KOHELET 3:7 - Bibəl ta Sar̄

⁷ Kum mbang kə́ yā kadə̄ deē rə̄ya̰ń kūbə̄ i noó ō, ni kə́ yā kadə̄ deē urə̄ń i noó ō. Kum mbang kə́ yā kadə̄ deē ndiń tan mbóo i noó ō, ni kə́ yā kadə̄ deē ɔrə̄ń najə̄ i noó ō.

Bible sar

⁷ Kum mbang kə́ yā kadə̄ deē rə̄ya̰ń kūbə̄ i noó ō, ni kə́ yā kadə̄ deē urə̄ń i noó ō. Kum mbang kə́ yā kadə̄ deē ndiń tan mbóo i noó ō, ni kə́ yā kadə̄ deē ɔrə̄ń najə̄ i noó ō.

KOHELET 3:7 Referans Kwoze

MISE 7:5

Ī-lōōī taā kem de kə́ ngɔr rɔ̄sí tə́ gə̄ ō, ī-lōōī taā kem madə̄ tasí gə̄ ō. Á̰a̰ī majə! Ī-lōōī teē tasí, ká i ta kum nə̄yá̰sí tə́ gə̄gē, ī-lōōī teē tasí.

AMOS 5:13

Kum mbang ń toō i kum mbang yā yá̰á̰ kə́ to kum kaȳ aĺ. I tām̄ najə̄ ń toō tə́ n nge kum kedə̄ ndi kə tan kə́ mbóó ní.

KƏLA RĀĀ 4:20

Jḭḭ tā anī yá̰á̰ ń j-a̰ā̰ ō, j-oō ō ní, j-asə kɔgə̄ rɔ̄jí kəda alé.

NŌŌ RƆ̄ 3:28

Majə kadə̄ deē tél kə̄ gogə́ sḛ́ý ba ndi tan mbóo, tɔdɔ̄ i yá̰á̰ ń Kɔ́ɔ̄ɓē əndā dɔn tə́ ní.

JOEL 2:13

Ī-rə́yā̰ī dan wursí gə̄ ba i kūbə̄ kə́ rɔ̄sí tə́ gə̄ alé. Ī-téliī kə̄ rɔ̄ Kɔ́ɔ̄ɓē Nə́ɓā yāsí tə́. Ni i Nə́ɓā kə́ kumən a o̰o̰n ō, kə́ nge kem majə ō, kə́ a rāā wōn̄g láẃ aĺ ō, kə́ nge ra dɔ ndūn tə́ ō. Ni i nge lōō gír yá̰á̰ kə́ to kum kaȳ aĺ ń núm̄ kemən tə́ yā rāā kə deē ní ō.

ESTER 7:4

Tɔdɔ̄ igən̄ seḿ mā ō gír deē yāḿ gə̄ ō kadə̄ nujən̄ sejí kɔ̄ɔ́! Kadə̄ tɔ̄lə̄n̄jí kadə̄ jə-gətóo kɔ̄ɔ́! Ré igən̄ sejí i kadə̄ jḭḭ i ɓəlo gə̄ anī m-ā m̄-ndi taḿ mbóo. Tɔdɔ̄ rāā kum naā ndoō tə́ kə́ tītə̄ ń noō asə kadə̄ deē njə́ɓań mban̄g alé.

AMOS 8:3

Najə̄ ń mā Kɔ́ɔ̄ɓē Nə́ɓā m-ə́dá ní n toó: Ndɔ̄ ń m-ā m̄-rāāń yá̰á̰ tə́ ní, gōsə̄ pā kə́ dəyá̰ gə̄ kə́ ndogó mbangāá a ənīn̄ i pā yo. Nin̄ gə̄ a ton̄ ngá̰ý. A tə́nīn̄ nīń de gə̄ kə̄ loo gə̄ tə́. Loo a to kúkúkú kə̄ loo gə̄ tə́ malang.

JEREMI 8:14

I tām̄ rí tə́ á jə-ndiī kanjə̄ kɔdə rɔ̄jí ní? Ɔ́siī dɔsí naā tə́. J-udiī kem loo ndi kə́ ngan̄g gə̄ tə́, ba j-awī loo alé. Tɔdɔ̄ Kɔ́ɔ̄ɓē Nə́ɓā yājí ɔgə̄jí ndɔ́tə̄ loo. Ni-adə̄jí man̄ kə́ yḛl kum adə̄ j-a̰ȳī. Kə́ rɔ̄kum tə́ ní, jə-rāāī majaĺ kə Kɔ́ɔ̄ɓēé.

IJAI 36:21

De gə̄ malang ń ran̄ noó ní, ran̄ i kə tadə́ kə́ mbóó, deē ədadə́ yá̰á̰ kógə̄ḿ alé. Tām̄ mban̄g Ejekias ədadə́ na kə deē kə əda najə̄ alé.

PĀ GƏ̄ 39:2

M-ə́da na: M-ā m-ə́hɔ rɔ̄ḿ tɔgə kadə̄ m-ɔ̄r̄ najə̄ kə́ majaĺ alé. Ré m̄-ndi loo kə nge kem nduluú anī, m-ā m-ə́hɔ taḿ dɔ najə̄ tə́.

2 MBAN̄G 6:30

Mban̄g oō gotə najə̄ ń dəyá̰ ɔjən ní beē anī, əhɔ kūbə̄ kə́ rɔ̄n tə́ rə̄yā̰. Ba dan ń ni a mān̄ i dɔ ndogə̄ mbal̄ tə́ ní, de kə́ kem ɓēé gə̄ malang a̰a̰n̄ kadə̄ mban̄g o̰ō̰ kūbə̄ sákə̄ rɔ̄n tə́ gír kūbə̄ madə̄ gə̄ tə́, adə̄ kūbə̄ ní ɔdə ndārə́n.

