KOHELET 3:22 - Bibəl ta Sar̄

²² Loo ń noō tə́ m-ə̄ndā ma̰ȳ m-á̰a̰ kadə̄ yá̰á̰ kə́ só tə́ yā deē i ger̄ yá̰á̰ kə́ teē tū kəla yān tə́. Núsən yān ń kadə̄ rāā rɔ̄nelə̄n ní n noó. Tɔdɔ̄ yá̰á̰ ń a to gotən tə́ ní i náā n a aw̄ seneé yā kadə̄ a̰ā̰ ní?

Bible sar

²² Loo ń noō tə́ m-ə̄ndā ma̰ȳ m-á̰a̰ kadə̄ yá̰á̰ kə́ só tə́ yā deē i ger̄ yá̰á̰ kə́ teē tū kəla yān tə́. Núsən yān ń kadə̄ rāā rɔ̄nelə̄n ní n noó. Tɔdɔ̄ yá̰á̰ ń a to gotən tə́ ní i náā n a aw̄ seneé yā kadə̄ a̰ā̰ ní?

KOHELET 3:22 Referans Kwoze

KOHELET 2:24

Yá̰á̰ kə́ majə tām̄ yā deē tə́ gətóo, ngá̰ý anī i kəsa yá̰a̰ ō ka̰ȳ ō, i kadə̄ kem deē nelə̄n loo rāā kəla yān tə́ ō ngóy. Mā m-á̰a̰ kadə̄ nge ń noō i Nə́ɓā n i nge kadə̄ deē kə jīneé ō.

KOHELET 10:14

De kə́ mbóo ɔr̄ najə̄ asən alé. Deē ndul ger̄ ta kə́ bírí alé. I náā n a ɔjən yá̰á̰ kə́ a rāā yá̰a̰ gotən tə́ ní?

KOHELET 8:7

Yá̰á̰ ń a rāā yā rāā yá̰á̰ ní ni ger̄ alé. I náā n a ədan ndɔ̄ ń yá̰á̰ ní a rāań yá̰á̰ ní?

KOHELET 6:12

Tɔdɔ̄ i náā n ger̄ yá̰á̰ kə́ só tə́ tām̄ yā deē tə́ dan ń deē ndiń kə kumneé ní, dan ń deē ndiń ndɔ̄ ngá̰ý kanjə̄ kumən ní? Deē a mān̄ tītə̄ ndíl kāgə̄ beé. I beé ní i náā n a ɔjə deē yá̰á̰ ń ndɔ̄ń tə́ a to gotən tə́ dɔ nang tə́ ní?

KOHELET 11:9

Balsáa, dan ń ḭ̄ i ngōn̄ ɓáý ní ī-rāā rɔ̄nel̄. Ādə̄ kemií i kə rɔ̄nelēé kem ndɔ̄ gə̄ ń dɔí dūúń ɓáý tə́ ní. Ī-rāā yá̰a̰ malang ń kemií gḛy ní, yá̰a̰ malang ń nelī ní. Banī majə kadə̄ ī-ger̄ káý káý kadə̄ Nə́ɓā a gān̄g sarya dɔ yá̰a̰ rāāí gə̄ tə́ kógə̄ḿ kógə̄ḿ malang.

MATIYE 6:34

I beé ní ī-lōōī sōl̄ tām̄ yā ndɔ̄ kə́ bírí tə́: Ndɔ̄ kə́ bírí a sōl̄ tām̄ yān nəkɔ́ tə́. Tápə̄ kə́ tām̄ yā ndɔ̄ kə́ ɓōólaā tə́ asə ta ndɔ̄ kə́ ɓōólaā tə́.

DANIEL 12:13

Ḭ̄ Daniel, āw̄ bátə́ ūgə̄ ta tɔ̄l̄ ta tə́. Ā ɔ̄r̄ koō ō, ḭ́ḭ dɔɔ́ yā taā yá̰a̰ kəndā nja yāí ta ngóy ndɔ̄ gə̄ tə́ ō.

