KOHELET 4:9 - Bibəl ta Sar̄

⁹ De kə́ jōó gə̄ ń əndān̄ rɔ̄də́ naā tə́ ní, rɔ̄də́ nel̄də́ tɔȳ yā de kə́ kógə̄ḿ beē kə́ nəkɔ́ i kə kérneé. Tā m̄ nin̄ əngen̄ yá̰a̰ majə gír kəla yādə́ tə́.

Bible sar

⁹ De kə́ jōó gə̄ ń əndān̄ rɔ̄də́ naā tə́ ní, rɔ̄də́ nel̄də́ tɔȳ yā de kə́ kógə̄ḿ beē kə́ nəkɔ́ i kə kérneé. Tā m̄ nin̄ əngen̄ yá̰a̰ majə gír kəla yādə́ tə́.

KOHELET 4:9 Referans Kwoze

Gōsə̄ najə̄ gə̄ 27:17

I gində̄ n a usə gində̄ madə̄ kadə̄ tan atə ō ndə́lē ō ní, i deē n i nge rāā kadə̄ hál madə̄n majə ō ní.

TA KƏLA 2:18

Kɔ́ɔ̄ɓē Nə́ɓā əda na: Majə kadə̄ deē ndi kə kérneé alé. M-ā m̄-rāā de kə́ nge rāā seneé kə́ to tītə̄n yā kadə̄n.

MARK 6:7

Jeju ɓār̄ ngé ndóō yá̰a̰ gə̄ ń nin̄ i deē kutə gidə i jōó ní kə̄ rɔ̄n tə́, ba əladə́ jōó jōó. Ni-adə̄də́ tɔ́gə dɔ ndíĺ kə́ yḛr gə̄ tə́.

TƏ́DA 11:14

Mə̄kɔ́ kə kérə́ḿ m-ásə kətō gír de gə̄ ń toō malang alé, ɔyn̄ ngá̰ý.

JA̰A̰ 4:36

Nge sāā kōō ənge yá̰a̰ kəndā nja yān kɔ̄ɔ́ o, ni-kán̄ kum kōō ní kə̄ naā tə́ tām̄ yā ndi kə kumuú kə́ ngándáńg tə́ ō. Adə̄ nge dubə̄ kōō, ō nge sāā kōō ō, əngen̄ rɔ̄nel̄ mbak.

KƏLA RĀĀ 13:2

Ndɔ̄ kógə̄ḿ tə́ dan ń nin̄-ɔsən̄ dɔdə́ naā tə́ ba rāān̄ kəla adə̄n̄ Kɔ́ɔ̄ɓē ō, ndin̄ ɓō tām̄ yā Nə́ɓā tə́ ō anī, Ndíĺ kə́ Táĺ ədadə́ na kə ɔrə̄n̄ Sol ō Barnabas ō kə əndān̄də́ tayā tām̄ yān tə́, kadə̄ rāān̄ kəla ń na n-ɓāŕdə́ kə rīí ní.

RUTƏ 2:12

Ndə̄ngā yāḿ i kadə̄ Kɔ́ɔ̄ɓē əndā njaí tām̄ yā yá̰a̰ gə̄ ń noō tə́ malang. Kadə̄ Kɔ́ɔ̄ɓē Nə́ɓā yā Israel əndā njaí ngá̰ý kadə̄ tɔȳ dɔ. Tɔdɔ̄ ī-reē ī-ɓɔ̄ɔ̄ rɔ̄í i gír bɔ̄gə̄n tə́.

Makətūbə̄ yā Aje 1:14

Loo ń noō tə́ Kɔ́ɔ̄ɓē ndól̄ kəhɔ rɔ̄ tɔgə yā Jorobabel nge ko̰o̰ ɓē kə́ Juda ń i ngōn̄ Saltiel ní ō, ndól̄ kəhɔ rɔ̄ tɔgə yā Yesua ngol ngé tun̄ yá̰a̰ gə̄ ń i ngōn̄ Yosadak ní ō, ndól̄ kəhɔ rɔ̄ tɔgə yā de gə̄ malang ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ á tél reēn̄ gogə́ ɓēé ní ō, adə̄ reē rāān̄ kújə́ kə́ bo yā Nə́ɓā yādə́ ń i Kɔ́ɔ̄ɓē kə́ bo kə́ tɔ́gən i ngá̰ý ní gogə́,

2 JA̰A̰ 1:8

Ə̄ndāī kum kedə̄ dɔ rɔ̄sí sḭḭ̄ kɔ́ gə̄ tə́, na sōgə́ ī-tḭ̄ḭ̄ ta yá̰á̰ ń jə-rāā á teē yá̰á̰ ní, yā kadə̄ ə́ngeīneé kəgā yāsí kə taá malang.

KOHELET 4:8

De kógə̄ḿ kə́ nəkɔ́ i kə kérneé, madə̄ njə̄rān aĺ ō, ngōnən aĺ ō, ngōkó̰o̰n deē aĺ ō, banī rāā kəla dan gān̄g aĺ ō, yá̰a̰ kənge asən aĺ ō, banī ni-dəje rɔ̄n najə̄ əda na: Mā m̄-rāā kəla ō, m̄-mbātə́ ndi majə ō, i tām̄ yā náā tə́? Nge ń noō i yá̰á̰ kə́ kanjə̄ kumən, i yá̰á̰ kə́ majaĺ.

KOHELET 4:10

Tɔdɔ̄ ré əsōn̄ anī deē kógə̄ḿ a un madə̄n dɔɔ́. Banī yá̰á̰ kə́ to kum kaȳ aĺ i yā deē ń nəkɔ́ i kə kérneé ní! Ré ni-əsō anī de kə́ nge kunən dɔɔ́ gətóo.

1 YÁ̰A̰ GƏ̄ 19:12

Gō tə́ anī Joab əda ngōkó̰o̰n na ré tɔ́gə Aram gə̄ tɔȳ yān anī kə reē kə dḭḭ̄n. Ba ré tɔ́gə Amon gə̄ tɔȳ yā ngokó̰o̰n anī i ni n na n-aw̄ yā dḭḭ̄n ní.