2 MBAN̄G 5:7

Dan ń mban̄g kə́ Israel tə́ tə́da makətūbə̄ ní oy anī, rə̄yā̰ kūbə̄ kə́ rɔ̄n tə́ ba əda na: Mā i Nə́ɓā á m-ásə rāā kadə̄ de gə̄ oyn̄ ō, ajən̄ ō a, á deē ń noō əla kə deē kadə̄ m̄-rāā bānjə̄ kə́ rɔ̄n tə́ kadə̄ ur̄ ní. Beé ní á̰a̰ī ō, ī-gerī ō, kadə̄ a sāā i taḿ!

1 MBAN̄G GƏ̄ 21:27

Dan ń Akab oō najə̄ gə̄ ń noō anī, ni rə̄yā̰ kūbə̄ kə́ rɔ̄n tə́ ba əla kūbə̄ sákə̄ rɔ̄n tə́ adə̄ ɔdə ndārə́n ō, ndi ɓō tām̄ yā Nə́ɓā tə́ ō, a to i kə kūbə̄ sákə̄ ní ō, a njə̄rā i jəke jəke ō.

2 SAMUEL 3:31

Dabid əda Joab nin̄ kə de gə̄ malang ń i seneé ní na: Ī-*rə́yā̰ī kūbə̄ yāsí gə̄ ō, ō̰ō̰ī kūbə̄ kəhɔ ndoō ō, ə́wāīneé ndoō Abner. Mban̄g Dabid nəkɔ́ njə̄rā gō nīń Abner tə́.

2 SAMUEL 1:11

Dabid əhɔ ta kūbə̄ kə́ rɔ̄n tə́ rə̄yā̰ ō, de kə́ gōn tə́ gə̄ malang rə́yā̰n̄ kūbə̄ gə̄ kə́ rɔ̄də́ tə́ ō.

TA KƏLA 44:34

Ré ngōn̄ ní i seḿ aĺ anī, loo kadə̄ m̄-tél m-āw̄ rɔ̄ bɔbə́ḿ tə́ gətóo. m̄-gḛy kadə̄ yá̰á̰ kə́ to kum kaȳ aĺ rāā bɔbə́ḿ ta kumḿ tə́ alé.

TA KƏLA 44:18

Anī Juda ndɔ́tə̄ kə̄ rɔ̄ Jəjep tə́ ngɔr, əda na: Ɓɔ́ kɔ́ɔ̄ ɓē gə̄, ādə̄ m-ə́daī najə̄ kógə̄ḿ laā, ba ādə̄ wōn̄g rāāī dɔḿ tə́ alé, tɔdɔ̄ ḭ̄ i nge kɔsə kum gotə Parao̰.

TA KƏLA 37:34

Jakob rə̄yā̰ kūbə̄ kə́ rɔ̄n tə́ ō, do̰ō̰ kūbə̄ sákə̄ gírən tə́ ō, ba nōō ngōnə̄n dan i ngá̰ý.

TA KƏLA 37:29

Ruben tél reē ta bəlo taā man̄ ndī ní tə́, anī ənge Jəjep kemeé alé. Ni rə̄yā̰ kūbə̄ kə́ rɔ̄n tə́

KƏLA RĀĀ 9:39

Piyer ɔtə kə̄ ta jī tə́ beē aw̄ sedə́. Dan ń reē ɔtə̄ anī aw̄n̄ seneé kem kújə́ kə́ dɔɔ́ tə́. Dəyá̰ kə́ ngaa koy gə̄ reēn̄ rɔ̄n tə́ malang kə nōó. Nin̄-ɔjənən̄ kūbə̄ kə́ kemeé gə̄ ō, kə́ dɔ madə̄ tə́ gə̄ ō ń Dorkas ur̄də́ dan ń ndiń dandə́ tə́ ní.

JEREMI 36:24

Mban̄g ō, ngé kəla yān gə̄ ō ń oōn̄ najə̄ gə̄ ń toō ní ɓōĺ rāādə́ aĺ ō, rə̄yā̰n̄ kūbə̄ kə́ rɔ̄də́ tə́ gə̄ aĺ ō.

Makətūbə̄ yā Job 2:13

Gō tə́ anī, ndin̄ nang tə́ dɔ dā̰ nang tə́ seneé, bátə́ ndɔ̄ sīrí kanjə̄ kədan najə̄ kógə̄ḿ. Tɔdɔ̄ nin̄ a̰a̰n̄ kadə̄ wur kɔl yān ní i wur kɔl kə́ al̄ naā ngá̰ý.

KOHELET 3:6

Kum mbang kə́ yā kadə̄ deē sāań yá̰a̰ i noó ō, ni kə́ yā kadə̄ tḭ̄ḭń ta yá̰a̰ kɔ̄ɔ́ i noó ō.

1 SAMUEL 10:16

Saul ədan na ədadə́ na i najə̄ yā kó̰o̰ kərō gə̄ ń əngen̄də́ ní, ba əda bɔbə̄n ní najə̄ kə́ dɔ kəndān mban̄g tə́ ń Samuel ɔr̄ seneé ní alé.

2 MBAN̄G 18:36

De gə̄ malang ran̄ kə tadə́ kə́ mbóó, ədan̄ najə̄ kógə̄ḿ alé, tɔdɔ̄ mban̄g adə̄də́ ndūn, ədadə́ na kə dalən̄ alé.