KOHELET 4:10 - Bibəl ta Sar̄

¹⁰ Tɔdɔ̄ ré əsōn̄ anī deē kógə̄ḿ a un madə̄n dɔɔ́. Banī yá̰á̰ kə́ to kum kaȳ aĺ i yā deē ń nəkɔ́ i kə kérneé ní! Ré ni-əsō anī de kə́ nge kunən dɔɔ́ gətóo.

Bible sar

¹⁰ Tɔdɔ̄ ré əsōn̄ anī deē kógə̄ḿ a un madə̄n dɔɔ́. Banī yá̰á̰ kə́ to kum kaȳ aĺ i yā deē ń nəkɔ́ i kə kérneé ní! Ré ni-əsō anī de kə́ nge kunən dɔɔ́ gətóo.

KOHELET 4:10 Referans Kwoze

1 TESALONIK 5:11

I beé ní, ə́laī go̰ kem naā tə́ ō, ī-mbūsī naā ō, tītə̄ ń ī-rāāīneé ɓá ní.

1 TESALONIK 4:18

Ī-sɔlī kem naā kə najə̄ ń noō.

GALATƏ 6:1

Ngákó̰ó̰ḿ gə̄, ré ə́hɔī deē kógə̄ḿ loo rāā yá̰á̰ kə́ gō tə́ aĺ tə́ anī, sḭḭ̄ ń Ndíĺ Nə́ɓā i kemsí tə́ ní, ī-rāāī seneé kə kem kə́ sɔl̄ lɔmɔɔ́ ādə̄ tél reē dɔ róbə́ kə́ súmūú tə́. Ī-ngɔ̄m̄ rɔ̄í majə na sōgə́ īkɔ́ ə̄sō kum yá̰a̰ nāā tə́ ō.

1 SAMUEL 23:16

Ndɔ̄ kə́rēý tə́ anī Jonatan ngōn̄ Saul aw̄ rɔ̄ Dabid tə́ Horsa. Ni-aw̄ ɔr̄ najə̄ seneé kə rī Nə́ɓāá mbūsənneé.

TA KƏLA 4:8

Ba Kain əda ngōkó̰o̰n Abel na kə n-teēn̄. Dan ń nin̄ i kem ndɔrɔ́ anī, Kain ḭḭ udə kə̄ dɔ ngōkó̰o̰n Abel tə́ tɔ̄lə̄n.

2 SAMUEL 14:6

ba ngánə́ḿ kə́ dəngam gə̄ i jōó. Nin̄ rɔ̄ɔ̄n̄ naā bembeé, ba de kə́ yā mā̰ȳdə́ gətóo, adə̄ nge kə́ kógə̄ḿ ənda madə̄n tɔ̄l̄.

2 SAMUEL 11:27

Dan ń ni-rāā ndoō ngaan oy anī, Dabid reē seneé rɔ̄n tə́. Ni-taān kə́ dəyá̰ tə́ adə̄ ojə ngōn̄ kə́ dəngam seneé. Banī yá̰á̰ ń Dabid rāā ní nel̄ Kɔ́ɔ̄ɓē alé.

Teē Ngán Israel gə̄ 32:21

Tā anī dəje Aaro̰ na ké gír de gə̄ ń noō rāān i rí seneé áké ndɔ́r̄də́ aw̄ sedə́ kum majaĺ kə́ bo kasə naā beé tə́ wa.

KOHELET 4:9

De kə́ jōó gə̄ ń əndān̄ rɔ̄də́ naā tə́ ní, rɔ̄də́ nel̄də́ tɔȳ yā de kə́ kógə̄ḿ beē kə́ nəkɔ́ i kə kérneé. Tā m̄ nin̄ əngen̄ yá̰a̰ majə gír kəla yādə́ tə́.

KOHELET 4:11

Ré de gə̄ jōó ton̄ naā tə́ a ɓīīn̄ anī rɔ̄də́ əɓa təngā. Ba deē ń nəkɔ́ i kə kérneé ní, a rāā i ba̰ý n rɔ̄n a təngāń ní?