KOHELET 4:1 - Bibəl ta Sar̄

¹ M-á̰á̰ yá̰á̰ kə́ gōtə́ aĺ gə̄ malang ń de gə̄ a rāān̄ kə madə̄də́ gēé dɔ nang tə́ ní ō. Ngé gə̄ ń de gə̄ rāān̄ kumdə́ ndoō tə́ ní nōōn̄, banī de kə́ nge sɔl̄ kemdə́ gətóo. Tɔ́gə i dām̄ yā ngé rāā kumdə́ ndoō tə́ gə̄ tə́, adə̄ de kə́ nge sɔl̄ kemdə́ gətóo.

Bible sar

¹ M-á̰á̰ yá̰á̰ kə́ gōtə́ aĺ gə̄ malang ń de gə̄ a rāān̄ kə madə̄də́ gēé dɔ nang tə́ ní ō. Ngé gə̄ ń de gə̄ rāān̄ kumdə́ ndoō tə́ ní nōōn̄, banī de kə́ nge sɔl̄ kemdə́ gətóo. Tɔ́gə i dām̄ yā ngé rāā kumdə́ ndoō tə́ gə̄ tə́, adə̄ de kə́ nge sɔl̄ kemdə́ gətóo.

KOHELET 4:1 Referans Kwoze

KOHELET 3:16

Yá̰á̰ ń m-ə̄ndā ma̰ȳ m-á̰a̰ā̰ dɔ nang tə́ ɓáý to̰ ní n toó: Kem ndul taā loo jī yá̰á̰ kə́ súmūú tə́ ō jī yá̰á̰ kə́ gōtə́ tə́ ō.

KOHELET 5:8

Banī nin̄ malang ní dɔ nang rāā majə sedə́ mbak. Mban̄g ndi i kə ta kūl̄ ndɔrɔ́.

IJAI 5:7

Ndɔr̄ kāgə̄ nduú yā Kɔ́ɔ̄ɓē kə́ bo kə́ tɔ́gən i ngá̰ý i ngán Israel gə̄. A̰á̰ā̰, ndɔr̄ kāgə̄ ń nelə̄n ngá̰ý ní i de kə́ Juda gə̄. Yá̰á̰ ń Kɔ́ɔ̄ɓē sāā rɔ̄n tə́ ní, i kadə̄ ni ɓōĺ gidə yá̰á̰ kə́ súmūú. Banī yá̰a̰ rāā kə́ gōtə́ aĺ to i kə̄ loo gə̄ tə́ malang. Yá̰á̰ ń ni sāā rɔ̄n tə́ ní, i yá̰a̰ rāā kə́ gōtə́. Banī kɔŕ yā de gə̄ kə́ de kə́ nge rɔ̄ɔ̄ dɔdə́ tə́ gətóo gə̄ ɓār̄ kə̄ loo gə̄ tə́ malang.

JAKƏ 5:4

Á̰a̰ī, ngé kəla gə̄ əjan̄ kōō kə́ kem ndɔr̄ yāsí gə̄ tə́, banī sḭḭ̄ ɔ̄gīdə́ nar tətōdə́, adə̄ nar ní əga kɔŕ! Ba nōō rɔ̄ yā ngé kəja kōō gə̄ ní əsō mbī Kɔ́ɔ̄ɓē kə́ bo kə́ tɔ́gən i ngá̰ý tə́.

MATIYE 26:56

Banī yá̰a̰ gə̄ ń toō malang rāān̄ yá̰a̰ i yā kadə̄ najə̄ gə̄ ń ngé koō ta gə̄ ndangən̄ ní reē udəń gírí. Loo ń noō tə́ ngé ndóō yá̰a̰ yān gə̄ əya̰nən̄ ba a̰ȳn̄ naā malang kɔ̄ɔ́.

