KOHELET 3:2 - Bibəl ta Sar̄

² Kum mbang kə́ yā kadə̄ ojən̄neé deē i noó ō, kum mbang kə́ yā kadə̄ deē oyń i noó ō. Kum mbang kəhɔ kāgə̄ i noó ō, ní kə́ yā kɔr̄ń kɔ̄ɔ́ i noó ō.

Bible sar

² Kum mbang kə́ yā kadə̄ ojən̄neé deē i noó ō, kum mbang kə́ yā kadə̄ deē oyń i noó ō. Kum mbang kəhɔ kāgə̄ i noó ō, ní kə́ yā kɔr̄ń kɔ̄ɔ́ i noó ō.

KOHELET 3:2 Referans Kwoze

HEBƏRO 9:27

Ba tītə̄ ń əndān̄ dɔ deē ndul gə̄ tə́ kadə̄ oyn̄ nja kógə̄ḿ beē, ba gō tə́ anī Nə́ɓā gān̄g sarya dɔdə́ tə́ ní,

Makətūbə̄ yā Job 14:5

Dan ń ndɔ̄n kə́ kadə̄ ndiń kə kumneé i kə́ kɔjə kɔ̄ɔ́ ɓá ní, dan ń ḭ̄ ɔ́jə kutə nāā gə̄ kə́ tām̄ yān tə́ kɔ̄ɔ́ ɓá ō, ə́ja nja loo kə́ kadə̄ ni mān̄ dɔ tə́ aĺ ɓá ō ní,

GALATƏ 4:4

Ba dan ń ndɔ̄ asə anī, Nə́ɓā əla Ngōnən adə̄ de kə́ dəyá̰ ojən. Ojənən̄ i dan ń ndū najə̄ i kɔ́ɔ̄ yá̰a̰ gə̄ tə́ ní,

Najə̄ kə́ Majə yā Jeju ń Luk ndang ní 1:20

Banī ḭ̄ ī-taā kem najə̄ yāḿ ń a rāā yá̰a̰ i kə kum mbangneé ní alé. I beé ní kəlā ndo̰o̰í a do̰ō̰ naā adə̄ ā ásə kɔr̄ najə̄ alé, bátə́ ndɔ̄ ń yá̰a̰ gə̄ ń noō a rāān̄neé yá̰á̰ tə́ ní.

MATIYE 15:13

Anī ni-tél ədadə́ na: Kāgə̄ malang ń Bɔbə́ḿ kə dɔ rā̰ tə́ əndā aĺ ní, a ró̰ȳn̄də́ kɔ̄kə́.

JA̰A̰ 16:21

Loo ń dəyá̰ rāā kem ní, ni i kə rɔ̄ katāá tām̄ ndɔ̄ yān ugə̄, banī loo ń ojə ngōn̄ oy anī, əga kemən dɔ wur kɔl yān tə́ alé. Rɔ̄n nelə̄n, tɔdɔ̄ ni-ojə deē ndul kógə̄ḿ dɔ nang tə́.

IJAI 38:1

Dan ngeé ń noō tə́ ní, mo̰y kógə̄ḿ kə́ a rāā deē anī a oy i mbée əhɔ Ejekias. Ijai nge koō ta kə́ ngōn̄ Amots reē go̰ō̰n tə́ ba əda najə̄ ń Kɔ́ɔ̄ɓē əndā tan tə́ ní na: Ī-kán̄ yá̰a̰ yāí gə̄ ī-tə́ndādə́ kə gōó. Tām̄ ā óy, gír ndi kə kumuú yāí gān̄g.

Makətūbə̄ yā Job 7:1

I kəla ɓəlo n deē reē rāāá dɔ nang tə́ ní aĺ a? Ndɔ̄ yāḿ gə̄ i tītə̄ ndɔ̄ yā ngé rāā kəla ngámba gə̄ beé,

KƏLA RĀĀ 7:20

I dan ngeé ń noō tə́ n ojən̄ Moijə ní. Ni i ngōn̄ kə́ majə deē ngá̰ý ta kum Nə́ɓā tə́. Ətōnən̄ nāā mətá kem kújə yā bɔbə̄n tə́.

