KOHELET 4:8 - Bibəl ta Sar̄

⁸ De kógə̄ḿ kə́ nəkɔ́ i kə kérneé, madə̄ njə̄rān aĺ ō, ngōnən aĺ ō, ngōkó̰o̰n deē aĺ ō, banī rāā kəla dan gān̄g aĺ ō, yá̰a̰ kənge asən aĺ ō, banī ni-dəje rɔ̄n najə̄ əda na: Mā m̄-rāā kəla ō, m̄-mbātə́ ndi majə ō, i tām̄ yā náā tə́? Nge ń noō i yá̰á̰ kə́ kanjə̄ kumən, i yá̰á̰ kə́ majaĺ.

Bible sar

⁸ De kógə̄ḿ kə́ nəkɔ́ i kə kérneé, madə̄ njə̄rān aĺ ō, ngōnən aĺ ō, ngōkó̰o̰n deē aĺ ō, banī rāā kəla dan gān̄g aĺ ō, yá̰a̰ kənge asən aĺ ō, banī ni-dəje rɔ̄n najə̄ əda na: Mā m̄-rāā kəla ō, m̄-mbātə́ ndi majə ō, i tām̄ yā náā tə́? Nge ń noō i yá̰á̰ kə́ kanjə̄ kumən, i yá̰á̰ kə́ majaĺ.

KOHELET 4:8 Referans Kwoze

1 JA̰A̰ 2:16

Tɔdɔ̄ yá̰á̰ kə́ dɔ nang tə́ laā gə̄ malang, adə̄ i ngur yá̰a̰ ō, ndə̄ngā yá̰a̰ ō, kɔjə rɔ̄ kə́ tām̄ yá̰a̰ kənge tə́ ō ní, ḭḭn̄ i rɔ̄ Bɔbə̄ Ngōn̄ tə́ alé, ba i dɔ nang tə́ laā.

Gōsə̄ najə̄ gə̄ 27:20

Loo kə́ ɓádá ń i bəlo kə́ bo ní, yá̰á̰ asən alé. Kum deē i yá̰á̰ kə́ yá̰a̰ asən aĺ ō.

Najə̄ kə́ Majə yā Jeju ń Luk ndang ní 12:20

Banī Nə́ɓā əda deē ní na: Ḭ̄ i de kə́ ger̄ yá̰a̰ alé! Ndɔ̄ɔ́ ɓōólaā nəkɔ́ ń toō ā óy kɔ̄ɔ́. Ní, yá̰á̰ ń ī-kán̄ kə̄ naā tə́ tām̄ yāí tə́ ní i náā n a tél kɔ́ɔ̄n tā?

KOHELET 1:8

Yá̰a̰ gə̄ malang rāān̄ kəla, banī deē asə kəda malang alé. Asə deē ka̰a̰ loo kə kumneé aĺ ō, asə deē koō loo kə mbīneé aĺ ō.

MATIYE 11:28

Sḭḭ̄ gə̄ ń kɔr rāāsí tām̄ yá̰á̰ kə́ ɔȳ gə̄ ń ə̄tōī tə́ ní, ī-reēī kə̄ rɔ̄ḿ tə́ malang, anī m-ā m-ādə̄ ā ɔ̄rī koō.

KOHELET 1:13

Yá̰a̰ malang ń a rāā yá̰a̰ dɔ nang tə́ laā ní, m-ə̄ndā rɔ̄ḿ ta tə́ m̄-sāā gír ō, m-ə̄ndā ma̰ȳ ngá̰ý kə kum kedēé ō. Nge ń noō i kəla kə́ ngan̄g ngá̰ý kə́ Nə́ɓā əndā dɔ de gə̄ tə́ kadə̄ rāān̄!

IJAI 5:8

I yá̰á̰ kə́ to kum kaȳ aĺ kə́ ba̰ý beē tām̄ yā ngé rāā kújə gə̄ kə̄ dɔ naā tə́ tə́, tām̄ yā ngé kɔy ndɔr̄ gə̄ kə̄ dɔ naā tə́ tə́! Ta tɔ̄l̄ ta anī, nin̄ taān̄ loo malang ō, kem ɓē ɓáa i nīń ngóy ō.

KOHELET 5:10

Loo ń yá̰a̰ kənge i ngá̰ý anī, ngé kəsan gə̄ i ngá̰ý ō. Yá̰á̰ ń kɔ́ɔ̄n a ənge gírí ní i ka̰a̰ yá̰a̰ kənge yā n kə kumneé ngóy aĺ a?

PĀ GƏ̄ 39:6

Ḭ̄ ī-rāā ādə̄ ndɔ̄ḿ malang asə naā i kə laa da jī deé. Ɓālə̄ḿ gə̄ malang i yá̰a̰ alé ta kumií tə́. A̰á̰ā̰, de kə́ ngan̄g sim gə̄gē ni i koō ngóy ta kumií tə́!

TA KƏLA 2:18

Kɔ́ɔ̄ɓē Nə́ɓā əda na: Majə kadə̄ deē ndi kə kérneé alé. M-ā m̄-rāā de kə́ nge rāā seneé kə́ to tītə̄n yā kadə̄n.

IJAI 55:2

Yá̰a̰ kəsa kə́ ə́sa anī ul̄ rɔ̄í ní, úń nar ādə̄ gírí i tām̄ rí tə́? Yá̰á̰ kə́ ə́sa anī ndānī aĺ ní, ī-njə́ɓā rɔ̄í najə̄n tə́ i tām̄ rí tə́? Ōōī najə̄ yāḿ majə, anī ā ə́ngeī yá̰á̰ kə́ majə gə̄ yā kəsa, ā ī-nāāī yá̰á̰ kə́ nel̄ gə̄.

KOHELET 2:23

Tɔdɔ̄ ndɔ̄n gə̄ malang i rɔ̄ tōr̄ ō, kəla rāān i wur kɔl ō. Ndɔ̄ɔ́ gə̄gē ngarā̰ kemən ɔr̄ koō alé. Nge ń noō i yá̰á̰ kə́ kanjə̄ kumən ō.

KOHELET 2:21

Tɔdɔ̄ á̰a̰ā̰, kadə̄ deē rāā kəla yān kə kum kedēé ō, kə ger̄ yá̰á̰ ō, kəla ní teē majə ō, ɓáa i de kə́ rang kə́ rāā kəla ní aĺ n nge rāā kəla ní a adə̄n kan̄ kəla yān ní ní, nge ń noō i yá̰á̰ kə́ kumən gətóo ō, i majaĺ kə́ bo ngá̰ý ō.

KOHELET 4:7

M-á̰á̰ yá̰á̰ kógə̄ḿ kə́ rang kə́ kanjə̄ kumən kə́ de gə̄ a rāān̄ dɔ nang tə́.

PĀ GƏ̄ 39:7

Rɔ̄kum, deē aw̄ ō tél ō banī ni i ndíĺ yá̰a̰ karī! A̰á̰ā̰ aw̄ kə̄ yóō aw̄ kə̄ laā, banī ni i koō ngóy! Ni kán̄ yá̰a̰ kə̄ dɔ naā tə́ banī ger̄ deē ń a ɔy ní alé.

KOHELET 5:9

Deē ń gḛy nar ngá̰ý ní nar asən aĺ ō, deē ń gḛy yá̰a̰ kənge ngá̰ý ní ger̄ nelən aĺ ō. Nge ń noō i yá̰á̰ kə́ kanjə̄ kumən ō.