KOHELET 9:12

Tām̄ deē ndul ger̄ ndɔ̄ ń yá̰á̰ kə́ majaĺ a teēń dɔn tə́ ní alé. Yá̰á̰ kə́ to kum kaȳ aĺ a teē dɔn tə́ rétə́ gēé kānjə̄ kadə̄ ni ger̄ gō, tītə̄ kānjə̄ ń réng əhɔn aké yel̄ ń gūmbə̄ əhɔn ní.

KOHELET 8:15

Mā m-ə́da na rɔ̄nel̄ i yá̰á̰ kə́ majə. Tɔdɔ̄ yá̰á̰ kə́ dɔ nang tə́ kə́ majə tām̄ yā deē tə́ i kəsa yá̰a̰ ō, ka̰ȳ ō, rāā rɔ̄nel̄ ō ngóy, yá̰á̰ kə́ rang kə́ majə gətóo. Yá̰á̰ ń kadə̄ utə̄ gō kəla yā deē kə dɔ ndɔ̄ gə̄ ń Nə́ɓā adə̄n kadə̄ ndiń kə kumneé dɔ nang tə́ ní n noó.

Makətūbə̄ yā Job 14:21

Rɔȳn̄ i ngánən gə̄ a ger̄ aĺ ō, əlan̄ i rɔ̄sɔl̄ dɔdə́ tə́ a usən aĺ ō.

NDŪ NAJƏ̄ 28:47

Ré ə́ngé yá̰á̰ ngá̰ý ba ɔ́də rāā kəla yā Kɔ́ɔ̄ɓē Nə́ɓā yāí kə rɔ̄nelēé aĺ ō, kə kemií kə́ nelī ngá̰ý aĺ ō anī,

NDŪ NAJƏ̄ 12:18

Ā ə́saī i ta kum Kɔ́ɔ̄ɓē Nə́ɓā yāsí tə́ ngóy, kem loo ń ni a gə̄rā tə́ ní. Ā ə́saī i kə ngáńsí kə́ dəngam gə̄ ō, kə́ dəyá̰ gə̄ ō, ngé kəla yāsí kə́ dəngam gə̄ ō, kə́ dəyá̰ gə̄ ō, kə ngán Lebi gə̄ ń ndin̄ kem ɓē yāsí gə̄ tə́ ní ō. Ā ī-rāāī rɔ̄nel̄ ta kum Kɔ́ɔ̄ɓē Nə́ɓā yāsí tə́ dɔ kəla malang ń ī-rāāī tə́ ní.

NDŪ NAJƏ̄ 12:7

Ā ə́saī i loo ń noō tə́ ta kum Kɔ́ɔ̄ɓē Nə́ɓā yāsí tə́ kə gír kojə yāsí gēé. Ā ī-rāāī rɔ̄nel̄ dɔ kəla malang ń ī-rāāī á Kɔ́ɔ̄ɓē Nə́ɓā yāsí rāā adə̄ teē yá̰á̰ tə́ ní.

KOHELET 2:18

Kəla malang ń m̄-rāā kum mbang tə́ ō, m-ā m-ə́ya̰ kɔ̄ɔ́ yā kadə̄ deē ń a un gotəḿ ō ní, nelə̄m̄ aĺ ngá̰ý.

KOHELET 7:14

Ndɔ̄ kə́ majə tə́ anī ādə̄ rɔ̄í nelī, banī ndɔ̄ yá̰á̰ kə́ to kum kaȳ aĺ tə́ anī á̰a̰ā̰: Nge ń toō ō nge ń noō ō ní, Nə́ɓā rāādə́ i yā kadə̄ deē gerə̄ń yá̰á̰ ń a to gotən tə́ ní alé.

KOHELET 9:6

Tár yādə́ ō, kim̄ yādə́ ō, kəndā ni yādə́ ō ní oyn̄ naā tə́ sedə́ ō, yá̰a̰ malang ń a rāā yá̰a̰ dɔ nang tə́ ní, nin̄ a gətóon̄ kum tə́ i kə́ bátə́ gə̄ tə́ ō.