KOHELET 4:13 - Bibəl ta Sar̄

¹³ Balsáá kə́ ndoō ba kumən edə̄ i só tə́, tɔȳ mban̄g kə́ tɔgə ɓə́ga ba ger̄ najə̄ aĺ ō, gḛy kadə̄ deē ɔjə̄n aĺ ō.

Bible sar

¹³ Balsáá kə́ ndoō ba kumən edə̄ i só tə́, tɔȳ mban̄g kə́ tɔgə ɓə́ga ba ger̄ najə̄ aĺ ō, gḛy kadə̄ deē ɔjə̄n aĺ ō.

KOHELET 4:13 Referans Kwoze

2 YÁ̰A̰ GƏ̄ 25:16

Dan ń a əda Amasia najə̄ ń noō ɓáý anī Amasia dəjen na ké əndānən̄ nge kadə̄ mban̄g kɔjə̄ wa. Ré gḛy kadə̄ əndanən̄ aĺ ɓáa kə lōō kaw̄ kə najə̄ ní kə̄ kété. Nge koō ta aw̄ kə najə̄ ní kə̄ kété to̰ alé banī əda na: Mā m̄-ger̄ kadə̄ Nə́ɓā gḛy rāā kadə̄ óy kɔ̄ɔ́ tām̄ ḭ̄ ī-rāā yá̰á̰ ń noō ō, ōō najə̄ yāḿ aĺ ō.

Gōsə̄ najə̄ gə̄ 19:1

De kə́ yá̰a̰ aĺ kə́ nge rāā yá̰á̰ kə́ súmūú i só tə́ tɔȳ de kə́ najə̄ kə́ tan tə́ i súmūú aĺ ō, kə́ ni i de kə́ mbóo ō.

Gōsə̄ najə̄ gə̄ 28:6

De kə́ ndoō kə́ nge rāā yá̰á̰ súmūú i só tə́ tɔȳ de kə́ nge yá̰a̰ kal̄ loo kə́ nge rāā yá̰á̰ súmūú alé.

1 MBAN̄G GƏ̄ 22:8

Anī mban̄g kə́ Israel tə́ tél əda Josapat na deē kógə̄ḿ na nay noó ɓáý, ba deē ní tá na nelə̄n ni seneé alé, tɔdɔ̄ deē ní na i de kə́ a əda najə̄ kə́ majə dɔn ni tə́ alé, ba a əda na i najə̄ kə́ majaĺ tá dejə: Deē ní i Mise ngōn̄ Yimla. Josapat əda mban̄g kə́ Israel tə́ na kə lōō kɔr̄ najə̄ beé.

TA KƏLA 37:2

Gotə najə̄ yā ngán Jakob gə̄ n toó: Jəjep rāā ɓāl̄ kutə gidə i sīrí anī aw̄ kə yá̰a̰ kul̄ gēé dɔ mu tə́. Nin̄ i naā tə́ kə ngán Bila gə̄ ō, ngán Silpa gə̄ ō. Bila ō, Silpa ō, i nə̄yá̰ bɔbə̄n gə̄. Jəjep reē kə najə̄ kɔr̄ ngákó̰o̰n kə́ majaĺ gēé əda bɔbə̄də́.

KOHELET 4:12

Ré deē kógə̄ḿ tetə de kə́ kə kérneé rɔ̄ɔ̄ anī, de gə̄ jōó a dum̄nən̄. Kəlā kə́ kənda gidə naā tə́ mətá a gān̄g láẃ alé.

KOHELET 7:19

Kum kedə̄ rāā adə̄ nge kum kedə̄ ngan̄g tɔȳ ngé ko̰o̰ ɓē gə̄ kutə kə́ ndin̄ kem ɓē kə́ kógə̄ḿ beē tə́.