KOHELET 5:14 - Bibəl ta Sar̄

¹⁴ Ni a əya̰ dɔ nang ń toō ba a tél yā kaw̄ gogə́ i rɔ̄n karī tītə̄ ń teēń kem kó̰o̰n tə́ ní. Ni a ənge yá̰á̰ kógə̄ḿ tū kəla ń ni-rāā tə́ ní yā kəhɔ jīn tə́ kaw̄ń alé.

Bible sar

¹⁴ Ni a əya̰ dɔ nang ń toō ba a tél yā kaw̄ gogə́ i rɔ̄n karī tītə̄ ń teēń kem kó̰o̰n tə́ ní. Ni a ənge yá̰á̰ kógə̄ḿ tū kəla ń ni-rāā tə́ ní yā kəhɔ jīn tə́ kaw̄ń alé.

KOHELET 5:14 Referans Kwoze

Makətūbə̄ yā Aje 1:9

Sḭḭ̄ ī-ngóōī kadə̄ ndɔr̄ yāsí gə̄ teēn̄ kōō ngá̰ý, banī ə́jaī kōō i sḛ́ý beē. Yá̰á̰ ń ə́ngeī á āwīneé ɓēé ní, m̄-tóo kɔ̄ɔ́, adə̄ yá̰á̰ ní gətóo kɔ̄ɔ́ malang. I tām̄ rí tə́? Kɔ́ɔ̄ɓē kə́ bo kə́ tɔ́gən i ngá̰ý dəjesí najə̄ ń noō. I tām̄ kújə́ kə́ bo yāḿ kə́ i kɔkərɔ gə̄ kə́ ra dɔ naā tə́ bing, dan ń sḭḭ̄ kógə̄ḿ kógə̄ḿ ə̄ndāī kumsí gíŕ kújə yāsí gə̄ tə́ ī-rāāī ādī majə ní.

KOHELET 2:26

A̰á̰ā̰, deē ń nelə̄n seneé ní ni-adə̄n kum kedə̄ ō yá̰a̰ ger̄ ō, rɔ̄nel̄ ō. Banī ni-adə̄ nge rāā majaĺ kəla k ɔsə nja yá̰a̰ kə̄ naā tə́ ō, kán̄ yá̰a̰ kə̄ dɔ naā tə́ ō, yā kadə̄ deē ń nel̄ Nə́ɓā seneé ní. Nge ń noō i yá̰á̰ kə́ kanjə̄ kumən ō, i ngɔ̄də̄ gō nél yā kəhɔn ō.

Gōsə̄ najə̄ gə̄ 23:5

Kumií a a̰a̰ yá̰a̰ kənge ba sḛy beē a gətóo kɔ̄ɔ́, tɔdɔ̄ ni ger̄ kḭḭ bɔ̄gə̄! Ni a ḭḭ bɔ̄gə̄ kum kə̄ dɔ rā̰ tə́ tītə̄ kə̄rō beé.

PĀ GƏ̄ 39:6

Ḭ̄ ī-rāā ādə̄ ndɔ̄ḿ malang asə naā i kə laa da jī deé. Ɓālə̄ḿ gə̄ malang i yá̰a̰ alé ta kumií tə́. A̰á̰ā̰, de kə́ ngan̄g sim gə̄gē ni i koō ngóy ta kumií tə́!

Makətūbə̄ yā Job 5:5

Ba ni ɓáa, kōō ń sāā ní, ādə̄ nge ɓō əsa! Ādə̄ nge ɓō aw̄ bátə́ gō tə́ dan kōn̄ gə̄ tə́ ō, ādə̄ ngé sāā yá̰a̰ pak pak gə̄ əsan̄ yá̰a̰ kənge yān gə̄ kɔ̄ɔ́ malang ō!

1 MBAN̄G GƏ̄ 14:26

Ni ɔy yá̰a̰ kənge gə̄ kə́ kem kújə yā Kɔ́ɔ̄ɓē tə́ ō, kə́ kem kújə yā mban̄g tə́ ō aw̄ń. Ni ɔy yá̰a̰ malang aw̄ń. Der lɔ́r ń Salomo̰ rāā ní gə̄gē, ɔy malang aw̄ń.

1 SAMUEL 2:36

Ba de kə́ gír kojə yāí tə́ ń a na̰y ní a aw̄ yā kəsō kə̄ nang tə́ no nge tun̄ yá̰á̰ ní tə́ najə̄ yā súū kə́ kum mbutə tə́ ō, yá̰a̰ kəsa tə́ ō, ba a əda na: m̄-rāāī ɓɔ́, ə̄ndām̄ tū kəla kógə̄ḿ yā ngé tun̄ yá̰a̰ gə̄ tə́, ādə̄ m-ə́ngeń yá̰a̰ kəsa kə́ taḿ tə́.

KOHELET 5:13

Yá̰a̰ kənge yān ní udə lim gíŕ yá̰á̰ kə́ majaĺ tə́. Ré ni ojə ngōn̄ anī yá̰á̰ sḛ́ý kə́ tām̄ yā ngōn̄ tə́ gətóo.

KOHELET 5:15

Kadə̄ ni əya̰ dɔ nang ń toō ba tél aw̄ tītə̄ ta reēń ní i yá̰á̰ kógə̄ḿ kə́ to rɔ̄ ndoō ngá̰ý. Kəla ń ni-rāā ní ənge i rí gírí? Ni-rāā i kəla kə́ kem wōȳ karī.

Makətūbə̄ yā Job 1:21

ba əda na: m̄-teē kem kó̰ó̰ḿ tə́ i rɔ̄ḿ karī ō, m-ā m̄-tél yā kaw̄ gíŕ nángāá i rɔ̄ḿ karī ō. Kɔ́ɔ̄ɓē adə̄ ō, Kɔ́ɔ̄ɓē taā kɔ̄ɔ́ ō. Ādə̄ de gə̄ tɔ̄ȳn̄ rī Kɔ́ɔ̄ɓē.

PĀ GƏ̄ 49:18

Tɔdɔ̄ dan ń a oy ní a un yá̰á̰ kógə̄ḿ yā kaw̄ń aĺ ō, yá̰a̰ kənge yān kə́ ngá̰ý a aw̄ gōn tə́ ɓádá aĺ ō.