MALASI 3:5

A̰á̰ā̰, Kɔ́ɔ̄ɓē kə́ bo kə́ tɔ́gən i ngá̰ý əda najə̄ ń toō: M-ā m̄-reē dansí tə́ yā rāā sarya sesí. M-ā m-ɔ́r bā̰ā̰ loo kəndā najə̄ dɔ ngé kəga gə̄ tə́ aĺ ō, ngé rāȳ gə̄ tə́ aĺ ō, ngé túbə dɔ lám̄ gə̄ tə́ aĺ ō, ngé kəgā ngé kəla yādə́ gə̄ kə gōó aĺ gə̄ ō, ngé rējə̄ dəyá̰ kə́ ngaa koy gə̄ ō, ngán hal gə̄ ō, kə yá̰a̰ rāādə́ kə́ gōtə́ aĺ ō, ngé rāā tə̄rā gə̄ majaĺ ō, de gə̄ malang ń ɓōlə́n̄ ndílə́ḿ aĺ ní ō.

NŌŌ RƆ̄ 1:9

Tə́ra yḛr ní to tu kūbə̄ kə́ gírən tə́. I yá̰á̰ kə́ ni-əndā kemən dɔ tə́ kadə̄ a rāā yá̰a̰ alé. Ni-əsō i kəsō kə́ to ɓōĺ ngá̰ý, de kə́ a asə sɔl̄ kemən gətóo. Adə̄ əda na: Kɔ́ɔ̄ɓē á̰a̰ rɔ̄sɔl̄ yāḿ, tɔdɔ̄ madə̄ ba̰ā̰ḿ tetəm̄ rɔ̄ɔ̄.

NŌŌ RƆ̄ 1:2

Ni nōō ba tél nōō dan ndɔ̄ɔ́, man̄ nōō nɔ̄l̄ kumən malang. Dan ngé sāān gə̄ tə́ malang ní, nge kə́ asə sɔl̄ kemən gətóo. Dɔ madə̄ njə̄rān gə̄ malang ndigə̄nal dɔn tə́ kɔ̄ɔ́. Nin̄ télən̄ madə̄ ba̰ā̰n gə̄.

IJAI 51:23

M-ā m-ə́lan kem jī ngé rāāī yá̰á̰ kə́ tōr̄ tə́. Kété ní, nin̄ ədaīn̄ na: Ī-to nang tə́! J-a jə-njə̄rā dɔí tə́. Adə̄ kété ní, ī-rāā dūnīí i loo kə́ yā mān̄ tū tə́ tə́, i róbə́ ń nin̄ njə̄rān̄ tū tə́ ní tə́.

PĀ GƏ̄ 42:9

Kadaá anī Kɔ́ɔ̄ɓē rāā kem majə seḿ, ndɔ̄ɔ́ anī m-ə̄nī pā yān ō, m̄-ndɔ̄ȳ Nə́ɓā ń i nge rāā kadə̄ m̄-ndi kə kumḿ ní ō.

PĀ GƏ̄ 42:3

Kəndā Nə́ɓā rāām̄, kəndā Nə́ɓā kə́ ndi kə kumneé rāām̄. I rə́ngáý tə́ n m-ā m-údə kem kújə yān tə́ yā ra ta kumən tə́ ní?

PĀ GƏ̄ 12:5

Nin̄ ń ədan̄ na n-gerə̄n̄ najə̄ kə́ yā kəda tetəń rɔ̄ɔ̄, na n-a n-əhɔn̄ tadə́ ngan̄g adə̄ na n-ɓōlə́n̄ deē alé ní.

Makətūbə̄ yā Job 35:9

Dan ń rāā kum de gə̄ ndoō tə́ i ngá̰ý al̄ naā anī, de gə̄ nōōn̄ rɔ̄də́. De gə̄ əgan̄ kɔŕ tɔdɔ̄ de kə́ bo gə̄ rāān̄də́ yá̰á̰ kə́ tōr̄.

