KOHELET 3:20 - Bibəl ta Sar̄

²⁰ Yá̰a̰ malang a aw̄ i kə̄ loo kə́ kógə̄ḿ beē tə́. Yá̰a̰ malang teē i dɔ nang tə́ ō, a tél i kə̄ gogə́ dɔ nang tə́ ō.

Bible sar

²⁰ Yá̰a̰ malang a aw̄ i kə̄ loo kə́ kógə̄ḿ beē tə́. Yá̰a̰ malang teē i dɔ nang tə́ ō, a tél i kə̄ gogə́ dɔ nang tə́ ō.

KOHELET 3:20 Referans Kwoze

TA KƏLA 3:19

Ā ī-rāā kəla kə́ úy tətō tá ā ə́ngeń yá̰a̰ kəsa yāí, bátə́ kadə̄ ā ī-tél āwń gogə́ tū nán̄g ń ī-teē tū tə́ ní tə́. Tɔdɔ̄ rāāīn̄ i kə nángāá, adə̄ ā ī-tél kə̄ gogə́ gíŕ nángāá.

Makətūbə̄ yā Job 34:15

yá̰a̰ malang kə́ ndi kə kumneé a oy i gidə kógə̄ḿ beē ō, deē ndul a tél i bumbə́ru gogə́ kɔ̄ɔ́ ō.

KOHELET 12:7

Loo ń noō tə́ ní dā̰ rɔ̄ deē téĺ nán̄g gogə́ tām̄ rāānən̄ i kə nángāá ō, koō deē tél kə̄ rɔ̄ Nə́ɓā tə́ gogə́, tām̄ i Nə́ɓā n i nge kəla koō kem deē tə́ ní ō.

KOHELET 9:10

Yá̰a̰ malang ń jīí asə rāā ní ī-rāā kə tɔ́gí īkɔ́. Tām̄ loo kə́ ɓádá ń de kə́ koy gə̄ i tū tə́, á ā ī-rāā yā kaw̄ gōdə́ tə́ tū tə́ ní, kəla aláa ka̰a̰ gō tóo kəla kə́ majə aké kə́ majaĺ, aláa ger̄ yá̰a̰, aláa kum kedə̄ gətóo tū tə́.

KOHELET 6:6

Ká ré deē ngeé ń toō ndiń kə kumneé ɓāl̄ dūbú nja jōó gə̄gē, a ger̄ yá̰á̰ ń i ndi dan majaá ní alé. Tɔdɔ̄ yá̰a̰ malang ń ndi kə kumneé ní ta tɔ̄l̄ tan i yo.

KOHELET 3:21

I náā n ger̄ kadə̄ koō ndi kə kumuú yā de gə̄ a ḭḭ i kum kə̄ dɔɔ́, ba yā dā̰ gə̄ a risə i kum kə̄ nang tə́ ní?

PĀ GƏ̄ 104:29

Ī-tūr̄ gidií kɔ̄ɔ́ tadə́ tə́ anī ɓōĺ rāādə́ ngá̰ý. Ɔ̄r̄ koō yāí kə́ kemdə́ tə́ kɔ̄ɔ́ anī oyn̄ mak ō, télən̄ bumbə́ru gogə́ ō.

Makətūbə̄ yā Job 7:9

Tītə̄ ń kil̄ man̄ a tḭ̄ḭń kɔ̄ɔ́ ō, a gətóoń kɔ̄ɔ́ ō ní, deē aw̄ ɓádá i yā teē to̰ alé.

DANIEL 12:2

De gə̄ ń to a ɓīīn̄ ɓádá ní, ngá̰ý gə̄ a ndólə̄n̄. Kə́rēý gə̄ ndólə̄n̄ i tām̄ yā ndi kə kumuú kə́ ndándáńg tə́ ō, kə́rēý gə̄ i tām̄ yā rɔ̄sɔl̄ kə́ ngá̰ý tə́ ō, yá̰á̰ kə́ majə ka̰ā̰ aĺ ngá̰ý kə́ a to ngándáńg tə́ ō.

PĀ GƏ̄ 49:14

De gə̄ ń əndān̄ kemdə́ dɔ rɔ̄də́ nin̄ kɔ́ gə̄ tə́ ngá̰ý ní, yá̰á̰ ń a rāādə́ ní n toó, de gə̄ ń nel̄də́ koō najə̄ kɔr̄də́ nin̄ kɔ́ gə̄ ngá̰ý ní, ta tɔ̄l̄ tadə́ a to i beé:

Makətūbə̄ yā Job 17:13

I rí n kə m-ə̄ndā kemḿ dɔ tə́ ní? Loo kə́ ɓádá i loo ndi yāḿ. M-ə̄nā yá̰a̰ toḿ i kum til tə́.

TƏ́DA 27:13

Ā á̰a̰ā̰ ba gō tə́ anī ā óy kɔ̄ɔ́ tītə̄ yā ngōkó̰ó̰í Aaro̰.

TA KƏLA 25:17

Ismael rāā ɓāl̄ ɓú kə kutə mətá kə kalən kə́ sīrí anī, oy aw̄ gō kaan gə̄ tə́.

TA KƏLA 25:8

Ni-ndi kə rɔ̄nelēé dɔ ɓə́gan tə́ ngá̰ý pá tá kadə̄ oy aw̄ gō kaan gə̄ tə́ ɓáý.

Makətūbə̄ yā Job 30:24

Ba dan ń ni sə́ra jīn anī, ɓāŕ yá̰a̰ a rāā yá̰á̰ kógə̄ḿ alé, ká ré yá̰á̰ kə́ tōr̄ rāādə́ adə̄ əgan̄ kɔŕ gə̄gē anī, ɓāŕ yá̰a̰ a rāā yá̰á̰ kógə̄ḿ alé.

PĀ GƏ̄ 103:14

Ni ger̄ yá̰á̰ ń ló̰ȳ əɓān̄neéjí ní majə, əga kemən kadə̄ jḭḭ̄ i bumbə́ru.

KOHELET 7:2

Kaw̄ kem kújə́ kə́ de gə̄ a nōōn̄ yo tū tə́ tə́ i só tə́ tɔȳ kaw̄ kem kújə́ kə́ rāān̄ yá̰a̰ kəsa kə́ ngá̰ý kemeé tām̄ yā de gə̄ tə́ tə́. Yo i loo ń de gə̄ malang, a tɔ̄lən tadə́ tū tə́ ní adə̄ majə kadə̄ de gə̄ ń ndin̄ kə kumdə́ ɓáý ní əndān̄ kemdə́ dɔ tə́ majə.

Makətūbə̄ yā Job 14:10

Banī go̰ rɔ̄ɔ̄ a oy ō, a sitə̄ ō. Dan ń koō deē teē kɔ̄ɔ́ ní ni i rá?

Makətūbə̄ yā Job 14:14

banī deē ń oy ní a tél yā ndi kə kumneé ɓáý a? Ré i beé anī, dan ń m-ā m̄-rāāń kəla ngámbá ní, m-ā m̄-ngóō bátə́ kadə̄ nge mān̄ gírə́ḿ reē unəń ta kəla kə̄ kété.