KƏLA RĀĀ 7:17

Yá̰á̰ ń Nə́ɓā ənī míndən yā rāā kadə̄ Abəraham ní, dan ń kum mbang kə́ yā rāań kadə̄n dɔ i ngɔr anī, kutə ngán Israel gə̄ reē i ngá̰ý, tɔdɔ̄ ojən̄ naā ngá̰ý dɔ nang kə́ Ejiptə tə́.

JA̰A̰ 7:30

Lon ń noō tə́ nin̄-sāān̄ kəhɔn, ba deē kógə̄ḿ kə́ əla jīn yā kəhɔnəń gətóo, tɔdɔ̄ kum mbang yān asə aĺ ɓáý.

Najə̄ kə́ Majə yā Jeju ń Luk ndang ní 1:36

Á̰a̰ā̰, ngeeí Elijabet ń de gə̄ ədan̄ na i dəyá̰ kə́ kujə ní, ndān̄ ngōn̄ dɔ ɓə́gan tə́ rāā nāā mehḛ́ kɔ̄ɔ́.

Najə̄ kə́ Majə yā Jeju ń Luk ndang ní 1:13

Banī de kə́ dɔ rā̰ tə́ ní ədan na: Jakari, ī-ɓōĺ alé, tɔdɔ̄ Nə́ɓā oō ndɔ̄ȳ yāí. Nə̄yá̰í Elijabet a ojə ngōn̄ kə́ dəngam yā kadī, ba ā ə̄ndā rīn na i Ja̰a̰.

MATIYE 13:41

Ngōn̄ Deē a əla deē yān kə́ dɔ rā̰ tə́ gə̄ kadə̄ a ɔrə̄n̄ yá̰a̰ malang ń a rāā de gə̄ adə̄ a tə́sōn̄ kum majaĺ tə́ ní ō, a ɔrə̄n̄ ngé rāā majaĺ gə̄ kɔ̄ɔ́ kem Ɓē ko̰o̰ yān tə́ ō, yā

JEREMI 45:4

Kɔ́ɔ̄ɓē ɔr̄ najə̄ seí i tītə̄ ń toō beē: Yá̰á̰ ń m̄-rāā ní, mə̄kɔ́ m̄-nujəń ō, yá̰á̰ ń m-ə̄ndā ní, mə̄kɔ́ m-ɔ̄r̄ kɔ̄ɔ́ kə gír ngəraá ō, m̄-rāā tītə̄ ń noō kə gō loo gə̄ malang.

JEREMI 1:10

Ī-ger̄ majə kadə̄ m-ādī ndū ko̰o̰ ɓē dɔ nápar de gə̄ tə́ ō, dɔ ɓē ko̰o̰ gə̄ tə́ ō ɓōólaā, yā kadə̄ ī-ró̰ȳ kə ngəraá ō, ī-ɓéngə̄lē ō, yā kadə̄ ī-nujəń ō, ī-bótə̄yō̰ ō, yā kadə̄ ī-rāā ō, ə̄ndā ō.

IJAI 54:1

Jerusalem, ḭ̄ ń kété ə́nge ngōn̄ aĺ ní, ī-rāā rɔ̄nel̄! Ḭ̄ ń kété ī-ger̄ rɔ̄tōr̄ yā kojə ngōn̄ aĺ ní, úr kɔĺ rɔ̄nel̄ ō, ādə̄ rɔ̄í nelī ō. Kɔ́ɔ̄ɓē ədaī na: Ḭ̄ dəyá̰ ń əya̰īn̄ kɔ̄ɔ́ ní, ngɔlaā ngání gə̄ i ngá̰ý tɔȳ yā dəyá̰ ń ngaan i noó ní.

IJAI 38:5

aw̄ kə əda Ejekias najə̄ ń toō kə ədan na: Mā Kɔ́ɔ̄ɓē Nə́ɓā yā kaaí Dabid, m-ōō ndɔ̄ȳ yāí ō, m-á̰a̰ man̄ kumií ō. M-ā m-ə̄nī ndɔ̄í ta madə̄ tə́ kadə̄ asə ɓāl̄ kutə gidə i mí!

PĀ GƏ̄ 113:9

Ni-əndā dəyá̰ kə́ kujə kújə ngaawaá, ba rāān adə̄ téĺ kó̰ó̰ ngán gə̄ kə́ rɔ̄n nelə̄n. Aleluya!