IJAI 59:7

Njasí gə̄ a a̰ȳn̄ ngɔ̄də̄ a aw̄n̄ i kə̄ rāā yá̰á̰ kə́ majaĺ tə́, de gə̄ kə́ najə̄ gətóo dɔdə́ tə́ ní, sḭḭ̄ ī-tewleī loo tɔ̄l̄də́ tə́. Sḭḭ̄ ī-gírī i rāā yá̰á̰ kə́ majaĺ ngóy. Loo malang ń sḭḭ̄ ī-teēī tū tə́ ní, i yá̰a̰ rāā kə́ kə dɔ́nɔ́ n a to tū tə́ ō, i yá̰á̰ kə́ nujən a to tū tə́ ō.

MALASI 3:18

Loo ń noō tə́, ā á̰a̰ī dɔ nin̄ ngé koō taḿ gə̄ kə ngé koō taḿ aĺ gə̄ ō, ngé rāā kəla kadə̄m̄ gə̄ kə ngé rāā kəla kadə̄ḿ aĺ gə̄ ō.

MALASI 2:13

Yá̰á̰ kə́ rang ń ī-rāāī ɓáý to̰ ní n toó: Sḭḭ̄ ī-nōōī adə̄ man̄ kumsí taā loo dɔ loo tun̄ yá̰a̰ yā Kɔ́ɔ̄ɓē tə́. Sḭḭ̄ ī-nōōī kə man̄ kumsí ō, ī-nōōī rɔ̄sí ō, tɔdɔ̄ yá̰a̰ ndējə̄ yāsí gə̄ ní, usə Kɔ́ɔ̄ɓē dɔ tə́ to̰ aĺ ō, ni ndigədə́ to̰ aĺ ō.

KOHELET 7:7

Rāā deē ndoō tə́ rāā adə̄ de kə́ nge kum kedə̄ tél mbóo deē ō, yá̰á̰ kə́ kadə̄ deē karī rāā adə̄ kem de kə́ majə tél kə́ majaĺ ō.

Gōsə̄ najə̄ gə̄ 28:3

Ngol de gə̄ kə́ ndoō rāān ō kə́ a kəsa tətō ngé tɔ́gə gətóo gə̄ ō, to i tītə̄ man̄ kə́ edə kə tɔ́gɔ́, kə́ nujə kōō gə̄ adə̄ yá̰a̰ kəsa gətóo ō.

PĀ GƏ̄ 142:4

Dan ń tɔ́gə́ḿ ur̄ wak kɔ̄ɔ́ ní, loo ń m-ā m-āw̄ kə̄ tū tə́ ní ḭ̄ ī-ger̄. Əyān̄ gūmbə̄ dɔ róbə́ ń m-úń tə́ ní.

PĀ GƏ̄ 80:5

Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý, ā ī-rāā wōn̄g ta ndɔ̄ȳ yā gír deē yāí gə̄ tə́ i bátə́ ta kə́ ra?

PĀ GƏ̄ 69:20

Ī-ger̄ kadə̄ tájə̄mə̄n̄ ō, rɔȳmə̄n̄ aĺ ō, əlan̄ rɔ̄sɔl̄ kə́ ngá̰ý dɔḿ tə́ ō, madə̄ kɔ̄lə̄ḿ gə̄ ḭḭ ran̄ noḿ tə́ malang ō.

Makətūbə̄ yā Job 16:4

Ré yá̰á̰ ń rāām̄ toó i sḭḭ̄ n rāāsí anī, mā m-ā m-ɔ̄r̄ najə̄ i tītə̄ yāsí beé ō. M-ā m-ɔ́y najə̄ gə̄ kə̄ naā tə́ yā kɔr̄ sesí majə ngá̰ý ō, m-ā m̄-wél̄ dɔḿ yā kɔjəń kadə̄ kumḿ o̰o̰m̄ ō,

Makətūbə̄ yā Job 6:29

I beé ní ādī asəsí! M-ə́dá ɓáý to̰, ādī asəsí! Najə̄ ní i najə̄ kə́ dɔ háĺ kə́ gōtə́ yāḿ mā tə́.

