KOHELET 3:3 - Bibəl ta Sar̄

³ Kum mbang tɔ̄l̄ deē i noó ō, kum mbang kajə deē i noó ō. Kum mbang tɔ̄ɔ̄ kújə i noó ō, kum mbang kəndā kújə i noó ō.

Bible sar

³ Kum mbang tɔ̄l̄ deē i noó ō, kum mbang kajə deē i noó ō. Kum mbang tɔ̄ɔ̄ kújə i noó ō, kum mbang kəndā kújə i noó ō.

KOHELET 3:3 Referans Kwoze

1 SAMUEL 2:6

I Kɔ́ɔ̄ɓē n i nge rāā kadə̄ deē oy ō, ndi kə kumneé ō ní. I ni n i nge kaw̄ kə deé ɓádá ō, teē seneé ō ní.

JEREMI 45:4

Kɔ́ɔ̄ɓē ɔr̄ najə̄ seí i tītə̄ ń toō beē: Yá̰á̰ ń m̄-rāā ní, mə̄kɔ́ m̄-nujəń ō, yá̰á̰ ń m-ə̄ndā ní, mə̄kɔ́ m-ɔ̄r̄ kɔ̄ɔ́ kə gír ngəraá ō, m̄-rāā tītə̄ ń noō kə gō loo gə̄ malang.

JEREMI 31:28

Gō tə́ anī, m-ā m-ə̄ndā kumḿ gíŕdə́ tə́ majə yā rāādə́ tītə̄ loo rāā ɓē ō, yā kəndādə́ tītə̄ loo kəndā kāgə̄ ō. A to i tītə̄ ń m-ə̄ndań kumḿ gíŕdə́ tə́ majə kété á m̄-ró̰yń yá̰a̰ kə ngəraá ō, m̄-ɓéngə̄leń ō, m̄-bótə̄yoń ō, m̄-nujəń ō, m̄-rāań yá̰á̰ kə́ tōr̄ ō ní. Najə̄ ń Kɔ́ɔ̄ɓē əda ní n noó.

NDŪ NAJƏ̄ 32:39

Beé ní ī-gerī kadə̄ i mā n i Nə́ɓā ní, ba nə́ɓā kə́ rang gətóo kadəḿ tə́. I mā n i nge rāā kadə̄ deē oy ō, kadə̄ deē ndi kə kumneé ō ní. I mā n i nge kadə̄ deē do ō, nge rāā kadə̄ do edə̄ ō ní. I náā n asə taā deē jīḿ tə́ kəya̰n dɔɔ́ ní?

IJAI 44:26

Banī najə̄ kɔr̄ ngé kəla yāḿ gə̄ ní, m̄-rāā adə̄ reē udə gírí ō, najə̄ ń ngé kaw̄ kəla yāḿ gə̄ ədan̄ kété ní, m̄-rāā adə̄ ojə yá̰á̰ kə́ majə ō. m̄-ɔ̄r̄ najə̄ kə́ dɔ Jerusalem tə́ m-ə́da na: De gə̄ a télən̄ yā ndi kemeé gogə́ ɓáý, ndogə̄ mbal̄ yān gə̄ ń nujən̄neé kɔ̄ɔ́ ní, a télən̄ yā kun dɔɔ́ gogə́. M-ɔ̄r̄ najə̄ kə́ dɔ ɓē gə̄ yā Juda tə́ m-ə́da na: A télən̄ yā rāā ɓē ní gogə́.

1 SAMUEL 2:25

Ré i deē n rāā majaĺ kə deē madə̄neé anī Nə́ɓā a ra danaá yā mā̰ȳdə́ naā tə́. Ba ré deē rāā majaĺ i kə Kɔ́ɔ̄ɓēé anī, i náā n asə ra danaá yā mā̰ȳ ní? Banī najə̄ ń bɔbə̄də́ ədadə́ ní usədə́ alé. Tɔdɔ̄ Kɔ́ɔ̄ɓē ndigə kadə̄ oyn̄.

