KOHELET 3:8 - Bibəl ta Sar̄

⁸ Kum mbang kə́ yā tárəń naā i noó ō, ni kə́ yā kimə̄ń naā i noó ō. Kum mbang kə́ yā rɔ̄ɔń i noó ō, ni kə́ yā ndiń kə lápə́yaá i noó ō.

Bible sar

⁸ Kum mbang kə́ yā tárəń naā i noó ō, ni kə́ yā kimə̄ń naā i noó ō. Kum mbang kə́ yā rɔ̄ɔń i noó ō, ni kə́ yā ndiń kə lápə́yaá i noó ō.

KOHELET 3:8 Referans Kwoze

EPEJƏ 5:25

Sḭḭ̄ dəngam gə̄, ī-táriī nə̄yá̰sí gə̄ tītə̄ ń Kərist tárəń ngé taā kemən gə̄ adə̄ ni-adə̄ rɔ̄n tām̄ yādə́ tə́ ní.

Najə̄ kə́ Majə yā Jeju ń Luk ndang ní 14:26

Deē ń reē gōḿ tə́ kanjə̄ kəndām̄ mā kó tár yān tə́ kété no bɔbə̄n tə́ ō, kó̰o̰n tə́ ō, nə̄yá̰n tə́ ō, ngánən gə̄ tə́ ō, ngákó̰o̰n kə́ dəngam gə̄ tə́ ō kə́ dəyá̰ gə̄ tə́ ō, aláa kanjə̄ kəndām̄ mā kó tár yān tə́ kété no ngarān̄g kum rɔ̄n nəkɔ́ tə́ ō ní, ni-asə tél nge ndóō yá̰a̰ yāḿ alé.

1 MBAN̄G GƏ̄ 5:4

Gō nang malang ń deē ra bā Opəratə tə́ anī i dɔ dáń mbɔ́r ɓē kə́ geleé tə́ kə no ɓēé ní, Salomo̰ o̰o̰ ɓē dɔ tə́, əla gír i Tipəsa bátə́ Gaja. Adə̄ mban̄g gə̄ kə́ gō nang ń noō tə́ malang əlan̄ dɔdə́ gíŕ tɔ́gə yān tə́. Lápə́ya to dɔ dán Salomo̰ tə́ kə madə̄ ɓēn gə̄ malang ń ndin̄ gīrə̄n̄ gidən ní.

JEJU TEĒ KUM JA̰A̰ 2:2

m̄-ger̄ yá̰a̰ rāāí gə̄ ō, kəla kə́ ngan̄g gə̄ ń ī-rāā ní ō, kəhɔ rɔ̄ tɔgə yāí ō, m̄-ger̄ kadə̄ ásə́ tə́gā taí dɔ ngé kem ndul gə̄ tə́ aĺ ō, ngé gə̄ ń ədan̄ na nin̄ na i ngámbang kəla gə̄ ba nin̄ i ngámbang kəla gə̄ aĺ ní, ḭ̄ ī-nāādə́ ba á̰a̰ā̰ kadə̄ nin̄ i ngé sor̄ gə̄ ō.

PĀ GƏ̄ 139:21

Kɔ́ɔ̄ɓē, ngé kimí gə̄ ní loo kadə̄ m-īm̄də́ aĺ i ba̰ý? ngé rɔ̄ɔ̄í gə̄ ní loo kadə̄ m̄-kídə̄də́ aĺ i ba̰ý?

2 YÁ̰A̰ GƏ̄ 19:2

Yehu nge koō ta kə́ ngōn̄ Hanani tə́nī tan ba ədan na: I nge kem ndul n ā ī-rāā seneé ō, i madə̄ ba̰ā̰ Kɔ́ɔ̄ɓē gə̄ n ā ī-gḛydə́ ō ní a? Wōn̄g yā Kɔ́ɔ̄ɓē a reē dɔí tə́ najə̄ yá̰a̰ gə̄ ń noō tə́.

TITƏ 2:4

Ādə̄ ndóōn̄ dəyá̰ kə́ na̰y mandə ɓáý gə̄ loo tár ngaadə́ gə̄ ō, ngáńdə́ gə̄ ō,

EPEJƏ 3:19

Ā ī-gerī tár yā Kərist kə́ tɔȳ yá̰a̰ gə̄ malang, loo ń noō tə́ Nə́ɓā a ndi kemsí tə́ kə taá kə ta kūl̄ Ndílneé.

EJEKIEL 16:8

m̄-tél m̄-mān̄ kadií tə́ ɓáý to̰, anī m-á̰a̰ kadə̄ ásə dəyá̰ kɔ̄ɔ́. Loo ń noō tə́ ní m-ə̄nī kūbə̄ yāḿ dɔí tə́ m-utəń gidə rɔ̄í, tām̄ rɔ̄í i karī. m̄-túbə̄ m-ɔ́jəń kadə̄ m-ā m̄-ra dɔ ndūḿ kə́ m-ə̄nī m-ādī tə́ ō, m-ə́hɔ madə̄ naā seí ō. Loo ń noō tə́ ní ḭ̄ i yāḿ, adə̄ mā Kɔ́ɔ̄ɓē Nə́ɓā m-ə́da nge ń noō kə̄ ndágá.

JOJUE 11:23

Adə̄ Jojue taā dɔ nang malang tītə̄ ń Kɔ́ɔ̄ɓē ədań Moijə ní. Gō tə́ anī ni-adə̄ Israel gə̄ dɔ nang ní kə́ yādə́ tə́. Ni-gán̄g dɔ nang ní adə̄də́ i kə dɔ gír ɓē yādə́ gēé. Loo ń noō tə́ ngán Israel gə̄ ndin̄ lɔm tām̄ rɔ̄ɔ̄ gətóo tā.

PĀ GƏ̄ 101:3

Yá̰á̰ ń i yá̰á̰ kə́ gōtə́ aĺ ní, m-ā m̄-mbel yā ka̰ā̰ aĺ bátə́. M-ā m̄-kídə̄ túy taā kem, ni a ndetə kadəḿ ngɔr aĺ bátə́.

Gōsə̄ najə̄ gə̄ 13:5

De kə́ súmūú gḛy najə̄ kə́ sor̄ alé, nge kem majaĺ i de kə́ nge kəla rɔ̄sɔl̄ dɔ deē tə́ ō, nge kənda rī deē loo tə́ ō.

2 MBAN̄G 9:22

Loo ń Joram əla kumən lap a̰a̰ń Yehu anī dəjen najə̄, əda na: Yehu, loo to karī a? Yehu tél ədan na: Ī-dəjem̄ najə̄ kə́ beē i tām̄ rí tə́? Dan ń kó̰ó̰í Jesabel a rāā kaya ō, a rāā kəga ō, jīn tə́ laā ɓáý ní, loo a to karī i ba̰ý?

PĀ GƏ̄ 105:25

Ni tūr̄ kem de kə́ Ejiptə gə̄, rāā adə̄ nin̄ imə̄n̄ gír deē yān gə̄ ō, rāā adə̄ nin̄ rāān̄ ngé kəla yān gə̄ gōtə́ aĺ ō.