NGÉ SARYA 4:3

Púsə rɔ̄ɔ̄ yān kə́ rāā kə gindīí gə̄ i ɓú ndōhó, adə̄ ni-rāā kum ngán Israel gə̄ ndoō tə́ ɓāl̄ kutə jōó. Loo ń noō tə́ ngán Israel gə̄ nōōn̄ kə̄ dɔ Kɔ́ɔ̄ɓē tə́.

NDŪ NAJƏ̄ 28:48

Kɔ́ɔ̄ɓē a əla kə madə̄ ba̰ā̰í gēé kadə̄ ī-rāā kəla yādə́ kə ɓōó ō, kə kəndā maná ō, kə rɔ̄í kə́ karīí ō, kə yá̰a̰ malang kə́ ndoōī ō. A ənī njúkə gində̄ míndí tə́ bátə́ kadə̄ ī-gətóoń.

NDŪ NAJƏ̄ 28:33

Gír de gə̄ kə́ ī-ger̄də́ aĺ gə̄ a əsan̄ kōō yāí, kə yá̰a̰ malang ń ī-rāā á teē ní. Ngáńdáńg de gə̄ a əsanī i mbée ō, a rāānī majaĺ ō.

Teē Ngán Israel gə̄ 1:22

Banī Parao̰ əda gír deē yān gə̄ malang na kə tə́nīn̄ ngán Hebəro kə́ dəngam gə̄ kɔ̄ɔ́ kum bā tə́ ba kə əya̰n̄ ngé kə́ dəyá̰ gə̄.

Teē Ngán Israel gə̄ 1:16

ré kə a taān̄ ngán gə̄ gír dəyá̰ Hebəro gə̄ tə́ anī, kə a̰a̰n̄ ngōn̄ ń a teē ní majə. Ré i ngōn̄ kə́ dəngam anī, kə rāān̄ kadə̄ oy, ba ré i ngōn̄ kə́ dəyá̰ anī kə əya̰nən̄ kadə̄ ndi kə kumneé.

Gōsə̄ najə̄ gə̄ 19:7

Deē ń i nge ndoō ní ngákó̰o̰n gə̄gē ba im̄nən̄ ɓáý anī madə̄ tan gə̄ tá a əya̰nən̄ kɔ̄ɔ́ aĺ i ba̰ý. Dan ń ni a ɔr̄ najə̄ ɓáý ní anī nin̄ gətóon̄ kɔ̄ɔ́.

KOHELET 8:9

M-á̰á̰ yá̰a̰ gə̄ ń noō malang i dan ń m-ā m-ə̄ndań ma̰ȳ yá̰á̰ malang ń de gə̄ a rāān̄ dɔ nang tə́ ní, dan ń deē əndā tɔ́gən dɔ deē madə̄n tə́ yā rāānneé yá̰á̰ kə́ majaĺ ní.

JEREMI 16:7

Deē a gān̄g ta mápa yā kadə̄ nge kəhɔ ndoō yā sɔlə̄ń kemən najə̄ ngeen de kə́ oy tə́ aĺ ō, deē a ndējə̄n kópə sɔl̄ kem najə̄ yā bɔbə̄n deē aláa kó̰o̰n de kə́ oy tə́ aĺ ō.

NŌŌ RƆ̄ 1:16

Yá̰á̰ ń m̄-nōō najə̄n tə́ ní, rāā adə̄ kumḿ tetə man̄ jōó mbak. Tɔdɔ̄ nge sɔl̄ kemḿ ō, nge kadə̄m̄ tɔ́gə kadə̄ m̄-ndiń kə kumḿ ō, ɔr̄ rɔ̄n kɔ̄ɔ́ sa̰y rɔ̄ḿ tə́. Ngánə́ḿ gə̄ nujən̄ kɔ̄ɔ́, tɔdɔ̄ tɔ́gə madə̄ ba̰ā̰ḿ tɔȳ yādə́.