PĀ GƏ̄ 52:5

Ī-gḛy yá̰á̰ kə́ majaĺ tɔȳ yá̰á̰ kə́ majə ō, ī-gḛy najə̄ kə́ sor̄ tɔȳ najə̄ kə́ rɔ̄kum ō.

Makətūbə̄ yā Job 14:14

banī deē ń oy ní a tél yā ndi kə kumneé ɓáý a? Ré i beé anī, dan ń m-ā m̄-rāāń kəla ngámbá ní, m-ā m̄-ngóō bátə́ kadə̄ nge mān̄ gírə́ḿ reē unəń ta kəla kə̄ kété.

2 MBAN̄G 4:16

Elije əda na: Kem ɓāl̄ kə́ gogə́ tə́, kə nāā kə́ beē ń a ə̄tō ngōn̄ kə́ dəngam jīí tə́. Dəyá̰ ní əda na: I beé alé, kɔ́ɔ̄ḿ, deē yā Nə́ɓā, ī-lōō kədam̄ mā nge kəla yāí kə́ dəyá̰ najə̄ kə́ sor̄.

1 MBAN̄G GƏ̄ 13:2

Ni un ndūn kə̄ dɔɔ́ ədań najə̄ yā Kɔ́ɔ̄ɓē dɔ loo tun̄ yá̰á̰ tə́, əda na: Loo tun̄ yá̰a̰! Loo tun̄ yá̰a̰! Ōō najə̄ ń Kɔ́ɔ̄ɓē əda ní! A ojən̄ ngōn̄ kə́ dəngam dan de gə̄ kə́ gír kojə yā Dabid tə́. A əndān̄ rī ngōn̄ ní na i Josias. Ni a tɔ̄l̄ ngé tun̄ yá̰a̰ gə̄ kə́ loo ndɔ̄ȳ gə̄ tə́ ń a róōn̄ yá̰á̰ kə́ kotə majə gə̄ dɔí tə́ ní, yā róōdə́ horoó dɔí tə́. A róōn̄ kə̄ngā de gə̄ horoó dɔí tə́ ō.

1 SAMUEL 2:5

Ngé gə̄ ń kété nin̄ i ngé ndān̄ gə̄ ní, ngɔlaā a rāān̄ i kəla yā madə̄də́ gə̄ yā kəngeń yá̰a̰ kəsa, ba ngé gə̄ ń kété nin̄ i ngé ɓō gə̄ ní, ngɔlaā rāān̄ kəla to̰ alé. Dəyá̰ kə́ kujə gə̄gē ojə ngán gə̄ nja sīrí, ba rɔ̄ kó̰ó̰ ngáń kósə ndəlē kɔ̄ɔ́.

NDŪ NAJƏ̄ 34:5

Adə̄ Moijə ń i nge kəla yā Kɔ́ɔ̄ɓē ní oy i loo ń noō tə́, dɔ nang kə́ Moab tə́, tītə̄ ń Kɔ́ɔ̄ɓē ədań ní.

TA KƏLA 47:29

Dan ń Israel a rāā yā koy ngɔr anī, ɓāŕ ngōnə̄n Jəjep ədan na ré nelə̄n seneé anī, kə ɔjən tár yān ō, ra dɔ ndūn tə́ ō, kə lōō dubə̄n Ejiptə tə́. Ré gḛy rāā yá̰á̰ ń na n-dəjen toó anī, kə əla jīn gír bingə̄n tə́, kə túbəń kə adə̄n.

TA KƏLA 17:21

Banī m-ā m-ə́hɔ madə̄ naā i kə Isaak ń Sara a ojən yā kadī ní. A ojən dan kə́ tītə̄ ń toō tə́ kem ɓāl̄ ń a reē tə́ toō.

Gōsə̄ najə̄ gə̄ 24:27

Ī-tɔ̄l̄ ta kəla yāí kə́ ndágá gə̄ ō, ī-ndɔr̄ ndɔr̄ yāí kə́ kadə̄ ī-sāā kōō kə́ tū tə́ ō, pá tá ī-gír̄ dɔ rāā kújə yāí tə́ ɓáý.

IJAI 28:24

Nge ndɔr̄ ń gḛy dubə̄ kōō ní, a un kum mbang yān malang yā ndɔrə̄ń alé, yā kɔrə̄ń ɓaȳ aĺ ō, yā tɔ̄ɔń nán̄g ta kɔsə aĺ ō.