ yā deē tə́ i kəsa yá̰a̰ ō, ka̰ȳ ō, rāā rɔ̄nel̄ ō ngóy, yá̰á̰ kə́ rang kə́ majə gətóo. Yá̰á̰ ń kadə̄ utə̄ gō kəla yā deē kə dɔ ndɔ̄ gə̄ ń Nə́ɓā adə̄n kadə̄ ndiń kə kumneé dɔ nang tə́ ní n noó.

KOHELET 2:10

Yá̰a̰ malang ń kumḿ gḛy ka̰ā̰ ní m-ɔ̄gən ka̰ā̰ alé. M-ɔ̄gə̄ rɔ̄ḿ yá̰á̰ kə́ nelə̄n alé, tɔdɔ̄ kəla malang ń m̄-rāā ní kemḿ nelə̄m̄ loon tə́: Nge ń noō i rɔ̄nel̄ ń kəla rāāḿ teēń ní n m-ə́ngé núsən yāḿ noō.

KOHELET 11:9

Balsáa, dan ń ḭ̄ i ngōn̄ ɓáý ní ī-rāā rɔ̄nel̄. Ādə̄ kemií i kə rɔ̄nelēé kem ndɔ̄ gə̄ ń dɔí dūúń ɓáý tə́ ní. Ī-rāā yá̰a̰ malang ń kemií gḛy ní, yá̰a̰ malang ń nelī ní. Banī majə kadə̄ ī-ger̄ káý káý kadə̄ Nə́ɓā a gān̄g sarya dɔ yá̰a̰ rāāí gə̄ tə́ kógə̄ḿ kógə̄ḿ malang.

JEREMI 52:34

I beé n mban̄g adə̄ń Joakin yá̰a̰ kəsa kə dɔ ndɔ̄ gə̄ malang ń Joakin ndiń kə kumneé ní, bátə́ kadə̄ oyń.

1 KORḚNTƏ 16:16

I beé ní, ōōī ta de kə́ tītə̄ ń noō gə̄ ō, náā nəkɔ́ ń rāā kəla sedə́ ō, a̰a̰ tápə̄ sedə́ ō ní, ōōī ta kɔ́ɔ̄ ō.

NDŪ NAJƏ̄ 12:7

Ā ə́saī i loo ń noō tə́ ta kum Kɔ́ɔ̄ɓē Nə́ɓā yāsí tə́ kə gír kojə yāsí gēé. Ā ī-rāāī rɔ̄nel̄ dɔ kəla malang ń ī-rāāī á Kɔ́ɔ̄ɓē Nə́ɓā yāsí rāā adə̄ teē yá̰á̰ tə́ ní.

NDŪ NAJƏ̄ 12:18

Ā ə́saī i ta kum Kɔ́ɔ̄ɓē Nə́ɓā yāsí tə́ ngóy, kem loo ń ni a gə̄rā tə́ ní. Ā ə́saī i kə ngáńsí kə́ dəngam gə̄ ō, kə́ dəyá̰ gə̄ ō, ngé kəla yāsí kə́ dəngam gə̄ ō, kə́ dəyá̰ gə̄ ō, kə ngán Lebi gə̄ ń ndin̄ kem ɓē yāsí gə̄ tə́ ní ō. Ā ī-rāāī rɔ̄nel̄ ta kum Kɔ́ɔ̄ɓē Nə́ɓā yāsí tə́ dɔ kəla malang ń ī-rāāī tə́ ní.

NDŪ NAJƏ̄ 26:11

Gō tə́ anī yá̰á̰ kə́ majə gə̄ malang ń Kɔ́ɔ̄ɓē Nə́ɓā yāí adī ḭ̄ naā tə́ de kə́ kem kújə yāí tə́ gə̄ ní, ā ī-rāāī rɔ̄nelə̄n naā tə́ kə ngōn̄ Lebi ō, tə̄rā kə́ nge nam̄ ō ń ndin̄ dɔ nang yāí tə́ ní.

PĀ GƏ̄ 42:8

Ḭ̄ ī-rāā ādə̄ kōō man̄ gə̄ ɓārə̄n̄ pukətu pukətu, man̄ kógə̄ḿ ɓāŕ man̄ madə̄n. Ḭ̄ ī-rāā ādə̄ man̄ gə̄ ní reēn̄ dɔḿ tə́ malang, taān̄ dɔḿ kɔ̄ɔ́.

KOHELET 2:3

m̄-gḛy nāā rāā rɔ̄nel̄ ń kasə nduú a adə̄ deē ní ō, m̄-gḛy ndájə̄ yá̰a̰ rāā de kə́ mbóo gə̄ ō, kanjə̄ kəya̰ rɔ̄ḿ kadə̄ yá̰á̰ kə́rēý o̰o̰ ɓē dɔ tə́. m̄-sāā ger̄ kum yá̰á̰ kə́ to só tə́ ń kadə̄ deē ndul gə̄ rāān̄ dan ń ndin̄neé kə kumdə́ dɔ nang tə́ ní.

KOHELET 6:2

Tītə̄ ń toō Nə́ɓā adə̄ deē kógə̄ḿ yá̰á̰ ngá̰ý ō, adə̄n yá̰a̰ kənge gə̄ ō, kɔsə gɔn ō, yá̰a̰ malang ń kemən gḛy ní ənge ō, banī Nə́ɓā əya̰n adə̄ əsa yá̰a̰ yān ní alé, ba i de kə́ rang n i nge kəsa ní. Nge ń noō i yá̰á̰ kə́ kanjə̄ kumən ō, i yá̰á̰ kə́ majaĺ kə́ tōr̄ ngá̰ý ō,