Makətūbə̄ yā Job 9:24

Loo ń ré ɓē kógə̄ḿ əsō jī ngé tɔ̄l̄ de gə̄ tə́ anī, Nə́ɓā utə̄ kum ngé gān̄g sarya gə̄ kɔ̄ɔ́! Ré i ni n rāā yá̰á̰ ń noō aĺ anī, i náā kə́ rang tā?

PĀ GƏ̄ 69:21

Ndū ń tájə̄mə̄n̄ ní nujə kem sák sák ō, rāām̄ kə moyo̰ó̰ ō, m-ə̄ndā kemḿ dɔ ka̰a̰ deē kógə̄ḿ loo rāā yá̰á̰ kə́ ɔjə kadə̄ kumən o̰o̰n tām̄ yāḿ tə́ ō, banī m-á̰a̰ deē loo rāā yá̰á̰ kógə̄ḿ tə́ alé. m̄-sāā deē kógə̄ḿ kə́ kadə̄ sɔl̄ kemḿ, banī m-ə́nge alé.

PĀ GƏ̄ 142:5

Á̰a̰ loo kə̄ dām̄ kadəḿ kə́ ko̰ó̰ tə́ ba ə̄ndā ma̰ȳ á̰a̰ā̰: De kógə̄ḿ kə́ gerə̄m̄ gətóo! Loo kə́ rang kə́ kadə̄ m̄-ɓɔ̄ɔ̄ rɔ̄ḿ tū tə́ to̰ ní gətóo. De kə́ usən̄ dɔḿ tə́ gətóo!

Gōsə̄ najə̄ gə̄ 29:2

Dan ń de kə́ súmūú gə̄ ndin̄ dɔ ɓē tə́ anī de gə̄ rāān̄ rɔ̄nel̄, ba ré i nge kem ndul n o̰o̰ ɓē anī de gə̄ nōōn̄ rɔ̄də́.

NŌŌ RƆ̄ 1:17

Siyo̰ ɔy jīn kə̄ dɔɔ́ rāań ɓɔ́, banī de kə́ sɔl̄ kemən gətóo. Kɔ́ɔ̄ɓē adə̄ ndūn ngé rɔ̄ɔ̄ Jakob gə̄ ń ndi gīrə̄n̄ gidən ní kadə̄ ənīnən̄ rɔ̄ɔ̄. Jerusalem tél yá̰á̰ kə́ yḛr dɔ dandə́ tə́.

AMOS 3:9

Ī-raī dɔ kújə́ kə́ majə gə̄ kə́ kem ɓē kə́ Asdod tə́ ō, kə́ kem ɓē kə́ Ejiptə tə́ ō, ə́gaīń kɔŕ ə́daī na: Ɔ́siī dɔsí naā tə́ loo kə́ kḭḭ kə̄ dɔɔ́ gə̄ kə́ Samari tə́ tə́, ba á̰a̰ī yá̰á̰ kə́ a̰a̰ gō naā aĺ gə̄ kə́ ngá̰ý ō, yá̰á̰ kə́ rāā kə dɔ́nɔ́ kə́ i kemeé.

AMOS 3:10

Kɔ́ɔ̄ɓē əda na: Yá̰a̰ malang ń yá̰a̰ rāā kə́ kə dɔ́nɔ́ reēń ō, ɓogə reēń ō ní, ngé kə́rēý gə̄ kánə̄n̄ kə̄ dɔ naā tə́ kem kújə yādə́ kə́ majə gə̄ tə́. De gə̄ ń noō nin̄ gerə̄n̄ rāā yá̰á̰ kə́ rɔ̄kum alé.