EJEKIEL 13:14

Ndogə̄ mbal̄ ń ī-rāāī hō̰rō̰ gidə tə́ ní, m-ā m̄-mbəren yā kənīn nang tə́ kɔ̄ɔ́. M-ā m̄-bótīyōn dɔɔ́ bátə́ kadə̄ ugə̄ nang tə́, adə̄ de gə̄ a a̰a̰n̄ gírən ń əndān̄ ní. Ndogə̄ mbal̄ ní a əsō ō, mbal̄ kə́ tū tə́ gə̄ a rējə̄n̄sí ō. Loo ń noō tə́ ā ī-gerī kadə̄ Kɔ́ɔ̄ɓē i mā.

JEREMI 33:6

Banī m-ā m̄-rāā kadə̄ ni-tél ndi majə gogə́ tītə̄ kə́ kété. M-ā m̄-rāā kadə̄ rɔ̄də́ ngan̄g ō, ndin̄ lɔm ō, kanjə̄ kadə̄ yá̰á̰ kógə̄ḿ a̰ȳ ndíĺdə́.

JAKARI 1:12

Anī nge kaw̄ kəla yā Kɔ́ɔ̄ɓē əda na: Kɔ́ɔ̄ɓē nge rāā dɔ rā̰ ō dɔ nang ō, ń toō asə ɓāl̄ kutə sīrí kɔ̄ɔ́ tā n ī-rāań wōn̄g kə ɓē kə́ Jerusalem ō, kə gotə ɓē kə́ rang gə̄ kə́ Juda tə́ ō ní. Ní, ā ī-ngóō i ɓāl̄ kóndóńg ɓáý to̰ tá kadə̄ kumií a o̰o̰īń tām̄ yān tə́ ní?

TA KƏLA 9:6

Deē ń ɓōkə́ mósə deē nang tə́ ní, gáŕ kadə̄ i deē n a ɓōkə́ mósə deē ń noō nang tə́ ō ní, tɔdɔ̄ Nə́ɓā əndā deē adə̄ teēn.

IJAI 6:10

Ūtə̄ ta róbə kemdə́ kɔ̄ɔ́, ī-rāādə́ ādə̄ mbīdə́ oō loo aĺ ō, ādə̄ kumdə́ a̰a̰ loo aĺ ō. Ɔ̄gə̄ kumdə́ ka̰a̰ loo ō, ɔ̄gə̄ mbīdə́ koō loo ō, ɔ̄gə̄ kemdə́ ger̄ najə̄ ō, i beé tá a tūrə̄n̄ rɔ̄də́ kə̄ rɔ̄ḿ tə́ aĺ ō, a əngen̄ rɔ̄ ngáā aĺ ō.

JEREMI 1:10

Ī-ger̄ majə kadə̄ m-ādī ndū ko̰o̰ ɓē dɔ nápar de gə̄ tə́ ō, dɔ ɓē ko̰o̰ gə̄ tə́ ō ɓōólaā, yā kadə̄ ī-ró̰ȳ kə ngəraá ō, ī-ɓéngə̄lē ō, yā kadə̄ ī-nujəń ō, ī-bótə̄yō̰ ō, yā kadə̄ ī-rāā ō, ə̄ndā ō.

Makətūbə̄ yā Aje 1:2

Adə̄ Aje əda najə̄ ń toō ń Kɔ́ɔ̄ɓē əndā tan tə́ ní, ni-əda na: Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: De gə̄ ń noó ədan̄ na kum mbang kə́ yā tél rāań kújə́ kə́ bo yāḿ gogə́ n toó aĺ ɓáý.

Makətūbə̄ yā Aje 1:4

Ní, dan ń kújə́ kə́ bo yāḿ i kɔkərɔ gə̄ kə́ kán̄ dɔ naā tə́ bing ní, i kum mbang kə́ yā ndiń kem kújə yāsí kə́ rāā kadə̄ majə gə̄ tə́ a?